香港龜友論壇

標題: 草龜斷尾斷到甘可以點? [打印本頁]

作者: 豆腐玉女 時間: 2014-5-4 22:09
標題: 草龜斷尾斷到甘可以點?
本來之前都唔係甘..只係斷尾,不過算叫做斷得多.\之後我去左中峰到買左果隻藥水幫佢查下條尾,同乾養
乾養左都冇2個星期,岩岩幫龜龜再查藥水果時,就發現有D唔知咩爆左出尼?
我想問我可以點啊?(唔好講話睇醫生果D,實用小小的唔該)

尾.jpg (62.47 KB, 下載次數: 28)

尾1.jpg (68.74 KB, 下載次數: 34)

尾2.jpg (68.27 KB, 下載次數: 28)

藥.jpg (97.89 KB, 下載次數: 37)

作者: cys487980 時間: 2014-5-4 22:14
想知點解會爛成咁？不要再掂水了，全乾養！

作者: vincentchow630 時間: 2014-5-4 22:15
斷到見到JJ

作者: 豆腐玉女 時間: 2014-5-4 22:15
回復 cys487980 的帖子

我E+一日浸一個水

作者: cys487980 時間: 2014-5-4 22:21
本帖最後由 cys487980 於 2014-5-4 22:24 編輯

回復豆腐玉女的帖子

浸水時間越短越好！記得乾養時要加溫至熱點約三十二度！
唉！睇見都心傷，估計以無生殖能力了，希望快 d 好番啦！

作者: 小樓一夜 時間: 2014-5-4 22:23
我相信絕大部份人都冇咁既經驗咁點先叫實用既建議...
所以最好都係睇醫生龜唔識叫唔代表唔識痛

作者: 豆腐玉女 時間: 2014-5-4 22:26
回復小樓一夜的帖子

鬼唔知咩!經濟能力唔係甘好....

作者: 豆腐玉女 時間: 2014-5-4 22:26
回復 vincentchow630 的帖子

我都覺得好可怕-.-

作者: 602151 時間: 2014-5-4 22:28
本帖最後由 602151 於 2014-5-4 22:34 編輯

睇見都鄧隻草龜痛

傷口見綠色，相信已受細菌感染，除咗打抗生素、浸消炎藥水，還有其他方法嗎？

再拖落去可能需要切除腐爛既部位添，仲唔快d帶隻龜睇醫生？

作者: 豆腐玉女 時間: 2014-5-4 22:30
回復 602151 的帖子

我就係唔知,SO先問問大家

作者: 602151 時間: 2014-5-4 22:33
回復豆腐玉女的帖子

爛成咁.... 睇醫生係唯一既辦法

作者: abcma12345 時間: 2014-5-4 22:38
如果吾睇醫生真係無得救，
呢啲吾係叫斷得多，直頭係比人狠狠咬左啖
點解會咁

作者: 602151 時間: 2014-5-4 22:44

abcma12345 發表於 2014-5-4 22:38
如果吾睇醫生真係無得救，
呢啲吾係叫斷得多，直頭係比人狠狠咬左啖
點解會咁 ...

唔通俾隻鱷魚龜咬到咁？

作者: 老細 時間: 2014-5-4 22:49
提示: 作者被禁止或刪除內容自動屏蔽

作者: yungyung 時間: 2014-5-4 22:54
好恐怖

作者: abcma12345 時間: 2014-5-4 22:55

602151 發表於 2014-5-4 22:44
唔通俾隻鱷魚龜咬到咁？

吾知佢，一係醫生一係死，肯定無龜友幫到

作者: ctkit0727 時間: 2014-5-5 00:04
應該係混養搞成咁掛..??

正常唔會無啦啦斷成咁掛..將佢單獨乾養啦..

不過真係唔知有無用..

如果你預開呢個POST有人答到你一個唔洗用錢既方法救龜我都好想學..

你隻龜真係好傷..你真係想隻龜好既話

睇醫生真係唯一方法..

作者: 志2423 時間: 2014-5-5 00:12
師兄你可以試下到藥房買金利數藥丸要D藥粉查龜尾傷口，我家以前狗狗有傷口都是用E隻藥老人家教

作者: 小樓一夜 時間: 2014-5-5 00:18
依家係內臟外露左我唔覺得搽野會有幫助..

