香港龜友論壇

標題: 魔鬼特訓~ [打印本頁]

作者: 花次郎 時間: 2011-11-12 20:49
標題: 魔鬼特訓~
本帖最後由花次郎於 2013-8-24 19:28 編輯

上次個體檢: http://www.hkturtle.org/forum.php?mod=viewthread&tid=20206

                                                魔鬼教官

                                                                        三大守則

                                                   1. 不可以心軟.

                                          2.對寵物眼淚汪汪既眼神要視若無睹.

                                          3.要堅持完成已定立既特訓內容.

當日接兩隻豹B 回家(當時賣龜給我的商戶話要餵生菜,油墨菜,暫時唔好餵糧,就算餵都應該唔多會食),

所以頭一餐我被左生菜同嚐試加浸軟既糧被佢兩隻食,問題係佢兩隻只對菜有反應,糧連掂都唔掂一下,

頭兩三日都係咁既情況,排出既便便亦比較鬆散,講句唔好聽成餅野咁"擺明痾爛",既然佢兩隻咁有性格

玩偏食向我挑戰,所以我決定要捉佢兩隻去勞改.....................

兩隻擺明討打既豹B齊聲: 我地係唔食糧鐘意痾爛,你吹得我脹~~~~~咩~

回家後第一餐既情況,只食菜,糧連眼尾都唔望一下.

第二餐整濕D糧灑係菜面,佢地都剩係挑菜食.

黑豹B: 我地剩挑菜食,你奈我唔何.

第三餐菜糧打埋一餅野佢地食,即刻玩罷食,結果都係要加返塊菜被佢地.

豹B齊聲: 我地又戰勝一仗

你兩隻向我發出既挑戰書我已確實收到,既然要開戰,我絕不手軟,
所以第四餐要出動秘密武器招呼佢地,用呢舊古董.

把糧粉碎灑係菜面.

佢地好難挑返出黎,開始時唔希望佢食得多,只希望佢地記得糧係乜味.

黑豹B: 覺唔覺今日餐飯好惡啃.

白豹B: 軟中帶硬粗粗地都叫入到口既,你咁快停口,咁我食埋你果份.

由於特訓過程殘酷,以下內容需要黑畫面

黑豹B: 唔好........

白豹B: 救命...................

黑白豹B齊聲 : 也咩嗲~~~~~~~~~~~~~~~~~~~~~~~

..............................................

光陰似箭,經過十多天勞改後....................

夠鐘放飯啦~~~

MAZURI 糧做主菜.

涼拌粉碎後既水果糧同 ZOOMED 草糧

經過多日調教後既結果.

豹B們: 唔食就笨,個教官無人性,再唔食我驚屎都無得食.

而家出產既便便,終於可以見得人.

經多日來魔鬼特訓終於有成果, 兩隻都肯食糧白色果隻鐘意乾食, 黑色果隻就

鐘意小小濕食 ,第一步特訓結果合乎預期 ,而家就算混 BAC 或菜或其它補品入去,佢地都

肯食,等佢地大隻小小就可以進行第二步特訓,減糧混乾牧草最終目標 100%乾牧草都肯食
就功德圓滿之後就可以睇情況黎控制佢地善食,想肥就加糧減草,想佢修身就加草

減糧無得反抗,經此一役後佢兩隻唔敢再同我玩偏食.

註: 偏食任何一邊都唔係好事,當訓練到佢地肯食糧後,記得混回其它草或菜被隻龜食.

      萬變不離其中,龜隻只偏食任何一方面食物亦可以用同一方法去改變它們口味.

   請先確定龜隻是在身體健康的情況下而偏食才好開始特訓,

   個體身長低於 5CM , 或新龜未養定亦不要急於特訓,否則後果自負.

   未雨綢繆總比臨渴先挖井好,有很多個案因龜隻有病（但未至於拒食）,要戒除含水份

   過多疏菜,需要食糧補充營養時,但由於龜隻本身偏食而拒食糧,引致飼主進退不得既情

   況出現,所以應在龜隻健康時把它們的偏食習慣戒除.

其實個 POST 重點係要你地身為主人,要有能力去控制隻寵物,而唔係被隻寵物拖住行.

作者: 黑沙 時間: 2011-11-12 20:53
再唔食我驚屎都無得食

作者: 123400 時間: 2011-11-12 20:54
好有心機..

