香港龜友論壇
標題: 我們吃的肉與往昔親人有密切關係 [打印本頁]
作者: happycyk 時間: 2011-11-14 01:52
標題: 我們吃的肉與往昔親人有密切關係
本帖最後由 happycyk 於 2011-11-14 01:54 編輯
折錄部分出黎分享比大家睇
希望大家會比少少時間同耐性睇一下
=================================
《毗奈耶經》中記載，有個人特別疼愛兒子，為兒子造了很多很多業。他臨死的時候，由於放不下兒子，轉生成了自家一頭牛。兒子把它殺了，吃了牛肉。他死後，又轉生為自家的牛，兒子又把它殺了。他第三次仍轉生為自家的牛，兒子準備殺它時，舍利弗出現在他家門口，通過神通觀察，發現牛一直在自言自語：“我已經來兩次了，但都被你殺了。我最愛的兒子啊，現在你又要殺我，我非常難受，實在是忍不了，但也沒辦法抵抗。”尊者將此告訴了他兒子，後來就把牛放生了。所以，我們平時所吃的肉，很可能是前世的親人。
《中阿含經》中也有許多精彩的故事，方便時你們應該看一下。看書要看有意義的，以懂得因果取捨之理，不要像現在人一樣，不喜歡看經典和論典，只愛看打仗、色情的小說，對自相續不但無利，反而有極大的損害。記得《中阿含經》中有一個人叫都提，他父親死後，轉生為家裡的狗，偷吃盤中食物；還有個人叫旃檀，他父親轉生為乞丐，來他家乞討時，被打斷了手臂。
這方面的故事數不勝數。所以，平時與自己有緣的眾生，仇敵也好、乞丐也好，都要儘量做佈施，對他好好地照顧，同時心裡要念一些觀音心咒。我們藏地有個傳統：一個人如果被蜜蜂、蚊子轉繞，就表示是他中陰身的親人未得解脫，中陰法王開許其以此身來尋求善法。因此，你們聽到耳邊有“嗡嗡”的聲音，一定要念些觀音心咒等進行回向，或者佈施一些食物，不要“啪”一聲就把它打死了。
一般來講，按照《楞伽經》的觀點，我們現在所享用的肉，全部與往昔親人有密切關係，如經雲：“我觀眾生，更相噉肉，無非親者。”你吃牛肉的話，這頭牛是你前世的親人；你吃豬肉的話，這頭豬也是你前世的親人。所以，能不吃肉是最好的，如此功德也不可思議，大家一定要明白這個道理。
若能深深了知六道輪回中眾生輾轉投生，彼此互為父母親友，對各種悲歡離合就會產生厭離心，不會特別去執著。以前講《親友書》中的“父轉成子母成妻”時，我提到過漢地志公禪師的一個故事：志公禪師是梁武帝的國師，被公認為觀音菩薩的化身。有一次，禪師應邀參加一個婚禮。他去那裡一看，脫口唱了首道歌：“古古怪！怪怪古！孫兒娶祖母；女食母之骨；子打父皮鼓；豬羊炕上坐，六親鍋裡煮。眾人來賀喜，我說：苦！苦！苦！”
意思是什麼呢？
原來，新郎娶的妻子，是祖母的轉世。因為祖母特別疼愛這個孫子，臨終時還掛念他，一直拉著他的手，戀戀不捨地死了。（我們藏地有種習慣：人死的時候，不能被他拉著手，不然，他死後靈魂會一直纏著你。所以有人臨終時，如果對你伸手，你千萬不要靠近，否則，過段時間他就會在你夢裡或以其他方式出現。原來有個人的妹妹要死了，一直喊她哥哥過來，她哥哥特別害怕，馬上給我打電話：“我妹妹快不行了，但我不敢接近，她會不會抓著我？如果抓著我，以後她的靈魂纏著我怎麼辦？”）死後就投胎做個女孩子，長大後給孫子做媳婦。所以志公禪師說：“孫兒娶祖母。”
禪師到屋子裡，見一個小女孩正在啃豬蹄。這女孩的母親造了很重的罪業，死後投生為豬，現在辦喜事被人宰殺了，故小女孩在吃她母親的肉。所以禪師說：“女食母之肉。”