作者: 大細巴西 時間: 2014-5-5 01:59
我養龜日子淺，但睇到隻龜既情況咁嚴重
我覺得睇醫生真係一個最好既辦法
1. 你上得黎問,就姐係你根本唔知點醫/做d咩先可以幫到隻龜,而我相信你隻龜去到咁既情況,已經叫做好嚴重,仲係度慢慢試下加溫,搽下藥粉咁,萬一唔work,仲延誤求醫,令情況惡化,最終只會係斷送左隻龜既生命
2. 你話你自己無經濟能力去同隻龜睇醫生,咁唔係一個藉口,你係養龜之前應該要好好考慮清楚佢既需要,如果你真係愛鍚自己隻龜既話,借又好,自己買少d食少d又好,都會用盡方法籌錢醫番隻龜,如果真係做唔到,嘗試將隻龜送比有心既龜友啦,請珍惜生命
3. 如果你期望係論壇上面真係有咁有經驗既龜友,及時留意到你既情況,比到d好實用既建議你,而且醫藥費又平的話,咁既機會我覺得唔大,你諗下,如果你個patpat比野咬左啖,連肉都外露,你仲會唔會上網問人我應該點做?將心比心,龜都係生命,請善待
祝福隻草龜快d好番

作者: 豆腐玉女 時間: 2014-5-5 11:07
回復大細巴西的帖子

好心你啦唔系系度伊d啦！我問得你地就系唔睇醫生先問，睇醫生就唔会問你地啦。
1 我相信大把人都唔醫啦，我講得甘啲野就予左有d懶正義啲人插啲啦。如果真系甘珍惜生命果d尼，希望之後你地買龜會特登買隻病龜，因為你明知佢唔醫就會死，商人一定唔會理啲啦。如果你可以做到甘就真系無私就好。
2 無錢就系無錢啲啦，咩叫借口尼，你傻架？唔通唔食唔用走去醫隻龜？我買弟二隻好過啦，都無洗甘多錢。自問自己系甘現實…
你講得好岩，龜都系生命，所以我只会盡自己啲能力去醫佢。
3 如果因為甘而斷送左佢啲生命，我會問心無愧，因為自己盡左能力去求佢。希望你可以現實d，有好多野都系講就易就就難。
4 如師兄你懂得珍惜生命，你唔好再養龜啦。世界大把人都無野食or病死，不如你把養龜啲錢擺去捐。
5 仲有我想問你甘珍惜生命，我俾隻龜你醫吖。自問自己真系無能力啦！
歡迎大家俾意見，插就插，認同就認同…都系意見姐！

作者: s2007023 時間: 2014-5-5 11:20
雖然樓主你一開始就講到明唔好叫你睇醫生
但你既情況已經係誇張到極,基本上無專業知識都好難幫到你
人地都係好心叫你救下隻龜,的確養之前要考慮...起碼預鬆幾舊水做應急都有掛..?
[天真可愛貓貓2隻
水龜:草龜x2 石金x1 鱷魚龜x1
箱龜] <--- 養咁多然後無任何錢睇醫生..
大把人唔睇醫生既同時,都有大把人會帶隻龜睇醫生..唔好用你自己既立場去否定一切
ANYWAY"如果真系甘珍惜生命果d尼，希望之後你地買龜會特登買隻病龜，因為你明知佢唔醫就會死，商人一定唔會理啲啦。如果你可以做到甘就真系無私就好。"你講既例子好歪理...說話前請用腦
希望最後你搵到一個你能力範圍以內又救到龜龜既方法啦

作者: P字幫 時間: 2014-5-5 12:16

s2007023 發表於 2014-5-5 11:20
雖然樓主你一開始就講到明唔好叫你睇醫生
但你既情況已經係誇張到極,基本上無專業知識都好難幫到你
人地都 ...

佢真係好歪理..
用返樓主既歪理..將d 角色改一改..
佢就黎唔掂..而佢屋企人就問鄰居..除左睇醫生做手術..仲有咩方法可以救到佢個仔/女..
鄰居叫佢呀媽都係帶個仔/女睇醫生啦..太嚴重啦..
佢呀媽就話...無錢就係無錢架啦...唔通我唔食唔用走去醫個仔/女?

其實你知唔知"盡力" 係點解?

