香港龜友論壇

標題: 心痛,我有一段時間都不會再上來了... [打印本頁]

作者: seiraseira 時間: 2016-4-8 06:06
標題: 心痛,我有一段時間都不會再上來了...
草草離開了....

我恨醫生為何趕著放工.... 而不肯即日輸血救他...還要待明天...
我恨自己為何放牠們在一起..一錯再錯..

我接受不了自己的孩子殺了自己的孩子...
牠以為玩玩, 但沒想過有這後果...

雖然草草最後離開前和SMILE說已經原諒牠.....

我整個世界都崩壞了...心穿洞了....睡不著, 很掛念草草......
我明白已經回不了頭........................

唯有照顧好這2小孩... 守著草草遺願.... 我今天埋了牠...我真不想埋..我看著牠只是睡著, 一直期望牠睡過來..
牠1點多過身了.....我抱著牠到日出....6點多少放下牠進箱子.... 但我卻仍然抱著箱不放...

埋的洞是我一手掘的...一掘一心痛,,,, 現在也很痛...整個世界都變得空洞....

我今天餵牠們吃東西,, 小可愛一副呆呆的樣子, 還未知道是什麼回事... 昨晚我抱著草草的屍體時...小可愛一直在自己的小箱子遠遠地看著我...
一晚未睡.............
SMILE 是我現在擔心的, 我擔心牠因內疚而出什麼事...

牠們由小玩到大.....

我埋了草草後, 回來發現SMILE一直對著山洞方向不動... 那個山洞是草草最喜歡上去曬燈的山洞...
我感覺牠後悔了...
我抱牠出來餵食,,, 牠不吃.....我很擔心...
牠舉頭望著我... 看看4周....很明顯牠找草草...

我騙不過牠...我落淚搖頭跟牠說草草去了個很遠的地方... 叫你們不要等牠. 好好照顧自己...

SMILE還是在找..在期待...
我跟牠說草草是不會再回來,,, 你找不到的... 草草希望你們吃東西...保重身體,身體健康....

SMILE聽後立即轉過頭吃了幾粒糧....
但牠情況表現得還是發呆.......

現在SMILE在睡.... 我從未見過SMILE會這樣....
牠爬上了山洞.... 模仿草草睡覺的姿勢睡覺..位置都是一樣...但牠是SMILE不是草草.....

SMILE竟然在扮草草...... 我想牠真的很內疚...知道時間回不來, 草草也回不來了....

打這文章, 我打一字一心痛......我真的很累, 從咬JJ開始我幾乎沒睡...以淚洗面...

最後牠走前我和牠做了很多牠喜歡的事.... 帶牠出外坐車車... 和牠玩超人游戲....和牠的的玩具一起抱著...
牠待全家人都在時...見過每一位....才離開... 但牠沒閉眼...堅持看著我們...

我知道牠還有心願..就是我和牠看日出....我抱著牠..... 不停摸著牠的頸..(牠是條狗狗, 最喜歡這樣)
一直看著外面日出....
完成了牠心願.... 牠不久後就閉眼了...離開時是笑著的...

我什麼也做不了...... 我恨醫生趕著下班...一條生命就流走了....我很怕醫生,很怕醫院...
我什麼也做不了..........我很想念草草............我恨自己.....卻不能倒下.....因為我還要堅持著照顧SMILE和小可愛....

但我真的不知道如何還回草草給牠們.....我該如何面對牠們...?
我不敢再入龜了,,,,,,,, 太心痛了..........

作者: seiraseira 時間: 2016-4-8 06:08
我本來還想著.... 這幾天好天氣...可以一家出外曬太陽............可惜...

作者: hahapiu 時間: 2016-4-8 06:25
好感動……一字一淚、草草已經到了彩虹橋la、師姐還是放下吧

作者: seiraseira 時間: 2016-4-8 06:29

hahapiu 發表於 2016-4-8 06:25
好感動……一字一淚、草草已經到了彩虹橋la、師姐還是放下吧

嗯...但還是很掛念....
我都明白唔可以留住佢...

