香港龜友論壇

標題: 堅持所相信的! [打印本頁]
作者: 研究陸龜    時間: 2014-10-15 23:04
標題: 堅持所相信的!
本帖最後由 研究陸龜 於 2014-10-15 23:04 編輯

『癲狗止步』

昔日男尊女卑既時代，女人唔可以讀書、唔可以有話事權。
爭取女權既女人性被民眾批評為『搞事份子』
，受到嘲笑、辱罵，甚至攻擊。
佢地既犧牲，造就今日既男女平等!

女權英雄 Kathrine Switzer
http://www.sportsnote.com.tw/running/view_article.aspx?id=ff6b16f8-7d93-4684-9695-fec1f5c5ce9d

今日我地為左更公平既選舉制度，同樣受到嘲笑、辱罵，甚至攻擊。
請堅持所相信的，彰顯公義，不平則鳴!


" You may say I am dreamer, But I'm not the only one, I hope someday you'll join us, And the world will be one"
作者: jasonmetro    時間: 2014-10-15 23:21
Imagine 係我好中意既一首歌
我去紐約既時候都有去john lennon 既strawberry field

合作係好重要，唔合作，只有仇視敵對，how can the world 'live as one'
作者: kanhung    時間: 2014-10-15 23:33
昔日的努力 ,HK 才有今日的繁榮及安穩 ,今日班政棍 ,佢地沒有犧牲 ,更沒有在拘趕時侯企出來 ,更甚有班 xx 哥被他煽動爭取...... ,查實袋咗筆錢 ,老婆仔女移曬民 ,夫妻檔昆水 ,大聲呼喚班 xx 哥為 xx 自由堅持到底  佢又唔帶頭衝擊政總 ,勁似李氏陸龜
作者: 研究陸龜    時間: 2014-10-15 23:38
回復 jasonmetro 的帖子

無謂再同某D會員嘈落去!  
大家追求既野唔同! 由得佢地嘈，最緊要知道自己想成為一個點既人!

You are not the only one!
作者: TakTak    時間: 2014-10-15 23:42
你地堅持嘅理想無錯，係用錯方法去爭取，
你硬要用你地嘅方法同步佛去爭取，而勿
視現實慨情況，只會搅到社會大亂，流血收
埸，熟悉隰曆史同共產黨的人應該知道，共產
黨ㄧ定唔會比你威脅到，唔會同你客氣，你地
少數人追求理想，要7百萬人ㄧ齊陪葬，追求理想
要策略，要堅韌，唔係盲衝，唔理整體，呢啲道理
大把人講咗講過，不過你地都係聴唔入耳嘅啦，
大家各自表述啦
作者: 研究陸龜    時間: 2014-10-15 23:44
回復 kanhung 的帖子

最緊要理性討論 唔好玩人身攻擊

果D社運領袖，佢地既行為對與錯，自有公論。

問題唔係再於D領袖既個人表現，係在於個制度係咪平等、係咪錯!

我認為爭取更公平既選舉制度係岩既事，我就會去做，就係咁簡單!
作者: jasonmetro    時間: 2014-10-15 23:55
我其實好感動，呢個論壇仍然有空間比人講理想，講夢，所以我好多謝樓主
面對強權，做到既野真係好少，我地已經與政權為敵，不想再和其他不滿者敵對
的確，全心全意對抗不公義，係我地既首要任務
係大原則底下，同反對者既口舌之爭毫無益處

不過我依然會堅持不平則鳴既原則，捍衛我重視既價值
作者: TakTak    時間: 2014-10-15 23:56
回復 研究陸龜 的帖子

咁我咁理性平和慨回愎而得到jasonmetro
点評為癫狗止步又点計，算唔算人身攻擊，
呢啲咪雙重標準囉
作者: 地獄火    時間: 2014-10-16 00:09
男女平等
我都想 g 如何平等
如果男人可以大肚生仔果刻，我深信男女係平等
作者: TakTak    時間: 2014-10-16 00:10
回復 TakTak 的帖子

