龜生蛋週期問題

kuiccca

初來報到,大家好,祝人龜健康^_^.
本人養了一隻草龜~5年, 舊年牠呢個時候(7月)第一次生蛋先知係雌性龜.

今年4月尾見牠痾左一次好似熟蛋白o既野,之後個缸又有d黏液(好似就生咁),最後都無生到
5月中,牠唔食o野左成2個星期,一驚之下就帶牠睇獸醫,佢force feed左d 狗糧(recover用)加杜蟲葯,又照x-ray見到有蛋,就俾左d放鬆子宮藥我地force feed牠(自己灌葯過程真係慘不忍睹).
6月,換左nutrafin max俾佢加埋浸reptoboost,佢又有返胃口,一直到而家好好動生猛又為食.之後再覆診打催生針到現在都無生到蛋. dr話打多次之後都唔得就開刀......

想問下一般的草龜生蛋period幾耐?會唔會唔定時間?(例如有時一年,有時年半..)
或者有無類似經驗分享

因為真係唔想開刀取蛋(我覺得超傷),怕牠死得仲痛仲快
唔該哂呀各位

龜痴

呢個 STORY 可能幫到你...

http://www.hkturtle.org/forum.ph ... C%E7%94%9F%E9%87%9D

MoiB

你好呀
我分享我今年o既case你睇下呀
我隻細龜其實年年都有生開蛋,平時都好少留意佢幾時作動扭patpat幾時生蛋
舊年因為隻大龜病o左,開始多o左留意佢地o既活動o既"時間",
3月中發現細龜開始有作動o既跡象,扭o左2個星期pat pat之後突然停o左冇再扭
咁我帶大龜覆診時問醫生,醫生話佢扭就代表可以生蛋,佢突然唔扭又冇蛋生應該有事,所以聽完醫生的意見就帶佢俾醫生check下
照o左xray有5隻蛋,醫生話叫我觀察下,如果佢唔食o野就有問題要催生啦
如事者去到5月尾,我見龜龜開始胃口冇咁好,食少o左,同埋冇以前咁精神活潑,有o的擔心
醫生話打催生針8成係生到ga,所以唔等佢自己生,帶o左佢去打針
點知打完都冇蛋......醫生話再打多次,俾o左開子宮藥阿龜食,再唔生就要開刀
於是我搵返舊年影阿龜蛋o的相,發現佢6 月尾生...於是決定等到6月尾
而我每個星期都帶佢去公園行下......其實佢都肯食o野,只係食少o左
佢去到公園就好生猛係咁走
於是,係6月佢分別係隔一個星期生一粒
最後o個隻蛋上星期生埋la~
終於都放下心頭大可~唔洗又再打針同做手術
初初怕佢o的蛋stay係身體入面太耐有問題
先咁擔心帶佢睇醫生
我覺你個case有o的似我隻龜呀
不過如果你隻龜唔食o野就真係擔心o的呀
如果佢仲有胃口我覺得可以試下等下~同佢做多o的運動咁

另外我隻大龜就試過開刀拎蛋~
即日就出院la~
係照顧麻煩o左o的~
希望你隻龜龜冇事快o的生蛋la~

金仔

回復 kuiccca 的帖子

你的故事我有經歷, 完全一樣, 是唔是Dr. Terry Yu? 我最後是無開刀, 因為我後來做左個陰暗的角落給她, 之後放一箱 "濕水苔" 20cm 厚到, 50cm x 80cm 大, 她就自己爬入去生, 我想她不生, 是因為她找不到合適地方, 你的龜有無四處找, 四處鑽? 有的話可能情況跟我的龜一樣, 我建議你可以先試我的方法, 唔得再找doctor, 記得唔好監視她, 給她安靜環境, 她就會靜靜地爬入去生, 我的龜今年都一樣照生在那兒.

kuiccca

多謝大家o既分享!感謝!
-to龜痴, 明日會去中鋒老闆度交流下先
-to MoiB, 我隻龜而家都好好胃口同生猛,不過唔敢喂太多因為唔知會唔會令d蛋大哂仲難生,呢幾日放假會同佢出去沙灘玩下
-to金仔, yes,same Dr...咩係"濕水苔"?個SIZE都好似幾大.隻龜成日都周圍鑽,我有個假山洞等牠時不時都入去,又係喎,舊年都係我地唔理佢無啦啦生幾粒,唔望佢又生幾粒

KEEP UPDATE!

MoiB

回復 kuiccca 的帖子

我都係睇Dr.Yu呀~你試下再俾o的時間龜龜
我都覺得自己太心急帶佢睇醫生呀
佢仲肯食就應該ok呀...

