香港龜友論壇

標題: 傻人 [打印本頁]

作者: Sred 時間: 2011-10-28 04:21
標題: 傻人
本人於24-10-11早上去到友緣,打算買D入冬器材比自己兩隻陸龜用.
準時十點一開鋪就入咗去選擇器材(如:陶瓷胆,糧...),選擇器材之餘,當然會留意吓D龜啦!我真的發現有不少無精神的龜,不過那些我認為無精神的龜全都是放在入D的層架中,當中有一隻黃緣苗雙眼'粒'陷,我便問鋪內的一位女士,點解那會咁樣,她說因為那箱黃緣的狀態都不好,所以擺埋一邊,唔會賣嘅!當時我的心情酸了一酸,賣龜的應該是最識養龜,為何會有病龜呢?那時我的解釋是,因為他們是做生意的,假如他們有一仟隻龜,有五十隻病是很正常的,將時間放在健康的龜上是非常正常的.
我當時再回望那隻黃緣,那一刻我真的是好想帶牠走(可能帶牠走,牠死得仲快),但是我回想起家中的老虎,個心又酸一酸......都係睇返器材.
總結:
1.如想在一間龜鋪度買一隻不死的龜,我建議你去玩具鋪買一隻塑膠龜(我家的塑膠龜都係多過活龜)
2.養龜就好似養小孩子一樣,小孩子一出世可能有先天性疾病,那你會什樣?罵他/她點生嫁?生個有問題嘅BB比我!更何況龜係自己選的.
3.養龜的樂趣是牠會在你的譆適心照顧下健康成長,相反又可以突然生病,甚至死亡,有得有失.
(我好希望自己能客觀去表達事件,如不請各師兄提點提點)

作者: no4wai 時間: 2011-10-28 10:17

Sred 發表於 2011-10-28 04:21
本人於24-10-11早上去到友緣,打算買D入冬器材比自己兩隻陸龜用.
準時十點一開鋪就入咗去選擇器材(如:陶瓷胆 ...

我常到該店!病的龜有一部份是客人養病了的龜(超好的售後服務)!也有本身到貨生病的龜!
我看到店內職員會細心餵藥!餵食!塗藥等!當然病龜是會隔開養!放埋一邊!
他們會將病龜逐一照顅!盡力令龜隻康復!這是我親眼看到的!

作者: 殺破狼 時間: 2011-10-28 11:57
你有無諗過三點,1.) 天氣變凍,有D龜開始食慾減退 2.) 你肯定度度入貨時隻隻都會健康咩?有病好出奇?你係老闆,你入左病龜你都想佢好返啦,人地講明唔賣你仲想點?有無諗過你唔知又亂講野會影響人地既生意? 3.) 如果商人講到明,我地隻隻龜都好健康!你就會信嗎?我之前同朋友先一齊去睇倉鼠,之後見到店員拎起隻鼠鼠搽藥,搽完一隻又一隻,之後我朋友問:你地呢度D倉鼠健唔健康架! 之後個女仔停左5秒先答:健康!隻隻都咁健康! 換轉係你你會相信D倉鼠係健康嗎

作者: royhung 時間: 2011-10-28 12:01
睇完大家既貼更想快點去睇中峰兄d龜~就出糧喇等我啊~

作者: ziramas 時間: 2011-10-28 13:24

royhung 發表於 2011-10-28 12:01
睇完大家既貼更想快點去睇中峰兄d龜~就出糧喇等我啊~

me too, i will go tomorrow.

作者: royhung 時間: 2011-10-28 13:41

ziramas 發表於 2011-10-28 13:24
me too, i will go tomorrow.

你就好喇~我最快都要下星期><"

作者: yukashing 時間: 2011-10-28 16:31
醫療技術咁先進，你養人都會死人啦，何況養龜，點解唔會有病龜？

無精神的講法就更加無聊，e家入秋，天氣時寒時熱，水溫得翻果21，2度，龜龜唔好動好正常

作者: ziramas 時間: 2011-10-28 17:17
I supsect this post is from a competitor !!

作者: Sred 時間: 2011-10-29 05:08
oh no! I just a buyer, not seller!

作者: Sred 時間: 2011-10-29 05:12
回復 no4wai 的帖子

Of course!我雖說要客觀,但我個人都很喜歡去友緣'貢'

作者: martin300 時間: 2011-10-29 12:02
未必係舖頭整病或者係身體養緊菌運到過黎先開始發病咁岩一病又俾你見倒我相信友緣唔係咁差的

作者: Sred 時間: 2011-10-29 16:17
回復 martin300 的帖子

其實有時我會係度唸，買隻病龜返嚟醫，如醫好那份滿足感可能勝過買到隻健康嘅龜返嚟?我係咪如題傻傻哋?

作者: martin300 時間: 2011-10-30 11:24
回復 Sred 的帖子

想當年龜友會時代，亦即係龜仙人時代，我有幾千尺工廠天台籠屋，我已經係咁做。高峰期我有96隻龜，全部都係人地唔要，或晌各大公園水池執返黎既爛病龜，佢地反正冇人要又係等死，或唔係病死就係爛死，所以我都係用中西藥去醫，西藥補傷口。你話我用龜試藥又好，做實驗又好，總起碼健健康康放得返出去都有80%左右，都係掉返落公園水池，晌邊度黎就晌邊度走，不過打返EMAIL俾以前既龜主佢地又唔覆，所以呢一部份有原主人既龜都係放公園或圓玄。醫返佢地成就咁係好大，自己又學多左好多野。那個時代過後又咁岩開始多左好多醫爬虫類既動物診所出現，而且我又被迫遷了，放棄左我呢個非法實驗室，大籠搬細屋，人都只係緊緊夠空間住，所以依家我都唔做呢D野了。至於我依家仲有冇留低一兩隻係我執返黎又醫好的龜自養? 有的，就係我頭像。

不過你話買病龜，我又真係冇試過咁有錢去買，你有心做又識做的話，去執吧，出面大把等死的龜等人醫。

作者: Sred 時間: 2011-10-31 03:44
回復 martin300 的帖子

堅料

真係比你大到tim

我希望半年後可以好似你咁，出返個救龜嘅Post!

非常令人鼓舞

歡迎光臨香港龜友論壇 (https://hkturtle.org/)