香港龜友論壇

標題: 小心交友 [打印本頁]

作者: neillam 時間: 2014-6-4 18:47
標題: 小心交友
本帖最後由 neillam 於 2014-6-4 18:54 編輯

雖說多一位朋友好過多一名敵人，但大家要小心有D人。你當佢朋友，佢當你水魚。

分享下我的蠢事。人吳貪心吳無知係吳會被人呃！我就係衰兩樣都中先會俾D同你賴熟落的騙子有機可乘。縱使吳係咩光彩事，不過吳可以俾呢D騙子咁爽YY再到處搵人笨，瘀就瘀一次將佢真正一面俾大家睇。

騙子一名！！！http://hkturtle.org/home.php?mod=space&uid=14169

事源舊年我放龜，識左條友，啊輝，個條友無同我買過任何野的，不過佢就成日好多野問，問我呢樣，問我個樣，問下龜價格咁，我都好熱心，識就答，吳識都幫佢問下人，佢想搵龜放龜我都幫佢問一問自己識我龜友睇下有無。用whatsapp，或者打電話黎問，有時得閒我都會同佢吹兩句。佢用左幾個月同我混熟左。佢話佢親戚有龜場，投資左百幾萬，主要做南石。仲話識好多大陸龜場老闆。呢d我都當係聽下算，因為我個人鐘意現閉殼龜，吳太在意其他龜。有一次係個龜友whatsapp group度，佢post左張好蒙的龜相話什麼罕有龜，咁我好奇就私下問下佢係咩。點知就係咁就踏入左被騙的第一步。

其實本來都無諗過要。純繂好奇問下係咩龜。跟住佢見我問佢，佢就好努力sale我。我見同佢都識識地，咁就聽佢講下。佢說個隻龜一萬蚊，係佢老友俾佢朋友價。我睇到個價都O左咀。佢話呢隻野極少有，只得幾隻，佢自己都入左一組。原本諗住平的話用一隻龜換黎玩下。我見咁貴同無實物睇都有D卻步。

第二朝一早我未起身返工，佢已經打俾我再sale我啦！

單單坐車個一個鐘佢就打左幾次黎，係咁努力sale我講完我話考慮下收左線轉頭又打過黎再講。
游說左我成朝，又話有個人要買晒幾隻，要快D決定，個隻係叫佢老友先hold住一陣，轉頭無啦。我見佢又係認識的人，又拍晒心口話罕有，會閉殼，有價值，比金頭罕有，無人工苗，咁我就話好啦換啦。原本我係話同佢本人換，不過佢講要自己留，但可以佢出錢買黎換。（其實佢咁係想扮吳關佢事，推俾個所謂的"朋友"，應該係從來都無呢個人存在。）他講到吳要就走寶。佢問要公定母，我話公母都無所謂。我話可否見實物先要，佢講吳得，但說一定罕有，會閉殼。跟住佢就話上去大陸拎，叫我吳好放佢飛機，咁我呢d“腦”實人，又點會做呢d事啊！我話吳會放你飛機，話一就一二就二。

即日中午佢又打左幾次俾我，話去左拎，朋友度仲有一隻，佢話好抵8千，叫我收一對。我話無錢，要一隻睇下先。因為始至終佢俾過3張吳清吳楚的相我睇，完全睇吳出係咩種。我換都只係因為對佢我一個”信“字。
到左3點幾佢又打俾我話過緊關，叫我千萬吳好放佢飛機。我叫佢到打俾我，我地係大學站度等，我鼠出去，我個時開緊會。

到交收個時，我第一眼認吳出會係咩品種，成隻黑蚊蚊，嗅到爆，我真係有一刻差d嘔出黎，只可以說老龜一隻。但我都遵守承諾用左四隻梅花同佢換左（d梅花係偷偷地養左係公司到）。雖然個刻好不願意換，不過算啦。佢話會閉殼，應該係閉殼龜類。我見底甲郁得，同埋太嗅了，所以都無深入去睇清楚，信佢啦！（腦實人嗎！）

