新手飼養牛蛙難題,突然唔食野+過度活躍

yauko

話說前一排開左個POST
http://www.hkturtle.org/forum.ph ... p;page=1#pid1290436
知道牛蛙唔叫之後,去左一位師兄介紹既地方,真係買左隻牛蛙,目前身長約10cm

頭2日都仲肯食杜比亞同麥皮蟲，但食食下突然拒食，初時以為佢飽

但過左一日佢都唔肯食野，之餘感覺到佢好不安，一直係咁跳，尤其一見光就不停喪跳，又不停挖想洞

咁我每日都幫佢洗一次缸,咁我都怕佢走甩,專特搵個高身少少既桶安置佢先,點知佢差唔多跳出個桶,個桶都差唔多40CM高

搞到我一路洗缸換水一路睇實佢

洗完缸之後再試下放2隻細既杜比亞比佢,點知佢唔食仲轉身不停跳,結果搞到2隻杜比亞係個缸度周圍亂走,又不停爬係牛蛙上

本來佢已經不停想跳出缸,最尾反而比2隻細既杜比亞嚇到佢周圍亂跳,又跳得高

最尾拎返杜比亞出黎,放佢係好暗既地方,以為佢係黑既環境比較易冷靜D,點知佢跳足1晚,由凌晨12點訓前跳到我朝早5點鐘起身仲跳緊

想請教下咩原因，希望可以解答到我，謝謝

目前暫時用大膠袋袋住個箱，放置係比較黑既地方,岩岩返到屋企見佢冷靜左,無再跳,為免刺激佢開陣燈就即時熄燈啦

想知道咩原因先再幫佢洗缸同餵食

目前配置:
-  存放於25度以上的地方
-  用2層海棉分隔水同乾地   PS,因為跳得太激,2層海棉分開左,佢而家呆坐水中
-  一開始洗缸後同普通水喉水裝水    拒食後換左已經煮過既水裝水

honeybadger623

師兄有冇係佢個缸度放可供躲藏既地方俾佢可以入去? 好多動物一到左新環境因為無安全感或唔習慣都會唔食野同周圍搵地方捐! 我隻龜之前換左個缸都係咁想爬出去, 之後加左個山洞仔俾佢之後佢就無再想爬走

牛蛙天生係會掘地將自己半個身藏入去, 所以你話佢係咁想挖洞都係正常, 我養緊個隻用因為椰泥做底材, 佢成日都成隻捐左入泥入面

yauko

多謝師兄解答，我隻牛蛙真係食返野啦，可能真係唔習慣個環境

而家每日都keep住餵少少野佢食，2日換一次水

因為我自己做生意，暫未有時間出金魚街，想問下椰泥要幾耐換一次？
其實我都想幫換椰泥，不過又怕麻煩，因為聽人講易出蚊
暫時用緊海棉，2日洗一次缸，如果轉左椰泥有咩分別？

honeybadger623

食番野咪好囉, 記住唔好一次餵太多, 最好就幾日餵一餐, 餵啲CB既蟀, 杜比亞呀咁, 呢啲昆蟲買番黎最好就養幾日先囉去餵, 因為你唔知你買佢地個間鋪頭啲人俾咩啲蟲食架嗎, 所以養兩日等啲蟲屙清哂佢地之前食過個啲野先至囉去餵你隻蛙食! 仲有緊記緊記, 千祈唔好貪得意餵你隻牛蛙食青蛙仔或野外捉番黎既野! 好易生蟲! !

另外椰泥方面, 之前有個師兄就話用椰泥養既蛙色澤會靚啲囉, 同埋都可以俾佢挖下!!
我用咁耐都未試過生蚊喎, 椰泥三個星期到一個月就換一次咁啦, 或者你見到佢太污濁就換囉, 你如果想用椰泥既可以去買一盒命脈出既椰泥, 個種就已經發好左, 一開盒就可即用, 如果唔係你想自己發既,就推介你買另一隻zoomed 出既叫 Eco Earth

個缸既格局你可以用椰泥鋪底, 啲椰泥鋪到可以俾隻蛙埋到自己一半入去咁既深度就OK架啦, 之後放個水盤入去俾佢飲水加去廁所, 之後放個假山洞或花盆入去俾佢做躲避處就搞掂

呢度有篇野俾你參考: http://blog.sina.com.cn/s/blog_71ebfc0701018kzz.html