又看見院子裡一個小夥子，正高興地打驢皮鼓。他父親也是因為造罪，轉生為驢，死後被人剝了皮做鼓，正是這個小夥子在打的鼓。所以說：“子打父皮鼓。”
禪師往炕上一望，全都是往昔被吃的豬羊，如今投生為人，互為親戚，歡天喜地聚在一起。而在鍋裡燉的肉，卻是前世的六親眷屬。所以禪師說：“豬羊炕上坐，六親鍋裡煮。眾人來賀喜，我說：苦！苦！苦！”
當天整個婚禮狀況，禪師通過神通觀察，發現輪回的鬧劇非常可笑。如果我們也能了知真相，還願不願做這些事呢？可能誰都不願意。但由於我們沒有宿命通，而且對因果取捨一無所知，所以做了很多難以描述的蠢事。因此，大家應想到世間許多事情無有實義，對無常觀一定要瞭解。
《大藏經》中有一部《法句譬喻經》，裡面也講了一個與之類似的公案：當年，舍衛國有一婆羅門很富裕，但他性格慳貪，每次吃飯時，都要關緊大門。（我們有些人是不是也這樣？到了中午的時候，鋼爐裡明明冒出煙，但門一直推不開，我附近有這麼幾個道友。他們吃完飯以後，門就打開了。）有一天，他家煮雞吃，夫妻倆關起門一起享受美味，小孩坐在二人中間，他們時不時地夾雞肉給小孩吃。
佛陀知道此人以宿世的福德，到了該度脫的時候，於是化現為一個沙門，直接出現在他面前。婆羅門見後非常生氣，說：“你這個人真是無恥，怎麼沒開門就闖進來了？”
沙門說：“是你自己愚癡，殺父、娶母、供養怨家，怎麼反說我無恥呢？”
婆羅門不明白這話的意思，便詢問原因。
沙門說：“這餐桌上的雞，是你前世的父親，因為他性格慳貪，所以常墮為雞身受苦。這小孩是羅刹鬼轉世，你前世常被他損害，你們之間宿業未了，所以他又來投胎當你孩子。你妻子是你前世的母親，她對你感情深厚，所以今世又轉為你的妻子。這種輪轉的戲劇，愚人不知，只有我看得清楚。”
佛陀顯現神變，讓婆羅門看到自己的宿命，他對輪回也生起了厭離心。佛又為他說法，他當下證得初果。
作者: EV-DAY 時間: 2011-11-14 02:02
救世主凡事引導我，我何需別有所求，
主愛憐我何用多疑，我一生蒙主眷佑，
我憑信在主裡安居，享天上平安喜樂，
我深知無論遇何事，主為我安排穩妥。
我深知無論遇何事，主為我安排穩妥。救世主凡事引導我，彎曲路祂賜喜樂，
遇試煉主賜恩相助，生命糧日日賜我，
我步履雖疲乏欲跌，我心靈乾渴無力，
幸我見靈磐現我前，喜樂泉湧流不息。
幸我見靈磐現我前，喜樂泉湧流不息。
作者: tbasd 時間: 2011-11-14 02:14
本帖最後由 tbasd 於 2011-11-14 02:20 編輯
人法地，地法天，天法道，道法自然。
作者: 花次郎 時間: 2011-11-14 05:23
念咁多真係乜都唔洗食.
作者: chikin3151 時間: 2011-11-14 07:13
信則有，不信則無
作者: ashbone 時間: 2011-11-14 11:22
〔六道輪回中眾生輾轉投生，彼此互為父母親友.〕
作者: 豬仙人 時間: 2011-11-15 10:43
"人死的時候，不能被他拉著手，不然，他死後靈魂會一直纏著你。所以有人臨終時，如果對你伸手，你千萬不要靠近，否則，過段時間他就會在你夢裡或以其他方式出現。"
如果我D親人因為呢個原因而響我臨死前都唔敢握住我隻手,
我真係死都唔眼閉!!!!
(唔怪得而家D人唔多願生仔, 同其他人關係又咁疏離啦!)