作者: ★wa!` 時間: 2011-11-12 20:55
心機十足

作者: samuelyam 時間: 2011-11-12 20:56
魔鬼教官^^

作者: 晉 時間: 2011-11-12 20:58
豹B們:唔食就笨,個教官無人性,再唔食我驚屎都無得食.

作者: 工友 時間: 2011-11-12 21:02
回復花次郎的帖子

花兄有料 !
開post教下d c弟妹咩叫狠心!
幸好工友冇咁咀雕, 想佢食咩都肯食唔食就用少少m記溝就肯食
依家工友都訓練到咩都食

作者: ashbone 時間: 2011-11-12 21:02
做你既寵物真係.....

作者: williams_ng 時間: 2011-11-12 21:06
第一張相的回望眼神好衰呀

作者: 花次郎 時間: 2011-11-12 21:07

工友發表於 2011-11-12 21:02
回復花次郎的帖子

花兄有料 !

三十多年來我調教過不小生物,一向無得還拖,唔食就唔好食.

作者: toast 時間: 2011-11-12 21:32

花次郎發表於 2011-11-12 20:49
上次個體檢: http://www.hkturtle.org/forum.php?mod=viewthread&tid=20206

佩服佩服!!

作者: harrypoi 時間: 2011-11-12 21:38
佩服得五體投地

作者: 阿花 時間: 2011-11-12 21:46

http://blog.yahoo.com/_6E7I4MO5JMOLXHKSLRO4HKT4AQ/articles/page/1

作者: windleaves 時間: 2011-11-12 22:47

花次郎發表於 2011-11-12 21:07
三十多年來我調教過不小生物,一向無得還拖,唔食就唔好食.

三十多年。。。。。。花兄你有無50？

作者: windleaves 時間: 2011-11-12 22:48

Sunflower 發表於 2011-11-12 21:09
回復花次郎的帖子

你D龜嘅眼神, 從第一幅相憤恨 / 敵視, 到尾個幅充滿悲哀同無奈!

最抵死係d對白好配合d眼神，哈哈

作者: 花次郎 時間: 2011-11-12 23:32
本帖最後由花次郎於 2011-11-13 03:51 編輯

windleaves 發表於 2011-11-12 22:47
三十多年。。。。。。花兄你有無50？

緊係無咁大,30以上40以下, 不過我孩童年代邊有而家D細路咁多野玩,長輩屋企又有養開魚,雀,

所以好細個已經接觸小動物, 雞仔,白鴿,兔仔,龜,魚,我得幾歲果時已經有養,仲有好多野都有

養過,真係不能盡錄,不過呢陸龜就真係第一次養,我細個果時睇生態片就想養,不過以前香港都

無陸龜進口既,所以得個想字,係近半年先想還個心願.

作者: windleaves 時間: 2011-11-12 23:36

花次郎發表於 2011-11-12 23:32
緊係無咁大,30以上40以下, 不過我孩童年代邊有而家D細路咁多野玩,長輩屋企又有養開魚,雀,

所以好細個已 ...

前輩哇~~~

作者: ．ω． 時間: 2011-11-12 23:41

花次郎發表於 2011-11-12 20:49
上次個體檢: http://www.hkturtle.org/forum.php?mod=viewthread&tid=20206

勁呀;我最近都迫緊我d巴西食菜;
佢地冇龜糧同蝦乾不歡;激死我;

作者: 花次郎 時間: 2011-11-12 23:42
本帖最後由花次郎於 2011-11-13 01:29 編輯

windleaves 發表於 2011-11-12 23:36
前輩哇~~~

我去到中學年代都無乜養野,剩係養魚,半年無啖好食儲錢,為左買條辣椒龍, 到條龍圓寂

後,我中間有十年無再養野,係先幾年身痕先買返個魚缸,本想養水草,結果被強權壓迫,變左養飛

河龜...............

作者: 花次郎 時間: 2011-11-12 23:44

．ω．發表於 2011-11-12 23:41
勁呀;我最近都迫緊我d巴西食菜;
佢地冇龜糧同蝦乾不歡;激死我;

肚好公道,肚餓一定會食,當然要建立於隻龜本身係健康既基礎上,你夠狠唔心軟就一定食.

作者: windleaves 時間: 2011-11-12 23:46

花次郎發表於 2011-11-12 23:42
我去到中學年代都無乜養野,剩係養魚,半年無啖好食儲錢,為左買條辣椒龍, 到條龍圓寂

後,我中間 ...

