香港龜友論壇

標題: 荃灣享和 - 好pro好nice [打印本頁]

作者: 沙田鄂仔 時間: 2016-3-29 10:06
標題: 荃灣享和 - 好pro好nice
兩星期前發現小草條頸右面腫了一塊, 由圓面變咗角字面, 於是立即上來揾返荃灣享和的聯絡電話預約, 點知幾日都full booking, 結果booked 到上周四一早. 去到又咁啱有另一人帶咗隻龜去睇急症, 護士告知我個客無預約, 係診所一開門就衝人來, 結果診斷為食物中毒.

我因此遲咗成個鐘先有得睇. 不過算啦, 人地急症, 應該俾佢先.
到睇我小草啦, 之前已聽聞楊醫生好年青, 到見到真人, 嘩, 真係好後生, 成個大學生咁, 有啲baby face, 好友善, 最令我印象深刻的, 係佢聽完我講啲情況後, 除低口罩用鼻聞下我隻龜腫起的地方,

我係主人我都唔敢咁做, 楊醫生果然好用心好投入. 佢又好細心咁問我平時點照顧隻龜等等.
我第一次帶小龜去睇獸醫, 所以隨手揾個透明膠桶裝佢再放入個保温袋(果日幾涷又落雨)出街, 靚靚護士姐姐

見到笑笑口, 覺得我好搞笑卦, 不過佢又係好好人, 好詳細指導我要點打理龜龜添.

作者: raymondcheng 時間: 2016-3-29 12:14

作者: waterwater 時間: 2016-3-29 12:50
本帖最後由 waterwater 於 2016-3-29 12:56 編輯

幾年前我龜龜學人游側泳，帶龜龜去大圍果間，全程未見過醫生，只得護士傳話，護士惡死又寸，又話要照X光又話要開刀，講到好嚴重，最後捧左龜龜入房搞，擔心死，唔係擔心龜龜病，而係擔心佢地點搞我隻龜，因全程未見過醫生，最後話可能係肺炎比佢劏左千幾蚊攞左一星期藥，食左四五日都無見好就走落樓下魚檔，見到有隻叫龜精靈嘅藥，唔知係咩黎，舖頭D人話係龜藥，覺得好兒戲但心諗試下無妨，反正食緊果隻唔見有效，點知滴左幾日龜龜就無百厭游側泳，一方面好開心一方面好嬲，第一次睇醫生就有咁差嘅經驗。

我帶龜去睇醫生直情只係用背心袋袋住放入肩袋，好搞笑

，其實係因為大妹太細膽，次次帶佢出街（佢會知）佢就好驚不停爬不停痾，獨立入箱係唔得，只好入袋貼住不停用手輕拍安撫佢情緒。

作者: 沙田鄂仔 時間: 2016-3-29 14:04

waterwater 發表於 2016-3-29 12:50
幾年前我龜龜學人游側泳，帶龜龜去大圍果間，全程未見過醫生，只得護士傳話，護士惡死又寸，又話要照X光又 ...

講開用葯, 護士姐姐好肉緊咁問我有無俾過咩葯隻龜, 當聽到我話無時, 醫生同護士都放下心頭大石, 護士姐姐話有啲主人亂咁用葯又唔知啲葯係咩成分, 試過有啲個案因為亂用葯搞到隻龜肝指數唔點最後...

作者: 古羅洛斯 時間: 2016-3-29 18:04

waterwater 發表於 2016-3-29 12:50
幾年前我龜龜學人游側泳，帶龜龜去大圍果間，全程未見過醫生，只得護士傳話，護士惡死又寸，又話要照X光又 ...

雖然睇咗次醫生好貴,最緊要龜龜冇事啫,而且你又唔能夠原全抹殺獸醫嘅功勞嘅,可能佢解降頭需要啲時間啫

作者: 古羅洛斯 時間: 2016-3-29 19:05
哈哈,今年年初我都第一次帶龜龜睇醫生,我隻旦苗第二朝發現全身水腫,浮水,四肢冇力,但過年享和冇開,睇唔到醫生,而其他獸醫我又冇信心,又遠,好彩有師兄教我浸糖水吊住龜龜條命仔

,等咗差唔多十日先有得睇

,其實當時肉眼所睇龜龜已經喺第三日已經好番,但我唔敢搏,照帶佢睇醫生,照埋x光加打針,埋單$950左右,坦白講睇完我好放心俾楊醫生睇龜龜,佢態度友善好盡責,而女護士都好專業,感覺都好親切,喺呢度都好想再多謝楊醫生,因為有一次龜龜打針仲踢走支針,搞到醫生要再開過另一支針藥,真係唔好意思