跟住我就啦啦聲拎返公司，因為偷偷地走出黎，吳可以留咁耐。返到拎隻龜沖沖水就放入個箱，繼續做野。放工因為約左人，都係望左隻龜一眼就走啦，而且新龜係要俾時間佢適應，所以吳攪佢了。

第二日晨早返公司睇龜。因為仲係好嗅拎佢都要戴手套。睇黎睇去都無忽似閉殼龜，底甲只可郁少少。心知中計了，我就立刻搵佢問可否退，佢扮好人話去問下，跟住不了了之，我前前後後叫佢退好多次都係俾佢耍。

開頭問過一兩位龜友，佢地都無見過，可能因為老野龜，殼太花，我心中有幾種可能龜種，但都不肯定。後來經幾名龜友鑑定係老齒緣一隻。

我再去搵個條友理論，要他給我一個交代。佢竟然恐嚇我要上我公司生事，要接我放工，不過佢鬼知我返邊咩。我從來都無期望可以從佢手上可以攞返什麼，不竟D龜係佢度主導權都係佢度。我可以做的就係share好讓其他龜友小心。

作者: 龜媽 時間: 2014-6-4 19:05
另類嘅"假藥黨",係行騙案黎嘅.
你可去報警.

作者: billy815 時間: 2014-6-4 19:06
師兄水蛇春敢長，你想表達嘜嘢？

作者: Uncledash 時間: 2014-6-4 19:09
有無隻龜既相睇下?

作者: pkleung 時間: 2014-6-4 19:11
師兄,佢除左呃你之外,還恐嚇你喎，我建議報警

作者: 001a 時間: 2014-6-4 19:12
呢條廢柴輝剩係識得吹水。垃圾。

作者: 001a 時間: 2014-6-4 19:14
http://www.hkturtle.org/home.php?mod=space&uid=14169
這條契弟link

作者: neillam 時間: 2014-6-4 19:18
回復龜媽的帖子

算了，大家小心就得，俾佢揚名龜友網已經夠了！

作者: neillam 時間: 2014-6-4 19:19
回復 billy815 的帖子

小心此人

作者: 老細 時間: 2014-6-4 19:19
提示: 作者被禁止或刪除內容自動屏蔽

作者: chan359777 時間: 2014-6-4 19:20
騙案週街都有，只要自己唔貪心同堅持騙徒就唔會成功！

作者: wel524 時間: 2014-6-4 19:22
騙案

跨境都未必真

作者: oooooo 時間: 2014-6-4 19:22
報警啦,有哂whatapp做証

作者: neillam 時間: 2014-6-4 19:23
回復 pkleung 的帖子

佢個人吹水無敵，不理也罷。

作者: 001a 時間: 2014-6-4 19:23

作者: seamus 時間: 2014-6-4 19:24
睇到我好眼訓，睇到雲南極罕有龜，賣一萬，c 兄你夠膽講出黎我like 你，下次醒d

作者: 大邪王 時間: 2014-6-4 19:26

老細發表於 2014-6-4 19:19
好靚仔。

肯做野冇攞綜緩，肯換龜又冇偷龜，咁後生應該有頭髮，應該比個機會佢，如果四十令歲以上就應X柒佢！

作者: neillam 時間: 2014-6-4 19:29
回復 chan359777 的帖子

無錯

，係我衰貪罕有衰信錯人

作者: neillam 時間: 2014-6-4 19:37
回復 seamus 的帖子

咁貴原本吳會要但吳知點解俾佢遊說左一朝就神推鬼ong咁換左

可能我係一個意志力薄弱的人

作者: 阿麟 時間: 2014-6-4 19:37
龜友名人繼近期又添一員了,不過係黑名單

作者: Kaka01 時間: 2014-6-4 19:37
本帖最後由 Kaka01 於 2014-6-4 19:40 編輯

大邪王發表於 2014-6-4 19:26
肯做野冇攞綜緩，肯換龜又冇偷龜，咁後生應該有頭髮，應該比個機會佢，如果四十令歲以上就應X柒佢！ ...

