香港龜友論壇

標題: 行內黑暗史? [打印本頁]

---

作者: happycyk    時間: 2011-9-30 15:20
標題: 行內黑暗史?


最近買左隻西錦BB, 諗住養多隻陪下東錦

可惜養左唔夠2日, 我發現佢已經開始有少少感冒


唔知大家有冇發現以家既龜苗,

相比起以前黎講, 好似無咁硬淨? 例如:巴西龜

大家都知道巴西龜好強壯, 又粗生, 細細個有養過巴西

但因為以前唔識養龜, 龜糧係10蚊3包果d垃圾糧, 水十年都唔換一次

冬天由得佢係度凍, 雖然長期處咁惡劣既環境

但一到夏天佢又好生猛, 身體又無事

唔知大家有冇發現以家既巴西龜好易有眼疾同肺炎?

我見水龜疾病區果度成日都有朋友話巴西龜中左眼疾生野同埋好易中肺炎

以前基本上極少有呢d問題, 不過憑我貧乏既經驗我發現, 一d量產型既龜種, 好似巴西, 地圖, 錦

好似好容易病, 基本上溫差大少少都病

反而有d美國龜種, 身子都無問題

於是, 我就問d師兄佢地就話, 其實量產既龜種都係出自大陸

大陸無良心商人成日為谷d龜苗快d出世, 會用好多化學野整佢

同埋當龜苗出世之後, 由於怕佢死, 令到佢地有損失

所以好多大陸人都會用土霉素浸住佢地, 無錯土霉素的確係可以減低佢地生病既機會

但係大家試諗下, 呢d野就好似毒癮, 一無左就唔掂, 龜苗本身既身體過分倚賴土霉素

令到自身免疫系統退化, 所以點解d龜苗一帶番屋企, 10隻有9隻唔係死肺炎就係真菌

就算真係成功養大左, 龜既壽命都會下降, 難聽講一句分分鐘一隻WB既巴西仲可以長命過CB巴西

另外, 真菌感染係最有力既證據證明物種既抵抗力係弱左,

因為真菌係大自然無處不在, 想避都避唔到, 唯有靠自身抵抗力

正如人一樣, 人既抵抗力差左, 一有傷口就好易真菌感染, 龜都係一樣

大家買龜苗最好係買d飼養者親自培養出黎, 不過由於呢d途徑少之又少

當只有龜販呢個途徑可以選擇既時候, 有一個方法分享比大家

係淘寶search "土霉素", 買些少以備不時之需
(香港好難有得買, 因為要睇獸醫先會配比你, 人食既都可以)

如果想龜苗降低病發率, 新龜到步可以先用土霉素浸佢,

之後慢慢地咁減少分量, 就如同道友飲"美沙銅"戒毒一樣

毒癮既野無我一下子met甩, 要慢慢來......

有時唔係養法出左問題, 係本身龜苗出世已經比d pk整到有問題

唉, 所以話大陸人真係好可恥, 好討厭佢地既做法

比錢買龜苗唔係問題, 成日養死晒, 真係人都灰



有點兒憤慨, 半發洩打出呢篇文章, 講野一舊舊, 希望大家唔好見怪

---

作者: kenbb    時間: 2011-9-30 15:25
其實係弱左d.同埋養家知識高過之前.

---

作者: 退灰    時間: 2011-9-30 15:30
好正常，大陸D場做法見得多你會習慣，同樣HK好多人養龜都有誤區.
而且死件巴西係經濟上黎講算損失少，D人買貴價野先羅命.
所以我一般都係羅野生龜多

---

作者: 退灰    時間: 2011-9-30 15:32
仲有糾正一下你講法，大陸D場唔係成日都會浸土霉素，只係定期浸一浸

---

作者: happycyk    時間: 2011-9-30 15:34

退灰 發表於 2011-9-30 15:32
仲有糾正一下你講法，大陸D場唔係成日都會浸土霉素，只係定期浸一浸

多謝師兄指教

唯有慢慢減少土霉素既分量, 令佢既毒癮慢慢met甩

唉, 呢d野無得一下子戒甩......