你當初買佢返黎做寵物...你就對佢有責任...好好養佢...
即係你老母"臭".....大你 ..佢有佢做老母既責任...

用d 時間諗下啦...
一個人唔認同你講既野可能真係意見不合..
兩個人唔認同你... 可能係巧合...
三個,四個...etc 都唔認同你.. 你自己反省下啦

作者: abcma12345 時間: 2014-5-5 12:31

豆腐玉女發表於 2014-5-5 11:07
回復大細巴西的帖子

好心你啦唔系系度伊d啦！我問得你地就系唔睇醫生先問，睇醫生就唔会問你地啦。

我成日都話有經濟能力要好養動物，
我否認你（吾通不食不喝都要黎醫龜）呢句話，
正常如果養咁多動物都會有啲餘錢掛，
不過既然吾去醫院不如比少少錢等佢安樂死
普通藥或方法肯定救吾到

作者: 森苗 時間: 2014-5-5 13:01
本帖最後由森苗於 2014-5-5 13:02 編輯

(依你要求回覆): 中峰呢支野我都有買, 可以消毒但應該吾可以醫好你隻龜, 之前有師兄隻龜受傷, 聽說用"雲南白藥"對傷口幾有用。吾好再浸水以免傷口惡化, 但注意保溫.
如果無錢睇醫生請問你有無錢搭車去荃灣俾中峰睇下? 都叫有一線生機同點都平過睇獸醫.

(依我良心回覆): 首先你post得上黎問人, 10個有9個都未遇過咁嚴重既斷尾, 叫你自己搵藥醫咪即係叫隻龜去死. 個個用心覆你你態度其實可以好D.
正常有讀過書有常識既人見到隻龜爛到咁, 都知情況好嚴重係應該拎去俾獸醫醫,
我覺得你一開始已經連拎去獸醫度既意欲都無, 呢個已經絕對吾係錢既問題, 真心服左你無錢醫龜又可以養星養盾養箱, 我無意批評你對生命既吾尊重, 但真心祝福閣下屋企依然在生既動物.

(仲有, 呢種吾係懶正義, 只係識得尊重生命同有良知)

作者: gloriakhju 時間: 2014-5-5 17:40
樓主～算啦～如果你真係想真心盡力醫佢，又要食飯，不如你比一餐食飯錢，拎佢去獸醫到，打枝針減輕佢痛苦啦！

Btw，自己隻龜有事，傷得好重，問人借$唔食飯都同佢睇e生，我覺得呢d係責任而唔係正義啦

作者: 大細巴西 時間: 2014-5-5 18:17
唔好意思, 其實我唔係黎撩交嗌或者專登為插而插你
亦唔係要求你要完全唔食唔用去救隻龜咁偏激
只係想你諗下你其實可以做多少少去救番隻龜
你養得咁多寵物, 我相信你都唔會係窮到LONE個種
你係無錢, 定係唔捨得花D錢係隻龜身上, 你自己最清楚

我係無刻意去買隻病龜
但至少當我買左佢番黎既時候, 佢病左既話我會照顧佢, 帶佢去睇醫生
呢D係做主人既基本責任
而係我眼中, 你只不過當隻龜係玩具
玩舊左, 玩爛左, 可以隨時換過一件新既

最後, 你帶唔帶隻龜去睇醫生係你既選擇
無人逼到你, 我講咁多都係想隻龜好
你話我懶正義又好乜都好啦, 我唔會介意
因為我由始至終都係care隻龜, 唔係care你

