香港龜友論壇

標題: 新手一名 [打印本頁]

作者: Joehui1126 時間: 2015-5-21 21:00
標題: 新手一名
我新手一名, 有兩隻養左兩個月既珍珠仔o岩o岩香左…..
想請教一下各位係咪我養既方法有錯, 因為我仲想養不過又唔想再誤殺多幾隻龜仔…

3月19買左兩隻好精神既珍珠仔

因為我老豆有塊田, 所以係田度整左個池黎養, 禮拜一至五我要反工, 所以老豆會去餵, 禮拜尾我會上去洗池

兩隻珍珠仔上到去之後就有好大分別, 一隻勁鍾意曬太陽(阿大), 一隻就鍾意去d陰涼地方(阿二)

咁有一個星期五我老豆唔得閒上去, 到禮拜六我上去既時候, 淺水區無水, 勁鍾意曬太陽個隻就係淺水區比蟻” 嬲”, 我沖水落去個陣又發現佢未死, 另一隻就好醒咁潛左去深水區而無事 ps. 阿大唔知係咪曬得多, 曬到有d問題, 成日都唔郁…

避免再有同類事件發生, 我將兩隻珍珠仔都放反屋企養, 係屋企養多d時間對住就發現隻阿大唔多掂, 唔食野又唔郁, 另一隻就ok d既, 不過兩隻d手腳都有d傷口

咁到weekend既時候就出左去買藥, 點知反到黎, 阿大就香左啦…. Ps. 阿大香前一兩日都唔知點解一o羅上手個口就會不停開合, 又唔係想咬我..
阿大死既樣係手腳伸晒出黎, 眼同口都半開, 硬晒..

咁之後阿二就繼續養, 買左隻叫龜之樂既野黎同阿二搽, 對住傷口滴一滴落去, 換完水又滴多滴落缸, 同阿二係屋企養, 屋企開冷氣所以阿二個缸有時都好凍…到我起身去反工既時候就會放個缸出戶外, 反屋企又放反落屋, 所以會成日郁個缸..

滴左5日藥, 到尋日放工反到屋企, 阿二都香埋.. 阿大死既樣係手腳伸晒出黎, 眼同口都合埋, 不過係軟既..

請各位師兄話我知有d咩地方做錯左等我好改進… thank you all!

作者: TittyLover 時間: 2015-5-21 22:33
其實新龜落地，水質溫度水深營養缺一不可。ching節哀啦，你都唔想，就當買個教訓。我相信好多人都有養死龜嘅經驗，最重要下次小心。精華區有好多好好嘅教學帖，不妨睇下，同時多d觀察。下次再努力啦，我以前都養死過，I know how that feels bro

歡迎光臨香港龜友論壇 (https://hkturtle.org/)