香港龜友論壇

標題: 求救，草龜頸爛肉 [打印本頁]

作者: LizTsui 時間: 2017-3-15 10:51
標題: 求救，草龜頸爛肉
各位好，急問各位請指教！我的草龜已經養了六年，一直無病痛，最近不知道怎麼頸部受傷，可能被同缸同類抓傷或咬傷，曽流血，有潰爛，現在已經隔離乾養，三日來早午晚浸龜精霊+暖水十五分鐘，然後搽氯霉素眼膏，再放暖燈下，但情況冇太大改善，剛剛發現原來頸下部有爛肉，已立刻直接滴龜精靈消毒。三日來龜龜冇打開眼亦冇食野，亦什少郁動，好幾次我以為佢死了...

我巳打電話給余醫生(土瓜灣動物醫院），但最快星期五才有得睇，請問這幾天內我要如何做？要改用什麼藥？上網查說要用碘酒消毒傷口，龜精霊唔夠力，亦説要改用金霉素藥膏，是嗎？是否要去金魚街買？求可靠店名好去買藥。龜龜不肯吃食多天要如何補充營養?另外頸的腐肉我可以試用剪刀剪去嗎？腐肉去除才會好得快

雖然已經養龜六年但未遇過龜龜受這種傷，真不懂處理求各位前輩指教，謝謝！

作者: 火水. 時間: 2017-3-15 12:58
如果買唔到藥可搵我,這些藥我有賣

作者: 沙田鄂仔 時間: 2017-3-16 13:09
我隻草早兩年都試過自己整傷咗條頸，去睇獸醫後處咗一支粉紅色葯水，唔記得全名，只記得係Ｈ字頭。

作者: kerwin9018 時間: 2017-5-9 09:47

火水. 發表於 2017-3-15 12:58
如果買唔到藥可搵我,這些藥我有賣

你好呀版主，我隻草龜都有同樣問題。
唔肯食野，左眼角有粒倉，已經幫佢噴緊龜用眼藥水，係D鋪頭介紹
然後佢頸部下面都有爛肉，可能係俾我另一隻大一倍既巴西龜咬到！
而佢龜底面既殼都有少少爛，我唔知係咪受感染有蟲所以唔肯食野，已經無食野16日啦，好擔心！
而間龜鋪就叫我買左綜合救星，用少少綜合救星粉加水混合再用綿花查全身乾養，我已經有照做，但做法同支野既說明做法有出入，唔知咁又可唔可行呢?
雖然佢都會動下，但好多時都係訓教，有陽光就動多D，通常都就咁企係到唔係好動。
唔知咁會唔會好大問題呢? 希望可以得到你意見，謝謝!

歡迎光臨香港龜友論壇 (https://hkturtle.org/)