咁咪强姦都得？我唔認同

作者: 老細 時間: 2014-6-4 19:39
提示: 作者被禁止或刪除內容自動屏蔽

作者: neillam 時間: 2014-6-4 19:41
回復大邪王的帖子

如果要一拍兩散我就報警了。只是吳俾佢再係度呃呃騙騙，分享俾大家知等大家有警覺性

作者: neillam 時間: 2014-6-4 19:44
回復老細的帖子

我蠢

作者: neillam 時間: 2014-6-4 19:50
回復老細的帖子

我太易信人，無基心。信佢講ge野

作者: kit941120 時間: 2014-6-4 19:51
我實在厚多士，睇到眼瞓中⋯⋯

作者: neillam 時間: 2014-6-4 19:54
回復 Kaka01 的帖子

我小懲大界放佢上龜友，俾佢知做埋d咁ge野係有後果的。

作者: neillam 時間: 2014-6-4 19:59
回復 kit941120 的帖子

打到手跛了

作者: 老細 時間: 2014-6-4 20:02
提示: 作者被禁止或刪除內容自動屏蔽

作者: 老細 時間: 2014-6-4 20:07
提示: 作者被禁止或刪除內容自動屏蔽

作者: tiffanypang 時間: 2014-6-4 20:24
嘩,,唔報警咁仁慈？
佢呢d人實繼續週圍呃人喎
如果係我,,1開始見唔對路就唔會再理佢,,
講真,,如果係咁罕有會呢個價俾我？
第2,,有價有市既有必要用咁hard sale？大6咁多肯洗錢既,,佢去叫高幾倍價sale俾大6班有錢佬好過係度sale我啦,,對不？
下次真係要小心d喇

作者: 大邪王 時間: 2014-6-4 20:31

Kaka01 發表於 2014-6-4 19:37
咁咪强姦都得？我唔認同

我都係聽人講架咋

作者: 大邪王 時間: 2014-6-4 20:36
本帖最後由大邪王於 2014-6-4 20:37 編輯

neillam 發表於 2014-6-4 19:41
回復大邪王的帖子

如果要一拍兩散我就報警了。只是吳俾佢再係度呃呃騙騙，分享俾大家知等大家有警覺性 ...

對唔住，我開左個玩笑，其實我已經睇晒全段文字，我支持你.
如果條友等錢開飯，呃錢都已經唔岩，何況呃龜! 龜又唔係必須品，無錢可以唔買住，儲到錢再買，唔駛呃既..

作者: oooooo 時間: 2014-6-4 20:38

tiffanypang 發表於 2014-6-4 20:24
嘩,,唔報警咁仁慈？
佢呢d人實繼續週圍呃人喎
如果係我,,1開始見唔對路就唔會再理佢,,

乜你咁架,唔好抹黑大陸人,人人皆平等,
大陸有無傻仔就未知,中招開post呢度就有一個!
總之就一句到尾 ''支持樓主報警''

作者: oooooo 時間: 2014-6-4 20:39

老細發表於 2014-6-4 20:07
又係2014瘋暈人物。

2014想打人物

作者: XMEN 時間: 2014-6-4 20:39
我之前收線安，呢條友send d 灰安相黎當線安

作者: 老細 時間: 2014-6-4 20:50
提示: 作者被禁止或刪除內容自動屏蔽

作者: 肥文 時間: 2014-6-4 21:06
小心膠友 :0)

作者: redbean723 時間: 2014-6-4 21:07
睇見E篇野真系好火-,-
用人地對龜既愛心熱情去昆人
都唔知佢養緊C兄既梅花養得好唔好
打橫哂D野黎講-,-

作者: oooooo 時間: 2014-6-4 21:08
回復老細的帖子

打人可以好和諧,笑笑口都可以好認真!

