香港龜友論壇

標題: 望著龜龜離開 ..(另求死後處理方法) [打印本頁]

作者: nowaypls 時間: 2016-4-11 03:30
標題: 望著龜龜離開 ..(另求死後處理方法)
因為來得有點突然…本來開此帳號還想問一下病徵,準備這幾天帶龜龜看獸醫,誰知在我發這文章之前已經剛剛走了…

雖然龜龜離開了…但還是想知道死因。以下改用口語,怕文章太長。

------
先說一下,我養的是印度星龜,養了應該有約4年多,多吃車前草,油麥菜,青瓜為主。

至從今年冬天比較冷,龜龜亦比較少運動,胃口亦不似從前。

因為我家人既關係,佢地飼養龜龜既方式比較天生天養(粗),但冬天既時候都有開燈加暖毯比佢,諗住冬天過後就無事。

點知暖返一樣少吃少運動沒排便,所以我諗係結石問題,所以即時幫佢每日浸水,水溫約38度15分鐘起,起初一兩日無分別,第3日終於排沙石,約米粒大少同硬度。之後幾日陸續浸少都有更多結石排出,什至終於排便。

諗住佢排便正常返就比較少浸水了,但佢依舊少吃經常睡覺。所以今日屋企人再次幫佢浸水,佢地仲話龜龜正常反應,排了一粒便便。點知無耐我見佢不停用口吸氣,NOSE口都有水,腳已經軟弱無力,眼睛開始凹陷閉合,最後頸伸長垂低微微張開口就走了…

因為太突然所以什麼都做不了…回想比較細節既係,早排佢不時都有用口吸氣,而且有次口腔留血,但隔日見已經止血所以沒為意。

-------------------------
其實呢次唔係第一次死龜了,之前仲養過一隻星龜同盾龜B,計今次已經共死三隻。

你可能會問你唔識養仲養條春咩害死龜龜,而個重點就係…因為我家人一時興起見人養佢又養,點知唔識養就當粗生粗養,

所以起初兩隻死得超快,無幫龜B浸水而且日曬夜曬,唔通風,我諗都係結石問題居多。點知之後佢放棄養龜B,轉為養一隻較大的星龜,諗住比較易養。

咁當然有經驗我就唔想再比同類事件發生,所以搵齊各種資料,養左三四年龜龜都無問題。而我自身經濟能力差,亦無多餘時間,而屋企人粗生粗養方法真係太過份,又要養又唔負責任,基本上都係我抽空負責餵食同浸水清理…我唔叫佢都唔會主動做果種。我屋企人係比較傳統,主章天生天養,有病都唔會帶佢睇醫生果種(認為買過隻仲平過醫藥費)。
-------------------------

最後想問,因為今次已經決定係最後一隻,唔會再養,所以想留龜殼,而上網搵各種處理方法,理想係用面包蟲,但始終唔知細節,例如處理時放盒需要通風? 放大約幾多日及事後要怎處理呢?

如有人知道死因請告知以了結小弟心願…因為第二段開始既時候,其實我只有開頭係我負責,之後就交由我屋企人負責,點知問題就接二連三不停發生…唉

作者: elmond 時間: 2016-4-11 10:29
會唔會水太熱?
我天氣暖番,幫佢沉水都凍番少少
或者水太多,佢驚得滯,猛游至虛脫

我養盾龜,都係粗養,方式同你差不多,但冬天KEEP住一日沉暖水一小時,當水凍就換水,令佢血暖番有多少少活動

PS:節衰順變

作者: 鬼鈴音 時間: 2016-4-11 10:50
樓主，節哀順變

作者: nowaypls 時間: 2016-4-11 14:36

elmond 發表於 2016-4-11 10:29
會唔會水太熱?
我天氣暖番,幫佢沉水都凍番少少
或者水太多,佢驚得滯,猛游至虛脫

我宜家都係咁諗，真係超利譜，之前我浸佢係為左排石，屋企人見我咁做佢又咁做。
明知都排得7788，尋日無啦啦見龜龜訓著又拎去浸，仲要浸後不理去玩手機，當我發現時即刻叫佢佢先拎返出黎，但已經發覺龜龜吸氣勁困難唔正常，最後望住佢閉眼離開。

早一日明明我仲睇住佢飲水，而我問返屋企人都話浸時龜龜都好正常有力氣，還很努力排最後一粒便便。
可能已經下意識比龜龜浸水就要排便⋯已經累透而死。唉今晚又有排同佢嘈啦

作者: pgm4ho 時間: 2016-4-11 23:32
太多水浸死龜 ,樓主RIP

作者: Keithturtle 時間: 2016-4-12 00:48
似係肺炎wo

歡迎光臨香港龜友論壇 (https://hkturtle.org/)