香港龜友論壇

標題: 浮水不沉是否病了？ [打印本頁]
作者: 小粒子    時間: 2014-11-16 01:12
標題: 浮水不沉是否病了？
本帖最後由 小粒子 於 2014-11-16 01:18 編輯

各位C HING, 青B買回來快有兩個月, 一直正常, 依兩日唔見青B痾便便, 前天仲見到佢有痾, 上網爬文知龜會有可能自己食番D便便, 平時餵既份糧不多佢以前會食淨DD, 今早開始起佢好似餓鬼咁起勁食糧, 今晚落多少少糧比佢食, 依舊餓鬼一隻。

我早晚都餵佢, 剛剛餵完佢之後學C HING們等佢食完就換左D新既溫水比佢睇下佢會唔會排便, 從買回來一直水到而家水位我只去到佢龜背邊多少少, 今次就比多咗水就發現佢浮水不沉。
請問各位C HING, 青B咁既情況正唔正常？打完篇文都過咗20-30分鐘都未見有便便...

依兩日水溫都係20度以上左右, 我要唔要加支暖管比佢暖暖佢？
依兩日留意到佢好中意係水度時收起一隻前手企同行, 但見到我行近就好正常用哂四肢逃走...













作者: mich19871    時間: 2014-11-16 04:31
係肺炎…………用黑藥
作者: mich19871    時間: 2014-11-16 04:36
如果佢用力游都游唔到落缸低就係肺炎！！餵食黑藥後用淺水養 暫時唔好餵食
作者: janede1314    時間: 2014-11-16 13:24
如果加埋不斷張開囗有聲發出才算肺炎

同埋會唔肯食野
作者: 東方不敗    時間: 2014-11-16 14:02
我隻斑龜仔都係水面多 ,有糧係底先潛落去追 ,你之前水只去到龜背邊 ,佢邊有水位潛落去
我就2吋水有多, 隻龜都唔會係底行乜制, 一係上石, 一係水面係咁游, 見你埋佢,佢要走佬,如果有八隻腳,佢會用哂八隻腳走佬
作者: 東方不敗    時間: 2014-11-16 14:03
回復 janede1314 的帖子

佢呢個水位高度,係度難判斷是否則游,用腳企係度就出到水面,都唔駛點游吧,又勁大食 ,不過冇疴好似係一問題
作者: 小粒子    時間: 2014-11-16 15:43
回復 東方不敗 的帖子

今早八點起床就見到有一條便便，而青B趴在水底， 當我行近看時，佢又打回原形浮在水面， 直到我出門口返工為止依舊在水面，胃口很好，今早沒比太多佢食，有帖講過龜只會飽死而很少餓死，而佢食完好似嫌少咁向我爬下爬下，但我行近少少望佢又逃走=×=……  昨晚半夜幫佢加咗支50w暖管，雖然冇水流水溫會不平均，但都想暖住佢等佢便便順暢…… 如果真的肺炎要減低水位有點難，因為支暖管橫放缸底也很高， 肺炎要加溫吧？ 我又工作時間很長不在家的時間我不放心全日開著暖燈或太陽燈比佢，怕出意外……（手機版很難打字）
作者: 東方不敗    時間: 2014-11-16 16:00
回復 小粒子 的帖子

所以養魚係有點麻煩, 照你講的情形又唔似費炎 , 我個時隻都係食完又食咁 ,唔駛理佢, 你自己估計佢夠就算 , 水位唔駛減住,睇下點先,你咁少水,25w都夠了, 好似要高d水位先知佢係咪游唔到落水底
作者: 小粒子    時間: 2014-11-16 16:38
回復 東方不敗 的帖子

原來暖管w數係睇水位架？仲以為缸越大要越高w數添，又上一課， 不過正在考慮好唔好改用電暖墊等水溫受熱平均d。 我唔再放咁多水入去，因為個缸放係我房間內，同廁所有段距離，捧去換水很費力，個缸空缸時都唔輕，真係唔洗玩啞鈴都可以手瓜起輾
作者: 東方不敗    時間: 2014-11-16 16:50
回復 小粒子 的帖子

