香港龜友論壇

標題: 有關會員iris007之買龜事件 [打印本頁]

---

作者: 爬蟲城    時間: 2016-8-26 09:57
標題: 有關會員iris007之買龜事件


會員iris007在剛剛過去星期日在本店購入一隻豹龜。但其實本店在她選龜時同事亦多次提醒叫佢買隻有正常大便的龜，以防她買到有機會有腸胃問題的龜，因當時iris007亦強調過驚買到不健康的龜，因佢自己家中其中一隻豹龜爆原蟲，治療中。另一隻則缺鈣，需要打針。

現本人說出整件事件的來龍去脈，為何明知此iris007的會員係個十分麻煩瘋癲的人。我們仍有提供過換龜的機會給她。最終拒絕換龜，叫佢離開

如果單憑佢一個post就係事實全部，大家一定會覺得問題全在本店身上。

但現在本店在此説出事發情況，附上事發經過的圖片給大家。

在8月21日星期日下午2時39分進入本店，並開始選擇豹龜。在她選擇龜隻的同時，她說出家中兩隻龜的情況，因此本店同事亦多次建議佢簡隻看到正常大便的龜。（因當時iris007簡了很久，而且有約4隻龜亦係佢選擇途中被她舞弄到大小便都出埋。）到3時49分，iris007終於決定了買一隻沒曾在選擇過程大小便過的龜。所以同事亦特別提醒她。目的只係希望佢簡到隻健康的龜。無奈佢都用左70分鐘簡龜。同事及我（因當時我都在家中看住CCTV整件事的經過）明顯睇出依位會員係幾奇特！


好了，到第二日星期一中午，在龜友收到iris007的pm，話隻龜排出白色大便。好，見佢咁差麻煩，又擔心咁多。星期一我地休息，星期二晚有事，要早收，。咁佢就話星期三放工後過來。咁，都預左花上唔少時間比佢簡龜。現亦附上當日事發及圖片。為何最後本人決定叫她拿番星期日買的龜走。

在星期三當晚，7時30分佢進入本店，然後就開始一直簡龜，逐一逐一拿出來，又放在地上。同事亦有在她面前拿出菜葉餵給她看。而且佢拿回來的龜亦有進食菜葉。（絶不能因為隻龜未曾食過你給他的龜糧就肯定隻龜拒食。）櫈都拿埋出來招呼她, 希望佢可慢慢簡到龜.

好，簡到8點差不多30分，即已經把果D龜舞弄一番，足足一小時。她提出睇唔啱，要退錢。當然我地拒絕，第一一早提醒過佢，簡隻健康靓大便的龜，其他行家，隻龜出了門口就唔會比你換。 亦叫佢換貨品，佢亦拒絕。同事也有跟她說, 叫她放低隻龜, 我地幫佢治理好才回來拿走. 佢都冇接受.  而當時我在魚街某爬蟲店(即iris007曾經買過龜的兩間中其中一家)，我一路睇住電話的cctv跟店長交談. 同時店長亦看cctv. 跟我說這個女人上年係佢店買左隻龜，睇左好耐，兩日後返來問可唔可以換。店長當時一口拒絕(時間上可能跟店長有出入, 可能3,4,5日後)。



我在電話中叫同事比返佢買隻龜，叫佢離開，關門。做生意同做人一樣，大家都希望拿個平衡點去解決事情。但無奈對方沒有妥協餘地。本店亦唔會再作出任何讓步。本人亦明知佢會係龜友玩唱衰(當時約8時3X分)佢自己在本店中大聲說出, 上龜友唱哀我地.  這種威逼行為本人絕不會就範.　再者, 原則問題，不能接受這種極端的人作出一而再再而三的讓步！

佢亦講明會在龜友唱衰，但本店寜願接受看過她Post的人認為本店不值幫襯的損失。亦唔會對這種瘋癲的人作出讓步。

本人每隔晚就會在關門後在店內處理D動物。一般一浸水或餵食時如發現龜隻有任何不妥。都會把有問題的龜隔開，而放在龜池頂上其中一個爮缸，方便集中處理。本店做生意中旨希望客人買龜回家後可以視養龜為樂趣，而非負累。

