要團購Mega-ray太陽燈的快手（團購結束）

windleaves

本來唔打算係度公開發帖，但呢幾日經常有呢度嘅師兄師姐係學堂pm我話要。

megaray太陽燈現時已經有19人團購，今晚12點前我會落order同做payment，想要的請快手，在此跟帖或PM我。

費用：港幣670。燈錢約港幣600（usd76.95）， 運費大家share ，大概在港幣30左右，我預多少少，多退少補。
付款方式：先款後貨

交收方式：港鐵上水至太子沿線

保修問題：我只負責下訂單，payment，收貨和發貨。不負責保證M燈嘅質量。
M燈的UVB量勁是公認的，但其手工山寨也是公認的。所以如果收到燈後，各位發現有問題的，我可以幫忙聯繫Megaray那邊退換，但這裡將會涉及時間和郵費問題，請各位了解。

請不要在此貼問類似Mega是什麼燈，有咩好處之類的問題。需要知道mega-ray資料的，請上官網：www.reptileuv.com 或search 燈神師兄的相關帖子。

00：00
團購結束
PM給我的朋友們，我會一一回复確認。THX

leonardomonster

吾該晒wind姐...

Johannchan

唔知點解個個呢排都發曬癲咁上網訂購Megaray山寨燈, 美國第一大陸龜網D人話, Megaray以前就好好, 但係最近生產上有問題、經常會壞燈、仲成日交唔倒貨、服務及態度好差。  呢個美國人仲話: "我中意Zoomed Powersun.....試用後結果很好...Megaray依家係垃圾, 呢一年半黎, 寄左兩次燈黎更換, 兩次都過唔倒一個星期就玩完....仲要每次等3~4個月先寄一次燈黎換, 咩服務態度啊?"

"I would go with powersun... nothing but good results. Megaray however... has been nothing but garbage for the last year and half. Sent me two replacement bulbs that did not last more than a week.... after the first initial bulb went out... and took over 3-4 months to get each bulb. Seriously what kind of service is that. "

至到2011 Dec 21, 美國網投票, 最多人用既燈都係Zoomed Powersun 及10.0 !!!!!!!!!!!  D人 話T-rex 都開始唔得, Exo Terra 弱, Megaray 差左!!

不如親身去美國龜網睇睇.  美國燈, 當然要信美國人既口碑啦.....

Johannchan

我之前隻盾臂龜好軟甲, 我自己用左Zoomed 10.0 26W 一個半月之後, 冇曬太陽, 依家勁硬!!!  仲大左2cm tim!!  所以信美國人最好.

ah林-3-

Johannchan 發表於 2011-12-22 18:01
我之前隻盾臂龜好軟甲, 我自己用左Zoomed 10.0 26W 一個半月之後, 冇曬太陽, 依家勁硬!!!  仲大左2cm tim!! ...

咁請問聲你都係/都會6個月左右換一次UVB燈嗎?

waiman

Johannchan 發表於 2011-12-22 04:47
唔知點解個個呢排都發曬癲咁上網訂購Megaray山寨燈, 美國第一大陸龜網D人話, Megaray以前就好好, 但係最近 ...

1) 最多人用Zoomed Powersun及Zoomed 10.0 UVB系正確概, 因為呢個系習慣, Zoomed從來都系全球銷量第一, 但銷量第一完全唔代表個燈真繫好.
2) 現時的Powersun 160w, 和Zoomed 10.0中的UVB/UVA, 太過越越不如Mega-ray, Powersun 100w就更加垃圾到唔應該買.
3) Mega-ray的照射範圍, 越越不如Zoomed.
4) 唔好以一兩個人佢既燈有問題, 就以美國人既口碑黎講有問題. 你問下果個人佢既燈系第幾版, 第二版會有個別燒燈絲的問題, 但第三版出左幾個月, 冇發現問題.
5) 最近仲成日交唔倒貨, 服務及態度好差? 寫果個post果個人一定唔知, Mega-ray一向從來系訂造方式, 每個燈人手手工製造, 而唔機械大量生產好去等人買, Mega-ray一向從來訂一個燈, 半年後至寄比你系完全正常, 服務及態度系冇服務亦系正常, 呢個系Mega-ray一向既特色, 唔系最近至有, Mega-ray主頁仲寫明, 我不介意有冇生意, 唔關心你買唔買, 只關心燈好唔好之類.

Mega-ray燈之好處, 在於佢系被迫冇得唔好既, 因為佢系唯一被美國政府 "每日" 鑒視品質既燈.

其實, 果D所謂美國網投票, 果D系一般大眾用家, 佢地鬼知邊個燈好唔好咩, 佢地只知個燈快唔快燒, 照射範圍大唔大.

Zilla UVB系美國, 一向排名非常低, 系美國市場銷路亦非常低, 但系Zilla燈中既UVB同UVA光譜既波段正確性同強度, 一向好過Zoomed 10.0 N倍, D美國一般用家, 只系見到Zilla UVB燈光線非常暗, 就以為佢唔好而唔用.

waiman

Johannchan 發表於 2011-12-22 05:01
我之前隻盾臂龜好軟甲, 我自己用左Zoomed 10.0 26W 一個半月之後, 冇曬太陽, 依家勁硬!!!  仲大左2cm tim!! ...

我反對呢個講法同理由.

美國人對中國人, 全無分別, 美國人一般用家, 對燈中UVA/UVB好不好, 其實一無所知.

waiman

回復 waiman 的帖子

Anyway, 我個人並不推薦用Mega-ray, 也更不推薦用Zoomed Powersun 160w.

hugo

各人都有自己喜好.....
而我鐘意用Powersun 160w

waiman

hugo 發表於 2011-12-22 11:44
各人都有自己喜好.....
而我鐘意用Powersun 160w

係既. 只不過支燈好唔好, 不能依個人喜好.