暖管w數唔係睇水位 ,係睇容量,  我意思係見你水位咁低,水量有限,太熱驚佢息唔切,因為當水溫去到要求的溫度時,唔係敏感到一到即息,佢仲會著多一陣 , 有時可能仲會升多度先息, 所以要有預算,
你缸有幾大呀, 你換水未必日日要洗缸, 太重,可以用個桶仔,不d水走, 我換魚缸水係一個桶仔,一隻杯, 用杯不水入桶,通常二杯多就一桶,拿去廁所倒,因為唔係換得多 ,所以幾轉攪掂
作者: 小粒子    時間: 2014-11-16 17:13
回復 東方不敗 的帖子

冇實際度過， 長約33cm 闊約25~30cm。我每日時間很緊湊，所以選擇一口氣捧成個缸去洗， 唔洗會唔安樂，再加上青b開始換皮，每晚回到家見到個水缸底都好壯觀，好多一小塊皮屑飄飄下…  我在家久不久會檢查溫度計留意住暖管溫度，怕過熱煲龜湯
作者: 東方不敗    時間: 2014-11-16 17:29
回復 小粒子 的帖子

你個缸接近四方形缸,一般濶度冇咁長
作者: 小粒子    時間: 2014-11-16 17:44
回復 東方不敗 的帖子

我缸係長形-3-， 回家度完話你知，不過要凌晨先回到家~
作者: 東方不敗    時間: 2014-11-16 17:46
回復 小粒子 的帖子

咁長時間工作,你搵好多, 隻龜冇事就唔好亂攪佢了, 你怕照燈成日唔得 ,可用溫控,夠度數關電源
作者: 小粒子    時間: 2014-11-16 18:49
回復 東方不敗 的帖子

原來有溫控既燈架？係點既樣架？
我一直冇咁留意設備上既事，隻大巴西天生天養，冇任何設備下由苗長大，淨係每日餵食同換水，最近先添加咗座有窿既爬石比佢玩，隻青b原定買來陪佢等佢有個伴，果時仲有一隻同青b一齊買回來，不過成咗佛，但隻大巴西唔爭氣，咬人地個屁股甲邊，當場嚇死我，搞到而家仲係一支公，日日係到對我手震震，所以唯有放隻假龜係缸出面，等佢冇咁悶，佢又久唔久望隻假龜望好耐
作者: 東方不敗    時間: 2014-11-16 18:53
回復 小粒子 的帖子

巴西龜惡少少,易咬 人,溫控係一個電子野 ,類似時間制咁, 將燈的電制插去溫控,佢感應氣溫夠度數,就會關電源, 暖管自己有開關 ,唔駛用溫控, 刀背旦長期係水,冬天冇咁麻煩
作者: 小粒子    時間: 2014-11-16 23:31
回復 東方不敗 的帖子

C HING~ 個缸40CM x 26CM

剛剛回到家見到青B瞓咗喺浮台上, 見到我回來就打咗個C EGG入咗水, 之後四處供供下就食自己D脫出來既碎皮 , 即刻拿拿聲放飯, 好快脆一粒冇剩

而家三缸三龜, 未有打算再買龜, 等我日子有功養得好先再買其他龜養, 目前服侍佢地三隻已經夠皮了
作者: 東方不敗    時間: 2014-11-17 00:15
本帖最後由 東方不敗 於 2014-11-17 00:16 編輯

回復 小粒子 的帖子

三隻都係巴西嗎,下次再加 ,諗下刀背旦,幾得意架 ,又唔駛點晒太陽 ,我如果唔養紅腿就養刀背旦
你驚有事個隻如果食得咁勁,唔似有病
作者: 小粒子    時間: 2014-11-17 00:25
本帖最後由 小粒子 於 2014-11-17 00:30 編輯

回復 東方不敗 的帖子

兩隻巴西, 一隻草B

其實我養龜都會養一對, 但唔知點解養親都會死一隻... 生存下來就會超健康 我成日對我媽講 家中比人咀咒, 冇一樣野係一雙一對 之後我媽答我 買多兩隻草B回來三隻一個缸咁米唔會死剩隻囉
隻青B剛剛先曬完太陽燈, 一開即衝上去, 草B一曬UVB燈就會捐入山洞, 熄咗先出返來 所以逐粒糧餵佢食順便留住佢曬曬, 大巴從來冇曬太陽, 前排試比佢曬燈, 嚇到佢相反方向逃走...