咁你咪拽耳盗鈴，鴕鳥政策，
成日話要有唔同意見，ㄧ有就
唔聽，你咁怕異見，咪証明你
地唔夠point, 唔夠strong ，
你唔好係度發帖咪無人回囉
作者: jasonmetro    時間: 2014-10-16 00:14
TakTak 發表於 2014-10-16 00:10
回復 TakTak 的帖子

咁你咪拽耳盗鈴，鴕鳥政策，

如果你係想理性討論，我一定奉陪
但我留意你post既野好耐，表面中立，用「我都xxx」呢d字眼
但實在是立場明確

另外請尊重樓主既意願，唔好響呢度爭執
作者: TakTak    時間: 2014-10-16 00:23
回復 jasonmetro 的帖子

我立埸唔係中立㗎，我係百份百反佔中，
反暴力，熱愛和平，有理想，有熱血，
爱香港，珍惜前人多年心血建設的香港，
你地偏聴唔岩聴，唔比唔同意見回愎，就
不如唔好在此發帖啦
作者: 燕赤霞    時間: 2014-10-16 00:31
提示: 作者被禁止或刪除 內容自動屏蔽
作者: TakTak    時間: 2014-10-16 00:35
我思想同眼界都好開阔，個帖係
open ge, 樓主若不想有異見，咪
自己delete jor 個post lot, 或者去
投訴區都得，你地唔係話要言論自由，
ㄧ唔岩聴就ban
作者: TakTak    時間: 2014-10-16 00:40
回復 jasonmetro 的帖子

仲有，so far 你覺得我的回愎有毶邊度
唔理性先，定係你理龟唔想debate 先
作者: 東方不敗    時間: 2014-10-16 00:50
害到人冇工開,家破人亡點計數呢
作者: 研究陸龜    時間: 2014-10-16 00:53
TakTak 發表於 2014-10-16 00:35
我思想同眼界都好開阔，個帖係
open ge, 樓主若不想有異見，咪
自己delete jor 個post lot, 或者去

其實我都無回過你，更遑論我有權ban你
作者: TakTak    時間: 2014-10-16 00:54
回復 TakTak 的帖子

喂哥哥仔，我好冷靜wor，你嘅回復令我
想起前兩天個的士故事，原來真係有
啲咁嘅人同想法，唔怪得個社會咁啦，自己暴力，
就話人暴力，自己唔冷靜，就叫人冷靜
唉
作者: 研究陸龜    時間: 2014-10-16 00:58
回復 地獄火 的帖子

我只係講緊女人都可以有權做佢想做既事，而唔係比班男人話晒事。

無謂討論d生理上既結構，而去否定一d價值觀。
作者: 研究陸龜    時間: 2014-10-16 01:06
本帖最後由 研究陸龜 於 2014-10-16 01:06 編輯

回復 東方不敗 的帖子

你話有人無得開工，我認同

家破人亡就作得大左d喎，不如你討論前拎一d例子出黎啦!

拿~我示範一次比你睇!

集會人士令到金鐘一帶既空氣質素變佳

【新報訊】每個人對近日的群眾運動或有不同看法，但近日市區空氣有改善應可獲得大部份市民認同：以往空氣極為混濁的中西區、旺角、銅鑼灣等地，因部份道路被佔領，車輛無法行走，令當地空氣質素大為改善，昨日傍晚6時，環保署在這些地區的監測站錄得「空氣質素健康指數」只有6級，較東涌的8級，健康風險明顯較小。有環保團體指出，此情況反映車輛排放是空氣污染元凶，政府必須繼續採取行動改善。

採訪：靜態組



群眾行動於上月底啟動後，不少市民均感覺到當身處佔領區時，就算人群聚集，也能嗅到清新空氣，除依靠感覺，由監測站錄得的空氣質素健康指數亦可充份反映。
根據環保署提供資料，上月22日星期一佔領行動未發生，旺角路邊監測站由中午至午夜錄得指數5至7級不等，惟於上月29日上周一，即佔領發生後首個星期一，指數卻只錄得3至5級不等。
銅鑼灣路邊監測站錄得的指數更明顯，於上月22日由下午至午夜，指數達7至8級，風險由高至甚高，惟上周一只有3至4級，風險只屬低至中，在中西區一般監測站及中環路邊監測站錄得情況，大致相同。