作者: tiffanypang 時間: 2014-6-4 21:14

oooooo 發表於 2014-6-4 20:38
乜你咁架,唔好抹黑大陸人,人人皆平等,
大陸有無傻仔就未知,中招開post呢度就有一個!
總之就一句到尾 ''支 ...

我唔係呢個意思,,只係眼見好多大6人都鐘情°°貴價野°°,,呢條友作故仔咁撚手,,要呃唔難吖

作者: LlB 時間: 2014-6-4 21:20

老細發表於 2014-6-4 20:50
呢條友咁靚仔，揾人肛探下佢會好d.

咁都諗到好野

作者: 老細 時間: 2014-6-4 21:22
提示: 作者被禁止或刪除內容自動屏蔽

作者: kit941120 時間: 2014-6-4 21:30
係咪應該報公安先啱？

作者: 老細 時間: 2014-6-4 21:43
提示: 作者被禁止或刪除內容自動屏蔽

作者: oooooo 時間: 2014-6-4 21:54

tiffanypang 發表於 2014-6-4 21:14
我唔係呢個意思,,只係眼見好多大6人都鐘情°°貴價野°°,,呢條友作故仔咁撚手,,要呃唔難吖 ...

戙佢返大6...叫天不應叫地...叫床...

作者: oooooo 時間: 2014-6-4 21:55
回復老細的帖子

灰諧比和諧指數高!

作者: 老細 時間: 2014-6-4 21:58
提示: 作者被禁止或刪除內容自動屏蔽

作者: minicooper 時間: 2014-6-4 22:12
師兄，你玩開閉盒都應該知云閉應該不是那個價罷！這裡應該唔只你一個被看中！

作者: Kaka01 時間: 2014-6-4 22:38

neillam 發表於 2014-6-4 19:54
回復 Kaka01 的帖子

我小懲大界放佢上龜友，俾佢知做埋d咁ge野係有後果的。

康哥都係咁！佢地好快唔記得！
揾人拉佢啦！

作者: 阿麟 時間: 2014-6-4 23:00

老細發表於 2014-6-4 20:07
又係2014瘋暈人物。

好彩我地幾個今日都無亂交朋友jei ,真係要帶眼識人啊

作者: 娃娃 時間: 2014-6-4 23:42
點解呢個網咁多D類人，呢個網係咪應該消滅左會好D

作者: Chun12132001 時間: 2014-6-5 00:10
條友潛左水，睇怕又用左第二個名啦。

作者: 龜小B 時間: 2014-6-5 00:11
好多謝師兄咁詳細既分享！感激感激

師兄都係一時胡塗才信錯人呀！下次小心D呀！
不過都贊成你報警，個騙子呃你之後仲恐嚇你喎，正衰人呀

作者: 地獄火 時間: 2014-6-5 00:14

娃娃發表於 2014-6-4 23:42
點解呢個網咁多D類人，呢個網係咪應該消滅左會好D

消滅人類切底 d wor

作者: 龜小輝 時間: 2014-6-5 01:25
想用四隻梅花換傳說中既云南闭壳龟？
尼次偷雞吾到，吾见龟。
真係寧教人分妻，莫教人偷雞，
樓主我深感同情，当買次教训。

作者: 殺破狼 時間: 2014-6-5 01:44
回復 pkleung 的帖子

同意，失實陳述告得入，因為此人講左一堆假野令到師兄做出錯誤選擇

作者: 婷婷 時間: 2014-6-5 03:29
建議去警署備案,同佢開個file,
網名可以換,身份唔可以~
起碼到下一個受害人出現去報警,都有同類紀錄支持,
上得山多終遇虎~

作者: MichaelL 時間: 2014-6-5 12:07
云閉1萬銀........我賣身去買...

作者: oooooo 時間: 2014-6-5 12:09
其實單野係咪真架,又唔報警,講講下又無咗下文!