作者: 東方不敗    時間: 2014-11-17 00:38
本帖最後由 東方不敗 於 2014-11-17 00:39 編輯

回復 小粒子 的帖子

你養d龜咁攪野ge ,天氣涼應中意曬下 , 唔曬驚個背有事姐
你係一個缸三隻,定三個缸,每缸一隻
作者: 金金    時間: 2014-11-17 00:40
如果打側游水就係肺炎喇！
作者: 小粒子    時間: 2014-11-17 00:42
回復 東方不敗 的帖子

係, 佢地好奇突, 青B同草B唔會食豐年蝦(急凍), 只有大巴先會食, 一啖吞哂入口... 我唔買活生生既蝦比佢地追住食, 唔中意殺生...
作者: 東方不敗    時間: 2014-11-17 00:45
回復 小粒子 的帖子

唔好用生蝦,蝦頭又硬又有鎗, 我驚會剌傷佢喉嚨 ,我以前養羅漢都唔敢餵生蝦,就係驚佢個頭
要餵蝦,買死左個d , 街市有d一份份,拆肉比佢
作者: 小粒子    時間: 2014-11-17 00:49
回復 金金 的帖子

明天我DAY OFF, 我試下再放多D水比佢游下睇下有冇側身, 只知今日早上見到佢沉係水底zzz
作者: 小粒子    時間: 2014-11-17 00:52
回復 東方不敗 的帖子

我係某d帖見到有人餵好細細隻既生蝦仔比龜食先知有依樣野, 一直都比人灌輸龜係食紅虫同粒糧, 紅虫有菌, 我死都唔會比佢地食
作者: 東方不敗    時間: 2014-11-17 01:03
本帖最後由 東方不敗 於 2014-11-17 01:04 編輯

回復 小粒子 的帖子

你可以買蝦干 ,五元一包好平個種都有人餵,但得層皮冇肉 ,我買左一種叫金鈎蝦干, 細細隻,一樽十八元左右 ,不過有d 仲好肉d, 寸金  ,德彩係來路野 ,貴好多,但真係好好肉
以前有新鮮紅蟲賣 ,用牙簽了一條係龜面前, 郁郁下,佢都唔知幾開心
作者: 小粒子    時間: 2014-11-17 01:07
回復 東方不敗 的帖子

我之前有買z牌蝦干, 冇隻龜肯食... 草b未試食, 而家成樽放咗係度等舖塵
作者: 東方不敗    時間: 2014-11-17 01:11
回復 小粒子 的帖子

我見有d龜友都話龜好中意 , 不過我個次都係頭一,二日唔食,可能食開德彩糧
我唔餵一,二日,比蝦干,佢試下 ,試試下肯食,之後我比蝦干同糧佢都食
不過隻隻龜有點不同, 但你三隻都唔食,可能又受到咀咒 ,haha,講笑 ,z牌都唔係平野喎
作者: 小粒子    時間: 2014-11-17 01:19
回復 東方不敗 的帖子

龜龜好既話少少錢唔緊要, 剛剛差d發生意外, 換完青b水打算再開燈比佢暖一暖先, 點知調整燈既角度時,個cam cam唔實個燈罩腳, 成個燈罩連燈泡跌咗落水, 好彩冇開電掣, 唔係就...
作者: 東方不敗    時間: 2014-11-17 01:24
本帖最後由 東方不敗 於 2014-11-17 01:26 編輯

回復 小粒子 的帖子

不過都未必有事ge ,因為如果你家的電路安裝冇問題,即有電箱有水氣制,聽過漏電0.3秒就會跳制同埋你調整時最好息左先,最安全, 因為咁近照到自己 , 有ching話有d超強的燈會傷到人細胞

水龜有時係水訓覺,但我覺得係水質好先會,我隻龜有皮膚病,我一直落黃粉,佢都係石上訓覺,好返唔落藥,換返哂水 ,佢就係水訓,對手掂住舊石先肯,伸直哂對腳 , 人地話有藥佢唔中意
作者: 小粒子    時間: 2014-11-17 01:36
回復 東方不敗 的帖子

原來要水瞓先好架？ 青b買回來一直上浮台瞓, 得放飯先肯下水, 係依幾日開始係水瞓, 好少見佢上浮台, 而家未開燈比佢就攬住個暖管
作者: 東方不敗    時間: 2014-11-17 01:38
回復 小粒子 的帖子