其實一開始比佢換龜，已經明知難搞。無奈我地真係希望換到隻健康給她，又試食，放地爬。但佢自己犯賤要去到叫她拿返隻龜走。這對於我來説亦係較狠的決定。

而這人在龜友以選擇性失憶開POST來帶出本店賣有問題龜隻, 更在POST中一口咬定本店清位賣病龜. 實在對本店很不公道.  
第一,  係佢自己簡了70分鐘龜, 存心把大部份龜舞弄一翻後, 有大便唔要, 要隻冇.  我地從來沒有游說佢/幫佢簡依隻龜. 而且明知佢有心有意要另龜隻弄出大小便, 我地都一直容忍, 唔出聲.
第二,  如果我知隻龜有問題, 我一早就會拿開唔賣給客的, 依個係我地一直堅持的生意手法. 更唔希望傳染給同缸其他龜隻.
第三,  清位賣龜係想有更多空間同減少工作量來應付迎接下一批新返動物.  明晚本店就會有新一批爬蟲到. 絕唔係為清病龜.


再者, 在她說簡不到龜換時, 同事也有跟她說, 叫她放低隻龜, 我地幫佢治理好才回來拿走.



以下是星期日她來簡龜之圖，及星期三來換龜之一些。可看日期及時間。  

由於圖片size過大，要等本人晩點用桌上電腦整理後才Post上來。

---

作者: Kennekken01    時間: 2016-8-26 11:50
留名等睇圖,
呢個Iris 上次都係, 開貼賣豹龜, 定好果日交收, 之後佢自己改時間同日子2次後就話唔賣了, 前後拖左我個幾星期。

---

作者: Leopardthecat    時間: 2016-8-26 13:02
呢個老細好好人 我信你

---

作者: iris007    時間: 2016-8-26 14:06
我家確實有兩隻豹苗之前生病,睇過醫生,但現已經好返, 現不同打針食藥, 唔知你點解有咁描寫, 另一頭龜七月中買回來,有腸胃炎但有食嘢現在隔離中, 亦沒有跟你家買回 來的豹龜同養.

其次,我不明你為何強調你店員多次叫我買隻正常排便便龜, 當時我見過有一隻即場排成型便便, 都見到有鮮綠色水便便係底材上, 當然講係選隻成型便便豹少啲擔心爆蟲腸胃炎,  但因為size比較細, 沒有選上, 我都問過 你店員呢批龜係店養左幾耐, 佢說龜龜在店已養左兩個月,我見 選那頭龜都活躍精神, size花都合意, 估計應該係養定健康, 但一離開上左巴土,即排白便便係紙巾上, 心就一沉.

你說"店長亦跟我說這個女人上年係佢店買左隻龜，睇左好耐，兩日後返來問可唔可以換。店長當時一口拒絕", 我之前從來沒去過爬店買過龜,  兩天後回去要求過換龜, 我不清楚你點解有個一年前咁嘅記碌, 定係從我跟店員對話 中我買過咩龜推測出來, 自己變左一個買龜要求換龜 常客, 除左你家買的豹龜,我一生人只直接跟爬店買過兩次陸龜, 另一豹龜就經龜友幫我買, 冇直接接觸過爬店買龜.

點解我唔想換星龜, 係因為5-7cm星龜跟原先的5-7cm豹龜同龜, 我隻豹龜爆蟲咁利害, 回來日日排白便, 不肯食嘢,  怕其他同養都大機會有事, 其他箱一係好細一係好大,  $650 換乾貨我根本用唔到, 因只有三隻小龜(2 隻4.5cm+1隻5.5cm),  最後你都拒絕我換星, 叫我拎走隻豹龜, 叫店員關門, 我真很氣憤, 話隻龜養左兩個月都咁, 話換 最後又拒絕換, 隻龜有問題是不爭事, 我點歪曲事實唱衰抺黑你, 我都做唔到.

我知你唔鍾意我係你店站咁耐選換龜, 換龜時我亦有問過你家店員 是否要 急住關門, 他話佢住附近唔緊要, 當日你不斷用電話跟店員說話, 冇同我直接對話, 後來我明白你一直睇住個CCTV錄影, 我上得呢個post都有心理準備.