健康風險明顯降低


群眾運動發生至今，空氣質素轉好後一直保持，以昨日傍晚6時為例，環保署在中西區、旺角、中環、銅鑼灣設置的監測站錄得指數，全部均只有6級，再加上東區監測站，風險中等，屬全港最低，惟其他地區全部均錄得7至8級，健康風險明顯較高。
環保署發言人確認，車輛交通流量減少，旺角、中環、銅鑼灣3個路邊監測站在上月29日，錄得比上月22日較佳的空氣質素健康指數。
健康空氣行動項目經理馮建瑋向本報表示，以往由中環、銅鑼灣和旺角的路邊監測站所錄得的空氣質素，通常都最差，惟自群眾運動啟動後，這些地方空氣質素竟有改善。該會比較去年及今年9月29日及30日的數據，發現今年旺角、銅鑼灣和中環的空氣污染程度，均比去年同期下降，3地懸浮粒子數目均下跌30%至50%。

作者: 地獄火    時間: 2014-10-16 01:06
研究陸龜 發表於 2014-10-16 00:58
回復 地獄火 的帖子

我只係講緊女人都可以有權做佢想做既事，而唔係比班男人話晒事。

咁你會 5 會同女朋友食飯 AA 、唱 K AA，睇戲 AA、開房用避孕套都係 AA，如果你做到，我信你真係可以男女平等
可惜我做 5 到男女平等，因為一般係我附出較女性多，對女性呵護備致，係我生命中，女性係受保護既一群人，所以係我眼中係冇男女平等一詞，我真係失敗
作者: 東方不敗    時間: 2014-10-16 01:09
回復 研究陸龜 的帖子

空氣變佳,你咪笑死人啦 ,全香港人死哂空氣仲好tim　，　咁你不如話全香港唔好行車 ,咁仲好空氣,駛鬼你班人係度攪 ,金鐘大把垃圾未清,係你地做出黎,咪kai啦
作者: 研究陸龜    時間: 2014-10-16 01:13
回復 地獄火 的帖子

咁多謝你認同左女性地位係現今係有所提升
多謝你身體力行為女性服務

由以前比人當奴隸咁，到現在可以昇華到你口中咁被男性保護
你出左唔少力
真係多謝晒
作者: 研究陸龜    時間: 2014-10-16 01:22
回復 東方不敗 的帖子

理性討論  唔好講講下就話人kai啦  
我講完我既point再引用埋論據去支撐，唔見得有咩錯
相反你講既野完全無理據支撐，見樹不見林。

不如我問下你，其實你有無出過去睇下。
係有集會人士處理垃圾，清理垃圾。已經有唔少報導集會人士係會幫手清理垃圾，而且我係金鐘果陣都有份幫手。完全無垃圾堆積既問題

或者我再重申一次:其實你有無出過去睇下?

定係你淨係一直只係道聽塗說，唔出試下去睇清事實既真相?
作者: 地獄火    時間: 2014-10-16 01:23
研究陸龜 發表於 2014-10-16 01:13
回復 地獄火 的帖子

咁多謝你認同左女性地位係現今係有所提升

所以崇洋係啱，多讀書係好，起碼學識 5 洗照顧別人或女性，因為平等，希望你出來做事後，記得供養父母直到百年歸老
作者: 研究陸龜    時間: 2014-10-16 01:38
地獄火 發表於 2014-10-16 01:23
所以崇洋係啱，多讀書係好，起碼學識 5 洗照顧別人或女性，因為平等，希望你出來做事後，記得供養父母直 ...

