香港龜友論壇

標題: 救助！急！好徬徨！ [打印本頁]

作者: kamt 時間: 2016-6-8 16:01
標題: 救助！急！好徬徨！
前晚十点幾發現龜女d水有血，原來條尾凸出咗一舊野成一吋長流緊血，但重不断用後腳抓，果時好担心，亂哂龍，咁夜搵咗親戚攞咗d雲南白药止血，乾養，後尾見止咗血佢瞓咗就諗住第二朝即同佢睇醫生，半夜五点起身睇过佢重瞓緊，点知尋日7点幾佢拍到好嘈，一望好多血，尋嘢重凸多咗成倍長，佢重不断抓又爬來爬去，我驚到喊，用雲南白药都止唔到。九点正打电話去土瓜湾余醫生(我只知呢個識醫龜)不在要下午係度，但有一女醫生，即飛的士去睇。女醫生睇後話果舊嘢係子宮，已經抓損唒，凸得太多重有膿，流太多血，只有切咗佢先，佢冇咗個子宮要遲d做絕育手術，重要照X光睇下生哂蛋未(佢之前生咗好多隻蛋，如果冇蛋可以係幾個月後先做绝育，佢話現在好危急，叫我決定切唔切子宮，我問可唔可以塞入去，佢話凸得太多又猛出血，冇辦法，佢叫我決定重話可以比其他獸醫診所电話我，如果我唔做可以帶佢睇第二個醫生，不過要快因流好多血，我見咁情形就答應同佢做(再同佢搵第二個我都唔知邊個醫生好)。

作者: waiyike1314 時間: 2016-6-8 16:13
如你所說的情形, 真的是"脫宮" 而且已被抓損流血流膿, 那就真的只有切了, 否則腐爛再加細菌感染就糟了. 即使看其他醫生, 應會同樣叫切. 保命緊要過生育

作者: kamt 時間: 2016-6-8 16:22
尋日下午五点半見醫生兼接返龜妹，佢好精神，醫生跟住同我講手術順利但X光片重有一隻蛋未生，要快做絕育手術唔係隻蛋係入便唔得，佢同我詳细講絕育手術過程會係兩邊後腳邊開刀攞卵巢同勾埋隻蛋出黎，但如果唔得要再開刀据開底板囉蛋，我聽完好驚，点解要做咁大手術，我話唔做得唔得，佢話隻蛋冇子宮出唔到，會塞蛋隻蛋爆咗會有腹膜炎，同埋隻龜知有蛋生會不断同力疴，到時佢可能會疴埋d腸同其他器官重大劑，我聽到呆咗，重要超过成萬手術費，我話冇咁多錢可唔可以平d，佢話唔得，我話好担心以前多唔多龜手術成功好返，佢冇正面答我，只係話有危臉的，6成机會，重話要快決定，因塞蛋好危險，最快下星期二有期做呢個大手術，個期比在第二個就要塭一個時間，叫我呢兩日決定，我真係唔知点做，我食唔落瞓唔到，隻竈陪咗我9年幾喇，有冇人可以比d意見我？

作者: kamt 時間: 2016-6-8 16:28
我今朝想返起果d黃色的會唔會唔係膿，係雲南白药粉末

作者: kamt 時間: 2016-6-8 16:39
本帖最後由 kamt 於 2016-6-8 16:41 編輯

請問有冇人有類似情況？係唔係一定要做咁大手術，我驚龜女頂唔順，佢今日好靜，平時見到我就跳下拍下，今日只係抬高頭望實我，好慘！
我要唔要同佢睇多一個醫生問意見

作者: waiyike1314 時間: 2016-6-8 16:44
塞蛋的確比較麻煩, 始終不知你的龜的狀態, 不過你都說了, 他陪你九年多, 不要用錢來衡量感情, 救得一命得一命, 其實醫生都不會回答到什麼, 龜有殼包著, 要打開了才看清裡面的情形, 至於救不救到, 沒人可保證的, 從樂觀的角度, 做一次就保到他往後不會再卡蛋而死, 都算值得.

個人小心得, 由苗開始不要給吃太多, 讓生殖器慢慢成熟, 減少體內脂肪, 也令他的其他器官不會過份膨脹; 其次, 如果是半水龜, 就一開始用泥養加水池, 等佢習慣在泥上挖洞生蛋; 每天給他在水池游水.