作者: jackielee 時間: 2011-11-15 17:25
少食肉,對身體也是好的,我和妹妹,呀媽也不吃牛的,我也不吃雞,魚,羊,我也不想吃肉了,妹妹是吃素,我們一家聞到牛肉也想嘔
作者: totobb326 時間: 2011-11-15 17:29
十分好！值得一看
作者: blackcatfish 時間: 2011-11-15 17:40
本帖最後由 blackcatfish 於 2011-11-15 17:41 編輯
大家食素即是無殺生, 無殺生動物就會愈黎愈多, 最後大家食哂D植物你眼望我眼齊齊等死
原始佛教一定無禁食肉既規矩, 佛陀都係當年食左變壞豬肉先瓜左, 至於中國佛教唔比食肉係個皇帝它落黎既規矩, 係"中國特色既佛教", 同正宗既上座部根本係兩回事
如果認為食肉等於食緊昔日親人, 咁我又想問下你過去世既親人同你有乜關係? 你會認番你上一世老豆老母嗎?
作者: jackielee 時間: 2011-11-15 17:48
佛陀都係當年食左變壞豬肉先瓜左, ←請尊重,不要胡說
你可以不信的,人人想法不同
作者: happycyk 時間: 2011-11-15 17:48
信則有不信則無。
奈何宗教既野好難同科學扯上關係。
信與不信，都係個人既自由。
作者: blackcatfish 時間: 2011-11-15 17:56
本帖最後由 blackcatfish 於 2011-11-15 17:57 編輯
jackielee 發表於 2011-11-15 17:48 
佛陀都係當年食左變壞豬肉先瓜左, ←請尊重,不要胡說
你可以不信的,人人想法不同 ...
請睇佛陀對肉食看法 http://www.charity.idv.tw/y/y1.htm
再睇下下面呢堆文章, 再請你唔好胡說八道, 你有自由不信的
http://www.google.com/#q=%E4%BD% ... rt=10&sa=N&bav=on.2,or.r_gc.r_pw.,cf.osb&fp=57535c195017fa5f&biw=1366&bih=562
作者: Sunflower 時間: 2011-11-15 18:21
佛陀在世時, 因為以化緣為生, 并聲明每位弟子只可每日之向7戶人家化緣,
如果當7戶當日無食物的話, 那一天就只好空着肚子了,
所以的確是施主給你什麼, 你就吃什麼---包括肉, 但仍嚴守不淨肉.
但許多人對佛教勸食肉有點誤會, 會說那菜虫也有生命, 那不是殺生嗎!
佛教的角度正是有無數的生命(如菜虫/蚯蚓等)成就咗我們,
所以我們應該吃素, 希望以減少殺害其他的禽畜的生命, 并希望迴向比佢哋.
但現在很多人都本末倒罝了!, 其實食素係迥向牠們, 當然亦為了長養慈悲心! 
作者: happycyk 時間: 2011-11-15 18:36
本帖最後由 happycyk 於 2011-11-15 18:57 編輯
Sunflower 發表於 2011-11-15 18:21
佛陀在世時, 因為以化緣為生, 并聲明每位弟子只可每日之向7戶人家化緣,
如果當7戶當日無食物的話, 那一天就 ...
我識既只係門面野，有時都係聽朋友講先了解更多。
其實迴向有好多方法，放生念經係其中之一。
我有問過好多科學既問題叫佢用佛學解釋，
例如：
放生，會破壞生態平衡，令到本土生物無法生存。
佢話：其實佛學上係無講過呢D，所以佢亦都唔能夠答到我咁做係好定唔好。
生物學上，要繁衍下一代，當中有交配情節，咁係咪犯左淫邪罪？
即係話父母至少一世人當中都會犯一次淫邪罪？
佢話：有分正邪同淫邪，如果同結左婚既伴侶搞，係唔會計果報。
如果齋搞，同埋只係男女朋友關係咁就係淫邪。
細菌都係眾生，蚊係你先祖，照咁講佢地搵你你都應該給予食物同埋比佢地逗留。
即係要比血佢地吸，見到小強都唔比殺，係你碗飯上面行過都唔準趕佢地走
佢地話：其實係要咁做，奈何人性係咁。
就係因為咁所以世上只係極少數既人可以修成正果，得到更好既福報。
即使係虔誠既佛教徒，可能死既時候都唔能夠逃出輪回既命運。
最多都只係可以係六道當中，得到比較好既福報，
可以係畜生道，人道，鬼道等等
例如:點解有D人話有D狗狗咁幸福有得食牛扒，非洲小朋友連飯都無得食
係同果報有關，每個道當中亦有細分，人道當中既餓鬼道就係暗示第三世界國家既人。
小弟知識貧乏，有錯請師兄指教。
作者: Sunflower 時間: 2011-11-15 18:45
回復 happycyk 的帖子
有時退一步睇, 天堂地獄唔一定死後先有,
儘管我哋諸多不滿都好, 何嘗唔係身處天堂, 只係身在福中不惜福啫.
