豹龜痾爛便便點算？

bobo2011

豹龜便便好爛好似水咁，食乜野可以令到便便令d,平時是食蕃薯葉，加草粒！唔該師兄師姐!

小豹

有冇杜蟲??

khip

bobo2011 發表於 2012-10-26 00:57
豹龜便便好爛好似水咁，食乜野可以令到便便令d,平時是食蕃薯葉，加草粒！唔該師兄師姐! ...

~~ 陸龜唔識....

不過如果爛便，姐係有輕鬆腸胃炎，我覺得應該停食1-2日等清清胃部和腸既食物，先再俾新野佢食

小豹

khip 發表於 2012-10-26 01:01
~~ 陸龜唔識....

不過如果爛便，姐係有輕鬆腸胃炎，我覺得應該停食1-2日等清清胃部和腸既食物，先再俾新 ...

爛便唔一定係腸胃炎

bobo2011

回復 小豹 的帖子

我朋友俾左隻豹龜我暫養，我吾知有冇杜蟲，關事嗎？其實佢便便十次有一兩次係令的，但好多時都係爛同水，但佢又好為食食好多，我有俾BAC 但都好爛，好可憐！晤知點算，唔該你！

khip

小豹 發表於 2012-10-26 01:13
爛便唔一定係腸胃炎

哦...我諗住同人都係差唔多，因為食得太多消化唔晒，腸胃又差導致.....

bobo2011

我覺得爛便好似有問題，好慘！我見到你地養陸龜d便便吾係咁，

bobo2011

回復 小豹 的帖子

佢唔痾會唔會病死架？

小豹

bobo2011 發表於 2012-10-26 01:26
回復 小豹 的帖子

佢唔痾會唔會病死架？

試下浸電解！！！！

8ways

不況轉換吓食材, 唔好只餵單一種類, 嘗試混合多種唔同菜草, 令龜可以吸收不同營養.

jennyho

之前我隻豹豹都係先痾爛便便，跟住唔多食野，我驚牠有事，所以帶牠睇醫生，原來生蟲！我起初都以為是腸胃炎，但並不是，如果阿豹唔食野，都係去睇醫生好d!

bobo2011

回復 jennyho 的帖子

今日又痾爛好水好似人腸胃炎甘，我再上網爬文有d話停食幾曰等佢清下先，跟住先再餵牧草同糧，我又吾知係咪有蟲，但佢又好好胃口，點算好怕佢有病！

bobo2011

回復 8ways 的帖子

甘有乜啱佢食呢？唔該師兄！

jennyho

回復 bobo2011 的帖子

是否養一隻，如果唔係，就先隔離下，觀察下，睇下牠進食情況，是好胃口，還是吃一兩啖!

8ways

bobo2011 發表於 2012-10-27 23:32
回復 8ways 的帖子

甘有乜啱佢食呢？唔該師兄！

比龜食嘅菜能夠買得到有不下10幾種, 以我為例, 基本一包itanlian mix (market place有賣) 入面包括有 raddicchio, wild rocket, black cabbage, frize, red and green coral, peas 等, 千萬不要有菠菜成份, 再去街市買有葉頂嘅紅蘿蔔, 葉只要少量唔要葉骨部份, 因太硬, 紅蘿蔔磨溶. 車錢, 白菜葉(只要綠色部份), 介菜 (都係只要較軟身部份),蒲公英葉, 白蘿蔔葉, 羽衣甘藍, 茼蒿,桑葉 已經都有成十幾種, 全部先等天然亁水, 唔要曬乾, 唔係啲菜會好易爛,  全部切碎或磨溶, 混埋一齊放入保鮮袋或盒存放在雪櫃菜隔分一星期食. 因為你隻龜仲細, 一定食唔晒咁多菜, 所以唔好全部切晒, 估計適當份量, 有多留返自己食. 餵食時間都好重要, 早上餵係最好, 你早上出門前餵, 無人阻住佢地食, 會食得自然好多. 生果我都會買新鮮, 草莓(切細粒), 南瓜蓉, 蘋果(切細粒), 香蕉(少量), 其他都係人食, 生果一星期1-2次已經足夠.

tortoisepang

回復 8ways 的帖子

我隻豹都係屙屎水,激爛淚臭呀! 擔心是腸胃炎,但係呢家胃口好好的!

請問itanlian mix 菜係咪大部分陸龜都鐘意食? 你的意思係咪裡面有波菜要抽出來?
ching推介的龜沙拉,可以放在雪櫃幾耐? 一星期ok嗎?
thanks~

tszlok526

8ways 發表於 2012-10-28 08:05
比龜食嘅菜能夠買得到有不下10幾種, 以我為例, 基本一包itanlian mix (market place有賣) 入面包括有 rad ...

非常好的食譜，

8ways

tortoisepang 發表於 2012-11-8 01:22
回復 8ways 的帖子

我隻豹都係屙屎水,激爛淚臭呀! 擔心是腸胃炎,但係呢家胃口好好的!

屙屎水又激臭, 小心腸胃炎或有寄生蟲.
陸龜, 箱龜, 鬆師都可以餵同一餐單. 有機會ITALIAN MIX 內加入菠菜, 所以要留意盒上成份標籤, 發現有菠菜一定要抽出來. 盒裝菜如果較乾身, 可以放雪櫃菜格至少一個星期.

rexleung

我隻豹龜d便便好爛,我平時比生菜佢食,一日兩餐,有冇問題?如有,我應比咩佢食,我有盒糧
(HERP CRAFT TORTRISE FOOD)日本牌子的,有冇問題?我見佢仲係好活潑,但d屎真係好爛,好驚,佢仲好細咋,得30G重。各位師兄姐麻煩幫幫忙

rexleung

另外我不時都會放佢出龜箱比佢走下玩下,咁有冇問題?