但係真係好唔開心.... 醫院為錢唔為條命...醫生咩都唔肯做.. 淨係話要等聽日...我求極都冇用..
其他醫院又話要預約即日唔得...

我真係冇法.......我喊坐抱佢離開醫院,,,佢好絕望....

作者: seiraseira 時間: 2016-4-8 06:32

hahapiu 發表於 2016-4-8 06:25
好感動……一字一淚、草草已經到了彩虹橋la、師姐還是放下吧

仲要第2日打過黎....問我地仲去唔去.... 但係護士竟然把草草病症完全讀錯.......
我話草草已經過左身,... 佢仲話需要醫療幫助可以再找他們....

一位節哀都冇,,,, 仲要讀錯病症.....仲要介紹服務....
好明顯,,,,真係唔上心...好為錢....

唉, 好心失

作者: 法仙 時間: 2016-4-8 07:57
天意?人為?不要再犯.

作者: ppgame00 時間: 2016-4-8 08:40
只能希望時間能填補傷痛的心靈！

作者: TakTak 時間: 2016-4-8 09:26
師姊保重！

作者: waiyike1314 時間: 2016-4-8 09:43
真係可惜, 我十年前都失了四隻黃緣苗, 由我全家一起掘洞葬於家旁的公園, 欲哭無淚的內疚, 是因自己不懂養, 也是因醫生的錯判, 四條生命死於我手, 一直都恨自己的無能, 看你還是收拾心情照顧餘下的龜. 我也用上八年時間以工作麻醉自己和儲錢, 再用二年的時間重新學習養龜, 看書, 上網, 走訪國內大小龜場, 了解各龜種的生活習性, 食物環境的要求, 再去選好龜, 準備好食物藥物, 不能輕言說養就養 , 其實龜的結構很複雜, 再強的西醫都會判錯, 而西藥也太強, 現在都定時用中藥增強龜的抵抗力

作者: wongivyee 時間: 2016-4-8 09:56
師姐,看了你的文章,我都不自覺的流了淚

,亦感受到你的傷痛及不捨,
希望你快點忘記悲傷,好好照顧家中的二位小朋友.

作者: 地獄火 時間: 2016-4-8 10:20
經一事，長一智

有 C hing 出 post 領養，去拎隻養 la

作者: jackytung 時間: 2016-4-8 11:03
RIP師姐....仲有2隻小孩等住你照顧.....加油

如果下次小孩有病不如試下去荃灣享和..聽其他師兄師姐講..唔錯....

作者: seiraseira 時間: 2016-4-8 11:20

jackytung 發表於 2016-4-8 11:03
RIP師姐....仲有2隻小孩等住你照顧.....加油

如果下次小孩有病不如試下去荃灣享和..聽其他師兄師姐講..唔 ...

佢果次都要排期到聽日....我在想..詔左去唔好再諗.... 太痛..

作者: 古羅洛斯 時間: 2016-4-8 12:58
事情已經發生咗,你都無謂再自責啦!!!好好享受同龜龜嘅每一天啦!!!

作者: arthur 時間: 2016-4-8 15:26
彩虹橋會再見

作者: 沙田鄂仔 時間: 2016-4-8 16:04
師姐的心情我們都感受到亦理解, 希望你能早日走出傷痛, 始終你還有兩個等你照顧啊!

作者: waterwater 時間: 2016-4-8 16:44
師姐，每人都會犯錯㗎!重要係唔比自己犯第二次錯，其實，妳亦可將妳悔疚之痛轉化為力量，去幫助多D被遺棄在生死邊緣嘅龜龜，咁草草嘅不幸都會來得有意義啊！佢知道都會開心，係咪! 振作啊！

作者: 小黑豬 時間: 2016-4-8 19:35
我之前都走咗三隻草草,都自責點解會咁,亦都決定唔再養,唔想因為不知原因下再害小生命,事隔大半年先再養大吉小吉BB豬,其實都好驚,但比之前更加悉心照顧,壓力都幾大,但3年後嘅今日慶幸佢地都健健康康成長,所以你都唔好放棄呀,加油!