亦都喺呢度多謝另一位男護士因為我唔記得帶便便檢查而即場刺激佢便便搞到成手屎

而醫番好龜龜嘅心情係好開心嘅

睇完荃灣享和珍禽異獸感覺係唔錯,所以我後來狗狗有病就嘗試轉睇荃灣享和度睇貓狗,但感覺差天共地,坦白講,其實我唔肯定睇我狗狗嘅係醫生定只係男護士,佢俾我感覺好冇料,咩都唔肯定,俾唔到信心我,嗰日我約咗人,佢話等檢查要等兩個鍾,我話我趕時間,要第二日先帶番狗狗嚟,但佢竟然話過夜唔收錢,仲好強調只飲水同有食物,係唔會收錢,其實我都覺得奇怪,但心諗狗狗喺獸醫診所至少有咩事都有護士睇到,都未嘗不何,咁我就好放心將狗狗放喺診所過夜,點知第二日收我過夜費,其實收錢唔係問題,亦都唔係貴,但事後諗番我會覺得好似被人"線"咁,因為收我錢原因係當晚有食藥,有食藥就要護士餵,有護士照顧就要收錢,坦白講,我冇預到會有藥食,因為諗住報告第二日先出,其實醫生都未肯定咩事,咁快就有藥食???效率咁快其實係好事,但唔知點解第二日喺我以為淨係齋等攞報告都要我等成50分鐘????唔係尋晚已經準備好架咩???我都奇怪間舖咁大門面又光鮮,點解都係咁少人帶寵物嚟睇醫生,而隔離幾間診所咁鬼細都迫爆原來係有原因,喺呢度唔係想投訴啲咩, 過咗去就算,但道氣真係有啲頂住,第一晚所謂嘅男醫生同佢交帶俾女護士千仃萬囑唔收錢嘅眼色,同第二晚間診所小貓三幾隻都可以DUM你差唔多成粒鍾,大佬呀,揸車出嚟實有位泊架???如果睇醫生當然唔會約人啦,但睇個報告都要等咁耐,仲要揍番隻狗入新界再出番九龍..................大家下次如果有貓狗想睇獸醫,最好睇埋網上FEEDBACK先,因為有師兄講過話網上都有人講過佢地有濫收費用嘅前科............

作者: waterwater 時間: 2016-3-29 22:29

古羅洛斯發表於 2016-3-29 18:04
雖然睇咗次醫生好貴,最緊要龜龜冇事啫,而且你又唔能夠原全抹殺獸醫嘅功勞嘅,可能佢解降頭需要啲時間啫{:1 ...

真係唔知，成件事最「慶」唔係錢而係佢地傲慢嘅態度，有種貼錢受氣嘅感覺，你有料比你傲慢，但食完幾日藥日日望住龜龜游水都係咁果時個心就又「慶」又憂心，唔係師兄讚第二間有比較都唔會諗起呢間野。

作者: 古羅洛斯 時間: 2016-3-30 13:35

waterwater 發表於 2016-3-29 22:29
真係唔知，成件事最「慶」唔係錢而係佢地傲慢嘅態度，有種貼錢受氣嘅感覺，你有料比你傲慢，但食完幾日藥 ...

唉!我都明嘅,我都中過招

龜龜而家冇事就好啦

作者: 沙田鄂仔 時間: 2016-3-30 14:04

古羅洛斯發表於 2016-3-29 19:05
哈哈,今年年初我都第一次帶龜龜睇醫生,我隻旦苗第二朝發現全身水腫,浮水,四肢冇力,但過年享和冇開,睇唔到醫 ...

師兄你狗狗睇果間係咪沙咀道果間享和? 網上有讚有彈.

作者: 沙田鄂仔 時間: 2016-3-30 14:05

waterwater 發表於 2016-3-29 22:29
真係唔知，成件事最「慶」唔係錢而係佢地傲慢嘅態度，有種貼錢受氣嘅感覺，你有料比你傲慢，但食完幾日藥 ...

我都聽聞大圍果間麻麻地, 所以就算住得近都唔敢試.

作者: 古羅洛斯 時間: 2016-3-30 16:28

沙田鄂仔發表於 2016-3-30 14:04
師兄你狗狗睇果間係咪沙咀道果間享和? 網上有讚有彈.

係

作者: waterwater 時間: 2016-3-30 19:45
本帖最後由 waterwater 於 2016-3-30 19:46 編輯

沙田鄂仔發表於 2016-3-30 14:05
我都聽聞大圍果間麻麻地, 所以就算住得近都唔敢試.

我係由筲箕灣去到大圍，仲要揸住本地圖搵路，成個鄉娌咁

歡迎光臨香港龜友論壇 (https://hkturtle.org/)