---

作者: 退灰    時間: 2011-9-30 15:34
其他仲有好多做法你都未係太瞭解，有誤解，我就費事再指正太多，我只可以話大陸D場的確用藥好多，而且好氾濫

---

作者: old100200300    時間: 2011-9-30 15:41
真菌!!!!!!!!!!!!的確係一個大問題!!!!!!!!!我嘅寶貝感染真菌,冇用藥一星期又生返哂出黎,我真係好咀喪!!!!!!!!!!!!!!!!!!!!!!!!!!!!!!!!!!!!!!!灰爆!!!!!!!!!!!!今日仲係我愛龜一歲生日,發現佢D真菌又黎!!!!!!!!!!!!!!!!! SO SAD!!!!!!!!!!!!!!!!!!!!!!!!

---

作者: happycyk    時間: 2011-9-30 15:45

old100200300 發表於 2011-9-30 15:41
真菌!!!!!!!!!!!!的確係一個大問題!!!!!!!!!我嘅寶貝感染真菌,冇用藥一星期又生返哂出黎,我真係好咀喪!!!!! ...

師兄, 睇下呢篇野幫唔幫到手?

http://www.hkturtle.org/forum.php?mod=viewthread&tid=15170

不過呢篙野成年前打, 可能以家會有更好既方法

我之前有朋友用人用既抵真菌藥醫好左龜既真菌

不過傳統藥會有激素類固醇, 太多可能會令龜身體唔好

但以家流行用terbinafine成分既藥黎醫真菌係最有效, 所以激素類固醇分量會落少左

---

作者: old100200300    時間: 2011-9-30 16:28
回復 happycyk 的帖子

唉, 我同龜龜睇過醫生啦,佢開左隻S字頭果隻藥膏,搽左係好少少,搽左一個月有多,但冇可能成世都係咁搽,停左一個星期,又生返, 今日好明顯,我真係好唔開心!!

同埋S字頭呢隻好似係FOR細菌, 明明醫生佢自己都講係真菌,我都唔知佢有冇開錯藥!

師兄介紹呢隻,我可能遲D先會試, 因為天氣凍,我唔會捉佢出黎乾養咁耐.......

多謝師兄推介!我唔係師兄..小師妹黎嘅!

---

作者: happycyk    時間: 2011-10-1 01:24

old100200300 發表於 2011-9-30 16:28
回復 happycyk 的帖子

唉, 我同龜龜睇過醫生啦,佢開左隻S字頭果隻藥膏,搽左係好少少,搽左一個月有多,但冇 ...

唔好客氣, 原來係師姐, 哈哈搞錯左添, 唔好意思

真菌最活躍既時段係春同夏

其實反而爭取係秋天治療

因為濕度相對較對, 而且無冬天咁凍

如果係成龜秋天既溫差佢係頂得順的

不過一句到尾, 如果唔調理好佢自身既抵抗力

真菌係一世都醫唔完, 原理就似人有香港腳一樣

---

作者: old100200300    時間: 2011-10-1 01:49

happycyk 發表於 2011-10-1 01:24
唔好客氣, 原來係師姐, 哈哈搞錯左添, 唔好意思

真菌最活躍既時段係春同夏

我隻龜龜而家先一歲,舊年買嘅時候係龜苗,而家養左一年,我唔敢天氣凍攞佢出黎乾...

你話調理佢抵抗力,可能我真係太保護佢地啦....我日日都帶佢地落公園曬太陽(只要唔落雨,我又冇特別重要嘅事做,都會去曬一個鐘左右), 一隻龜B用一個24寸缸,用HYDOR P30,日日都有換少少水,兩星期就換哂所有水,食物都係有牌子嘅龜糧..

一隻龜就真菌感染龜殼,另一隻龜B又成日咬手,應該都係真菌問題,兩隻都醫唔好,唔斷尾.....我已經冇哂辦法......

請教師兄認為我仲可以做D咩??THX!!

---

作者: 灰太狼    時間: 2011-10-1 02:06

old100200300 發表於 2011-9-30 15:41
真菌!!!!!!!!!!!!的確係一個大問題!!!!!!!!!我嘅寶貝感染真菌,冇用藥一星期又生返哂出黎,我真係好咀喪!!!!! ...

加油呀      

---

作者: 柔柔    時間: 2011-10-1 02:09
人都弱左啦..何況動物...人都一出世就得粒米啦..係唔係先???