你既概念係咪錯左?
崇洋=唔洗照顧別人或女性=平等
唔好偷換概念
你要將3樣野假定埋一齊既話，我都唔想同你講落去。

地獄火  你係咩立場   我知  
大家意見唔同，再討論落去都無意思

你都少d講『淫』野同埋少d開『淫』post
或者當有一日你唔再係開post『淫』野既時候，大家就可以理性討論下養龜心得



作者: jasonmetro    時間: 2014-10-16 01:42
地獄火 發表於 2014-10-16 01:23
所以崇洋係啱，多讀書係好，起碼學識 5 洗照顧別人或女性，因為平等，希望你出來做事後，記得供養父母直 ...

除了調戲女會員外，我相信你對本論壇甚少有建樹
人地好聲好氣回復你，你偏要搬出一套歪理，根本不在同一論題上
作者: 地獄火    時間: 2014-10-16 01:44
研究陸龜 發表於 2014-10-16 01:38
你既概念係咪錯左?
崇洋=唔洗照顧別人或女性=平等
唔好偷換概念

睇得到我 d  posts 意淫，你思想真係 5 得，証明你冇純潔的心，所以 5 好係我面前扮好人
但你地 d 佔中思維正在淫亂緊我 wor
作者: tbasd    時間: 2014-10-16 03:50
無謂同D左膠嘈，以免影響情緒
作者: 燕赤霞    時間: 2014-10-16 07:18
提示: 作者被禁止或刪除 內容自動屏蔽
作者: huskyho    時間: 2014-10-16 09:12
本帖最後由 huskyho 於 2014-10-16 10:18 編輯

個壇日日都係得反佔中丶簡體字po，
支持佔中冇幾多個，
冇表明立場，
淨係由人道角度講打人唔啱都可以俾人插，
都知道呢個壇嘅政治取向係邊一方。
你同佢地講理據係冇用架，
部分人唔理咩理據都可以歪曲成連幼稚園生都知道係錯嘅歪理，(非禮打人搶嘢果d，都可以同你講反佔中又冇話過要和平
有人索性唔理你講咩理據，
淨係提住一點不停話你錯，你問佢地做咩連唔係示威嘅記者都打，
佢地唔會逐個point應你，
只會講其他嘢分散重點，(點評就係一個好例子
問佢地理據又拎唔出，
部分人嘅經濟上晒岸，
思想手法盡得大陸真傳，
隨時都可以準備被接管，
梗係唔擔心有冇真普選

樓主無謂理佢地，
由佢地衝入來講，
唔使阻止佢地，
橫掂入去佢地d po講嘢唔係被無視就係俾佢地嘈，
學下梁特首同政府官員最叻嘅唔回應，
淨係回應自己那方的意見
再唔係學佢地咁，
搵個自己友多嘅論壇圍內傾，(高登首選
就唔使影響心情又可以表達意見

呢次運動外國已經睇到晒，
讚示威者丶責備警察政府反佔中嘅多，(大陸除外，佢地係經政府處理過一切，訊息穩定嘅平行世界
佢地話佔中崇洋丶外國勢力，
我地都可以話崇中丶中共勢力，
不過要唔要配合佢地就見人見智喇

欣賞樓主有勇氣出黎講，
不過有少少用錯地方喇，
留番氣力去金鐘同旺角支援仲好。
我自己就唔會再回佢地，
只會喺一邊食花生睇佢地笑話再分享俾人睇，
睇下養龜心得。






作者: herbalchung    時間: 2014-10-16 10:07
堅持相信的。堅持錯誤的
作者: kailunlun    時間: 2014-10-16 11:13
我支持堅持自己相信的，也請大家明白公民抗命的意義
如果你話共產黨一定唔會屈服，我可以答你：「能知三日事，富貴萬千年」
係出面抗爭緊既個個都係有識之仕，做醫生既有，做律師既有，做地盤工人的也有，做老師既更不勝枚舉，他們並不是農民，絕對有獨立思考的能力，我相信絕大部份人都明白自己走上街頭的目的及後果，請大家批評之前拿出自己的良心，不要隨便說出一些刻薄的說話

