香港龜友論壇

標題: 地圖龜死狀 [打印本頁]

作者: Tonychow0513 時間: 2017-4-22 22:36
標題: 地圖龜死狀
地圖龜突然四肢連頭疆硬，眼依然打開，但唔識眨，放係水度冇反應沉底，想問各位師兄，龜龜是否已死？另外，爬文見到有人講浸暖水有機會救得返，係唔係可以呢？但係本身個缸已經有暖管，25-28度左右。謝謝各位師兄解答。

作者: kea 時間: 2017-4-23 12:13
冇圖片你咁樣講好難答你要睇過先知

作者: Tonychow0513 時間: 2017-4-23 12:53

kea 發表於 2017-4-23 12:13
冇圖片你咁樣講好難答你要睇過先知

明白下次會upload相今次相信已經太遲今朝手腳放軟眼已合埋確認已經走左

作者: kea 時間: 2017-4-23 13:00
RiP.......

作者: Tonychow0513 時間: 2017-4-23 13:06
另外仲有隻龜，我唔佢再係咁，想問下呢個setting有冇問題？同日常仲有咩要注意？謝謝

IMG_5227.JPG (153.53 KB, 下載次數: 12)

作者: 古羅洛斯 時間: 2017-4-24 11:47

Tonychow0513 發表於 2017-4-23 13:06
另外仲有隻龜，我唔佢再係咁，想問下呢個setting有冇問題？同日常仲有咩要注意？謝謝 ...

其實隻地圖龜雖然係苗嚟,但你有浮台,建議水深可再高一啲,除非你唔落暖管,因為我睇唔到你個缸嘅溫度計,水溫會太高嗎?溫度越高相對水中嘅含菌量都容易比較多,咁對龜苗嚟講唔係好事,而且而家天氣冇咁凍,其實唔好落暖管比較好,喺室內溫差又唔會好反覆....
想問近圖嘅係濾水器???我睇唔清楚

作者: Tonychow0513 時間: 2017-4-24 13:50

古羅洛斯發表於 2017-4-24 11:47
其實隻地圖龜雖然係苗嚟,但你有浮台,建議水深可再高一啲,除非你唔落暖管,因為我睇唔到你個缸嘅溫度計,水 ...

早排都水深D ，但係換左浮台見佢爬上去有D辛苦，所以抽返走D水，我試下再加返多D啦。水溫25-28度左右，唔落應該會落返23度左右可嗎？
新近圖係暖管，濾水器係石下面，管向另外一面個邊。之前睇獸醫話唔好成日換水同唔好換哂，但係我覺得咁樣好多污穢野係底，濾水器又吸唔到，其實有濾水器咁計3-4日換一次係咪會好D？

作者: 域奇龜龜 時間: 2017-4-24 18:03
Rip.......

作者: 古羅洛斯 時間: 2017-4-27 11:23

Tonychow0513 發表於 2017-4-24 13:50
早排都水深D ，但係換左浮台見佢爬上去有D辛苦，所以抽返走D水，我試下再加返多D啦。水溫25-28度左右，唔 ...

明白,但呢種浮台我未用過,所以唔知係唔係唔太適合龜苗用

但你怕浸親龜B,我建議你可以去魚街買啲一札札10蚊8蚊嘅平價水草(應該有兩種,買葉面比較细嘅好似叫蜈蚣草,比較耐用,另一種草好麻煩,成日爛)放入水中,一來可以容易俾龜B喺游水途中休息,二來可以淨化水質.記得洗乾淨先好用呀!!!

唔同環境暖管嘅溫度絕對係唔一樣,所以我屋企同你屋企魚缸水溫係咪一樣係未知之數,你屋企魚缸放置位置你要清楚,會唔會日頭夜晚容易有溫差要留意,我屋企有缸有細膠箱,溫度都有差異,我屋企魚缸溫度係26度,但膠箱係24度,但只係放喺隔離.......................我覺得用魚缸養保持溫度已經好好,除非有冷氣之類,所以呢段時間都建議你唔好用暖管,因為魚缸越多嘢水質越容易污漕,又影響過濾器水流.建議你浮台上嘅陸地空間位置同水中都放各一溫度計,又可以知道哂整個魚缸嘅溫度(呢個冬天有必要)
換水方面我個人比較懶

但你自己睇情況就可以,換水換哂就算唔對龜龜有影響,但感覺好似幽自己一默咁........如果每次都換哂,咁個過濾器就變咗冇咩作用,純粹係激活一下水流

一星期兩至三次,每次換三份一到一半就應該可以啦

歡迎光臨香港龜友論壇 (https://hkturtle.org/)