都係個句, 祝福隻草龜快d好番

作者: boap 時間: 2014-5-5 18:28
唔睇醫生100%玩完。
講完

作者: 豆腐玉女 時間: 2014-5-5 18:45
回復森苗的帖子

你要明白伊個唔系意欲啲問題，無錢又點去諗意欲尼。可笑

作者: 豆腐玉女 時間: 2014-5-5 18:46
回復 boap 的帖子

甘完都無計架，問心無愧就ok

作者: 豆腐玉女 時間: 2014-5-5 18:49
回復大細巴西的帖子

其實尼，我系學生尼。因為之前有反工所以有餘錢養下龜，但因dse啲關系，我再無反工。其實我伊都系得三隻龜？甘又有幾多尼？

作者: 豆腐玉女 時間: 2014-5-5 18:52
回復 gloriakhju 的帖子

如果有一診所系百幾二百蚊就ok啲話我一定會。有無師兄介紹？

作者: gloriakhju 時間: 2014-5-5 18:52
本帖最後由 gloriakhju 於 2014-5-5 18:56 編輯

佢又辛苦，斷左條尾內臟外露，你又無錢,啪左佢算啦，有冇錢搭車？拎佢去spca同佢地講5要啦⋯陰公

作者: 森苗 時間: 2014-5-5 18:58
回復豆腐玉女的帖子

咁既心態養落去你不如買隻"他媽的哥池"養啦。有無搵下獸醫幾錢呀?仲好意思講"問心無愧"。你打去中峰度問下，佢有無咩方醫啦，打電話免費ga.

作者: 豆腐玉女 時間: 2014-5-5 19:01
回復 P字幫的帖子

你講果個情況打個999咪得囉。根本就唔同。
出字認同我啲人可能就唔多，根本可能無，但事實好似我甘做啲人一定大把
就系吖為我有老母教，先會問你地各位俾意見，大把人死左就算尻數啦！

作者: 豆腐玉女 時間: 2014-5-5 19:02
回復 gloriakhju 的帖子

伊個我都有諗過

作者: 豆腐玉女 時間: 2014-5-5 19:06
回復 s2007023 的帖子

..?[天真可愛貓貓2隻水龜:草龜x2 石金x1 鱷魚龜x1 箱龜]伊d已經系已前啲事，系我唔記得改姐貓就系我吖媽養。我都有無過我吖媽俾錢我睇醫，，但因我吖媽一直都反對我養龜，所以無俾…

作者: 豆腐玉女 時間: 2014-5-5 19:39
回復森苗的帖子

鬼唔知吖，緊系有無過啦。我打去獸醫問，檢查已經350 佢仲話可能要打針，食藥打針果度佢話一千以上

作者: gloriakhju 時間: 2014-5-5 20:09
本帖最後由 gloriakhju 於 2014-5-5 20:09 編輯

唉，其實隻龜好叻，痛左甘耐仍然生存，有冇師兄姐可以打救佢
如果無，我就覺得⋯⋯而家佢生存一日=痛苦一日⋯

Btw,無啦啦做咩會整到甘？

作者: 大細巴西 時間: 2014-5-5 20:39
回復豆腐玉女的帖子

我都係學生, 但係學生又點? 就算係學生都可以有好多方法幫隻龜
你話養好多隻龜已經係舊事, 咁係我搞錯, 唔好意思
但係你放左咁多龜既錢咁快就無晒? 錢可以再搵過, 但龜死左係無得翻生
有時唔好睇錢睇得太重要
先唔講點解你真係窮到連少少應急醫龜既錢都無,
既然你一直堅持自己經濟能力咁有問題, 再糾纏落去都無意思
希望你係有穩定的經濟能力前唔好養寵物住
養寵物係一生一世既責任, 唔係隨便玩玩下
政府都教人停一停,諗一諗啦

你話屋企人唔支持你養龜, 唔肯比錢你醫龜
咁你當問佢地借得唔得, 你係佢反對之仲要養龜
病左問佢攞錢醫又好似奉旨咁
比著我條氣都唔順啦
又或者你去打份part time, 同人補下習, 又有錢
如果你自問真係咁"問心無愧", 可以做既野都做晒
點解有諗過送隻龜去spca又唔做呢?

你又幫唔到隻龜, 又要留佢係身邊
咁又有咩意思呢?
比有能力救佢既人救番佢啦
唔好再係個網絡世界度浪費時間
可能就係因為你咁思前想後害左佢

仲有, 雖然我知有好多人真係唔會去醫番隻病龜
有好多人同你做法一樣
但係咁唔代表以e種心態對待動物係岩既
你上黎問大家意見, 但你唔聽, 逐個反駁, 咁問黎又有咩用?
唔好同d差過你既人比, 咁你只會成世都無進步

作者: swingman1019 時間: 2014-5-5 21:00
樓主你呢種養寵物態度真係⋯唉！學生冇錢係咪大哂，冇負擔能力你一開始就唔好買佢番屋企，佢係生命嚟架！

