香港龜友論壇

標題: 分享屋企人,對我買龜反應,對話~ [打印本頁]

作者: jellyfish 時間: 2011-10-16 02:24
標題: 分享屋企人,對我買龜反應,對話~
本帖最後由 jellyfish 於 2011-10-16 02:26 編輯

有時買龜真的好予盾....
明明中南石金毒...最後買了緣....
買回來比屋企炸o左一陣...炸完又有d搞笑~

第一出場人物媽子

我:不要放埋犀利哥(草龜)度一起養~不是水龜~
媽:唔洗用o甘多水o甘方便~o甘一早就養依d龜la~用o甘大缸水真是好浪費~
我:有人放先o甘平~買幾隻全品唔平~
媽:咩全品?有分新舊?點分舊唔舊(我....)
我:我依隻個甲有少少缺憾~所以非全品~(心:不是波鞋新舊=w="")
媽:買得一隻回來~她會好寂寞...

第2出場人物亞哥

亞哥見隻龜:多隻野~
我:是我的~我會係房養~
哥:依隻好貴~真有米"
我:......(其實同對男裝air波鞋差不價不是好貴~=w=不過我有排節約用錢~)

第3出場人物爸爸

爸爸見到隻龜:又係龜~一屋都是龜~買ga?
我:是ar~我會o係房養~
爸爸:幾錢?
我:=w="""我沉默無答~...
爸爸之後行去犀利哥(草龜)龜缸果邊:又多隻龜~你亞媽唔鍚你地la~
犀利哥伸長個頭好專注望住我亞爸~
我=w=""".....

第4出場人物家姐

家姐:又買龜?o甘多龜照唔照顧得到?幾錢~
我:有人放好平....唔買我會後悔~
家姐聽到個價0甘貴!!!!!(心:=w=""有幾貴?都不過千)
我:....我知!=w=我不會再買(=3=講住先~)

作者: 名種龜 時間: 2011-10-16 02:32

我老婆也是這樣問我,你又買龜呀!起初炸晒型咁!我就答佢一句,唔玩龜,咁我去玩女人啦!
之後佢就愛屋及烏龜了!

作者: 殺破狼 時間: 2011-10-16 02:34
哈哈!

我同你有D似,不過我屋企人D反應都係同一個目的。
媽:你又買,唉,上次先講完最後一隻,唔再買、你睇下你?屋企D位比你霸哂啦,度度都係你D野!
爸:哇,又買新野,唉屋企太多。
姐:細佬,咁多你照顧得哂嗎?不如你養好左XX先啦

作者: ＥｃＨｏ 時間: 2011-10-16 02:40
我呀媽見到我買龜都會話唔好再買...但轉個頭伸隻手指去引d龜追

作者: jellyfish 時間: 2011-10-16 02:43

名種龜發表於 2011-10-16 02:32
我老婆也是這樣問我,你又買龜呀!起初炸晒型咁!我就答佢一句,唔玩龜,咁我去玩女人啦!
之後佢就愛屋及烏龜 ...

你老婆有一起養埋一份??
我個朋友是o甘ge~起初我令個女性朋友中水龜毒先(是個老婆養水龜先)之後佢老公中龜毒養陸龜~
之後佢地養緣令我中返毒....

作者: jellyfish 時間: 2011-10-16 02:44

殺破狼發表於 2011-10-16 02:34
哈哈! 我同你有D似,不過我屋企人D反應都係同一個目的。
媽:你又買,唉,上次先講完最後一隻,唔再買、你睇下 ...

其實我地屋企人算和善反應

作者: freemankapo 時間: 2011-10-16 03:11
我屋企本身養水龜廿幾年...

半年前我計劃養陸龜...

2個月前同佢地講我o既計劃...
佢地第一個反應就係...
哦...放埋d巴西一齊啦...(滴汗...)
經過我解釋...佢地係無反對...

