香港龜友論壇

標題: ~*救救小龜行動*~ [打印本頁]

作者: 富富 時間: 2014-11-22 22:26
標題: ~*救救小龜行動*~
本帖最後由富富於 2014-11-23 16:49 編輯

[size=15.1999998092651px]救救小龜行動：

[size=15.1999998092651px]最新消息：聯絡公園經理，說：「我哋沒有職員講過會殺死佢哋！亦冇講過佢哋食唔食都死！假如有員工咁樣講，我哋會解僱佢！」奇怪，為何這樣肯定「冇員工講過」？另外，我問：「你哋洗池，池中龜隻會如何處置？」負責人：「交俾承辦商照顧住先。」我問：「我哋能否向有關承辦商查詢？」負責人：「不便透露承辦商資料......不過咁，運送過程中，有冇一啲會不幸死亡，呢啲我哋公園控制唔到。」

[size=15.1999998092651px]收到消息，天水圍公園的魚池將於12月1日開始大清洗，據知，屆時工作人員會在塘中下毒，將池中龜龜殺死，職員向正在餵飼龜龜的媽媽表示：「佢哋食唔食都係要死！」

[size=15.1999998092651px]可憐小生命正在倒數，12月份，普天同慶，我不忍心龜龜的生命就在聖誕將至的好日子就結束，但願龜龜們可以平安渡聖誕......

[size=15.1999998092651px]我打算聯絡各機構，看看有甚麼建議或行動，可以拯救小生命......

[size=15.1999998092651px]盼望各位愛龜的龜友們，伸出援手，別吝嗇5分鐘時間，致電協會......

[size=15.1999998092651px]抱著「知其不可而為之」的心......

作者: 東方不敗 時間: 2014-11-22 22:28
我以打去康文署 ,留左事件,等佢回覆,因為當時康文署熱線很忙

作者: 富富 時間: 2014-11-22 22:33
回復東方不敗的帖子

原來就係你...跪謝...

作者: 東方不敗 時間: 2014-11-22 22:33
岩岩收到1823 回覆,佢係代康文署答,佢話會向康文署轉交我呢個查詢,個邊會有人回覆我,佢話如果見到個邊有人落藥,可即时報警,警察會第一時間到

作者: janede1314 時間: 2014-11-22 22:40
回復東方不敗的帖子

多謝你的熱心幫忙

作者: 東方不敗 時間: 2014-11-22 22:41
但你地最好先去魚池影左d龜,萬一d龜唔見哂,都有d相係度,到時再投訴佢地都有野support到, 佢地難抵賴

作者: janede1314 時間: 2014-11-22 22:41
回復東方不敗的帖子

多謝你的熱心出手，好感動

作者: 東方不敗 時間: 2014-11-22 22:45
本帖最後由東方不敗於 2014-11-22 22:45 編輯

係咪呢個公園

作者: 富富 時間: 2014-11-22 22:45
回復東方不敗的帖子

呢個世界多啲你同JANEDE呢類咁熱心嘅人, 就好啦

作者: 東方不敗 時間: 2014-11-22 22:49
回復富富的帖子

可否去影到相

作者: 富富 時間: 2014-11-22 22:58
回復東方不敗的帖子

可以...
你POST嘅相, 似係公園外圍...
係嘉湖銀座商場外面嘅公園

作者: 東方不敗 時間: 2014-11-22 23:01
本帖最後由東方不敗於 2014-11-22 23:02 編輯

回復富富的帖子

銀座商場外面,是否不是屋園,最好清楚知道公園個名 ,唔係搵錯康文署同地點 , 最驚你話個個池的位置唔係天水圍公園 ,係銀座商場的魚池,就可能係私人屋苑的地方,到時又唔同做法
張相係巴士公司的車站照片

作者: 東方不敗 時間: 2014-11-22 23:03
睇map 好似天水圍公園係銀座背後咁樣

作者: 富富 時間: 2014-11-22 23:14
回復東方不敗的帖子

我影幅相俾你睇咗先...因為我都唔太了解果個池其實係邊邊管豁...

