香港龜友論壇

標題: 新手想養水龜，現請教各位師兄師姐~ [打印本頁]

作者: 龜小B 時間: 2014-6-14 08:25
標題: 新手想養水龜，現請教各位師兄師姐~
各位師兄師姐，我係養開陸龜既，又因為養了龜龜後，就鍾意去魚街＂打龜釘＂

我覺得一般水龜都比陸龜活潑和動作靈敏D，特別見D水龜反轉左後好快自己反番正，就覺得好靈活啦~
考慮緊買兩隻水龜來養，有以下問題請教一下：（「一盆盆」那些）
1）在魚街成日見到D一盆盆細細隻既水龜賣，巴西啦、珍珠啦、草啦、地圖啦咁，好似任君選擇咁。咁我如果在呢D一盆盆到揀，係咪揀D爬得最高最好？代表最生猛？
2）因為想買兩隻，唔想發生咬來咬去事件，咁有邊D品種和順D？（我家中仲有個仔得三歲，所以唔想買D會好想咬人既品種）
3）爬文話D巴西苗，草龜苗易有病，咁買中型size買起會唔會好D？
（因為一盆盆嗰D到實有D係大隻D既）
4）希望不用過冬既品種有咩可揀？（價錢$100以下）
5）那種水龜較易照顧，即可以不用攪濾水器，簡單用普通透明箱就可以照顧？
（我可以日日換水、曬太陽和有燈夾俾牠們照燈）
6）見各位大大話要隔夜水，咁煲過既水、蒸餾水或礦泉水（一支支超巿賣那些）又得唔得？
7）如果家中水喉有裝過濾器，咁仲需要養水嗎？養水最少要幾耐？
8）有沒有邊種無咁易爛甲架？因為成日見到D爛甲post

作者: N1202118112 時間: 2014-6-14 09:31
1. 其實係魚街買龜好睇彩數,有陣時爬得最高的,未必代表最健康
2.如果你話唔想2隻咬黎咬去的,咁就最好唔好混養。如和順的品種有草龜同地圖
3. 龜苗對於一個新手黎講係比較難照顧的,建議新手可以買亞成體。
但都係個句啦, 照顧得唔好,俾幾大隻你都係會有事

4.唔係過冬的,以我所知可以簡巴西,比較耐寒
但冬天咁凍,最好落返枝暖管啦
5. 其實冇邊隻水龜話較易照顧,隻隻都一樣
你加個濾水,除左方便你自己,唔洗日日換水之外,同時都提供一個較佳的居住環境俾龜龜
其實你日日換水,d水費都係返度啦,點解唔整個濾水呢?!
6. 記得有d師兄話,煲過的水冇咁好,所以最好都係用隔夜水啦
7. 我只知養水要一個星期
8. 都係個句,隻隻龜都一樣,唔會話有某個品種冇咁易爛甲,只要你照顧得好,佢地咪自然冇病冇痛

如果買,記得唔好幫襯藍衫人
同埋養水龜都有好大的學問,爬多d文先再決定買唔買啦
加油!

作者: twbb 時間: 2014-6-14 10:36
1）有病通常唔食野,你可以帶定d龜糧,肯第一時間搶食既話都ok既(如果店主
肯比你咁做既話）
2.）花斑,天生細膽,唔會打交,不過難照顧
3）理論上可以咁講
4）注意保溫咩龜都可以唔駛冬眠
5）玩具龜？咩龜都會有屎尿,唔想煩就唯有唔好養
6）隔夜水比較好,煲過同所謂礦泉水無咁健康
7）可以過濾氯氣嗎?
8）多曬太陽就可以,成日唔曬就咩龜都會有機會爛甲