作者: waiyike1314 時間: 2016-6-8 16:52
雲南白藥是不錯的藥, 我也有旁身, 但只能用於止血, 如果是外傷嚴重, 用它會在傷口長肉粒. 另外, 此藥是米白色粉狀, 但不會變黃色, 好可能你那些是膿包

作者: vinsoon14 時間: 2016-6-8 21:46
隻龜女情况真嚴重，惨！
醫生完全對，要做切除同開殼攞蛋。
哎...仲要絕育

作者: metalgearsorry 時間: 2016-6-8 22:29
你可去荃灣享和珍禽異獸醫療中心既楊醫生睇下，評價幾好，1來當聽多個醫生意見2來手術費可能平ｄ，不過享和個期都幾full，book左可能要等一輪

荃灣享和珍禽異獸醫療中心既楊醫生
https://www.facebook.com/Heung-W ... 83-819778228087939/

作者: kamt 時間: 2016-6-9 01:59
本帖最後由 kamt 於 2016-6-9 02:01 編輯

多謝你們的答覆，我其實只係想要一d信心，有冇龜龜做做過呢d大手術又成功生存一段時間，佢咁細小要切咁多嘢，捱唔捱到？有一個個案成功都好，我好驚明知机會渺茫都要佢捱幾刀辛苦，我而家好矛盾，唔绝育唔攞蛋死梗，但我驚成功率超低害佢死前受更多不必要的痛苦，同埋可能即時去了

作者: metalgearsorry 時間: 2016-6-9 02:49
唔好慌亂亦唔駛矛盾住，如果唔絕育唔攞蛋係死路一條既唯有做手術一個選擇姐，不過塞蛋絕育呢類手術睇開龜龜既醫生年中應該做唔少，技術應相當成熟(咁風險當然有)唔好太擔心，所以我覺得決定是否做手術前去睇多另一個醫生穩陣ｄ，當聽多個意見，享和收費比較平亦較有口啤，

作者: oooooo 時間: 2016-6-9 11:59
http://www.hkturtle.org/home.php?mod=space&uid=22821
揾佢，佢醫術高明，家底雄厚，唔收錢架。
佢醫唔到，可能會出錢幫你，試試揾佢。

作者: shabin110112 時間: 2016-6-9 18:51
只能听医生噶咯,呢D情况,其实首先判断露出部分系肿左定系已经脱出,有无可能恢复正常,如果无可能或者已经感染只能切除同抗生素治疗,至于要悟要绝育个人保持保守做法,因为只系外肛出问题,个人觉得无必要绝育...但怕就怕在未痊愈又比蛋挤爆个伤口,睇你敢悟敢博咯

作者: kamt 時間: 2016-6-9 23:10
本帖最後由 kamt 於 2016-6-9 23:26 編輯

唔好意思脫肛問題係唔係指切宮？醫生話比我知切果個係子宮，佢凸出來受損嚴重要切，冇咗子宮就冇地方可以生出蛋，而家重有一隻蛋係入便同埋有卵巢，每年都會有蛋，冇地方比蛋出會做成塞蛋，所以要開刀絕育切卵巢同埋攞埋隻蛋出黎。

我聽過龜仔切生殖器(因為凸出受傷)，但未聽過龜女切卵巢+子宮绝育，我知識少，龜女咁細隻開刀切咁多嘢，唔知捱唔捱到，有冇人知道有龜做過呢種手術？或者呢方面知識

作者: waiyike1314 時間: 2016-6-10 12:30
母龜把公龜精液放於卵巢中, 當每年要用時就會把精子和卵子在卵巢中混合, 受精的卵子在卵巢成長, 成熟後再經子宮管由肛門排出, 你的龜本來是脫肛, 但卻受損至發痰有膿, 壞死的細胞會令龜受感染, 所以要切除. 但這樣不等如龜不會生蛋, 只是沒方法把蛋排出, 卵巢仍會繼續出卵, 最後會一直存在, 並在卵巢爆裂, 形成死龜. 所以最徹底的方法是把子宮切除, 那龜就不會再排卵子

作者: oooooo 時間: 2016-6-12 04:43
我諗到辦法，不過要搏命，你有諗法聯絡我。

歡迎光臨香港龜友論壇 (https://hkturtle.org/)