香港龜友論壇

標題: 轉貼：李純恩問佔中 [打印本頁]

作者: jordan123 時間: 2014-10-5 23:40
標題: 轉貼：李純恩問佔中
刺骨入肉的文章
有人彈，亦有人讚,這是香港怪現象，你以為如何?
睇完之後你有冇覺得呢D，其實就係一個典型香港仔既寫照？

1．回歸15年，誰在香港最冇言論自由？
係中央，佢打個吃嚏都比港人鬥爆叫佢收皮...
有人話，中聯辦就快連行出街都比人告遊蕩罪。

2．雙非嬰 - 呢個漏洞係香港自己一手造成。
中央曾話過父母無居港權係香港生既B都一樣無，係港府/法院自己死執住莊豐源案話有，先搞到今日田地。
衰D講，蝗蟲災難唔係中央指使入侵，係港人自己傻仔打開後門叫人入黎。

3．中央當年應承左2012年普選，係何俊仁帶頭做枱底交易話要2017。
點解？特首選舉已比晒答案你。

4．邊個逞英雄幫賓賓搞居港權？係公民黨。
但雙非嬰問題上呢班政棍有好似幫賓賓咁落力實質做D野幫港人同政府爭取過咩？
而阻撓實行最低工資最賣力係邊個？
係地產黨既立會代言人。

5．點解咁抗拒梁振英做特首呢？
唔係口口聲聲成日話政府弱勢對住班有錢佬冇符咩？
依家終於有個唔賣有錢佬賬既強人出現，你地又唔要.... 究竟想點？

6．幾年前東江乾涸，廣東省人勒緊褲頭捱制水，中央都唔肯減少一滴供水比香港；
你地諗住抗議班人當年有幾多個自動節約用水同國家共渡時艱？

7．香港有冇犧生小我完成大我既精神去配合國家既鐵路發展？
當全國省市已積極配合動工甚至通車時，菜田村仲係度為雞蒜咁大塊地拗餐懵。中央有哼過你地一句嗎？

8．自由行係邊個要求的？係港人，因為沙士後百業蕭條，要靠大陸泵水。
亦係港人要求CEPA攞著數的。

9．港府自己犯賤死撐自駕遊，港人大力反對下，中央即刻妥協話大陸D車唔落黎但香港D車可上去。
你估大陸城市塞車唔嚴重咩？

10．今次選舉爛攤子，邊個出黎執手尾？仲要執完仲要比你地鬧干預。
我想問下希望流選既人，有冇仔細諗過流選後邊個先最適合做特首？
同埋香港已經咁化，你有信心7.1交接前大家可以有共識？
呢15年來，中央對港人做過咩衰野，要如此不共戴天處處撐到行？
佢有無殺左你全家？佢盡力比最大利益錫住你，你又為佢做過D嘜？

我寫完自己都覺慚愧，中央好委屈。
佢做野比人鬧干預，唔做比人鬧唔撐...
香港小市民, 共產黨從無係你手上榨取過一分一毫，搾乾你地既係班地產黨賣港賊同貪曾政權。
中央比既所有利益佢地蠶食晒，但就中下階層付出代價。
民怨沸騰時就擺中央上枱話佢會出坦克鎮壓市民；

你地係咪仲做無恥之徒既棋子行出去反梁振英？點解班土豪咁怕佢？
因為梁生要佢地嘔番比我地呀！
土豪最叻用普遍人怕中共心理想將佢拉落馬，你仲要中佢地計？

香港而家係需要分化，定齊心？請用良知去做正確選擇。多多得罪了！
港英時代有過民主嗎?港督由英國直接委任，事事向英國交代，這叫民主，這叫不干涉香港事務！
97以前有平機會，伸訴公處，監警會嗎?
97以前民選議員比率仲少過現在！
(資料有誤請指出及包函)

《佔領中環不代表我》
堵塞我們金融中心，
癱痪我們經濟命脈，
破壞我們就業環境，
摧毁我們世代前途。
我們討厭佔中！
我們才是大多數！
請不要説代表香港人！
我們憤怒了！
你是我們痛恨的人！
如果你有相同見解，請將這訊息傳開去！

作者: 啊橙 時間: 2014-10-5 23:47
李純恩本人自述：
一大早電話不停，許多朋友來問，網上流傳一篇文章，真是你寫的嗎？
又來了。
上次有人在網上冒我的名字寫挺梁文章，流傳了一陣，我在專欄裏一澄清，滅了。現在，也不知哪個見不得人的鬼祟傢伙，又冒名寫了一篇，題目叫作「要吐一口氣：還爭取什麼？」寫明：原文出自李純恩。
這篇東西的內容當然是罵佔中的。罵佔中也是一種立場，自由社會，沒人會禁止你說什麼寫什麼，但有種寫就要有種認，敢寫不敢認，就是心中有鬼，就是見不得人。我不知道這種罵佔中罵學生的人心中有什麼鬼，但從其鬼祟行徑可知，他即使貌似「理直氣壯」寫出如此一篇東西，其實還是心虛得要死的。一個「立場堅定」的人，心虛什麼呢？既然心虛，你就不要他媽的擺「理直氣壯」款啦！
上次有這類鬼祟之人冒我名寫挺梁文章的時候，我就替梁振英的人緣可憐，似乎在香港挺梁成了一件見不得人的事情，是一件做了讓人丟臉甚至心虛的事情，以至想挺他的人都鬼祟地躲在暗處不敢被人知曉，寧願讓「李純恩」出名了。
我不知道上次和今次如此「厚愛」「李純恩」三個字的是不是同一個人，但這種無膽鼠輩的作為肯定證明了一個事實，那就是幫笨蛋的未必是笨蛋，幫王八蛋的，必定是王八蛋。

作者: 啊橙 時間: 2014-10-5 23:48
要講大話都唔好搵尐畀佢本人踢爆左既野黎講啦。

作者: 東方不敗 時間: 2014-10-5 23:48
都係因為三個字,共產黨,以前國內點批鬥,都唔關你港人事,自己強出頭做英雄批鬥返人,香港人崇洋,寧做外國狗,不做中國人,就係咁

歡迎光臨香港龜友論壇 (https://hkturtle.org/)