【蘋果日報】李怡：蘋論：世界上沒有任何社會運動不擾民 (1327)

佔領運動持續。梁振英在電視專訪中，回應《時代雜誌》稱這場運動為「雨傘革命」，他說他從沒定性為革命，但認為是一場「失控的群眾運動」。群眾運動是中共的傳統說法，現代文明國家多稱為社會運動。按大陸百度的解釋，「在革命時期，通常利用群眾運動作為顛覆舊政權、支持新政權的工具。在新政權建立之後，群眾運動將轉變職能，變為保護新政權不被顛覆的工具或者作為政府決策和執行的方式。」因此，按照中共的思維，群眾運動是由政黨（中共）所領導和「利用」的，無論「新政權建立」前或後，群眾運動都應該是受控制的棋子。雨傘革命不受控制，故稱之為「失控的群眾運動」。
許多文明國家的社會運動，則是指體制外的群體抗爭行為，是由扭曲的社會情境、斷裂的社會關係所激發的集體抗爭。參與社會運動的人群或團體，通常不具有深厚的政治實力，也沒有政治參選的能力與機會，才會選擇體制外發聲。社會運動通常以和平與非暴力的方式進行，上世紀末在一些國家由於參與者採用一種特別的顏色或者花朵來作為反對獨裁政府、思想控制和爭取民主自由等普世價值的標誌，故這種社運也有了「顏色革命」的名稱。
社會運動的走向，取決於參與者的互動，往往非發起運動的人所能控制。比如這次的雨傘革命，雖最早源於佔中，但9.28突然在金銅旺三區有幾十萬人走上街頭形成遍地開花的局面，則絕非佔中發起人及最先表態佔中的民主派頭面人物所能預料。26日晚黃之鋒呼籲重奪公民廣場，導致他和其他學生被羈留，市民開始激起義憤。到9.28警方出動催淚彈，佔中三子呼籲示威者撤離，群衆反而大量湧現，並開始了三區佔領的局面。現在佔領運動已非政治明星所能號令。無論是號召撤離銅旺，或相勸群眾為「留得青山在」而暫時休兵，都沒有多少人理會。尤其在市民自發參與的旺角區，即使受黑勢力攻擊，許多參與者仍準備長期留守抗爭。連日來，記者在旺角區的採訪，見證了香港市民公民意識的成熟。
佔領運動給市民正常生活帶來許多不便，也影響了一些店舖的營業。有人認為拖下去會引起市民對佔領運動越來越反感。學聯也一再為佔領運動向市民道歉。但全世界的社會運動，從來都不可能得到全社會支持的，甚至支持者未必佔社會的多數。社運對不少市民造成滋擾，許多市民對社運不滿，是全世界所有社會運動的常態。1963年美國總統甘迺迪把民權法案送交國會時，他說這麼做會讓他輸掉連任機會，因此他相信美國人一半以上是不贊成給黑人平等權利的。反越戰期間，在加州柏克萊大學區，因學生的反建制抗爭，以致沒有哪一家商舖的玻璃櫥窗不被打破，商店老闆以至夥計，怎麼會支持這種破壞性的學運？然而，社運參與者爭的不是個人利益，而是社會正義與所有人的平等權利，只要相信目標符合公義，那麼即使社會有一半以上的人反對，參與者也會不顧成敗堅持到底。以香港爭取真普選來說，顯然有相當多着重近利而不及長遠的市民會反對佔領運動，但佔領者所爭取的是所有香港人的政治權利，是香港免於沉淪的未來。故即使不為許多人所認同，也不應放棄。而且，9.28香港市民的奮起，顯示反對中共從政經社三方面蠶食香港，不顧力量懸殊而堅持本土抗爭，已是香港民心所向，大勢所趨。因此，筆者認為，佔領者甚至毋須向受影響的市民致歉，因為你們已作出並仍在作出犧牲，不是為自己，而是為了市民的權利和香港的根本利益。我們實在應該對掀起雨傘革命的學生和民眾表示感謝。
會不會導致港共政權進一步野蠻鎮壓？甚至會不會使中共政權不顧國際觀感出動軍隊？筆者記得魯迅說過：「我向來不憚以最壞的惡意來推測中國人。」尤其是發展到今天的極權政府，真是甚麼事都做得出。但香港市民所表現的，是有史以來最文明最善良最溫和的抗爭，對這樣的市民下毒手，將使絕大部份香港人和所有正直的人類，永遠鄙夷這個殘暴政權。
香港人的長期抗爭會有結果嗎？絕對不樂觀。但人類學家、佔領華爾街運動的發起人David Graeber教授在他的新書《為甚麼上街頭》說：「人類的想像力頑固地拒絕死去。當強加在我們集體想像力的鐐銬被越來越多人掙脫時，那一刻，即便是最深刻灌輸在我們腦海中的那些關於甚麼在政治上是可能的、甚麼是不可能的預設，也會在一夜之間粉碎脫落。」
（https://www.facebook.com/mrleeyee）