作者: 東方不敗 時間: 2014-11-22 23:18
回復富富的帖子

可以問下佢地管理處,或睇下個公園名牌,應有邊間管理, 不過睇map ,天水圍公園係銀座後邊 , 銀座應唔會再有公園,因為冇必要重覆 ,睇過yahoo 的相 ,都只係銀座外表,商場,冇公園的相
你影魚池d龜可影多幾張,影到d龜,到時唔驚佢話原本係冇龜

作者: 富富 時間: 2014-11-22 23:19
回復東方不敗的帖子

我明白啦...

多謝不敗兄...

只可惜C母唔認得該職員, 佢又冇掛名牌响身上...

作者: 東方不敗 時間: 2014-11-22 23:28
回復富富的帖子

不過等康文署一覆,佢地應可查到天水圍公園係咪有魚池同有清洗工作,不過我地投訴人都要自己先清楚 ,唔係比人咬返轉頭

作者: chestnut 時間: 2014-11-22 23:29
我也久不久到天水圍看人放車放船

早幾日都有留意到佢地要大清洗個人工湖, 但就冇交代如何處置D魚同龜

原來落毒咁得人驚

重以為會先洗一邊, 之後再洗另一邊

作者: chestnut 時間: 2014-11-22 23:31
天水圍公園個人工湖, 唔單止龜多, 魚都好多, 如果真係落毒, 個場面會好可怕

作者: 富富 時間: 2014-11-22 23:32
回復東方不敗的帖子

呢個當然啦...
去年都試過一次, 又係有一輪唔見哂啲龜, 我哋起初以為喱埋冬眠, 後來先知"處置"了...

作者: 富富 時間: 2014-11-22 23:33
回復 chestnut 的帖子

已貼出告示, 成個湖關閉大洗...

作者: 富富 時間: 2014-11-22 23:33
回復 chestnut 的帖子

已出告示, 成個湖關閉大洗...

作者: 東方不敗 時間: 2014-11-22 23:36
回復富富的帖子

但個次係咪知道又係毒死

作者: chestnut 時間: 2014-11-22 23:36
回復富富的帖子

有冇辦法聯絡記者跟進一下呀?

作者: 東方不敗 時間: 2014-11-22 23:36
回復 chestnut 的帖子

咁ching是否可肯定就係天水圍公園,不是嘉湖銀座的公園,銀座是否沒有公園的

作者: chestnut 時間: 2014-11-22 23:39
本帖最後由 chestnut 於 2014-11-22 23:40 編輯

回復東方不敗的帖子

冇錯呀, 個公園係叫天水圍公園
嘉湖銀座, 係間酒店同商場, 位置就喺天水圍公園隔離

作者: 富富 時間: 2014-11-22 23:41
http://hk.apple.nextmedia.com/news/art/20061021/6429918
就是這公園...

作者: 東方不敗 時間: 2014-11-22 23:52
回復富富的帖子

個度唔係養魚,龜, 有可能有人用呢個方法清場, 費事送去魚護處咁多工作, 但新聞個單也難保不是有魚病擴散,令魚死亡,因為佢個人工湖冇設有濾水為魚的工具

作者: 東方不敗 時間: 2014-11-22 23:58
回復 chestnut 的帖子

未有証明 ,記者未必跟

作者: 富富 時間: 2014-11-23 00:01
回復東方不敗的帖子

就因為有太多人棄養...
係人都知果個湖係唔適合佢哋居住...
但啲衰人以放生為命, 遺棄為實...

作者: 東方不敗 時間: 2014-11-23 00:02
回復富富的帖子

我送隻龜比個人時,個人話見過一個和尚話放生,將隻水龜放入海, 連咸淡水都未識分就話放生

作者: 富富 時間: 2014-11-23 00:05
回復東方不敗的帖子

因為無知, 害死生命

作者: 東方不敗 時間: 2014-11-23 00:11
回復富富的帖子

協會跟,咁我仲駛唔駛搵康文署呢

作者: 富富 時間: 2014-11-23 00:15
回復東方不敗的帖子

搵到公園係由康民署管豁, 如果協會介入咗, 睇吓對方點回復先......

