香港龜友論壇

標題: 水果糧天天吃的問題 [打印本頁]

作者: 038038 時間: 2014-11-7 09:41
標題: 水果糧天天吃的問題
想問下水果糧有沒有問題呢？近期豹龜成功轉了水果糧，試過再轉正m糧就吾喜歡吃，近兩日又減少了食慾，另外，如果電解水隔天浸了那是否應該停用？再用菜葉加乾糧做利隱返佢既正常食慾呢？

作者: Tony_Chu 時間: 2014-11-7 10:03
本帖最後由 Tony_Chu 於 2014-11-7 10:44 編輯

Rep-cal水果糧蛋白佔19%, 都幾高下. 食得多既話,陸龜蛋白質超30%會傷肝、傷腎、隆背. 要食少D, 加多D高纖維既車前草&桑葉!! 食菜只會增加更多蛋白 - 因菜有蛋白.

M糧係公認既好糧, 有草纖維, 令到D大便好靓, 對腸胃好好, 你居然唔用?!

食過水果之後, 又點會食草同麥皮啊???

豹龜係要食大量高纖維罐木樹葉既龜, 否則好易腸胃炎! 到時肚痾、拒食、爆原蟲就好鬼麻煩! 你問呢度既前輩都知, 豹龜食得菜多會腸胃炎, 最好改食M糧.

如果我係你, 我會即刻停水果糧, 然後餵車前草&桑葉1-2星期, 然後轉M糧. 個人意見...

作者: Tony_Chu 時間: 2014-11-7 10:19
本帖最後由 Tony_Chu 於 2014-11-7 10:32 編輯

仲有, 我都唔明點解呢個論壇既人成日都浸電解水???

人, 幾時先要飲電解水???  嚴重肚痾時!  因為肚痾令大腸無法吸收水份中的中份子-電解質, 所以才要飲電解水或打鹽水, 防止身體因嚴重缺乏電解質而脫水、虛脫、抽筋或心臟停頓.

平時飲太多電解質反而對身體唔好!  高鈉 -傷腎,血壓高; 高鉀 -令心臟跳得太快,心律不正,死

你隻龜肯食野, 冇痾水, 就唔好浸電解水啦.  個人意見...

作者: astroppc 時間: 2014-11-7 10:27

Tony_Chu 發表於 2014-11-7 10:19
仲有, 我都唔明點解呢個論壇既人成日都浸電解水???

人, 幾時先要飲電解水??? 嚴重肚痾時! 因為肚痾令大 ...

完全贊同

作者: waiman 時間: 2014-11-7 12:36
本帖最後由 waiman 於 2014-11-6 23:37 編輯

038038 發表於 2014-11-6 20:41
想問下水果糧有沒有問題呢？近期豹龜成功轉了水果糧，試過再轉正m糧就吾喜歡吃，近兩日又減少了食慾，另外 ...

邊種水果糧呢?

T-rex水果糧, 蛋白13%, m糧蛋白13%, 兩隻糧我都用做主食日日喂比蘇, 冇問題, 亦不隆背.
Rep-Cal水果糧, 高蛋白19%, 我都有, 但我好少用.

電解質並非某些流傳般的作用, 它是不能亂用, 亦不能常用的.

電解質唯一作用就是快速補水.
龜在一般正常性的喝下了水之後, 是需要等一段較長的時間, 讓水滲透入了所有的細胞, 才算是真正完成了補充水份.

電解質能快速補水, 是因為加了不同濃度的電解質的水, 會有不同的滲透壓, 即水分進入細胞膜內的壓力, 加強電解質濃度即加強滲透的壓力, 使細胞迅速補充到水分.

但當電解質的濃度超過10%之時, 會形成腸道內的滲透壓過高, 能引起龜體內失衡, 更嚴重時亦會引起腹瀉甚至嘔吐, 當引起失衡之時, 則越補水反而越更加失去水份. 常用電解質亦會因長期水壓不正常, 引起腸胃吸收不良, 輕微不適, 或又沒生病但卻又沒食慾而拒食.

作者: 038038 時間: 2014-11-7 13:56
rep cal 水果糧，

作者: 038038 時間: 2014-11-7 13:57
回復 Tony_Chu 的帖子

問題係，我試過m糧佢吾肯食，落過車前草粉佢聞到更吾重意食。。，水果糧見到綠色就會食，

作者: Kit2006 時間: 2014-11-7 22:02
我個d一開始都唔中意食！！

作者: 038038 時間: 2014-11-7 23:25
回復 Kit2006 的帖子

係咁你餵什麼糧？

作者: Kit2006 時間: 2014-11-7 23:27
依加M糧加S糧加水果糧

作者: 038038 時間: 2014-11-8 08:59
回復 Kit2006 的帖子

今早我check過佢d便便又冇問題，又係靚果隻，

歡迎光臨香港龜友論壇 (https://hkturtle.org/)