---

作者: 無底深淵    時間: 2011-10-1 02:29


有無關系呢?
07年起翻黎ge龜全部都有個殼都有真菌情況, 處理唔到, 有無辦法呢sosad
Siversulf處理都好似無乜起色, 干養就退左少少...但系唔可以無水...翻落水之後又打回原形...
我好驚個殼比真菌蛀.....

D龜ge能力更加系驚人地"強"
黑瘤系唔識游水架囧
忍者適應力好差, 我死左一只, 而加呢只暫時無乜事
草龜OK粗生但系真菌最嚴重系距....干養都無效..(雖然大家都有事)
黑瘤@2010 忍者@2011 草龜@2007.......呢幾只都系近年苗...

對比起我家紅耳(since2001)
真系差好遠....
我家紅耳粗生...以前唔識樣住惡劣環境都無事....都無病無痛....

===
反而想知德州地圖同蒙面地圖有無機會系Made In China?
我家兩只應該都系Made In America
德州應該系成體公
蒙面系苗...好細力/_\

---

作者: happycyk    時間: 2011-10-1 03:08

old100200300 發表於 2011-10-1 01:49
我隻龜龜而家先一歲,舊年買嘅時候係龜苗,而家養左一年,我唔敢天氣凍攞佢出黎乾...

你話調理佢抵抗力,可 ...

其實食物方面龜糧唔係唔好, 當中有好多養分

但問題此終都係人造野, 點都唔夠天然野好,

所以唔可以餵死龜糧要餵下其他食物

正如人一樣日日整係食飯, 雖然唔會餓死但係乜都食咁先健康

我之前隻東錦雖然係好粗養, 但係我係食方面一d都唔留手

只要龜仔想食幾多我都會比, 最緊要佢食得落就得

同埋食物方面, 有魚肉, 蝦肉, 龜糧, 同埋水果都有 (好好彩我東錦為食, 基本上乜都食)

雖然話龜係唔識飽, 貪食到某個水平d龜係唔會再食, 龜自己都會有感覺

有人會話咁樣d龜會鈣化, 又話生得唔靚生長紋亂咁爆

講真, 我自己認為一隻健康醒神既龜比起一d花紋靚但死氣沉沉更加吸引同惹人喜愛

其實龜同人類一樣, 細細個底子唔打好, 大個就手尾長......
(所以d老人家成日都話細細個肥仔肥女唔緊要...哈哈)

不過以家補救都唔算遲!

以師姐您既情況, 最好先從食物方面著手, 其實餵肉營養係最好, 不過要同龜糧既分量平衡

我自己就每日都餵1餐, 先比龜糧做頭盤, 後比魚肉我係餵三文魚/吞拿魚(因為我唔想見住d龜殘殺d魚仔咁恐怖),

特別係就黎冬天比龜食多少少脂肪都唔怕, 而且三文魚既油係不飽和脂肪同豬肉果d係唔同

同埋盡可能裝多d水比佢地游, 飲食同運動都係最重要, 太陽照曬

如果覺得仲係唔夠, 可以去爬店買支爬蟲用既維他命液,

食飯前滴d落水入面, 等龜仔食野時候飲埋落肚

正所謂情願要肥龜, 都不要病龜~哈哈

當調理好身子之後, 再用藥就事半功倍, 當然您可以同步進行

加油啦~呢d野要持之而行, 唔係一時三刻可以搞得掂, 唔好放棄

---

作者: 豬頭糖    時間: 2011-10-1 03:27

happycyk 發表於 2011-10-1 03:08
其實食物方面龜糧唔係唔好, 當中有好多養分

但問題此終都係人造野, 點都唔夠天然野好,

係囉, 如果唔肯食野既話...到頭來都只不過係死路一條
我兩隻西錦受左少少傷之後, 就咁就升天了
都唔知道點解佢地可以咁脆弱
就連我都俾佢地影響到好弱喇

---

作者: happycyk    時間: 2011-10-1 03:32

無底深淵 發表於 2011-10-1 02:29
有無關系呢?
07年起翻黎ge龜全部都有個殼都有真菌情況, 處理唔到, 有無辦法呢sosad
Siversulf處理都好似無 ...

其實我之前養隻忍者龜, 整損左個殼之後無處理好傷口, 無耐就中左招

果陣我去爬店都係叫我買隻Siversulf既藥膏, 不過真係治標唔治本咁......

