香港龜友論壇

標題: 花栗鼠的介紹 [打印本頁]

作者: kara 時間: 2011-6-21 03:19
標題: 花栗鼠的介紹
本帖最後由 kara 於 2011-9-25 18:26 編輯

中文名:花栗鼠
別名:金花鼠
英文名:Chipmunk
原產地:中亞至東亞各國
溫度:最好攝氏22-28度(因為佢地又唔熱得又唔凍得)
點分男定女:雄性既生殖器官同肛門既距離較遠,雌性會近d
懷孕期:約30日左右,每年可以生1-2胎,每胎約3-5隻.bb大約係六星期後斷奶.一歲係佢地既成年歲數
會有幾大隻:20-25公分左右
交配期:大約係3月-5月同8月-10月左右
習性上同松鼠係相同既,花栗鼠通常都係地面活動而且都會係樹木根部or岩石底下面挖地洞棲身,佢地係偏向地下生活既松鼠,不過佢地都好叻係樹上活動
生命可以有5-10年左右
食物:堅果(如核桃),種子(如瓜子),水果(如apple),蔬菜(如粟米),麥皮(不用煮),生黃豆,(得閒比黃豆佢食,好過比雞蛋而且生黃豆同雞蛋一樣有蛋白質,又可以磨牙)雞蛋(係要黎比佢補充蛋白質記得係要水煮蛋唔係一個生既雞蛋一星期比一次當零食就ok嫁啦)正餐如麥皮(我早餐日日喂的),apple,粟米(通常我係當晚餐),零食如瓜子,雞蛋
佢地唔可以食既食物:葱蒜,生姜,韭菜,(介)菜同埋仲有咖啡同朱古力都會令到佢地食左之後會中毒,喂佢地食既蔬菜水果都一定要洗乾淨,以免佢地食左唔舒服(千萬要記住啦)
佢地既屋企最細都要用大既倉鼠籠如果有位可以用烏籠!記得要比個跑步機佢解下悶同活動一下,因為佢地唔夠活動會自殘身體咬自己條尾咁樣!!
p.s如果佢唔識用飲水樽開頭個幾日就喂佢食水果(因為水果有水份),岩岩番黎唔好咁急抱佢地出黎,等佢地慢慢習慣左環境同你仲有你既氣味先,如果太急會搞到佢驚左你!!想佢熟悉你既氣味可以拎d唔要既3同襪比佢!!花栗鼠係要剪指甲既,幾時剪?拎上手玩,有少少痛就幫佢剪,如果正常黎講就大約7至10日!!剪就剪最出個小小,會有d白白地既!!
(如有錯流,打得唔好唔好插,希望大家多多包容)