如果我時間留我太耐睇 龜, 不過我有問過你店員, 無論如果你覺得我影响你做生意店員放工,我係呢度同你say sorry.

---

作者: 法仙    時間: 2016-8-26 17:22
生口出門，應該冇得換，亦冇保用期，何況你自己揀，冇經驗可找朋友幫忙。

---

作者: iris007    時間: 2016-8-26 23:20

法仙 發表於 2016-8-26 17:22
生口出門，應該冇得換，亦冇保用期，何況你自己揀，冇經驗可找朋友幫忙。 ...

唔係我出口跟店主要求換貨先。請理解。

---

作者: 爬蟲城    時間: 2016-8-26 23:54

iris007 發表於 2016-8-26 23:20
唔係我出口跟店主要求換貨先。請理解。

你咪當人白痴得唔得!
你pm我只係想通知我一聲隻龜有白屎咁簡單。咪lun玩好唔好。

要利用上龜友來唱衰依招。仲要Post內加多句清位價凊病龜之類。

我係明知你係癲，但唔會怕你！

你識得選擇性失憶來把整件事情一小部分來刻意逃避你自己所有責任。

今次明係個天意等你千簡萬簡。 隻龜活躍開食，去到你手就日日白便。你自己屋企果D病完一隻又一隻。

你都係去工聯會之類的地方，學習一下點養龜先啦。

---

作者: john0823    時間: 2016-8-27 02:54
相信店主！月頭係店主到買左一大一細星龜，好健康，之後有野唔明，仲facebook inbox煩左店主幾次，店主都好有禮貌咁答。然後，又再係店主到買左隻豹，同星龜混養，一樣咁健康大食。

---

作者: john0823    時間: 2016-8-27 02:56
仲有，我隻豹龜係店主清位價買番黎，一樣健健康康，唔係咩有病賤賣平賣

---

作者: 金金    時間: 2016-8-27 08:18
我前排去過見到 4隻索馬里豹幾鐘意，問價時店員同我講要調理好先會賣，我相信其他舖頭寧願要錢唔要龜，萬幾蚊隻龜，有客要仲唔快d 賣咩！e 次經歷我覺得你o地係良心店囉！

---

作者: 我愛爬蟲類    時間: 2016-8-27 09:37
還好我選擇觀察，無咁快下定論，依家真相大白

---

作者: 小虎    時間: 2016-8-27 11:39


其實店主肯換龜或換野都算唔錯了 講退錢一定冇可能
一人讓一步咪算囉,買600幾蚊龜揀左成個鐘放係地爬揀完話退錢邊個都唔換比你啦,當隻龜係有問題店主都話比你揀過或幫醫 算係咁....
(直左小小勿怪)

---

作者: Jeffery    時間: 2016-8-27 12:14
老細已經做得好好 我信得過佢

---

作者: 908a    時間: 2016-8-27 20:40
如果鋪頭肯换和幫医、算有良心

---

作者: bbMANHO    時間: 2016-8-27 21:11


我覺得呢間野幾好  有次去睇中隻龜有病佢都叫我唔好買。。

---

作者: ming689    時間: 2016-8-27 23:49
老細你都算好喇肯比佢換,換著第二個採你都傻,龜自己揀冇得講,我都試過買個病龜都冇辦法,最多唔再去果道買,如果有心呃人就唔會比你換啦老細我信你

---

作者: iris007    時間: 2016-8-28 07:57
如果大家認為係我問題搞事，以後唔會係平台到再發言，多謝大家發言。

---

作者: 法仙    時間: 2016-8-28 08:31

iris007 發表於 2016-8-28 07:57
如果大家認為係我問題搞事，以後唔會係平台到再發言，多謝大家發言。

大家都是龜友，明白你的感受，但自己親手選擇的，就當增加經驗，有條件便快D找醫生，或可以自己嘗試醫治，不需要話以後不發言的。

---

作者: HUGOWU    時間: 2016-8-28 08:44
有時間係度搞事，不如好好關心下隻豹仔

---

作者: john0823    時間: 2016-8-28 17:49
發悔氣

---

歡迎光臨 香港龜友論壇 (https://hkturtle.org/)

Powered by Discuz! X3.2