身處埃賽俄比亞, 卻是徹頭徹尾的錬獄, 地獄真係要死後先見嗎? 
作者: Sunflower 時間: 2011-11-15 18:47
據我所以出家人的確會將昆虫捉入玻璃瓶,
然後放生!
作者: happycyk 時間: 2011-11-15 18:51
本帖最後由 happycyk 於 2011-11-15 18:56 編輯
Sunflower 發表於 2011-11-15 18:45
回復 happycyk 的帖子
有時退一步睇, 天堂地獄唔一定死後先有,
有時的確係生在福中不知福，睇完非洲既片段，再望下自己。
有飯食，仲要怕肥，其實比起佢地好幸福，奈何貪得無厭係人性既一種。
第三世界國家，可以算係人間地獄，不過相比起真係既無間地獄，真係微不足道。
無間地獄，其實好多宗教描述既地獄都係差唔多。
例如：耶教話係地獄你會比火瘋狂咁燒，燒死你之後再重生再燒。
用呢種死法，唔知要嘗試N次，試到可以抵銷你既罪孳。
佛學都係，不過再殘暴D，現實D。
不過落無間地獄同歸西都係好難既事情，真係要作惡多端，極度殘暴，十惡不赦先得。
例如：金正日，希特拉個D
作者: blackcatfish 時間: 2011-11-15 19:00
happycyk 發表於 2011-11-15 18:36 
其實我識既只係門面野，我有時都係聽朋友講先了解更多。
我有問過好多科學既問題叫佢用佛學解釋，
脫輪迴係要去貪嗔痴, 簡單黎講就係順其自然, 不強求, 不執著, 而唔係靠做好事.
你趕走害蟲令佢地無法生活完全無問題, 但如果佢地無搞到你而你依然起殺心就係做唔到"不強求, 不執著"
好事做幾多都無用, 比盡你都只能生係天道(當然可以係高位天神)
任何事都係無分好壞的, 分好壞既只係你個心, 貪念, 暴怒同執著呢三毒先係令生靈輪迴既主因
舉個例吧, 有人認為食肉殺生好殘忍, 所以自己開地重菜食, 佢所佔用既土地本身會令好多小生命失去家園而死, 原本係果到覓食既動物都被迫走, 咁請問食素仲係咩善行? 當然, 一個農地會造褔到好多另外既動物, 例如蜜蜂, 老鼠, 雀仔等等, 但在佛學角度業係不能相抵的, 即是你做左壞事呢一點依然無變. 老老實實, 任何生命生存都係搶了其他生命的生存空間, 即是所謂既"獻世", 所以重點係"心"唔係你做左d乜, 因為你只要生存, 世上一定有其他生物為你所害
作者: blackcatfish 時間: 2011-11-15 19:04
happycyk 發表於 2011-11-15 18:36
我識既只係門面野，有時都係聽朋友講先了解更多。
順便一提, 所謂淫戒唔包括一般人印象中既嫖妓
嫖妓係不犯淫戒的
http://cbs.ntu.edu.tw/gem_browse ... /F00100BO&num=7
作者: Sunflower 時間: 2011-11-15 19:07
回復 happycyk 的帖子
咁又駛咁擔心嘅, 正常人總係善惡念交替多嘅,
而且條數係由無始以來計嘅, 冇幾多個希特拉啫,
藏傳佛教有個理論我好喜歡, 話每個人未達涅槃時,
你會不段輪迥返來學習, 直到某一世你真的學懂完全放下,
并真的所謂嘅悟, 那你就不用再回來了!