作者: 富富 時間: 2014-11-23 00:16
回復東方不敗的帖子

就算係, 出嘅報導, 至多話, 大量魚龜"離奇"死亡...

作者: 東方不敗 時間: 2014-11-23 00:27
回復富富的帖子

新聞自由,同市民的知情權就係咁

作者: 富富 時間: 2014-11-23 00:30
回復東方不敗的帖子

其實交俾協會, 應該比交給康民好, 因為康民會 pass 俾漁護, 跟住點做, 大家好了解 ...

作者: 東方不敗 時間: 2014-11-23 00:38
回復富富的帖子

搵康文署唔係將魚龜交佢,而係公園係康文署管理, 要制止佢做呢個落藥行動,因為落藥未必係康文署意思, 有可能係d職員擅自咁做 , 即係要佢地內部調查, 呢樣算係犯法行為, 等佢地內部處分, 唔係唔知幾時又黎一次 , 唔係次次我地都預早知道

作者: 富富 時間: 2014-11-23 00:41
回復東方不敗的帖子

我冇諗到咁仔細...
原來係咁...

作者: 東方不敗 時間: 2014-11-23 00:46
回復富富的帖子

有人投訴,起碼上頭知呢件事,如果唔係佢地叫做ge ,可能調走個人都未定,你地都冇可能日日去睇住個人工湖, 協會都未必可以咁做, 拿走一批, 好快又有人放入去, 我覺得真有其事的話,就係個度管理的職員,覺得d人放咁多入去,要佢地做野,覺得煩,所以累鬥累

作者: 富富 時間: 2014-11-23 00:52
回復東方不敗的帖子

你講得啱, 佢哋嘅態度正正係咁...
成日埋怨...
所以開到口講：佢哋食唔食都會死架啦...

作者: 東方不敗 時間: 2014-11-23 00:54
回復富富的帖子

佢地個度原本唔係養野,比人攪到咁多野做, 緊係煩架啦,仲有,個湖唔係養野, d經費邊個比,上頭冇預條數係度 , 而家做野乜都講要睇住條數黎做 ,可以話d生物對於d職員黎講,係好討厭 ,邊會理咁多, 佢地可能會話我地痴線tim

作者: 富富 時間: 2014-11-23 00:57
回復東方不敗的帖子

講到尾都係果句：放生果啲人, 正...正...

作者: 東方不敗 時間: 2014-11-23 00:59
回復富富的帖子

以前有人係公園魚池比福鱷咬到 ,咪又係人放入去

作者: 富富 時間: 2014-11-23 01:03
回復東方不敗的帖子

但要知道, 錯不在小動物, 佢哋咬人, 不過為咗保護自己啫...

作者: 東方不敗 時間: 2014-11-23 01:04
回復富富的帖子

不過d人買返去養之前唔諗下會養到幾大,自己有冇咁地方養

作者: 富富 時間: 2014-11-23 01:09
本帖最後由富富於 2014-11-23 01:11 編輯

回復東方不敗的帖子

一隻龜有幾大呀 =.=

俾盡佢, 咪一張 A4 紙咁闊, 我用到24吋水缸, 都唔係好阻地方呀...

我家唔係好大架咋, 500多呎咋喎
住劏房嘅話, 都唔係打算要養動物掛...

作者: 東方不敗 時間: 2014-11-23 01:12
回復富富的帖子

d 人通常係呢個理由, 可能係嫌打理麻煩

作者: masuku 時間: 2014-11-23 10:00
回復富富的帖子

請提供公園名称、方便連絡有関部門説明。

領外亀亀可被収養０馬？

作者: 東方不敗 時間: 2014-11-23 11:02
回復 masuku 的帖子

天水圍公園, 個度其實係人工湖,唔係魚池,根本冇養生物,係d人見到有水ge地方就當可以放生,佢地爭在未去公廁放生,真冇腦 ,個個湖好似好大, 你自己去捉都好難,個d職員應唔會攪d領養手續,因為佢地本身係冇,有都唔會懷疑佢地一刀切去解決問題,其實佢地通知魚護處去收都得,但都打算落藥,就真係懶得做野了