強權係.....阿花太?

話說,飛河龜係咩品種呀前輩~

作者: 花次郎 時間: 2011-11-12 23:50
本帖最後由花次郎於 2011-11-13 03:34 編輯

windleaves 發表於 2011-11-12 23:46
強權係.....阿花太?
話說,飛河龜係咩品種呀前輩~

我頭像果張相咪係飛河龜囉, 同隻乸去魚街睇水草,結果被佢見到隻飛河龜,跟住就被

佢吸引住一定要買隻返黎,我講明我個缸第時唔夠位養,佢都一定要買,我無奈受棍...........

作者: windleaves 時間: 2011-11-12 23:55

花次郎發表於 2011-11-12 23:50
我頭像果張相咪係飛河龜囉, 同隻乸去魚街睇水草,結果被佢見到隻飛河龜,跟住就被

佢吸引住一定 ...

頭像d唔清楚啊,不過會吸引女仔嘅水龜....只飛河龜係咪有個豬鼻?

作者: 花次郎 時間: 2011-11-12 23:57

windleaves 發表於 2011-11-12 23:55
頭像d唔清楚啊,不過會吸引女仔嘅水龜....只飛河龜係咪有個豬鼻?

http://www.hkturtle.org/forum.php?mod=viewthread&tid=11900

去睇.

作者: windleaves 時間: 2011-11-12 23:58
本帖最後由 windleaves 於 2011-11-12 23:59 編輯

花次郎發表於 2011-11-12 23:57
http://www.hkturtle.org/forum.php?mod=viewthread&tid=11900

去睇.

果然無估錯, 我真係天生聰明哇~~~

不過,呢只嘢長大後體積都不可小看哇~

作者: 花次郎 時間: 2011-11-13 00:00

windleaves 發表於 2011-11-12 23:58
果然無估錯, 我真係天生聰明哇~~~不過,呢只嘢長大後體積都不可小看哇~
...

再大落去,要預個 48 或 60 吋缸招呼佢.

作者: Billy_SO 時間: 2011-11-13 00:00
謝謝分享,小弟又學到野

作者: 龜迷發燒友 時間: 2011-11-13 00:06
佩服!!

作者: WAHWAHWAH 時間: 2011-11-13 00:06
佢地一唔食野，我就投降

作者: windleaves 時間: 2011-11-13 00:18
其實花兄呢招都唔算狠心，屬於循序漸進式；俾著我，嘿嘿～

作者: 花次郎 時間: 2011-11-13 00:18

WAHWAHWAH 發表於 2011-11-13 00:06
佢地一唔食野，我就投降

太心軟做唔到教官.

作者: 花次郎 時間: 2011-11-13 00:25
本帖最後由花次郎於 2011-11-13 01:30 編輯

windleaves 發表於 2011-11-13 00:18
其實花兄呢招都唔算狠心，屬於循序漸進式；俾著我，嘿嘿～

第一次養陸龜,隻龜又初到貴境,頭幾日先就下佢,順便被我觀察下佢地性格,其實中間

打漏左野,本來係糧碎加菜,五日後已經同佢地玩全糧, 白豹就無問題,隻黑豹有反抗

絕食兩日,第三日咪一樣死哂狗,之後就食糧食到而家無再咋型,問小左你一句添,大便醫師,

隻豹B便便合唔合格呀

作者: windleaves 時間: 2011-11-13 00:37

花次郎發表於 2011-11-13 00:25
第一次養陸龜,隻龜又初到貴境,頭幾日先就下佢,順便被我觀察下佢地性格,其實中間

打漏左野,本來係糧碎加 ...

咁核突嘅名。。。。唔答你

作者: 花次郎 時間: 2011-11-13 00:39

windleaves 發表於 2011-11-13 00:37
咁核突嘅名。。。。唔答你

呢個花袋你唔鍾意咩,得閒我再幫你念過.

作者: Johannchan 時間: 2011-11-13 01:15
豹龜望人個眼神真係好吋,
<---------睇下我個頭像就知!!!!

作者: Nick 時間: 2011-11-13 01:55
我覺得我隻盾好似肥左點…今日m糧溝zoomed,佢即唔食…佢應該好憎zoomed 陣味…

作者: 花次郎 時間: 2011-11-13 02:03
本帖最後由花次郎於 2011-11-13 02:08 編輯

Nick 發表於 2011-11-13 01:55
我覺得我隻盾好似肥左點…今日m糧溝zoomed,佢即唔食…佢應該好憎zoomed 陣味… ...