作者: kikigirl9708 時間: 2014-5-5 21:08
回復森苗的帖子

絕對認同師兄所言，不應用龜龜嘅價錢，來衡量牠們的生存價值，請樓主尊重動物的生命！

作者: 豆腐玉女 時間: 2014-5-5 21:31
回復 swingman1019 的帖子

由於伊隻龜系中一買啲，果時都無伊個諗法。

作者: 豆腐玉女 時間: 2014-5-5 21:41
回復大細巴西的帖子

我放龜果時已經系半年前啲事，乜都用曬啦！
你有無睇我打啲野架。之前有反工，因為dse無反。工話有就有咩
同人補習？唔好玩啦。我成績勁叉。
我都覺得用伊種心態養野系唔岩。
我想知道咩叫少少錢？可能你覺得千幾蚊唔系好多，我一個月零用都無一千啦。我上得你問你地意見，已經講明唔好講睇醫生伊d。我就系知我無能力先甘多位師兄姐。
我都好想知道咩叫少少錢應急尼？

作者: 豆腐玉女 時間: 2014-5-5 21:43
回復 swingman1019 的帖子

甘買龜果時系咪要講明心智未成熟者不得買龜

作者: 豆腐玉女 時間: 2014-5-5 21:57
我都想問大家一個問題？
如果醫一隻龜要3000到4000蚊？照張x光都千千聲
人工得9000蚊，生活費，車費，家用，食飯錢
or自己唔用？就去醫龜龜尼？
又時唔系唔想帶佢睇獸醫，但系現實就系現實啲啦。
其實完全唔系龜龜價錢啲問題，本人之前有隻東箱病左
帶佢睇醫生，照x光同檢查都用左三千幾四千，
話佢有少少石，同發炎，要打針，一枝消炎針都千幾
又話要兩至三枝先可以好反。根本就無可能已自己能力醫
最後照完果x光，知佢咩事。咪又系睇住佢死。
不如直接問你地甘多位有咩辦法好不過啦

作者: gloriakhju 時間: 2014-5-5 22:03
甘隻龜因咩事9到甘？

作者: 大細巴西 時間: 2014-5-5 22:18
回復豆腐玉女的帖子

講錢真係傷感情, 點講你都唔會突然生舊錢出黎
我只係想問
既然自己無能力醫(不論係錢定方法啦), 點解有諗過送隻龜去spca但又唔做?
你係度問又問左, 要答你既都答左
到底等咩

有無得update隻龜近況, 大家都仲係好關心隻龜的

作者: 大細巴西 時間: 2014-5-5 22:22
回復豆腐玉女的帖子

人工得9000, 仲要交家用,有家庭負擔
又自知比唔出3000-4000蚊醫龜
財政咁緊絀咪唔好養龜囉

作者: 豆腐玉女 時間: 2014-5-5 22:23
回復大細巴西的帖子

spca都要星期三先去得啦！

作者: 豆腐玉女 時間: 2014-5-5 22:27
回復大細巴西的帖子

我只系一個假設，姐系無錢就唔可以養龜or養任何野。本人相信一日都有買十至二十隻巴西俾小學生啦！
難道你覺得佢地會去醫佢。
雖然我知我講野系有少少歪理。但伊個就系事實

作者: 大細巴西 時間: 2014-5-5 22:45
回復豆腐玉女的帖子

問題係, 你係唔係星期三真係會送去先..

作者: swingman1019 時間: 2014-5-5 22:53
回復豆腐玉女的帖子

你心智成唔成熟我唔知，只知道你係一個滿口歪理唔識尊重生命嘅不負責任主人！嘥氣！

作者: 大細巴西 時間: 2014-5-5 23:00
本帖最後由大細巴西於 2014-5-5 23:00 編輯

回復豆腐玉女的帖子

唔係無錢話就一定唔可以養
無乜野係咁絕對
你去買寵物, 無人會同你做入息審查, 無人知你有無錢
又無人會因為你無錢去又走去買寵物而捉你去坐監

而成件事係一種責任
如果你買寵物係當佢係一種玩具, 玩下就算, 病左又由佢, 不停買新寵物替換
咁只係代表個個人係個無責任心既人
你買起隻寵物,同時係買起佢既一生
你一生當然可以擁有好多隻寵物
但隻寵物一生就只有依靠你
無錢係可以堅持去養寵物, 無人奈得你何
但咁既人係人眼中只會係個唔識尊重生命既人

