香港龜友論壇

標題: 小龜是否病了? [打印本頁]

作者: 菜菜與占占 時間: 2016-3-29 01:19
標題: 小龜是否病了?
大家好, 本人剛養了兩隻巴西龜接近一個月.
但這兩天有一隻龜龜有不妥希望各位可以幫我分析小龜是有什麼病及應該如何解決

這是我飼養的箱子

因初嘗試養龜,所以沒有購買暖管及紫外光燈(應該買嗎?)
每天會換一次已煮滾的食用水水深大概接近龜背頂部龜龜站立時能夠呼吸
餵食以龜糧為主

但有一隻龜龜這兩天拒絕進食,並且已沒有排便一天.
牠最後一次排便並不是條狀而是類似一顆小圓球帶點黏液

放牠游水時只浮不游並緊閉相眼

有時還會抓緊另一隻龜龜借力來浮

煩請大家指示

我飼養的方法是否不對,那一些細節需要改善?
龜龜該如何治療才能令牠回復生氣

作者: jackytung 時間: 2016-3-29 01:46
本帖最後由 jackytung 於 2016-3-29 02:31 編輯

我好耐之前當仲係完全新手既時候都入手左一隻巴西寶寶...個情況連個龜住既環境仲有糧食同你完全一樣..個隻小巴西寶寶已經離開左..情況應該係..
無錯生病了...我自己覺得起碼有2點...有錯請其他師兄指點更正

1.可能已經感冒了..要留意..佢會唔會唔多鐘意係水....係上左岸既時候會唔會開口呼吸...如果有好大機會已經變左肺炎""""肺炎我自己覺得係龜苗既殺手""""所以係變成肺炎前要盡早醫治

2.背甲可能已經角質化/腐甲...

重點係龜對突然改變太大的溫差好敏感....太凍好容易凍親...所以盡可能唔好令龜寶寶既體溫忽凍忽熱....一般水龜最適合既水溫係25度左右

暖管其實我自己個人會健意買既..因為你d巴西仲細隻...體質無成體龜咁好..太凍龜寶寶會捱唔住...keep住龜龜一個溫度係最好不論係水溫同岸上既溫度

燈個度如果有時間比佢地曬太陽既話uvb其實可以唔要因為一個uvb膽都唔平...但係要有熱燈..因為龜實實要既d3 同鈣係要uvb同熱能先可以生產出黎

無濾水器要日日換水...水質都好緊要...因為龜對水質無魚咁敏感..唔會好快話到比你知水質好定唔好...水質唔好會令皮膚同甲殼好多毛病

比你參考下http://www.hkturtle.org/forum.php?mod=viewthread&tid=28565 希望幫到你..望龜寶寶早日康復

作者: 我愛爬蟲類 時間: 2016-3-29 09:36
已煮滾既食用水?你搵熱水尼養?

作者: 菜菜與占占 時間: 2016-3-29 11:03

jackytung 發表於 2016-3-29 01:46
我好耐之前當仲係完全新手既時候都入手左一隻巴西寶寶...個情況連個龜住既環境仲有糧食同你完全一樣..個隻 ...

謝謝指示

龜龜上岸暫時沒有張大口呼吸.
但龜龜感冒可以買那些藥醫治？

我宜家用呢種飼養箱都可以放暖管嗎？
或是要轉其他箱呢？

龜龜越來越沒有生氣成日都伏係道唔郁

作者: 菜菜與占占 時間: 2016-3-29 11:04

我愛爬蟲類發表於 2016-3-29 09:36
已煮滾既食用水?你搵熱水尼養?

不是熱水.
我所指的是煮滾但已攤凍的食用水

作者: waterwater 時間: 2016-3-29 12:36
本帖最後由 waterwater 於 2016-3-29 12:37 編輯

龜有病最好分開養，免另一隻被傳染，要落藥，但咩病要咩藥就要其他師兄解答，或者去龜舖問下，有無試過龜精靈呢類萬用藥？你指佢無力應該情況都好緊急，要快啦！

作者: 古羅洛斯 時間: 2016-3-29 14:16
其實龜龜已經病咗,你齋落藥都冇用,情況就好似如果你感冒睇醫生食完藥,但依然照吹冷氣,都無補於事,其實已經好好彩,至少睇得出佢有事,如果你堅持要用呢個缸養,咁至少買盞UV燈同暖墊,應該起碼會去到25度,但呢幾日嘅都忽冷忽熱,佢又係苗仔嚟,而且你只養咗一個月,本身佢身體係咪比較弱你都未必睇得出.
而家你至少有一隻龜龜病咗,你要睇睇另一隻有冇同樣情況,最好換一個大啲啲嘅玻璃缸,整番盞UV燈同暖管,病緊嘅龜應該保持28-30度比較好,但都建議你帶佢睇醫生囉,因為佢已經浮起唔游又唔開眼,仲要係啫喱屎.......

作者: 菜菜與占占 時間: 2016-3-29 16:03

古羅洛斯發表於 2016-3-29 14:16
其實龜龜已經病咗,你齋落藥都冇用,情況就好似如果你感冒睇醫生食完藥,但依然照吹冷氣,都無補於事,其實已經 ...

今日會去魚街買暖管希望加左佢會好返小小

另一隻龜龜好精神肯游肯食

作者: 古羅洛斯 時間: 2016-3-29 17:55

菜菜與占占發表於 2016-3-29 16:03
今日會去魚街買暖管希望加左佢會好返小小
另一隻龜龜好精神肯游肯食 ...

買暖管我買100蚊左右,唔好貪平買大陸牌子呀!!!有隻會無限加熱牌暖管,你買咗就......

作者: 古羅洛斯 時間: 2016-3-29 17:57

菜菜與占占發表於 2016-3-29 16:03
今日會去魚街買暖管希望加左佢會好返小小
另一隻龜龜好精神肯游肯食 ...

肯游肯食都要小心呀,就算係一日半日都可以變數好大

歡迎光臨香港龜友論壇 (https://hkturtle.org/)