香港龜友論壇

標題: 希望龜龜可以搵到個好人家 [打印本頁]

作者: phi271186 時間: 2016-3-26 19:03
標題: 希望龜龜可以搵到個好人家
是咁的, 屋企有隻巴西龜龜差唔多都十幾年
個陣時係我細佬同屋企人買的, 不知不覺差唔多張A4紙咁大
因為我本身有潔癖所以都唔會掂小動物, 係我呀媽餵下佢食糧咁樣
大個左先覺得佢好慘成日關個無封頂儲物箱係到只係食同訓
又睇唔到太陽......有諗過換過大箱但我都係養唔到佢

阿媽除左換水餵佢平時都唔會放出黎....仲話大個左可能放佢去迪欣
但我當然知咁樣死路一條

所以想搵下有無好心人可以比到好生活佢唔想佢成世悶到死

如果有朋友有興趣我再貼D相啦

作者: hugo11 時間: 2016-3-26 19:19
養左十幾年好正

好難得呢~捨得咩?你放左媽媽之後就唔習慣

畀我一定感覺好正~隻嘢陪左我十幾年~幾多回憶

(我感覺幾難得嘅事囉，你考慮清楚~放棄好容易嘅事。

作者: waterwater 時間: 2016-3-26 19:23
本帖最後由 waterwater 於 2016-3-26 19:28 編輯

你應該放去領養區唔係呢度，你阿媽係舊式養龜人，佢地係咁養，無掟去厠所已經算好，其實，舊式養龜人養龜方法對新養龜人都有一定嘅啟示，無暖管，無濾水，無太陽，無鈣片，又無地方走十幾年都唔死得，可想而知龜龜嘅生命力係幾利害。

期待相片。

作者: phi271186 時間: 2016-3-26 19:27

hugo11 發表於 2016-3-26 19:19
養左十幾年好正好難得呢~捨得咩?你放左媽媽之後就唔習慣
畀我一定感覺好正~隻嘢陪左我十幾年~幾多回 ...

我都明呀...雖然佢唔係我話養但係都叫日日見面
但係依家每一次望到佢都好慘...不見天日只係得食同訓..個箱對佢又好似好細咁
只係希望如果有經驗既人可以比到正常生活佢就好...唔好煮左佢就得

題外話..有一次我同呀媽講話想換個大D既箱比佢....佢竟然話屋企無位裝.....寧願留位裝廢膠袋都唔想我換箱
所以我先覺得佢好慘 ... 箱我唔係買唔起...只不過覺得佢既一世好慘

作者: waterwater 時間: 2016-3-26 19:42
本帖最後由 waterwater 於 2016-3-26 20:12 編輯

hugo11 發表於 2016-3-26 19:19
養左十幾年好正好難得呢~捨得咩?你放左媽媽之後就唔習慣
畀我一定感覺好正~隻嘢陪左我十幾年~幾多回 ...

講中我心事，我都分享一下我嘅故事，我當初養龜都係一個意外，本身同樓主一樣都係愛乾淨嘅人，對龜根本無興趣，繼續養都係因為一個責任，因為怕放生等於放死（情況如同樓主現在），十幾年前又搵唔到人接手，就算有又怕佢痕又怕佢痛又怕新主人對佢唔好，始終養左一段時間有感情，拖拖下最後都係放棄決定繼續養，雖然對佢地無興趣又嫌佢地污糟，但只好講呢個意外係一個緣份，因為我以前從來無養寵物嘅念頭，決定繼續養令佢地唔克我憎嘅唯一方法就係了解佢地同佢地建立互動，學識欣賞佢地嘅傻，on 和蠢，其實當中過程要好有耐性，依家我已經可以做到半控制佢地，但最後發覺其實龜龜係好可愛，而且更响佢地身上領悟左好多道理，處事和做人技巧，眼界和思想都開闊左，更懂得包容。樓主，希望對你有啟發，屋企無位可以考慮半放養如我現在，只要定時放回水中就可以，比放狗仲方便，當然，若果新主人比到更好環境佢，但問題係，你係咪真係捨得，始終十幾年，我無最好嘅比龜龜，但我有愛心比到佢地，一得閑有心情就同佢地玩同佢地講野，大妹依家仲好黏我，佢地細個時D 小姐少爺脾氣依家無晒，好純，任我「初」圓襟扁，只因大家有一種無形嘅聯系。