作者: masuku 時間: 2014-11-23 11:36
回復東方不敗的帖子

即是那裏只有亀、無魚類0馬？
約推断、池裏有多少亀亀左右？
政府部門係0甘、撹点自己管理的事情就算、不会額外做其他事情的。

作者: 東方不敗 時間: 2014-11-23 11:46
回復 masuku 的帖子

都有魚架屋

作者: 小粒子 時間: 2014-11-23 13:31
回復東方不敗的帖子

C HING, 去愛護動物協會尋求協助唔得咩？

作者: 東方不敗 時間: 2014-11-23 13:43
本帖最後由東方不敗於 2014-11-23 13:45 編輯

回復小粒子的帖子

打左比佢囉 ,佢話公園係康文署管理,叫我打去康文署,如即時見到 ,可報警,康文署會覆我, 但都有協會人士睇到 fb , 話會去跟進,其實協會去跟都得了,不過我留左聯絡 ,睇下佢點覆
你隻龜點,好返未

作者: 小粒子 時間: 2014-11-23 14:08
回復東方不敗的帖子

都係甘上下果撻野，冇惡化好咗d，佢地龍精虎猛，今晚出去魚街買你上次介紹果隻酮碘同埋買過隻燈泡，有uvb既暖燈，比草b用

作者: 富富 時間: 2014-11-23 15:01
最新消息：聯絡公園負責人，說：「我哋沒有職員講過會殺死佢哋！亦冇講過佢哋食唔食都死！假如有員工咁樣講，我哋會解僱佢！」
奇怪，為何這樣肯定「冇員工講過」？
另外，我問：「你哋洗池，池中龜隻會如何處置？」
負責人：「交俾承辦商照顧住先。」
我問：「我哋能否向有關承辦商查詢？」
負責人：「不便透露承辦商資料。」

作者: 東方不敗 時間: 2014-11-23 15:28
本帖最後由東方不敗於 2014-11-23 15:32 編輯

回復富富的帖子

唔奇怪, 同你媽講個個咪係佢本人囉 ,所以你一問就記得, 你有冇同佢講會影低池的龜,到時再去睇返
咁你有冇問佢洗完池,係咪d 龜會返返黎

作者: 富富 時間: 2014-11-23 15:35
回復東方不敗的帖子

最後果道問題我冇問, 佢收到我問題之後, 異常緊張, 連珠暴咁講嘢......
仲有就係, 佢話：「運送過程中, 有冇啲會死咗, 呢啲我哋保證唔到架」

作者: 東方不敗 時間: 2014-11-23 15:38
回復富富的帖子

不過,可能協會己聯絡過佢地,所以佢咁緊張去答

作者: 富富 時間: 2014-11-23 15:41
回復東方不敗的帖子

有可能...
之後, 佢更加講：「我哋絕對唔會咁做, 咁做對我哋冇好處...」
我：「係冇好處, 不過方便工作...」
佢：「你估棄屍好容易呀？」
我：「唔容易, 不過總比運來運去容易吧...」
.................

作者: 東方不敗 時間: 2014-11-23 15:51
回復富富的帖子

唔知有冇人去影左相

作者: 富富 時間: 2014-11-23 15:58
回復東方不敗的帖子

我今日冇出去, 聽日就會到公園影相...

作者: 東方不敗 時間: 2014-11-23 16:00
回復富富的帖子

賞湖居是否在附近的, 可坐269c去到吧

作者: 富富 時間: 2014-11-23 16:04
回復東方不敗的帖子

不敗兄如果唔係住天水圍, 擔心响賞湖居下車, 會唔知方向, 有個站叫"天水圍公園", 應該果個會近少少...

作者: 東方不敗 時間: 2014-11-23 16:06
回復富富的帖子

唔係,我由九龍灣去 ,去過幾次,不過d地方好似個個方向都咁上下,唔多認得, 我記得好似天湖路有站落車

作者: 富富 時間: 2014-11-23 16:19
回復東方不敗的帖子

如果係 269 c , 你可以响總站落車嘅, 不過中途有個站叫 "天水圍公園", 响果度落車, 再行入去, 都好近 ...