作者: Mike記 時間: 2014-6-14 12:36
師姐！爬得高理論上係fit d，不過仲有好多方面要留意，請爬文。
就算最純品種，同種二隻一齊都可能打交，一係淨養一隻，一係做好可能要分缸養嘅心理準備。
理論上同一價錢，大隻會fit d。
唔係好明第4點問乜？
提議將budget升到$100-$300，因平價龜，舖頭keep得唔好。
最好簡成體較細嘅品種。
每人喜好都唔同，爬文簡品種啦！
最穩陣就水喉過濾器嘅水再放48小時，要比d空隙透氣。蒸餾水同凍滾水唔好。礦泉水成本太貴。
你誤會咗養水嘅意思，指養濾水器裡面嘅益菌。
巴西成體唔細，屬中型龜，會咬其他品種。地圖成體細巴西dd，性格膽小敏感，不適合新手，亦會咬其他品種。花龜／斑龜size同地圖一樣，性格好似純良。草龜細隻，都係好似純。

作者: Johnson 時間: 2014-6-14 12:48

龜小B 發表於 2014-6-14 08:25
各位師兄師姐，我係養開陸龜既，又因為養了龜龜後，就鍾意去魚街＂打龜釘＂
我覺得一般水龜都比陸龜 ...

1 去有信用龜店買最好
2 同種+由細一起養到大就應該冇問題
3 其實龜的身體好強壯尤其巴西有病因為店鋪處理超級差所以要簡有信用舖頭
4 不用過冬? 最好都係落暖管啦如果係龜苗成龜就唔洗
5 除了凌背龜草果D其實都唔會有太大問題我屋企果2只花D水偶爾都會超黃不過都冇事
6 其實呢........我D花龜係用水喉水的(被打
7同上.....
8 其實龜好少爛甲最多D龜苗D甲剛出生不久而有D林

作者: 龜小B 時間: 2014-6-14 12:51
回復 N1202118112 的帖子

謝謝師兄咁詳細既解答呀！
請問「亞成體」即係？
嗯，我會努力爬文考慮清楚才買架〜

作者: 龜小B 時間: 2014-6-14 12:54
回復 twbb 的帖子

謝謝你呀師兄〜
你放心啦〜我會考慮清楚架！
哦〜〜原來只要夠溫度就不會冬眠架啦〜明白了〜

作者: N1202118112 時間: 2014-6-14 12:55
亞成體通常有以下這些定義:

1.) 只要身長到達或過了成體的一半, 就可以叫亞成體.
2.) 開始有繁殖能力, 也可以叫亞成體.
3.) 雄性或雌性到達亞成體的時間有所不同, 不同品種也會不同.
e.g. 紅耳龜, 雌龜比雄龜大, 若飼養環境, 食物, 個體健康等因素是完全一樣的情況下, 雄龜比雌龜快到達成體.
4.) 龜的成熟期是看身長, 並不是看養了幾多年.
e.g. 若一隻龜長大很慢的話, 就算養了很多年, 距離成熟期也會很遠.

作者: 龜小B 時間: 2014-6-14 12:56
回復 Mike記的帖子

哈〜咁我的確係誤會了「養水」既意思呀!
謝謝你既解答〜〜〜^^

作者: Mike記 時間: 2014-6-14 13:32
唔洗客氣！
比龜冬眠係高手至可實行，否則易出事，最好都係有暖管，加埋陶瓷膽過冬。
可考慮油彩／錦龜，由其是亞種南部油彩龜，成體細隻，體健易養，唔會好惡，幾靚仔，香港夏天氣溫又頂到。之前三月時，苗大約$140。

作者: tiffany_john 時間: 2014-6-14 14:57

Mike記發表於 2014-6-14 13:32
唔洗客氣！
比龜冬眠係高手至可實行，否則易出事，最好都係有暖管，加埋陶瓷膽過冬。
可考慮油彩／錦龜，由 ...