小學生(甚至班家長)唔識去尊重生命, 無考慮清楚就買寵物, 的確係個可悲既事實
但咁既風氣你又係咪覺得岩呢?
每個人做多少少, 考慮清楚先去買
就算只係多一個人咁做, 就已經少左一隻(甚至一堆)有機會受害既寵物

雖然係有好多人唔會尊重寵物既生命
杜絕亦無可能杜絕得晒
大家做好自己既同時提點下他人啦
有d野係可以培養出黎的

作者: 豆腐玉女 時間: 2014-5-5 23:04
大家都好有善心吖。大家去spca令養龜啦！

作者: mkmc 時間: 2014-5-5 23:06
哦原來係DSE既小朋友，入世未深（個別例子？定係呢代都有甘既問題？）唔怪得甘樣講野既
比心機讀多D書，最好讀下歷史，學下做人

作者: 小霸皇 時間: 2014-5-5 23:10

豆腐玉女發表於 2014-5-5 21:57
我都想問大家一個問題？
如果醫一隻龜要3000到4000蚊？照張x光都千千聲
人工得9000蚊，生活費，車費，家用 ...

我好明白你提出黎既論據
自問我第一次買隻巴西龜已是小學三年班果時心智未成熟
絕對唔知  無錢就唔可以養龜呢個事實因為病左
就會比一班人話做乜野唔醫龜
同某個朝代一樣..
百姓生活貧困. 無錢食飯君主曰何不食肉?
就好似樓主自己都唔夠錢生活有人會話點解唔帶隻病龜睇醫生一樣

一個道理買龜時既衝動思想未成熟果班點會預埋隻龜病. 郁D就百百聲千千聲
你唔好用成人既角度同我講  龜唔係隨便玩玩下  政府都教人停一停
我同你講  停你條命我依家就抱住道德x既身份同你講
食豬食雞食牛既時候你有冇一刻停一停諗一諗
豬雞牛唔係生命唔值得尊重? 就因為你鐘意龜你養龜你就覺得養病左唔帶佢睇醫生就可恥?
其實毫無資格  就好似一班養貓狗呢D主流動物既人. 認為蛇吞鼠殘忍一樣. 你食豬牛唔殘忍嗎?

窮人唔應該養龜  就同窮人唔應該生仔同一個概念
應該將心比己  自己能力做到唔代表人地做得到

作者: 大細巴西 時間: 2014-5-5 23:19
唉, 人地同你理性討論
你既語氣都係聽唔入耳, 不停為自己搵原因解釋點解唔去同隻龜睇醫生
無錢去醫唔係問題, 問題係你既態度(我就係無錢架啦, 無錢係咪咩都唔養得etc.)
大家叫你送隻龜去spca 係知你真係無能力醫佢
唔係扮好心, 扮偉大, 扮聖人
而係希望你隻龜真係救得番
如果係度等人提供方法比你嘗試救隻龜真係最好既處理方法
我都想有奇蹟出現

作者: 小霸皇 時間: 2014-5-5 23:22

大細巴西發表於 2014-5-5 23:19
唉, 人地同你理性討論
你既語氣都係聽唔入耳, 不停為自己搵原因解釋點解唔去同隻龜睇醫生
無錢去醫唔係問題 ...

唔好話我幫哂樓主.
你一開始第2點
2. 你話你自己無經濟能力去同隻龜睇醫生,咁唔係一個藉口,你係養龜之前應該要好好考慮清楚佢既需要,如果你真係愛鍚自己隻龜既話,借又好,自己買少d食少d又好,都會用盡方法籌錢醫番隻龜,如果真係做唔到,嘗試將隻龜送比有心既龜友啦,請珍惜生命

就已經有份將個波拋左去經濟角度依家你又話無錢去醫唔係問題.
你都幾矛盾定係你提出第2點只係你隨口講下

作者: mkmc 時間: 2014-5-5 23:24
我唔知你地幾位點睇
個人認為一時衝動已經係錯
做錯事仲甘多原因去解釋自己既錯係合理
我真係睇唔透
何不反省？