我會用 ZOOMED 草糧係為左將來牧草而鋪路, 等佢知道草係乜味,所以我相信第時我加牧草時,

佢兩隻唔敢咋型

作者: windleaves 時間: 2011-11-13 02:09

花次郎發表於 2011-11-13 02:03
我會用 ZOOMED 草糧係為左將來牧草而鋪路, 等佢知道草係乜味,所以我相信第時我加牧草時,

佢兩隻唔勇咋 ...

我直接將牧草剪碎，噴濕鮮草，丟落保鮮袋溝埋搖均，好似M記d搖搖薯條咁，哈哈。食就食，唔食就餓著。

作者: king199802 時間: 2011-11-13 02:14
我2隻豹都係餵糧

不過我比你仲魔鬼

我一黎就放糧,咩菜都唔比xd
一隻就餓左3日先食野
另一隻就餓左2星期先食糧
呢家兩隻都食得好開心

健康過食菜n咁多

作者: windleaves 時間: 2011-11-13 02:15
本帖最後由 windleaves 於 2011-11-13 02:21 編輯

king199802 發表於 2011-11-13 02:14
我2隻豹都係餵糧
不過我比你仲魔鬼
我一黎就放糧,咩菜都唔比xd

會唔會太過“健康”呢？過猶不及哦～

作者: 花次郎 時間: 2011-11-13 02:17

windleaves 發表於 2011-11-13 02:09
我直接將牧草剪碎，噴濕鮮草，丟落保鮮袋溝埋搖均，好似M記d搖搖薯條咁，哈哈。食就食，唔食就餓著。 ...

佢地仲細暫時唔被牧草佢地食,不過第時佢地都係食乾牧草,唔會有太多新鮮野佢地食多,

暫時都係谷下佢地先,結果又去返上次同你傾果個營養過盛問題

作者: Nick 時間: 2011-11-13 02:19
回復 Nick 的帖子

佢係一聞到有zoomed草粒…所有沾到的菜同葉都唔食…我暫時都係用菜或葉夾草粒俾佢…
同埋…呢幾日個箱加温後…佢鼻水少左好多.^^
不過我而家又懷疑佢咀啄過長…但唔知點分…
食左兩日m糧覺得佢肥左…係咪我幻覺????

作者: windleaves 時間: 2011-11-13 02:20

Nick 發表於 2011-11-13 02:19
回復 Nick 的帖子

佢係一聞到有zoomed草粒…所有沾到的菜同葉都唔食…我暫時都係用菜或葉夾草粒俾佢…

幻覺好嚴重添。。。
使唔使介紹精神科醫生俾你

我上次睇圖唔覺你隻嘢喙部增生啵

作者: 花次郎 時間: 2011-11-13 02:21
回復 king199802 的帖子

新龜到場,又唔知有無病痛,又唔知本身開唔開口,所以我一定先留意兩三日,

見佢一切正常先郁佢

作者: king199802 時間: 2011-11-13 02:23

花次郎發表於 2011-11-13 02:21
回復 king199802 的帖子

新龜到場,又唔知有無病痛,又唔知本身開唔開口,所以我一定先留意兩三日,

我轉糧前都養左2個月咖啦
食菜真係勁唔掂

日日都爛屎

作者: windleaves 時間: 2011-11-13 02:23

花次郎發表於 2011-11-13 02:21
回復 king199802 的帖子

新龜到場,又唔知有無病痛,又唔知本身開唔開口,所以我一定先留意兩三日,

me too～
而且新龜返黎頭三日我一定唔餵～

作者: 肥仔熙 時間: 2011-11-13 02:42
我都要努力捉隻衰仔去勞改先得！

作者: Nick 時間: 2011-11-13 02:54
回復 windleaves 的帖子

係肯定我唔係有幻聽既情況下, 我聽到佢食野有聲~
所以, 我唔知佢咩事呀~~
或者, 佢同我傾計, 話D 葉好好味同埋叫我唔好點佢食草糧啩~~
HAHAA

作者: ．ω． 時間: 2011-11-13 10:38

花次郎發表於 2011-11-12 23:44
肚好公道,肚餓一定會食,當然要建立於隻龜本身係健康既基礎上,你夠狠唔心軟就一定食. ...