作者: johnnyhk323 時間: 2016-4-8 21:03
加油呀!!

所有事情都有上天的安排，唔開心總會有，但係都要快快企起身!! 保重!!

作者: ylc141 時間: 2016-4-8 22:25
師姐，我見到你隻龜不幸，我心情都好沉重，希望係到表達我嘅哀思。我當日見你發帖要緊急捐血，我即刻停左手上工作回覆你，希望whatapps你，希望可以幫手，但又怕血型唔啱，或者要同一品種先可以。最後電話聯絡到你，知道咩龜都可以，衹要夠大就得，我就上的士飛返屋企影相，打算帶所有龜去，睇邊隻最好。之後又聽見師姐再三交待九點到，希望唔好遲到，我明白事件好緊急，又怕明天有延誤，怕唔識路去，我曾經更想過立即將D龜帶出交俾你。又諗過如果我D龜唔得，不如去街市魚檔買一隻，之後帶返去養，又諗過call朋友借龜，諗左好多好多。甚至第二日下午交收我都想推左佢，希望一齊等隻龜醫好。

第二日鬧鐘一響，我即刻起身打算出發，但見到whatapp叫我唔洗帶去，我無問點解，亦唔敢問，唔想問。我起身，將膠盒仔放好，D龜放入池，一切回復正常。到下午如常交收，個師兄問我今朝捐血點，我……唔識答

養龜好多年啦我，我手上死龜都唔少，好多其他師兄交托醫龜但醫唔好，死龜好似常態，死左……就留殼做標本，生死無咩感覺，但今次我都少有地真正痛心，我唔識呢位師姐，衹係大家係同一論壇上，或許係我都抱有好大希望，或許我信余醫生可以醫好。

師姐，我唔知點解釋，亦唔知有咩方法安慰你，亦唔知應唔應該回帖，但我亦希望係呢到，大家一同表達小許哀思，等龜仔在天之靈可以明白，主人唔係唔愛佢，大家都曾經希望挽救佢小生命，但人力總不能回天

作者: metalgearsorry 時間: 2016-4-9 06:54
等時間沖淡吧，妳都唔使太過自責，草草都唔想見到妳唔開，望能今次事件吸取經驗後盡快振作過來照顧好餘下兩隻龜龜。

作者: seiraseira 時間: 2016-4-9 12:08

ylc141 發表於 2016-4-8 22:25
師姐，我見到你隻龜不幸，我心情都好沉重，希望係到表達我嘅哀思。我當日見你發帖要緊急捐血，我即刻停左手 ...

多謝c兄... 我book左果個唔係余醫生. 係陳醫生..
我都好後悔我冇book 余醫生.... 但係起醫院大聽. 余醫生係起度...但係佢只係望... 冇問咩...
其實如果我起果度未見過余醫生. 我會仲內疚,, 起碼佢望過一眼草草, 雖然案件唔係佢,,,,

但係我真係接受唔到....佢地會因為趕收工而拖.........真係接受唔到.....

c兄真係好多謝你, 我都有諗過做標本, 但係我想佢原原整整咁離開...始終或多或少,我都有諗過佢有因為寧死不屈,死都唔肯做公公..... 留住佢個身體, 留唔住佢個靈魂. 根本冇意義,

c兄我有個ac叫 seira2242527 , 我以前同龜龜既點點滴....
我慶幸我突然有事從國外回來一星期.... 佢最後一刻我起佢身邊,,, 佢好乖, 中間有後時間我離開左2日,,
就係果2日出左事,,, 佢好乖, 佢嚴重貧血, 內臟已腔唔可以正常運行... 都堅持都到我回來....