Powersun 160w, 你係點用? 放養?

Johannchan

waiman 發表於 2011-12-22 23:51
回復 waiman 的帖子

Anyway, 我個人並不推薦用Mega-ray, 也更不推薦用Zoomed Powersun 160w. ...

I see all your points. thanks.

點解你都唔推薦Powersun 160W?

waiman

Johannchan 發表於 2011-12-22 13:19
I see all your points. thanks.

點解你都唔推薦Powersun 160W?

我個人認為, 主要係佢熱量大, 同佢既UVA實在太差. UVB亦低.
Powersun 160w优些點只係光照範圍大, 除左用黎放養就還好之外, 冇乜實際用途.

如果只係用黎泡龜, 或食飯時至用Powersun 160w照一照, 咁係不切實際既, 一D都比唔上Zoomed 10.0同遠遠比唔上Zilla UVB.

hugo

waiman 發表於 2011-12-23 01:33
係既. 只不過支燈好唔好, 不能依個人喜好.

Powersun 160w, 你係點用? 放養?

我實事求事依咁既價錢可以做到有uva/uvb我都接受到..
當然有人會不惜工本想做到太陽的效果...(根本無可能)
或者仲有好多牌子我未用過當然唔知啦..請推介
一年換一個..用左三年唔覺得有什麼問題..
龜龜尚算健康..我都係用48"箱養

waiman

hugo 發表於 2011-12-22 20:25
我實事求事依咁既價錢可以做到有uva/uvb我都接受到..
當然有人會不惜工本想做到太陽的效果...(根本無可能 ...

>我實事求事依咁既價錢可以做到有uva/uvb我都接受到..
>或者仲有好多牌子我未用過當然唔知啦..請推介
>一年換一個..用左三年唔覺得有什麼問題..

我只係想知, 你係點用? 密封式箱養? 開放箱養? 放養?
Zoomed Powersun 160w係冇問題嫁, 只不過佢唔夠好之嗎, Zoomed自己既光管, 就已經好過Powersun好多.

>當然有人會不惜工本想做到太陽的效果...(根本無可能)

根本就唔難. 而且年年換燈既錢, 重低過用Powersun 160w.

hugo

waiman 發表於 2011-12-23 10:27
>我實事求事依咁既價錢可以做到有uva/uvb我都接受到..
>或者仲有好多牌子我未用過當然唔知啦..請推介
>一 ...

多謝你的意見
我或許要加多支光管囉

8ways

美國MEGARAY最近先返左批新貨(11月), 唔知係好彩定唔好彩, 佢地超額訂購, 要把一部份客延遲12月先出貨, 但我是在優先名單內, 可以在數天內收貨, 但當然要自付郵費. 滿以為好彩,   誰不知開盒先發現所訂的160W 變成 100W, 算喇, 諗住開來試, 用ZOOMED DEEP DOME 160WATTS RATING, 開左幾個鐘, 測試UVB 指數, 真的很強, 就由得盞燈開左3-4個鐘, 第二日正式開工, 點知盞燈已經不能著, SEND 電郵問又沒有回覆, 唯有SEND 返盞燈比佢地, 仲要自己再付寄出郵費, 再加寄回來郵費, 真係SHXT. 三次郵費足夠多買一盞燈. 已經等左兩個星期仲未有聲氣幾時有燈, 你訂貨的話就馬上有貨, 保用期換燈.....等吓先喇.  
真係唔應該叫神燈, 叫神棍之燈就差不多.

Johannchan

8ways 發表於 2011-12-23 12:59
美國MEGARAY最近先返左批新貨(11月), 唔知係好彩定唔好彩, 佢地超額訂購, 要把一部份客延遲12月先出貨, 但 ...

哈哈...."神棍之燈"....笑左....山寨燈係咁架啦.  美國用過既人都在罵娘..

Arcadia 都係, 我買左Arcadia 100W, 用左10幾日, 燒左.    Norrishill 師兄都爆左好多個Arcadia!!!

都係Zoomed 好D, 大廠, 信得過!!!!!!!!!!!!!!!!!!!

hugo

其實兩隻燈評價都各有各好~
除非MEGARAY有香港代理或有得現貨賣啦..如果唔係我都唔會買黎試..
但燈神話呢隻燈各項數據都唔錯..我又想用下..價錢都可以接受
最後係我唔想煩..壞左又無得即時換個新既..

waiman

8ways 發表於 2011-12-22 23:59
美國MEGARAY最近先返左批新貨(11月), 唔知係好彩定唔好彩, 佢地超額訂購, 要把一部份客延遲12月先出貨, 但 ...

點解你咁做架, Claim Paypal呀嗎.

waiman

Johannchan 發表於 2011-12-23 01:01
哈哈...."神棍之燈"....笑左....山寨燈係咁架啦.  美國用過既人都在罵娘..

Arcadia 都係, 我買左Arcadia ...

Mega-ray至唔係山寨燈, Mega-ray至今都係全美國政府動物園, 及政府爬蟲科研究, 至今唯一指定的燈. 反而Powersun至今都係屬不入流的燈, 美國政府動物園研究部門唔係傻既.

其實Zoomed太陽燈, 亦有過好多次大量燒燈, 尤其去大陸果D, 但係佢大量燒燈果陣時, 我都完全唔覺得佢果燈唔好, 依然話佢係果好燈.

你通常睇野好片面化wo, 唔夠嚴謹.  

另外, Zoomed太陽燈全是oem, 有好多種版, 分別有Made in日本, 中國, 同歐洲, 唔知係HK買到既, 係邊種版本呢?