到我買左番屋企...咩野都set好晒o既時候...
佢地第一眼見到個缸o既反應係...
嘩...你真係買嫁...(見到缸龜o係度...唔通我借番o黎擺幾日咩...)
跟住就係問...d野+埋晒買左幾錢呀...??
我只係講唔係平野...
佢地即刻離個缸十丈遠...(感覺好似好驚要佢地俾$咁)

雖然係咁...但係我知佢地好好奇...好有興趣...
因為...佢地有意無意會問我...關於我對盾b o既野...
成日對住個缸呆企...有時會向我報告龜龜d小動作...
仲有我番工o既時候可以遙控我阿哥幫我開/關燈...
平時食o既菜都係我對盾b食淨o既菜頭菜尾...
又專登o係露台種d o岩龜龜食o既草/葉...
龜龜有病...佢地都會好擔心...

可能本身屋企都有養龜...佢地都算係容易接受...e家完全無反對聲音...^0^"

作者: zero322 時間: 2011-10-16 05:40
我屋企不嬲算係開放式只係唔係蛇蟲鼠蟻就可入家門
龜我一出世依家有養但一直養到8歲時太大送了比親戚到了現在又養返龜
但今次不同是養陸龜但屋企人冇反對成日幫我買菜屋企人又可以一齊食龜又可以食

作者: Norrishill 時間: 2011-10-16 06:35
本帖最後由 Norrishill 於 2011-10-16 06:37 編輯

我同我亞媽講..  買咗隻龜萬幾蚊.. 佢問嘜龜呀萬幾蚊..

第二次又同佢講買多隻龜萬幾蚊..  又買多隻.. 之前果隻呢? 我: 仲係度..

第三次又同佢講買多隻龜兩萬幾蚊..  嘩兩萬幾蚊.. 我答佢分散投資.

到現在買咗N次咁多龜..  我同佢講.. 我啲龜加加埋埋放出去都有50幾萬.. 佢好開心..

沉日同佢講..  我繁殖果啲爬蟲每個月同我搵最小兩萬幾.. 我話我要幫我細佬買樓.. 等佢結婚有自己樓住.......  叫佢唔洗擔心我.. 我自己可以攪DIM自己..  佢更開心..

佢之前話我做人太樂觀..  要求高... 我話我要買樓..  我話我要買埋隔離屋..  佢覺得我目標大.. 因起碼6M
但到現在.....  佢見我樣樣都做得唔差.. 仲要出埋錢比細佬做首期..

佢..  買啲股票冇咗大半...  但我啲爬蟲就搵錢..  你話佢可以講嘜.

作者: avdavdavd 時間: 2011-10-16 09:02
我都成日唔敢講啲龜真正價錢呢

作者: freemankapo 時間: 2011-10-16 13:49

avdavdavd 發表於 2011-10-16 09:02
我都成日唔敢講啲龜真正價錢呢

我都唔敢講..不過我諗..佢地會估到...
其實..只要攪得掂...幾$又真係唔重要o既...

作者: zero322 時間: 2011-10-16 13:53
回復 freemankapo 的帖子

我全部都講
因為養戈D冇一隻過600- -

作者: 鬼仔 時間: 2011-10-16 14:38

名種龜發表於 2011-10-16 02:32
我老婆也是這樣問我,你又買龜呀!起初炸晒型咁!我就答佢一句,唔玩龜,咁我去玩女人啦!
之後佢就愛屋及烏龜 ...

我個對白同你差唔多......
[ 我玩龜好過玩女人啦..... ]

作者: 爬爬爬 時間: 2011-10-16 15:07
本帖最後由爬爬爬於 2011-10-16 15:09 編輯

你地就好啦....我新買d龜都要收收埋埋架...

我媽:又買龜!!我沖晒佢地落廁所吖喇
我:唔好啊會塞架....
我媽:.......係喎....咁我扔晒佢地落垃圾筒!!!
我:你敢掂佢地咩=o=
我媽:.......咁我叫你老豆扔!!!
我:佢唔會嘅佢最多咪攞出去幫我養住先
我媽:......................

有次我買左隻緣成個龜箱放左落個書櫃度.....都俾我老豆發現左...
老豆:又幾錢啊!?
我: 幾十蚊姐.......(講左真價九死一生)
老豆:又昆我??!!上次隻八角你夠話幾十蚊啦今次隻野咁靚
我:.........(心諗:死都唔講)
老豆:醒定d唔好俾你阿媽見到啊!!

作者: parris 時間: 2011-10-16 15:24