起最後一段時間, 我同佢最後一次合照...佢真係好乖...佢好似以前咁, 好正常,好帥氣...罷姿勢俾我影,,,同我影,,唔知既真係以為佢冇事............

我真係唯有等事情淡忘.....我過2日就走..下次番黎又要幾個月後...pm要遲d先回到....

作者: raymondcheng 時間: 2016-4-9 15:25
人生很多時的一些決定是很難分對錯的.當結果出來不好時,不要太自責.因沒早知,就算當時選其他,後果好壞都是未知數!只要盡了力,就ok了!!!

作者: waterwater 時間: 2016-4-9 15:50
係咪醫生錯判嚴重性？或佢都有急事要準時收工？醫德問題真係要問佢地先知，但清晰嘅係，醫生嘅醫德要好好監察，人又好，獸醫都好，都係一條生命。

其實我都唔係好讚成製標本，覺得呢個係一個好自私嘅行徑，自問一下自己死後想入土為安或被家人製成標本放在房間或大廳？外國有一些服務係可以用少許死者骨灰製成永恆嘅水晶，讓親人隨身攜帶如在身邊，兩者相比，覺得咁樣會較好，死者得到安寧，生者得到安慰。

作者: waterwater 時間: 2016-4-9 15:52

raymondcheng 發表於 2016-4-9 15:25
人生很多時的一些決定是很難分對錯的.當結果出來不好時,不要太自責.因沒早知,就算當時選其他,後果好壞都是 ...

x 2，或者輸血後結果都一樣，who knows?

作者: ylc141 時間: 2016-4-10 01:01

seiraseira 發表於 2016-4-9 12:08
多謝c兄... 我book左果個唔係余醫生. 係陳醫生..
我都好後悔我冇book 余醫生.... 但係起醫院大聽. 余醫生 ...

雖然未見過你真人，但認得個頭像，大家都係論壇好耐啦
希望你並唔係忘記龜仔，而係知道你盡左力去挽救佢，永遠記著同佢快樂回憶，相信佢一定明白你心意

作者: seiraseira 時間: 2016-4-10 03:54

waterwater 發表於 2016-4-9 15:50
係咪醫生錯判嚴重性？或佢都有急事要準時收工？醫德問題真係要問佢地先知，但清晰嘅係，醫生嘅醫德要好好監 ...

唉, 我覺得係醫德問題...
我原來約中蜂星期6睇.. 佢唔起香港, 但都話一番黎會打俾我即刻幫佢做手術...

不過我覺得事情太急, 睇左獸醫先. 起呢2日我打左俾中蜂3次...佢無論咩時間都聽我電話解答問題...
可惜草草等唔到中蜂番黎,,,

我想講個醫生連龜有血型之分都唔清楚..... 真係好大問題囉!!!!

作者: iris007 時間: 2016-4-10 10:35
標題: 好
本帖最後由 iris007 於 2016-4-10 11:14 編輯

seiraseira 發表於 2016-4-9 12:08
多謝c兄... 我book左果個唔係余醫生. 係陳醫生..
我都好後悔我冇book 余醫生.... 但係起醫院大聽. 余醫生 ...

之前有聽龜友講土瓜灣有個姓陳女醫生唔好，好似藥份量過重，食到櫻桃紅腿死左。

作者: 小迪迪 時間: 2016-4-19 00:58

可以看看走咗既草草照片嗎?

作者: seiraseira 時間: 2016-7-28 06:40

小迪迪發表於 2016-4-19 00:58
可以看看走咗既草草照片嗎?

你加我好友睇番以前D POST 啦=]

作者: cpp 時間: 2016-11-12 11:00
提示: 作者被禁止或刪除內容自動屏蔽

作者: Mike2012 時間: 2016-11-12 12:41
個醫生叫咩名??

作者: seiraseira 時間: 2017-1-29 08:15

Mike2012 發表於 2016-11-12 12:41
個醫生叫咩名??

姓陳的, 我都忘了

歡迎光臨香港龜友論壇 (https://hkturtle.org/)