作者: 東方不敗 時間: 2014-11-23 18:11
回復富富的帖子

總站好似去左好遠再返轉頭咁, 天水圍公園落行去賞湖居會近吧

作者: 富富 時間: 2014-11-23 18:27
回復東方不敗的帖子

賞湖居係响新北江果邊...
唔同方向...

作者: 東方不敗 時間: 2014-11-23 18:35
回復富富的帖子

但我係去賞湖居

作者: 富富 時間: 2014-11-23 18:58
回復東方不敗的帖子

哦...咁賞湖居都算係公園嘅外圍嘅

作者: CHRIS 時間: 2014-11-23 19:40
康文處成班廢物信得過咩？無鬼點死人，會有蠢人認，
不要忘記北區公園事件，靜靜鷄殺晒啲龜，
吾爆吾道歉。

作者: http 時間: 2014-11-23 19:59
可以找區議員……投訴！

作者: 東方不敗 時間: 2014-11-23 20:00
回復 CHRIS 的帖子

北區個次証明到佢地殺哂d龜嗎 ,有乜辦法証明

作者: CHRIS 時間: 2014-11-23 20:14
報紙有報道，
重有下畫到過公園已影相，
明天會Post出來
吾好揾愛協，都系垃圾，
揾兩悽爬蟲。

作者: CHRIS 時間: 2014-11-23 20:22
http://orientaldaily.on.cc/cnt/news/20090421/00176_004.html

作者: 富富 時間: 2014-11-24 15:23
本帖最後由富富於 2014-11-24 15:24 編輯

唔知今日兩棲協會是否已聯絡公園 ???
好擔心佢哋嘅命運...

作者: CHRIS 時間: 2014-11-24 15:35
已致電兩悽爬蟲，它們會跟進。
一句講完，康文署不要太信。

作者: 富富 時間: 2014-11-24 15:39
回復 CHRIS 的帖子

我知道公園係由康文署管豁, 琴日打去時, 佢哋激烈否認...

作者: 東方不敗 時間: 2014-11-24 19:43
本帖最後由東方不敗於 2014-11-24 19:44 編輯

回復富富的帖子

我今日下午去左公園睇,都影唔到,也看不見有龜,都係魚 ,其實而家乜都做唔到, 以幾年前個件事黎睇, 有報紙記者去跟,魚護署都公然答沒有地方收養,人道毀滅 ,呢種做法好似佢地有指引去做 ,拗佢地唔贏,. 流浪狗都一樣,捉左返去九成冇人冇地方養 ,又係人道毀滅 ,不過佢地的方法就冇痛苦,好快, 而家唯一可行,就係協會收哂d龜返黎, 好似上年愉景新城咁 ,但呢次個人工湖大好多, 協會未必做得到,而且佢要招集好多義工先得 , 仲有要有地方放d龜, 佢個office只係一個單位咁大,都冇地方,就算監督佢地有冇將生物運返黎 ,佢地話運左去魚護署處理,只要佢地職員唔係即場落毒,就理佢唔到

作者: 東方不敗 時間: 2014-11-24 19:45
本帖最後由東方不敗於 2014-11-24 19:46 編輯

影到條扒,有一呎有多, 同好多魚
佢個度有個牌話明禁止放生魚及龜 , d 人照去放生算係違例,佢地點處理好難講

作者: 富富 時間: 2014-11-24 20:33
回復東方不敗的帖子

08.JPG (805.79 KB, 下載次數: 30)

07.JPG (852.1 KB, 下載次數: 39)

作者: 富富 時間: 2014-11-24 20:34

作者: 富富 時間: 2014-11-24 20:37
回復東方不敗的帖子

今日收到FB版友嘅消息, 協會已介入, 並且會監察佢哋嘅工作, 但即如不敗兄你所講, 假如送到漁護, 就實死冇生...點樣先可以令佢哋平安...