李怡
周一至周六刊出
作者: kailunlun    時間: 2014-10-16 11:18
回復 東方不敗 的帖子

家破人亡
你做咩工?
作者: kailunlun    時間: 2014-10-16 11:51
回復 herbalchung 的帖子

在政治下，你能分清絕對正確和錯誤嗎？六四事件 下軍隊屠城命令是正確還是錯誤？正確與錯誤只為觀點角度及政治取態問題
作者: kailunlun    時間: 2014-10-16 11:56
我不敢說我們現在所做的都是絕對正確，但我相信若然今天選擇回家不作聲，繼續視而不見，他日可能連發聲爭取的機會都再沒有。
作者: herbalchung    時間: 2014-10-16 12:23
kailunlun 發表於 2014-10-16 11:56
我不敢說我們現在所做的都是絕對正確，但我相信若然今天選擇回家不作聲，繼續視而不見，他日可能連發聲爭取 ...

可能嘅事, 有無限可能呀。可能你今日出聲導致他日爭取機會冇又唔定。問題核心係依家未見其利先見其害, 成班自私精拎香港市民將來押上一注, 係香港市民唔願意賭嘅一注。
作者: herbalchung    時間: 2014-10-16 12:32
kailunlun 發表於 2014-10-16 11:51
回復 herbalchung 的帖子

在政治下，你能分清絕對正確和錯誤嗎？六四事件 下軍隊屠城命令是正確還是錯誤？ ...

所謂六四屠城時, 到處都係中外傳媒。有冇人影到軍隊坦克轆班示威者? 有冇人影到開槍打班示威者???     六四片網上大把, 我搵左好耐都搵唔到有軍隊屠城片段, 話就話死左幾千人, 不如幫大家手俾條link嚟開吓眼界。睇極都係坦克唔肯開過人民, 向天開槍, 疑似解放軍被虐殺嘅片。如果係作野就請收聲, 唔好埋沒良知, 誣陷他人殺人天理不容, 死後會落地獄嘅
作者: herbalchung    時間: 2014-10-16 12:49
補充一吓,
我立場係有心攪亂社會、唔理其他人死活嘅自私精, 均係死不足惜
作者: mma    時間: 2014-10-16 13:21
樓主，我唔會話咩支唔支持佔中，但我絕對100%支持盡一切努力去爭取公義制度，全民普選就係為左要確保民主制度。爭取左咁多年，我覺得佔中運動係一個突破點，我好高興現在班學生係好有理想，佢地用咩手段去爭取我都支持，直到取得成果。
至於一D唔同理念既人，根本無需要回，因為大家追求層次唔一樣，試想想現在很多人只會用利益去衡量所有事，你同佢講理想？而他根本不知理想是什麼。
如果唔係見樓主有所熱誠，今次我都唔會回。之後有咩人作回應，我都唔會再回。
作者: kailunlun    時間: 2014-10-16 13:28
回復 herbalchung 的帖子