佛家亦有偈言:
罪孽本空由心造; 心亦忘時罪亦空------反映亦有頓悟嘅, 不過難D---多數都係經過大生大死, 或者大上大落的人機會高D! 
作者: happycyk 時間: 2011-11-15 19:11
本帖最後由 happycyk 於 2011-11-15 19:13 編輯
blackcatfish 發表於 2011-11-15 19:00
脫輪迴係要去貪嗔痴, 簡單黎講就係順其自然, 不強求, 不執著, 而唔係靠做好事.
你趕走害蟲令佢地無法生活 ...
THX 師兄~D佛學朋友都有同我講係講個心
如果做好事, 為左得到利益行善, 得到既福報會少之又少
正如: 有錢佬唱通街話佢捐10億比人, 同一個捐100蚊但係真心覺得人地可憐既人相比,
100蚊會比10億既福報更強，最重要係睇心點諗。
同埋係咪話，人生中，做既好事比喻做水，壞事比喻做鹽。
你細個做好多壞事，大個做好多好事，唔可以COVER你過去既罪孳
最多只能夠做一個沖淡既作用，將D鹽稀釋。
我有聽過，什麼有個官貪左一大筆救災錢，搞到全村人死晒，
之後佢又捐晒成副身家出去救人，但結果佢係先受到好嚴厲既懲罰，之後先比佢福報。
一單還一單，先苦後甜。
作者: happycyk 時間: 2011-11-15 19:15
本帖最後由 happycyk 於 2011-11-15 19:15 編輯
Sunflower 發表於 2011-11-15 19:07
回復 happycyk 的帖子
咁又駛咁擔心嘅, 正常人總係善惡念交替多嘅,
haha~睇黎呢度好多佛學人士
話說，中蜂兄都好似係
作者: Sunflower 時間: 2011-11-15 19:22
回復 happycyk 的帖子
你一連串嘅問題, 我呢個門外漢唔知點答你!
但放生呢點, 我自己的個人睇法係,
呢D係佛陀2000幾年前提倡, 當時應該唔會有咩寵物可言,
更無諗過全世界的牲口可大兜亂, 更成為寵物,
更遑論外來物種的放生破壞了生態的平衡,
我只會話佛陀的理念係好嘅, 但後學者卻一本通書睇到老而已,
佢哋埋首學佛, 尊重每條生命但卻少了先對現實環境的了解,
變成了好心做壞事.
作者: blackcatfish 時間: 2011-11-15 19:24
happycyk 發表於 2011-11-15 19:11
THX 師兄~D佛學朋友都有同我講係講個心
如果做好事, 為左得到利益行善, 得到既福報會少之又少
其實一切都是幻相, 就如昨日既你同今日既你都唔係同一個人, 更唔好話身外物既影響對你既"本來面目"有幾重要
在道家的說法而言, 一切都在"道"之中, 道就是恆常變化, 無而名之
任何事都唔會永恆, 咁唔係話任何事物都有毀滅既一日, 就好似一個人死左咁, 佢有毀滅到嗎? 其實無, 只不過係佢既外相腐化成為養分, 佢既"本來面目"依然存在, 就如道家中講既自然, 任何事都有佢既規律, 你唔知一樣野點黎, 又點知佢去左之後係消失左呢? 死其實不算可怕, 因為任何野都唔係自生而來, 死只係呢一段生既過程完了
作者: happycyk 時間: 2011-11-15 19:24
本帖最後由 happycyk 於 2011-11-15 19:26 編輯
Sunflower 發表於 2011-11-15 19:22
回復 happycyk 的帖子
你一連串嘅問題, 我呢個門外漢唔知點答你!
我都係一個門外漢
我覺得自己最多做到相信佛學既一套, 但未有能力做佛教徒。
係飲食方面, 已經好難做到了......