唔用一排又會翻發, 講真細菌真係好麻煩......其實d化學野用咁多係有副作用

有龜友曾經試過怒用有類固醇既藥, 最後搞到隻龜死埋...rip

師兄, 您可以嘗試調理好龜既身子先再用藥, 如果都係唔得你試下從中藥方面落手

有時反而用中藥長期抗戰, 之後用西藥一把過搞掂 中醫有d中草藥係天生真菌剋星

=========================================

其實地圖龜既亞種理應泳術係好強......

不過唔怕, 我試過班龜草龜泳術好屎, 迫佢地游多d, 最後仲愈游愈叻同快

先天唔得, 咪後天補救...哈哈

=========================================

我有好耐日子都無留意龜既行情, 所以我既知識仲停留係好耐之前

如果以前黎講黑瘤係美國龜黎, 3~4年前好似平極都要1k

以家我見d黑瘤平左好多, 3位數搞掂, 唔知係咪已經比祖國整到可以量產?

同樣忍者龜以前一隻閒閒地都400蚊, 唔知點解上年我見高蜂期可以做到120蚊甚至90蚊一隻......

每當一d龜開始量產化都係意味住比人谷同催生...自然d龜開始無咁come捱...

所以以前既巴西真係好硬淨......果陣10~15蚊隻

以家巴西係大陸10幾蚊比個兜您, "筆"到幾多都比你拎去

可想言之產量真係多到好濫, 所以點解以家巴西苗好易有眼疾同其他病......粗養神話就黎要幻滅了

=========================================

其實德州地圖係市場上算係幾普偏......而且價格都係好平, 有好大機會係大陸出品

不過既然係成體, 身體應該都唔會話咩大毛病

至於蒙面地圖, 近年就唔清楚, 只知道幾年前香港一d都唔普及,

真係要係美國訂先有, 因為美國龜種好麻煩, 又要apply d咩證先比人出口, 所以都幾貴下...哈哈

不過龜苗係難養d既啦, 所以我成日都好鐘意餵佢地食多d野, 等佢地大得快d過左個危險期

因為岩岩出世唔夠1年既龜死亡率好高的......

---

作者: happycyk    時間: 2011-10-1 03:37

豬頭糖 發表於 2011-10-1 03:27
係囉, 如果唔肯食野既話...到頭來都只不過係死路一條
我兩隻西錦受左少少傷之後, 就咁就升天了
都唔知道 ...

哈哈......所以我見到隻龜如果係好為食

我就可以鬆一口氣

---

作者: 無底深淵    時間: 2011-10-1 05:02

happycyk 發表於 2011-10-1 03:32
其實我之前養隻忍者龜, 整損左個殼之後無處理好傷口, 無耐就中左招

果陣我去爬店都係叫我買隻Si ...

多謝指教
我會試下跟您D方法做...
=========
其實而加無可避免都系好多大陸產龜.....
雖然系增加左普遍性,
但反而縮短左個壽命....
不過講真大陸龜場錢字行先就真系講乜都無用.....
粗養神話我屋企仲有
不過講近年ge就真系認真麻麻...魚街翻肚巴西數都數唔盡....
我家紅耳果個年頭記憶中都有好多病龜, 但系都唔會好似而加一開病版10個有9個都話眼有事, 手腳有事之類....

始終成件事重點都系.....錢作怪sosad
===================
其實講到真菌問題....其實會唔會同水管老化之類有關呢?
以前一路住九龍都無事....
之後因為屋企種種原因搬去應該系全香港租最平ge嘉湖....
就開始出現呢D真菌之類ge問題.......
都差唔多20年樓齡, 會唔會系大廈水質有問題導致呢?
=============================
講開蒙面...真系激死人囧
無蝦不食糧= =
暫時黎講系到差唔多一個月都無乜特別事情發生...應該都無病無痛~

========
唔好意思好似又講左好多野+離題

---

作者: tbasd    時間: 2011-10-2 01:13
我覺得WB長命好正常,
D人成日講嘅千年龜萬年龜,
大部份都係野生ge~

---

歡迎光臨 香港龜友論壇 (https://hkturtle.org/)

Powered by Discuz! X3.2