那當時國務院總理李鵬先後說說「平定暴亂」死了數十人 然後改口死了數百人，數百人是怎麼死的？
作者: kailunlun    時間: 2014-10-16 13:32
當年國務院總理李鵬先後說六四「平定暴亂」死了數十人，然後再改口死了數百人，數百人係點死既？（當然大家都知道六四唔止死幾百人）
作者: kailunlun    時間: 2014-10-16 13:43
回復 herbalchung 的帖子

哦，軍隊向天開槍
http://youtu.be/a5VfpzXAgw0
D人血流滿面應該係人踩人出事，軍隊荷槍實彈絕對唔會對人民開槍
坦克車絕對只會輾過圍欄，一定會睇路撞唔到人啦，
5-6-1989朝早天安門廣場血跡都無晒一定係人民自發清理，
企圖誣告親愛的共產黨，每年六四集會數十萬人都係白痴既，故事圓滿嗎？
作者: herbalchung    時間: 2014-10-16 13:45
回復 kailunlun 的帖子

幾百個人死, 自然可能有幾百個原因。我都係問緊你佢地點死, 係咪真有其事?  李鵬講點解係問我?  我都唔係代表李鵬發言人     
每日幾百記者圍住北京拍片, 關鍵時刻竟然一條片都冇, 荒謬。。。 死係可以先傷後死嘅, 亦可能統計數字唔係同一時間收集, 更新數字又變成改口, 可能講吓道理嗎???
作者: herbalchung    時間: 2014-10-16 13:46
kailunlun 發表於 2014-10-16 13:32
當年國務院總理李鵬先後說六四「平定暴亂」死了數十人，然後再改口死了數百人，數百人係點死既？（當然大家 ...

死左幾億人吖嘛。 反正都係作, 不仿作大啲。。。
作者: herbalchung    時間: 2014-10-16 13:49
回復 kailunlun 的帖子

血流滿面同開槍射殺係兩回事呀???     不過話說回來哩啲冷血暴徒, 死都唔抵可憐
作者: kailunlun    時間: 2014-10-16 13:53
回復 herbalchung 的帖子

我並非向你作出疑問，只係想你知道，國務院總理都講得幾百人死，即是已能肯定六四事件中有數百人死亡，若軍隊真的並無屠城，數百人是怎死？你無需答我，因為我相信你也不知道，但還有，先傷後死也是因為六四事件而死亡，請不要忘記當晚新聞一個個震撼人心的畫面，軍隊用槍口指著人民，坦克車列陣進入天安門。
作者: kailunlun    時間: 2014-10-16 13:56
回復 herbalchung 的帖子

就憑你呢段就話就知誰不說道理，咁都講得出 大家都無討論空間
作者: kailunlun    時間: 2014-10-16 14:16
無人想睇到個社會亂，誰不希望天下太平繁榮穩定，但係官迫民反，自由無價。難道利益當前就可以埋沒良知？如果係到時只會變成大陸一樣，窮得只剩下錢，沒有自由民主、良心價值可言。
作者: kailunlun    時間: 2014-10-16 16:02
回復 kailunlun 的帖子

六四到底死左幾多人？相信以後都無法知道準確數字，原因六四軍隊屠城後，當局迅速把死難者遺體燒去，清理血跡斑斑的廣場，拒不承認有屠城事件發生過。
作者: kailunlun    時間: 2014-10-16 16:03
標題: repeated---
本帖最後由 kailunlun 於 2014-10-16 16:04 編輯

repeated---
作者: 東方不敗    時間: 2014-10-16 19:29
回復 mma 的帖子

你回唔回都冇所謂,不過你講用乜野手段都冇所謂,唔怪得怇地為飛作匪, 危害社會都得,就係有你呢類人主使, 乜野有段都講得出,即係殺人,強姦 搶劫都得啦 ,不過,可惜佢地又冇膽又冇用,只識係香港吠,唔敢打返大陸,反攻中央, 只識攪屎攪棍 ,不過,相信閣下好有米, 影響唔到你生活,經濟, 甚至閣下係幾重國籍 , 香港PK 都唔關你事
作者: 東方不敗    時間: 2014-10-16 19:31
回復 herbalchung 的帖子