作者: neillam 時間: 2014-6-5 12:46
回復 tiffanypang 的帖子

多謝提醒，我會鄭重考慮報警，交俾警方處理，消滅不法分子。

作者: neillam 時間: 2014-6-5 12:49
回復 oooooo 的帖子

多謝o c 兄提醒，我會鄭重考慮報警，交俾警方處理，消滅不法分子。

作者: oooooo 時間: 2014-6-5 12:52

neillam 發表於 2014-6-5 12:49
回復 oooooo 的帖子

多謝o c 兄提醒，我會鄭重考慮報警，交俾警方處理，消滅不法分子。 ...

報完警,影張備案紙上來睇下!

作者: billy815 時間: 2014-6-5 17:22

其實C兄你都有問題，貪心同又唔識推人，

作者: neillam 時間: 2014-6-5 18:31
回復 billy815 的帖子

我都得到懲罰了

作者: neillam 時間: 2014-6-5 18:41
回復婷婷的帖子

多謝提醒，我會鄭重考慮報警求助。

作者: neillam 時間: 2014-6-5 18:42
回復婷婷的帖子

多謝提醒，我會鄭重考慮報警求助。

作者: neillam 時間: 2014-6-5 18:50
回復龜小輝的帖子

佢話周氏。話雲南特有閉殼類龜。

作者: vincentchow630 時間: 2014-6-5 21:37

neillam 發表於 2014-6-5 18:41
回復婷婷的帖子

多謝提醒，我會鄭重考慮報警求助。

話時話，你係交收前有冇查清楚周氏，云南特有閉殼龟係點樣ga?

作者: 龜小輝 時間: 2014-6-5 22:08
去到讲大獲D，话街头骗案

作者: neillam 時間: 2014-6-5 22:29
回復 vincentchow630 的帖子

由個日晚上10點左右到第二日下午3，4點交收，都吳夠18個鐘，中間又有訓教時間，又返工，空閒時間吳多，我諗住信得過佢，0就無做太多research。

作者: vincentchow630 時間: 2014-6-5 22:37

neillam 發表於 2014-6-5 22:29
回復 vincentchow630 的帖子

由個日晚上10點左右到第二日下午3，4點交收，都吳夠18個鐘，中間又有訓教時間 ...

連上網查下都冇時間?

作者: neillam 時間: 2014-6-5 23:03
回復 vincentchow630 的帖子

佢講雲南扁，但呢個名search吳到野。個晚其實我無諗過買或換，只係問下，所以無認真去search。第二朝電話就講會閉殼，成程車佢都不斷打俾我傾。我都無時間真正去搵資料。返到公司就開工，有時間先可以偷下雞上網搵，但資料不多，無咩結論。

作者: vincentchow630 時間: 2014-6-5 23:46
本帖最後由 vincentchow630 於 2014-6-5 23:47 編輯

neillam 發表於 2014-6-5 23:03
回復 vincentchow630 的帖子

佢講雲南扁，但呢個名search吳到野。個晚其實我無諗過買或換，只係問下，所以 ...

只好套用一句經常係賭場聽的金句: 財不入急門
係呢度就演變成: 正龜不入急門

作者: oooooo 時間: 2014-6-10 02:17
打返上頭俾大家留意

作者: 你阿妹 時間: 2014-6-10 09:04
開工, 留言遲下睇,

作者: neillam 時間: 2014-6-10 17:03
案已報

有報案咭一張，其他留俾警方跟進。相後補。

作者: Uncledash 時間: 2014-6-12 21:51
回復 neillam 的帖子

留名跟進先

作者: Johnson 時間: 2014-6-12 23:57
ching的不知名龜應該是.......吧

作者: 哇哈哈 時間: 2014-6-13 00:19
以後唔好咁輕易信曬人了
除了我

歡迎光臨香港龜友論壇 (https://hkturtle.org/)