係呀;我今次一定唔會心軟

作者: 汀汀 時間: 2011-11-13 15:05
羅白苗會好的...(溝菜既話)
不過我隻小寶咩都食既..-.-

作者: _朱古力_ 時間: 2011-11-13 15:28
點解咁似我地軍訓嘅`=v=...

作者: toast 時間: 2011-11-13 23:09

花次郎發表於 2011-11-13 02:17
佢地仲細暫時唔被牧草佢地食,不過第時佢地都係食乾牧草,唔會有太多新鮮野佢地食多,

暫時都係谷下佢地先, ...

請問你 - 營養過盛會有什麼問題? 因我龜龜開始吃M糧後, 最近好似大得好快, 其實他一天只吃1-2粒, 另加新鮮牧草一堆, 1塊油麥菜, 1塊蕃薯業OR白蘿蔔葉.. 通常他自己會分開2次食, 全部食完.. 這樣會過盛嗎?

作者: re5075 時間: 2011-11-13 23:22
好正呀,,,d對白我唔忍心,,,做唔出

作者: Angus 時間: 2011-11-14 02:43
花兄有料到!!!!
想問下係中爛d糧係咪乾中??

作者: tetsuro 時間: 2011-11-14 03:24
魔鬼教練

作者: 花次郎 時間: 2011-11-15 00:21

Angus 發表於 2011-11-14 02:43
花兄有料到!!!!
想問下係中爛d糧係咪乾中??

乾鐘,頭一次可成塊菜上,曬糧碎係面睇佢地反應,如挑來挑去搵菜食既話,就可以把行動升級,

先打碎糧,再把菜剪碎混埋一齊,做到成個凱撒沙率咁被佢地食

作者: 花次郎 時間: 2011-11-15 00:32
本帖最後由花次郎於 2011-11-15 02:52 編輯

toast 發表於 2011-11-13 23:09
請問你 - 營養過盛會有什麼問題? 因我龜龜開始吃M糧後, 最近好似大得好快, 其實他一天只吃1-2粒, 另加新 ...

營養過盛呢個問題,係上次我同 windleaves 騎人地POST 傾, 所以只討論左一陣, 依我所見

因營養過盛而死龜既帖真係唔多見,但因為營養不良而引致死亡既帖就一大堆,"為左保持龜隻

營養平均同唔隆背,老手我相信有把握做到,但要新手做,同行鋼線無分別" 呢個係我論點 ,至於你

真係想問清楚營養過盛有乜問題,就真係要睇下 windleaves 有無興趣再討論落去.

作者: windleaves 時間: 2011-11-15 01:07

花次郎發表於 2011-11-15 00:32
營養過盛呢個問題,係上次我同 windleaves 騎人地POST 傾, 所以只討論左一陣, 我話見一堆

又要論文?無興趣～

作者: 花次郎 時間: 2011-11-15 01:09

windleaves 發表於 2011-11-15 01:07
又要論文?無興趣～

被機會你發揮又唔鐘意,幫你起個花袋又唔鐘意,都好難滿足你

作者: windleaves 時間: 2011-11-15 01:13

花次郎發表於 2011-11-15 01:09
被機會你發揮又唔鐘意,幫你起個花袋又唔鐘意,都好難滿足你.

你請我飲茶就滿足到我了，我要求好低～

作者: 花次郎 時間: 2011-11-15 01:19

windleaves 發表於 2011-11-15 01:13
你請我飲茶就滿足到我了，我要求好低～

仲以為你要我小姐全包開多兩打入黎添.

作者: Angus 時間: 2011-11-15 01:20

花次郎發表於 2011-11-15 00:21
乾鐘,頭一次可成塊菜上,曬糧碎係面睇佢地反應,如挑來挑去搵菜食既話,就可以把行動升級,

先打碎糧,再把菜 ...

唔該晒,,,

等我研究下先

作者: 花次郎 時間: 2011-11-15 01:20
回復 Nick 的帖子

妳稱佢為便神

作者: windleaves 時間: 2011-11-15 01:21

花次郎發表於 2011-11-15 01:19
仲以為你要我小姐全包開多兩打入黎添.