其實我覺得六唔六四又點,大陸GE事又唔關香港事, 呢班人係度強出頭,大陸唔理香港GE事,倒返轉佢地理返大陸的事,以下犯上,痴左線, 而家又話對話,對乜春吖 ,傾妥都冇用 ,其他D人話唔係由佢代表,咁駛乜同佢地傾
作者: kanhung    時間: 2014-10-16 20:25
回復 研究陸龜 的帖子

響豪宅側邊起兩幢公屋 ,有無人反對呢？........ ,反對嘅會係邊 D 人.........唔通想住公屋果班？
作者: kanhung    時間: 2014-10-16 20:38
研究陸龜 發表於 2014-10-15 23:44
回復 kanhung 的帖子

最緊要理性討論 唔好玩人身攻擊

D 示威人士手指指 ,指住警務人員 ,又大聲喝罵警務人員 ,呢D就叫民主........,人哋打份工使唔使咁特意去侮辱人 ,可能覺得自己好威 ,有事就話人反應慢......... ,我鬧完你 ,轉頭又揾你幚忙 ,你的心會點 ,幚你嘅 ,心理平衡唔到 ,唔幫又比你話 ,唔搵人出氣自己都癡線
作者: 燕赤霞    時間: 2014-10-16 20:54
提示: 作者被禁止或刪除 內容自動屏蔽
作者: herbalchung    時間: 2014-10-17 12:51
kailunlun 發表於 2014-10-16 16:02
回復 kailunlun 的帖子

六四到底死左幾多人？相信以後都無法知道準確數字，原因六四軍隊屠城後，當局迅速 ...

我見到旺角示威者集體強姦坑渠蓋。到底幾多人相信以後都冇數字, 因為暴徒已迅速將渠蓋乃淨,  清理睛腋斑斑彌敦道。    所以冇人證冇物證嘅
作者: mma    時間: 2014-10-17 13:35
東方不敗 發表於 2014-10-16 19:29
回復 mma 的帖子

你回唔回都冇所謂,不過你講用乜野手段都冇所謂,唔怪得怇地為飛作匪, 危害社會都得,就係有 ...

講得幾好，不得不回一回，有時文字好難說清一個人立場，或者咁講，今次學生用佔馬路去迫使政府對話其實我自己唔贊成，但我又真係唔知點知會得到政府回應。幾十萬人上街唔得、幾十萬人公投唔算，真係有傾有講？
呢個政府真係廢到唔想出聲，我支持任何手段爭取文主，但我萬萬聯想不到係殺人、放火、強姦果便，我最多都係想到快閃塞政總之類，呢層我真係甘拜下風。
仲有鬼唔知動搖唔到中央咩，但有時為理想唔踏出去，點知有咩回報，講真所謂袋住先，你都要俾我知之後仲有咩俾我卦，咩都無講，點袋呀師兄。
攪唔攪屎棍睇你點睇，我夠覺得批高鐵、東北果批建制派攪屎棍，一攪過千億，我真係覺得呢D係強姦喎，功能組別唔可以當係民選喇卦？如果全民選通過我只好講少數服從多數，但現在條氣點下。現在政治環境之差，你睇所有政棍包括建制、泛民D下一化幾乎全部在外國就知咩事，今次本地學生企出來，講真結果唔會有，但過程我還是支持，香港還是我家。
作者: 龜俠    時間: 2014-10-17 14:52
mma 發表於 2014-10-17 13:35
講得幾好，不得不回一回，有時文字好難說清一個人立場，或者咁講，今次學生用佔馬路去迫使政府對話其實我 ...

雖然立場唔同，但欣賞你較為理性同中肯。



歡迎光臨 香港龜友論壇 (https://hkturtle.org/) Powered by Discuz! X3.2