佢中意去邊由得佢,佢會搵到佢中意ge地方,又唔係話係水訓先好 , 佢中意就得, 不過上左水最緊要唔好冷親, 唔好吹風
作者: 小粒子    時間: 2014-11-17 01:59
回復 東方不敗 的帖子

今晚好多意外, 真係心血少都死... 換換下水, 行開咗2-3分鐘, 草b唔見咗, 嚇到我反轉個廁所來搵, 最終係企缸搵到佢, 之後跌咗落去水窿, 好在今晚有放隔器, 唔係就88... 平時換水怕佢冷親會搵毛巾包包佢, 佢會好乖唔郁, 今晚竟然咁活躍... 仲要由洗衣機面跌落企缸.....
作者: 東方不敗    時間: 2014-11-17 02:04
本帖最後由 東方不敗 於 2014-11-17 02:05 編輯

回復 小粒子 的帖子

我平換水時用另一個桶仔,放龜入去,唔比佢走出黎, 你好難估到佢走唔走,水窿有咁大,可以跌左隻龜走, 佢跌左入廁所就麻煩, 游左入水渠入邊,唔識出返黎,你都冇計你換水唔係用隔夜水咩 ,而家水溫會低 ,最好用暖管煲岩水溫先換入去, 唔係等到水溫升返岩時,龜可能己冷親
作者: 小粒子    時間: 2014-11-17 02:08
本帖最後由 小粒子 於 2014-11-17 02:18 編輯

回復 東方不敗 的帖子

經過教訓會改為用野裝住佢... 頭先差d要拆咗部洗衣機出來睇下有冇攝拿位
我有用隔夜水, 同埋我會落d暖水, 水溫28度左右先放入去, 窗都唔敢打太大, 又用野蓋面擋擋風, 青b個缸外用報紙圍邊希望可以隔一層冇咁凍(唔知有冇用)
作者: 東方不敗    時間: 2014-11-17 02:10
回復 小粒子 的帖子

部洗衣機咁重,你拆得到? 等佢自己出黎
作者: 小粒子    時間: 2014-11-17 02:33
回復 東方不敗 的帖子

咁又係, chok兩 chok部機變肉醬仲大獲...
作者: 東方不敗    時間: 2014-11-17 02:37
回復 小粒子 的帖子

一壓就扁架啦, 係家中放養都驚 , 一陣行過睇佢唔到,一腳踏左上去,人又撻係度,龜又扁埋
作者: 小粒子    時間: 2014-11-17 02:49
回復 東方不敗 的帖子

冇放養經驗, 家中間唔中有虫, 吳公仔都有見過, 又多窿拿, 好危險...






剛剛青b曬燈影, 隻草b就回家餵食時影
作者: 東方不敗    時間: 2014-11-17 02:54
咁多石春,好易積野入邊,你每次洗缸都要執一餐 ,我養斑龜時,去過爬蟲協會見過佢地個缸,佢地用膠缸, 水有一半咁滿, 放台係水面,佢地話多d水都唔怕, 有陸地就得, 佢個4隻草龜好健康,係水係咁游,你家蜈蚣都有,小心人比佢咬到,有毒,好痛架
作者: 小粒子    時間: 2014-11-17 03:14
回復 東方不敗 的帖子

係, 但唔會執好耐, 草b太細, 水位又高, 佢之前好中意捐入山洞避世, 但裡面冇野比佢long腳呼吸, 所以放一大堆石春long高佢等佢係入面唔會冇位抖氣, 見論壇有C HING買白架砌台, 我都買咗材料等有心機同時間先砌, 而家草B中意攬住暖管唔入山洞
作者: 魚皮    時間: 2014-11-17 10:44
師姐,睇相又唔似係浮水,望落似係腳仔掂缸底,企左喺度炸播
作者: 東方不敗    時間: 2014-11-17 11:00
佢有新玩具就玩新野，不過一著時佢要識得走， 唔係變燒烤龜， 我個時水都深， 仲高過斜台， 買多個水盤cup 轉係底， long高斜台
作者: 小粒子    時間: 2014-11-17 14:08
回復 東方不敗 的帖子