我對小姐嘅要求好高，你未必請得起，所以都係飲茶算啦～

作者: 花次郎 時間: 2011-11-15 01:27

windleaves 發表於 2011-11-15 01:21
我對小姐嘅要求好高，你未必請得起，所以都係飲茶算啦～

有緣千里來相會，無緣對面不相逢 ,呢位施主,你無謂強求阿彌陀佛

作者: windleaves 時間: 2011-11-15 01:35

花次郎發表於 2011-11-15 01:27
有緣千里來相會，無緣對面不相逢 ,呢位施主,你無謂強求阿彌陀佛 .

花花 i 耐 u，我哋夢中見～

作者: 花次郎 時間: 2011-11-15 01:36
本帖最後由花次郎於 2011-11-15 02:18 編輯

windleaves 發表於 2011-11-15 01:35
花花 i 耐 u，我哋夢中見～

但好遺憾,我夢中唔想見到你,格劍唔岩我,你夢見工友好啦

作者: Johannchan 時間: 2011-11-15 01:46
回復花次郎的帖子

前輩, 見某外國研究文章話, 高蛋白冇罪, 會令到殼高D, 靓D, 唔會起釘; 高鈣防止起釘; 濕度高防止起釘; 磷先至係罪灰禍首!!! 只要控制磷低, 可以餵高營養食物.....唔知岩唔岩?

作者: hyy 時間: 2011-11-15 01:52
回復 windleaves 的帖子

唔怪得對小姐要求高啦~原來LIKE男的....

作者: 花次郎 時間: 2011-11-15 02:06
本帖最後由花次郎於 2011-11-15 02:51 編輯

Johannchan 發表於 2011-11-15 01:46
回復花次郎的帖子

前輩, 見某外國研究文章話, 高蛋白冇罪, 會令到殼高D, 靓D, 唔會起釘; 高鈣防止起釘; ...

呢個問題我本想 windleaves 幫我解答, 我都想知營養過盛會有乜後果(除左已知會隆背外),我都係陸

龜新手,入場前我都考慮過好多問題,一堆文都係話餵乜野菜乜野草好,就叫人唔好餵糧,首先我認同佢地餵草餵菜既

理論,但有個問題,要一個新手分得出個堆野已經唔係易事,莫論要搵得齊,所以當日我同windleaves 討論, 要一個新手

去用果堆野控制隻龜營養平衡同行鋼線無分別,平衡隨時變成失衡,既然知到 M字糧已有足夠營養去維持龜隻成長,

大可以定個時期頭半年至一年先餵糧,等個新手有時間去學習運用果堆山草藥先慢慢幫隻龜改變善食,而唔洗咁多因

營養不良而致死既龜B 個案出現,理想同現實係兩回事,硬要新手捨易取難未必係好事.

作者: 花次郎 時間: 2011-11-15 02:09
本帖最後由花次郎於 2011-11-15 02:09 編輯

hyy 發表於 2011-11-15 01:52
回復 windleaves 的帖子

唔怪得對小姐要求高啦~原來LIKE男的....

所以我決定換張猛男頭像等佢噴多D鼻血..

作者: Johannchan 時間: 2011-11-15 02:31
本帖最後由 Johannchan 於 2011-11-15 11:06 編輯

花次郎發表於 2011-11-15 02:06
呢個問題我本想 windleaves 幫我解答, 我都想知營養過盛會有乜後果(除左已知會隆背外),我都係陸
...

I see, 我都覺得 BB食 M字糧穩陣D, 又香口, 又唔使煩營養問題.

我達+盾都好LIKE M字糧, 間中加車前草,疏菜,水果作為零食, 便便正常左.

我豹就食車前 - 豹要高纖維......

作者: Johannchan 時間: 2011-11-15 02:37
我覺得余醫生話餵M字糧或Zoomed, 然後餵少少菜, 係好正確既做法. 基本上餵M字糧, 搞店左基本營養及基本水溶纖維及粗纖維之後, 你餵乜其他野都冇所謂啦.

作者: 花次郎 時間: 2011-11-15 02:48
本帖最後由花次郎於 2011-11-15 02:50 編輯

回復 Johannchan 的帖子

對新手而言,我覺得既然有一隻認可合格既糧係市面可以買到 ,就可以拎黎做餐單骨幹

再循序漸進混其它食物入去,我相信龜B存活率會比較高,總好過走去為複雜而複雜.