還是未能釋懷

作者: 東方不敗 時間: 2014-11-24 20:40
本帖最後由東方不敗於 2014-11-24 20:41 編輯

回復富富的帖子

去到魚護就冇計 ,佢地應有指引,甚麼時候去做人道毀滅 , 就算狗都係咁做, 不過就去得唔辛苦咁解,上次佢地都冇受責,就知耐佢地唔何
愛護動物協會就主要係照顧狗,因為佢地個主席好中意狗

作者: 富富 時間: 2014-11-24 20:45
回復東方不敗的帖子

協會是否冇能力領回, 等待收養？

作者: 東方不敗 時間: 2014-11-24 20:50
回復富富的帖子

你有冇去協會睇過,你估好似愛護動物協會咁大,人地係金鐘有個基地 , 協會只係工業區一個小單位 ,都冇500呎 ,點收咁多龜係度養, 如果十多隻相信還可以 ,你睇個湖幾大, 唔係商場一個水池咁大 ,比上次愉景新城還要大幾倍(可能唔止) ,佢地去收都要招隻義工幫手 , 如果龜係大量,唔知收係邊 ,我諗佢地真係要去收,而家以週圍搵地方領養收留, 又要call義工去做 , 仲要同公園傾幾時去收,因為人工湖水要放走先可以人落去,都幾多繁重工作,如公園星期一先放水 ,義工有d可能要返工,要公園配合六,日放水先易搵人去做, 問題都幾多架 ,唔係話去收就去收

作者: 富富 時間: 2014-11-24 21:08
回復東方不敗的帖子

真係陰公, 我難為啲pk, 成日話"放生", 話佢哋咁先生活得好, 野外咁話喎...

根本係唔想負責, 等佢哋自生自滅...

呢種人, 遲早要有報應 !!!!!!!!

作者: 東方不敗 時間: 2014-11-24 21:44
回復富富的帖子

其實公園個牌都寫明不得放生魚龜, 所以佢地將d生物移走, 好難話佢地,人地話明唔收,你地夾硬放入去,真係有排拗, 而家d巴西龜咁多, 有d大人身痕買比細佬玩一陣,又話唔要,又丟出黎, 咪不停有新貨出街, 反而佢地比返魚店,等佢地賣過仲好 ,以前我細個時,d魚唔想養,會比返魚舖,益佢唔駛本 ,賣返比人,放生,都唔知拿去邊, 反而..突然諗起 ,放入水塘會否好d

作者: 東方不敗 時間: 2014-11-25 20:38
本帖最後由東方不敗於 2014-11-25 20:39 編輯

今日公園的經理回覆左我的查詢:
1. 公園請成建商去處理人工湖的事宜, 成建商的員工中有曾經係魚夫,有魚農工作經驗的員工去處遷移魚龜的工作 ,會暫時移去元朗的魚池寄居,月中工程完成後,會移回公園,但運送,寄居的過程難免有傷亡,只能做好應做的工作,減少傷亡,
2.公園保安所說的會毒殺魚龜, 不會出現,只係保安回答上出現問題,不知工作過程如何去做
3.公園也曾聯絡二個爬蟲協會,一些團體 , 大學 ,請求收養魚,龜 ,現己有二間大學會收養部份魚龜 ,
4.14號後,如工程順利完成, 部份魚龜會回到公園 ,因目前有二間大學收養, 而且可能會有其它團體收養(因聯絡過), 或部份去魚護處, 所以到時見到的魚龜會較前減少 ,而公園人工湖其實己很多魚龜, 需要減少, 而公園經理也有提及該處己有提示不能放生魚,龜, 而隨便放生也可能違法 ,希望大家見到或知道有人隨意放生,勸喻不要咁做
5.最後經理重申不會隨意殺害魚龜,而且這種做法也是違法的

作者: janede1314 時間: 2014-11-25 21:06
回復東方不敗的帖子

願牠們平安，早日適應新生活

多謝師兄幾日的跟進

作者: 富富 時間: 2014-11-26 11:36
回復東方不敗的帖子

佢哋同樣係咁樣回應我......

希望佢哋講得出做得到，唔好玩"文字遊戲"......
"不會隨意殺"......別要"莫須有"罪名，傷害小生命！

歡迎光臨香港龜友論壇 (https://hkturtle.org/)