金仔

回復 kuiccca 的帖子

去賣花的花鋪, 買 "水苔" - $10, 照講就得, "水苔"本身是 一pack 一pack  乾身的, 回家後弄濕它, 就是濕水苔, 生蛋台 size 方面, 深度要有你隻龜的長度, 因為龜龜是 斜斜地 直身 生的,  大小方面 ??cm x ??cm, 5 隻你隻龜的size,  本來我不是用水苔, 是用"孵化泥", 但因為我隻龜無法在"孵化泥"上弄出個洞來, 她於是不生, 於是試下 濕水苔, 她就生了,  你弄個 台階 給她, 她就會自己 靜靜地爬入去, 蛋生出來 24hrs 後, 再拿去 孵化泥 孵, 我今年重成功有小龜呢!

ben103285

金仔 發表於 2012-7-12 10:58
回復 kuiccca 的帖子

去賣花的花鋪, 買 "水苔" - $10, 照講就得, "水苔"本身是 一pack 一pack  乾身的, 回 ...

龜快生蛋之前  食慾係唔係變差?

李小姐

我隻龜 1st 年生蛋時, 食慾由少變唔食, 第2年, 食慾就無變少, 重生蛋生到慣左, 到時間就自己爬去生, 我都是俾個隱閉位她生, 都是用水苔, 第2年, 她重唔洗找, 直接爬去生蛋位, 1st 年她由少食變唔食大約2個月, 大約是march - may, 唔食約3星期, 你去找醫生, 他實話你隻龜有事, 但我覺得龜年年生, 本身有問題的應不多, 你試下估下隻龜想點, 就下她先, 唔得再想, 我覺得開刀始終是大手術, 不好太容易就行這步, 你都唔想隻龜辛苦

金仔

我隻龜快生蛋之前  食慾係有變差 但並不太差, 另外, 龜生蛋period幾耐, 會唔會唔定時間的問題, 我隻 是一年生 4 次, 大約 一個月一次, 5-8月,  年年有, 暫時未停, "水苔" 我買十幾pack先夠用

金仔

但是...., 好似近幾年她食慾無差到? 是頭 2 年 先差d,

ben103285

金仔 發表於 2012-7-12 12:37
我隻龜快生蛋之前  食慾係有變差 但並不太差, 另外, 龜生蛋period幾耐, 會唔會唔定時間的問題, 我隻 是一年 ...

我隻果核龜摸到有蛋  已經交配左  要等幾耐先會生?

kuiccca

謝謝咁多位意見,update下先
星期三由港島去到荃灣西搵中鋒兄傾下交流下
最後買左d泥,催生針x3,入返d龜糧,又去葯房買金油(便利通!)
我個plan:
1) 放隻龜入泥先等佢熟習下先,睇下會唔會自己生
2) 隔一段唔得就再打d便利通入牠patpat度再放o係泥缸等
3) 再唔得就force feed埋之前醫生o既子宮放鬆葯+step2)
4) last,自己幫牠打催生針+step2,3

牠現在伏左o係泥度hea緊,但又唔見佢挖洞,早晚放佢入淺水缸飲水同餵食(少量)
可能未慣泥或唔知係舒服,o係泥缸就hea,o係水缸就狂爬角位


一年前影,只怪自己初初唔識養,大個左個殼唔靚lu

step2唔得,都可能會試下水苔
希望唔駛用到step3),4),畢竟太夾硬o黎,上次用軟管forcefeed牠,牠面向我撤尿,之後唔理我半日......
好彩牠胃口同便便都有,未算最差.

龜要俾心機呀.
再多謝大家的意見, 生蛋呢方面好需要各位的經驗交流
自己之前睇完獸醫聽到話再唔得要開刀真係唔知點
高風險/隻龜痛(都唔知有無人做過龜麻醉test)/今年做左咁出年點呢?/手術費...等等問題
所以希望用d自然方法幫一下龜生蛋

keep update

kuiccca

今朝起身,見到第一隻蛋!
個人都放心d.

之前放左佢o係泥度幾日,點知佢郁都唔郁,可能唔like泥,最後放返平時養o既水缸
俾佢繼續照燈,食o野同訓覺.
最後step2都唔駛用,今年生1st蛋俾舊年遲左1星期.
睇o黎牠都係要熟識同安全環境加埋好心情先會生.

之前同龜去沙灘見佢超級開心,本想搵d沙返o黎俾佢,點知今日就出左一粒.
據舊年經驗,呢幾日都係唔好嘈佢,努力呀
正計劃點樣用家裏資源DIY個2層新龜屋,等佢生完蛋就獎勵佢.

金仔

恭喜你和龜龜

sz0755

恭喜龜龜無事
龜生蛋要合適的環境，看到它有不安，不食，就要摸摸它的後腿前窩，看有沒有蛋，一般都能確定。

linlai

金仔 發表於 2012-7-12 10:58
回復 kuiccca 的帖子

去賣花的花鋪, 買 "水苔" - $10, 照講就得, "水苔"本身是 一pack 一pack  乾身的, 回 ...

金仔好多謝你,你個方法真係好work!

linlai

用泥/沙怕沖走塞渠,水苔會較易清理,而且較柔軟舒服.我找了個矮盆,放水苔進去弄濕,放在廁所一角,等龜可輕易爬進去生蛋.今日一共生咗七粒蛋