作者: hugo11 時間: 2016-3-26 19:50

phi271186 發表於 2016-3-26 19:27
我都明呀...雖然佢唔係我話養但係都叫日日見面
但係依家每一次望到佢都好慘...不見天日只係得食同訓..個 ...

哈哈，講到阿媽咁衰格咁嘅你~媽媽嗰啲都係咁樣驚麻煩，但你媽媽都好西利!表面上唔多在乎隻龜都養左佢十幾年~

唔好睇到咁灰~你宜家都算為緊隻龜諗~真係搵啱好家人就好~冇你都儘量幫下隻龜仔

作者: hugo11 時間: 2016-3-26 20:16

waterwater 發表於 2016-3-26 19:42
講中我心事，我都分享一下我嘅故事，我當初養龜都係一個意外，本身同樓主一樣都係愛乾淨嘅人，對龜根本無 ...

師兄好西利

你做到為他人著想就已經係好成功，係嫁我都認同養寵物其實係好有內在@@鍾意寵物嘅人比較唔現實對感情比較著重啲(哈哈，好似吹大左)

作者: waterwater 時間: 2016-3-26 20:18
其實，個問題唔係龜龜嘅生活環境，而係樓主對龜無興趣，因養龜其實好易，若果樓主愛龜，就會想方法令龜龜有較好環境將佢地留响身邊，唔捨得比人。

作者: wongivyee 時間: 2016-3-26 22:46
樓主，如果龜龜真的沒人認養，希望你會繼續養牠，
養了十幾年唔多唔少都會有些感情，希望你唔好放棄佢，
其實很多亞媽唔知點解，好多無理的不準，不可以，我都領教不少，我有時都會用先斬後奏的方法，不好意思，不是教你與媽媽作對，我覺得樓主，你現在為龜龜做到的，就是買個大膠箱給牠，買了自然會有位放。只是個人意見，不喜勿插。

作者: phi271186 時間: 2016-3-27 00:47

waterwater 發表於 2016-3-26 20:18
其實，個問題唔係龜龜嘅生活環境，而係樓主對龜無興趣，因養龜其實好易，若果樓主愛龜，就會想方法令龜龜有 ...

老實講其實真係無...因為最大原因"隻龜唔係我買我話養...係我屋企人養的"
只不過我真係唔忍心見到佢無人理
因為我自己根本唔會打理佢

作者: masuku 時間: 2016-3-27 09:38
如果楼主想亀亀有個好主人養係1件好事、始終比放生好好多。
不過亀亀体積比較大、要找新主人都不太容易、希望楼主継続努力！

作者: raymondcheng 時間: 2016-3-29 11:26

作者: 沙田鄂仔 時間: 2016-3-29 15:55

waterwater 發表於 2016-3-26 19:42
講中我心事，我都分享一下我嘅故事，我當初養龜都係一個意外，本身同樓主一樣都係愛乾淨嘅人，對龜根本無 ...

有同感, 龜龜其實都有感受, 佢會知道個主人係咪有愛心對佢

作者: wongivyee 時間: 2016-3-30 13:59
pls check PM

作者: tiffany_john 時間: 2016-4-2 18:58
我D巴西龜已經全部放養，最大iPad Mini甘上下，基本上會自己出來，有一隻唔見幾日，今日終于出現，第一時間掉落水，隻野系甘疴屎

，通常如果行出來，都系想疴屎疴尿，試過幾次無掉入水，就疴地上

歡迎光臨香港龜友論壇 (https://hkturtle.org/)