今年我都有比D龜冬眠播，我唔係高手，最耐只龜不過係舊年九月，十二月中只龜開始唔多食，於是我就用濕毛巾包住等佢訓覺，兩只龜苗訓訓醒醒，醒左我就比水浸下，兩只野仲會問人攞野食，但食得唔多

。大果只要時不時補番D水落毛巾，有時候，溫度突然上升到20度，D龜就會起身，但唔一定食，甘情況可以浸下電解水，香港冬天唔夠凍，D龜訓得唔lump

。

作者: Mike記 時間: 2014-6-14 15:37
我係睇香港兩棲及爬蟲協會嘅水龜文章，先至知比水龜冬眠咁多學問。
話成體冬眠前要最少一個月唔餵食，苗、亞成好似要仲耐。
定期量體重，體重忽然減就要立即停冬眠。
氣溫忽然升高又要停。
身體有任何異常要停。
中途醒咗又要停。
中途不可餵食。
冬天後不可即刻餵食，話要到達某個溫度至可餵。
記得咁多咋！查實好多龜就係冬眠後K.O.咗嘅！所以小弟唔會比隻紅耳冬眠。

作者: 龜小B 時間: 2014-6-14 17:57
回復 Johnson 的帖子

謝謝你呀Johnson~~~

作者: 龜小B 時間: 2014-6-14 17:58
回復 N1202118112 的帖子

原來如此〜〜又學到野啦^0^

作者: 龜小B 時間: 2014-6-14 18:04
回復 Mike記的帖子

好的〜咁我就爬定名多D文啦〜〜
過冬前有很多事情要注意的，我都有睇過相關文章。所以我就係怕處理得唔好而出事>~<
（我起初以為某些品種既水龜一定要/一定會過冬，幸好有師兄解除了我的疑慮了）

作者: 龜小B 時間: 2014-6-14 18:05
回復 tiffany_john 的帖子

你都好叻播〜〜〜〜

作者: fafafa3 時間: 2014-6-14 18:06
叫啲師兄陪你去買最好

作者: 龜小B 時間: 2014-6-14 18:07
回復 Mike記的帖子

我又喺爬了兩棲協既文章，所以才擔心，怕處理唔好會攪死/病D龜呀

作者: tiffany_john 時間: 2014-6-14 18:52
有人放雪櫃冬眠，下面果格。我只亞成自己自動停食，係兩只苗唔停，亦唔多訓。

作者: Kenneth0917 時間: 2014-6-15 02:51
冬眠唔好放入雪櫃啊。唔好聽人講。

如果系一年苗，就加大牌子的暖管入缸，過冬。

如果唔系，建議每一隻健康的龜都冬眠。可以淺水過冬。或者用泥和苔蘚過冬。

每一隻經得起冬天的龜龜，體格會十分強壯，不易患病。並且可促進繁殖。

作者: Mike記 時間: 2014-6-15 10:35
係有唔少品種嘅龜喺原生地會冬眠，不過香港冬天唔夠凍，又時凍時唔凍。除咗某d品種有利於繁殖，否則冬眠搏唔過。

作者: Johnson 時間: 2014-6-15 18:58

tiffany_john 發表於 2014-6-14 18:52
有人放雪櫃冬眠，下面果格。我只亞成自己自動停食，係兩只苗唔停，亦唔多訓。 ...

有D雪櫃係下面冰格XD

作者: N1202118112 時間: 2014-6-16 09:19

tiffany_john 發表於 2014-6-14 18:52
有人放雪櫃冬眠，下面果格。我只亞成自己自動停食，係兩只苗唔停，亦唔多訓。 ...

呢個我都有聽過
個個人係外國的,約2隻龜放入雪櫃冬眠
到到暖d的時候先拎返佢出黎
呢個人真係高手中的高手

作者: tiffany_john 時間: 2014-6-16 13:17
回復 N1202118112 的帖子

甘你就太崇洋媚外嘞，我識果個係祖國人來，雪櫃比龜專用，開條縫抖氣，認真重本

。

歡迎光臨香港龜友論壇 (https://hkturtle.org/)