作者: 小霸皇 時間: 2014-5-5 23:24

豆腐玉女發表於 2014-5-5 23:04
大家都好有善心吖。大家去spca令養龜啦！

對於你隻龜既情況我諗交去SPCA對你隻龜算係一個較好既解決方法

作者: 大細巴西 時間: 2014-5-5 23:26
回復小霸皇的帖子

因為討論去到後期, 我認為重點已唔係放係錢度
而係點處置隻龜

我真係要講既係咁多, 我明白大家有唔同睇法
一切只係由於我關心隻草龜安危而發表下意見
我唔想成件事傾到好似我地對立晒咁
我表達左我既睇法, 你又發表左自己意見
我覺得我講得夠啦
多謝交流

作者: 小霸皇 時間: 2014-5-5 23:28

大細巴西發表於 2014-5-5 23:26
回復小霸皇的帖子

因為討論去到後期, 我認為重點已唔係放係錢度

無事無事@@ 交流姐. 我無惡意

作者: 大細巴西 時間: 2014-5-5 23:34
回復小霸皇的帖子

唔緊要
我有時表達得唔係咁好
我只係怕討論太激烈去到最後演變成罵戰姐
我都無惡意架

作者: Cces1234 時間: 2014-5-5 23:54

gloriakhju 發表於 2014-5-5 22:03
甘隻龜因咩事9到甘？

咁即是咩事令隻龜變成咁呢？

作者: abcma12345 時間: 2014-5-6 02:48

mkmc 發表於 2014-5-5 23:24
我唔知你地幾位點睇
個人認為一時衝動已經係錯
做錯事仲甘多原因去解釋自己既錯係合理

http://www.hkturtle.org/forum.php?mod=viewthread&tid=101765

草龜命懸一線，但樓主已鐘情新蛇頸了

作者: 森苗 時間: 2014-5-6 07:02
本帖最後由森苗於 2014-5-6 07:19 編輯

回復 abcma12345 的帖子

唉..... 講咁多哂時間，樓主你有無睇過蛇頸點養? 隻草條尾都被不明生物咬到咁，蛇頸條頸咁長咁易咬你諗清楚未呀? 不如你整好d個setting, 放上黎大家俾下意見先再買龜啦... 講真你都吾想好似之前d龜咁ga ma?
考完DSE 姐係你都已經中六， "做人處事"既態度真係要諗諗，俾意見你(睇獸醫外)你仲要話返人轉頭，你話係著緊隻龜就可以明白姐，但隻草都未死(可能已死)就轉身想買蛇頸，有錢有心情買新龜都吾放d時間落隻傷龜度，我過左中六好耐，真係吾知宜家d細路個腦諗緊d咩。

作者: Mike記 時間: 2014-5-6 10:38
本帖最後由 Mike記於 2014-5-6 10:39 編輯

大細巴西發表於 2014-5-5 20:39
回復豆腐玉女的帖子

我都係學生, 但係學生又點? 就算係學生都可以有好多方法幫隻龜

師姐e個回覆寫得好好啊！最鍾意最後嗰句。

作者: 豆腐玉女 時間: 2014-5-6 14:30
回復 abcma12345 的帖子

問下姐，本人有一年冇買過龜

作者: gloriakhju 時間: 2014-5-7 13:35
點丫⋯⋯送左佢去spca未？
如果未你又無時間無心機⋯你隻龜比左我啦⋯錢我就無⋯不過幾百蚊拎去terry到啪既$都有d既

作者: 呀健 時間: 2014-5-9 22:12
回復豆腐玉女的帖子

睇醫生其實最實用
btw,可以試下用中草藥(去藥房問,用泥夫傷口用既)
買反泥幫龜龜夫
正常唔會好貴

作者: Uncledash 時間: 2014-5-10 00:58
我記得你之前好多龜，仲有隻係綠毛，然後突然放曬。既然媽媽唔支持，自己又未有經濟能力，唔好咁多心喇，專心照顧好手上既龜先。

依家龜你就買左，隻龜就傷左，而一眾龜友都答左你，坊間無方法救佢喇，你咪揀第二條路解決件事囉。有人話送去SPCA啪左佢，有龜友甚至肯出錢拎去余醫生度啪，你有無考慮下呢?

的確好多人做決定前無諗清楚，咁樣唔代表你無錯。求助時，態度可以好少少。你花多D時間去解決問題，好過為啖氣打筆戰，隻龜就秒秒suffer.

作者: 豆腐玉女 時間: 2014-5-10 23:50
回復 Uncledash 的帖子

係啊!不過都係之前的事

歡迎光臨香港龜友論壇 (https://hkturtle.org/)