作者: Johannchan 時間: 2011-11-15 02:54
本帖最後由 Johannchan 於 2011-11-15 02:55 編輯

花次郎發表於 2011-11-15 02:48
回復 Johannchan 的帖子

對新手而言,我覺得既然有一隻認可合格既糧係市面可以買到 ,就可以拎黎做餐單骨幹 ...

Yes Yes!! 我都係咁唸 C Hing, 而且M字糧 D龜龜又肯食wo. 比起Zoomed草糧, D龜龜show 都唔show Zoomed草糧!!

M字糧全球認可, 動物園都用佢, 應該冇得死.

作者: 花次郎 時間: 2011-11-15 02:57

Johannchan 發表於 2011-11-15 02:54
Yes Yes!! 我都係咁唸 C Hing, 而且M字糧 D龜龜又肯食wo. 比起Zoomed草糧, D龜龜show 都唔show Zoomed ...

咁你要捉佢地勞改, 要佢地知到有強權係無公理先得.

作者: ah林-3- 時間: 2011-11-15 09:34

花次郎發表於 2011-11-12 20:49
上次個體檢: http://www.hkturtle.org/forum.php?mod=viewthread&tid=20206

請問聲你果舊"古董"可以係邊到有得買;?
仲有第一張佢既眼神真係..

作者: toast 時間: 2011-11-15 09:35

花次郎發表於 2011-11-15 01:36
但好遺憾,我夢中唔想見到你,格劍唔岩我,你夢見工友好啦

話你地兩個無野...... 我真係唔信..

作者: ah林-3- 時間: 2011-11-15 09:44

花次郎發表於 2011-11-15 01:09
被機會你發揮又唔鐘意,幫你起個花袋又唔鐘意,都好難滿足你.

出奇蛋?/"室"啲錢比佢啦..

作者: ah林-3- 時間: 2011-11-15 09:49
本帖最後由 ah林-3- 於 2011-11-15 09:50 編輯

花次郎發表於 2011-11-12 20:49
上次個體檢: http://www.hkturtle.org/forum.php?mod=viewthread&tid=20206

仲有呀,我久吾久就有放z00med草粒落啲菜到,但隻豹一知道就連菜都吾食,照踩埋去添;!

<(王我日日咁鬼好心機整菜佢食

)
只係上次我放左一粒z00med草粒上去,佢只係食啲菜- -;
點算好.

作者: toast 時間: 2011-11-15 09:51

Johannchan 發表於 2011-11-15 02:54
Yes Yes!! 我都係咁唸 C Hing, 而且M字糧 D龜龜又肯食wo. 比起Zoomed草糧, D龜龜show 都唔show Zoomed ...

agreed.. 但我未試過, 請問Zoomed Grassland 草糧適合加小小比小豹龜食嗎?

作者: windleaves 時間: 2011-11-15 12:17
對對對～～～花兄和johann兄都說得對，先養活再養好嘛，是不是，呵呵

作者: zcbar135071 時間: 2011-11-15 17:41
強大

作者: Nick 時間: 2011-11-15 18:15

ah林-3- 發表於 2011-11-15 09:49
仲有呀,我久吾久就有放z00med草粒落啲菜到,但隻豹一知道就連菜都吾食,照踩埋去添;! ...

我個隻都係咁衰...
一有zoomed 草粒, 本來好鍾意食都即停口..

作者: 花次郎 時間: 2011-11-16 04:38

toast 發表於 2011-11-15 09:35
話你地兩個無野...... 我真係唔信..

邊會有野,你念多左.

作者: 花次郎 時間: 2011-11-16 04:39

ah林-3- 發表於 2011-11-15 09:34
請問聲你果舊"古董"可以係邊到有得買;?
仲有第一張佢既眼神真係..

舊式家品店有機會搵得到

作者: 花次郎 時間: 2011-11-16 04:40

ah林-3- 發表於 2011-11-15 09:49
仲有呀,我久吾久就有放z00med草粒落啲菜到,但隻豹一知道就連菜都吾食,照踩埋去添;! ...

點算好 ? 第一頁咪教左妳點整治佢地

作者: 花次郎 時間: 2011-11-16 04:42

toast 發表於 2011-11-15 09:51
agreed.. 但我未試過, 請問Zoomed Grassland 草糧適合加小小比小豹龜食嗎?