經過一輪觀察, 青B暫時冇咩異樣, 亦冇開口抖大氣, 有便便又大食, 又四圍游搵野食冇側游。

草B識避, 有時見佢爬止暖管身當浮台, 有時係暖管頭尾水底瞓...
作者: 東方不敗    時間: 2014-11-17 14:20
佢自己識揾架步， 攪好唔好成日轉， 穩定先好，你三個缸都係咁大？
作者: 小粒子    時間: 2014-11-17 14:52
回復 東方不敗 的帖子

草B果個 31X18

大巴就41X28 大巴果個輕D 物料唔同其他兩個缸, 係魚街隨手買
作者: 東方不敗    時間: 2014-11-17 18:54
回復 小粒子 的帖子

你三個缸都放到,地方都好大喎, 養多d都得
作者: 小粒子    時間: 2014-11-17 20:19
回復 東方不敗 的帖子

大巴放廳, 其他在我的房, 已經沒什麼地方可以放缸了, 唔係早就將青b同草b都放係廳, 我房冬天凍過廳, 廳比較暖, 有時想關哂房窗等佢地暖d, 但我病緊唔關得...。

青b今日勁多便便同可以伏係水底了。
作者: 東方不敗    時間: 2014-11-17 20:35
回復 小粒子 的帖子

你病左好耐嗎, 房凍過廳都好凍下喎,你應住新界, 有食有疴就好了 ,龜龜沒事的
作者: 小粒子    時間: 2014-11-17 20:54
回復 東方不敗 的帖子

住九龍, 單位設計係廳沒什麼窗, 廳沒陽光射入屋, 冬天廳暖過房。

病咗一個星期左右, 差不多好了, 上星期到了魚街買格仔板同打算買隻新草苗陪草b, 最後冇買苗就返家, 就係咁加重咗感冒...
作者: 東方不敗    時間: 2014-11-17 21:09
回復 小粒子 的帖子

感冒要小心d啦 ,而家早晚凍,中午熱,魚 ,龜都好易中招 ,你買多隻 陪另一隻,小心打交互咬, 未必一定夾到,到時你又要開多一缸了
作者: 小粒子    時間: 2014-11-17 21:15
回復 東方不敗 的帖子

不是由苗一齊養起會冇咁易打交咩？見po 草龜比較純我先養~
作者: 東方不敗    時間: 2014-11-17 21:20
本帖最後由 東方不敗 於 2014-11-17 21:20 編輯

回復 小粒子 的帖子

都係ge ,不過都係個句,唔一定,但理論分二個,有d人話得,都見過有post話養龜都係單一好d, 有個養好多龜的人都係分開養,佢都話見好多一齊養易打,尾都斷
草龜可能係會易d ,巴西就難囉
作者: 小粒子    時間: 2014-11-17 21:23
回復 東方不敗 的帖子

咁既話唔買新苗了, 再開多一缸唔得掂
作者: 東方不敗    時間: 2014-11-17 21:29
回復 小粒子 的帖子

如果你而家細個二隻可以養埋一齊,就買多隻草苗,咁新個隻唔夾到,咪舊二隻一齊
作者: 小粒子    時間: 2014-11-17 21:52
回復 東方不敗 的帖子

之前草b是一對, 但死咗隻, 青b買回來時又係一對, 又係走咗一隻, 草b唔可以同青b共住一缸, 青b是亞成體, 而且剛剛見識過... 佢隔著玻璃缸啄我隻手指, 隻大巴都未試過咁... 佢真係餓成咁...
作者: 東方不敗    時間: 2014-11-17 21:55
回復 小粒子 的帖子

咪比少少佢食下,自己餵下佢又開心d
作者: 小粒子    時間: 2014-11-17 22:01
回復 東方不敗 的帖子

餵咗~食完就瞓
作者: 東方不敗    時間: 2014-11-17 22:18
本帖最後由 東方不敗 於 2014-11-17 22:20 編輯

回復 小粒子 的帖子

不過d龜有時幾早訓,我個隻10點多d就訓,我放係廚房洗碗盤下邊,因為每日有西斜照到一陣, 但朝早佢早過我起身 ,而家天凍了,而家養就刀背旦易開缸d ,一支暖管攪掂,燈都唔駛成日照
我而家屋中四圍測下d溫度,睇下邊個位最暖,而家屋內有23度




歡迎光臨 香港龜友論壇 (https://hkturtle.org/) Powered by Discuz! X3.2