加 ZOOMED 草糧落去係為左將來轉牧草而鋪路,唔需要佢食好多,剩係想佢地知到草係乜味,

食小量無問題既

作者: 花次郎 時間: 2011-11-16 04:44
本帖最後由花次郎於 2011-11-16 04:48 編輯

windleaves 發表於 2011-11-15 12:17
對對對～～～花兄和johann兄都說得對，先養活再養好嘛，是不是，呵呵

你真知我心意,你又講中問題核心今個月都過唔到仲學乜人講將來,先養活再養好先係重點.

作者: 花次郎 時間: 2011-11-16 04:45

Nick 發表於 2011-11-15 18:15
我個隻都係咁衰...
一有zoomed 草粒, 本來好鍾意食都即停口..

咁妳就要變身成為教官,記住妳先係主人,唔係隻龜既奴隸.

作者: 婷婷 時間: 2011-11-16 05:29

花次郎發表於 2011-11-16 04:45
咁妳就要變身成為教官,記住妳先係主人,唔係隻龜既奴隸.

唉~今日先講起,
屋企d狗都係由佢地自己食,
反而我仲要坐定定慢慢餵隻龜...

對住咁細隻龜,係擔心d 架

作者: ah林-3- 時間: 2011-11-16 09:12

花次郎發表於 2011-11-16 04:40
點算好 ? 第一頁咪教左妳點整治佢地 .

唉..我最衰就係無你咁心硬.

但我都會加油;(
可吾可以由水果糧做起呢?(水果糧佢超鍾意食囉;!!)
我今朝將啲菜卷起左.(但卷內面果啲就係Z00MED草粒黎),佢都照食埋

~
其實..牧草佢都0K食既..但Z00MED草粒就..

作者: ah林-3- 時間: 2011-11-16 09:13
本帖最後由 ah林-3- 於 2011-11-16 09:13 編輯

花次郎發表於 2011-11-16 04:39
舊式家品店有機會搵得到 .

咁吾知你又係邊間都搵到呢?

如果用你呢舊古董黎整Z00MED草粒,係咪吾洗先前加水整左先- -??

作者: ah林-3- 時間: 2011-11-16 09:35

Nick 發表於 2011-11-15 18:15
我個隻都係咁衰...
一有zoomed 草粒, 本來好鍾意食都即停口..

大家同伴喎;`

我果隻今朝有幾塊菜張佢卷起左,但卷起左既入面就係Z00MED草粒,但佢都照食埋.

但如果啲菜上面有Z00MED草粒,就理都吾理,照踩埋過去- -
佢好似係到話:你吹咩？

作者: Nick 時間: 2011-11-16 10:57

ah林-3- 發表於 2011-11-16 09:35
大家同伴喎;`
我果隻今朝有幾塊菜張佢卷起左,但卷起左既入面就係Z00MED草粒,但佢都照食埋.
但如果啲 ...

簡直係一樣咁串呀!!

作者: Nick 時間: 2011-11-16 10:58

花次郎發表於 2011-11-16 04:45
咁妳就要變身成為教官,記住妳先係主人,唔係隻龜既奴隸.

佢係BB...
我等佢過左個冬天先~
而家佢鍾意食M 糧, 真係肥得好快~

作者: ah林-3- 時間: 2011-11-16 11:02

Nick 發表於 2011-11-16 10:57
簡直係一樣咁串呀!!

串咀呀嘛,無計啦..

作者: dream_bb 時間: 2011-11-16 16:27
我都好殘忍. 見廸廸開始隆背, 即俾牧草佢食, 佢唔食咗幾日, 見佢咁可憐, 溝埋少少菜俾佢, 等佢試下牧草既味道, 幾日過去後, 佢就只吃牧草了, hehe ^^
對佢地唔忍心唔得0架

作者: 花次郎 時間: 2011-11-17 05:39

ah林-3- 發表於 2011-11-16 09:12
唉..我最衰就係無你咁心硬.
但我都會加油;(
可吾可以由水果糧做起呢?(水果糧佢超鍾意食囉;!!)

妳隻龜如肯食乾牧草就可以唔用ZOOMED草糧.

作者: 花次郎 時間: 2011-11-17 05:41

ah林-3- 發表於 2011-11-16 09:13
咁吾知你又係邊間都搵到呢?
如果用你呢舊古董黎整Z00MED草粒,係咪吾洗先前加水整左先- -?? ...

真係唔記得係邊買,但就一定係舊式家品店, 乾磨唔洗加水.

歡迎光臨香港龜友論壇 (https://hkturtle.org/)