我以家最多都係做到食"三淨肉"
作者: happycyk 時間: 2011-11-15 19:26
blackcatfish 發表於 2011-11-15 19:24
其實一切都是幻相, 就如昨日既你同今日既你都唔係同一個人, 更唔好話身外物既影響對你既"本來面目"有幾重 ...
嗯, 可能下一世會用第2個身分呢度呢個世上。
作者: blackcatfish 時間: 2011-11-15 19:28
Sunflower 發表於 2011-11-15 19:22
回復 happycyk 的帖子
你一連串嘅問題, 我呢個門外漢唔知點答你!
師兄放生係佛教野, 佛教嚴格黎講都係好脫離佛陀本意下
佛教既拜佛, 拜護法神全部係佛陀所不提倡的
所謂神通不敵業力, 有起事黎神佛係幫唔到手的
作者: Sunflower 時間: 2011-11-15 19:31
回復 happycyk 的帖子
唔奇! 而家我D龜食我住我嘅, 我為佢哋勞心勞力,
下世可能係佢哋養番我都唔定! 
作者: Sunflower 時間: 2011-11-15 19:33
回復 blackcatfish 的帖子
Ching, 你介唔介意我問吓你?
你係佛教徒? or 天道?
作者: blackcatfish 時間: 2011-11-15 19:34
happycyk 發表於 2011-11-15 19:26
嗯, 可能下一世會用第2個身分呢度呢個世上。
就如一個forum吧, 人道眾生就係一般正正常常既會員, 餓鬼, 畜生就係比人排擠, 不受歡迎既會員
地獄就係被ban或被禁言的一眾, 阿修羅就係有影響力, 有權威但同管理屠唔岩既會員, 版主, 管理員就係一眾大小天道, 而仙佛魔就係不參與管理但對論壇有影響力的人士(e.g. 顧問, 資助者, 黑客)
作者: blackcatfish 時間: 2011-11-15 19:36
Sunflower 發表於 2011-11-15 19:33
回復 blackcatfish 的帖子
Ching, 你介唔介意我問吓你?
我諗你誤會了, 佛教中既天道即係天神, 咁我當然唔係啦
至卞#我都唔係佛教徒, 我只不過對佛/道學思想比較有興趣而已
作者: Sunflower 時間: 2011-11-15 19:41
回復 blackcatfish 的帖子
Ching, 你呢個比喻, 恕不怐同!
比人排劑/不受歡迎并不代表佢係心存惡念, 可能講了D而家D人, 所缺少的道德或公義,
足以比人排劑, 人云亦云或牆邊草, 亦唔代表其心善喎!
作者: Sunflower 時間: 2011-11-15 19:42
本帖最後由 Sunflower 於 2011-11-15 19:43 編輯
回復 blackcatfish 的帖子
請問你係咪香港人?
有去道場否?
我講緊的天道唔係六道的天道!
作者: blackcatfish 時間: 2011-11-15 19:50
本帖最後由 blackcatfish 於 2011-11-15 19:51 編輯
Sunflower 發表於 2011-11-15 19:41
回復 blackcatfish 的帖子
Ching, 你呢個比喻, 恕不怐同!
我只是用景況黎比喻, 同果類會員本身德行無關
就如係一個偷拍討論區, 版主/管理員都係果方面有經驗人士(天), 而勸喻其他會員停止缺德行為既一堆會員就係被排擠既一群(餓鬼畜生), 有些揚言報警/披露其他會員資料的就是被ban那堆(地獄)
善惡由心造, 係堆主流會員同管理層眼中, 勸人向善既果堆會員就是犯了大錯, 應該受罰
作者: blackcatfish 時間: 2011-11-15 19:53
Sunflower 發表於 2011-11-15 19:42
回復 blackcatfish 的帖子
請問你係咪香港人?
咁你講既天道到底係乜?
道家/中國傳統信仰既天道?
作者: Sunflower 時間: 2011-11-15 20:02
回復 blackcatfish 的帖子
善惡由心造, 係堆主流會員同管理層眼中, 勸人向善既果堆會員就是犯了大錯, 應該受罰----請問呢D算唔算係歪理? ==如果勸一班殺人/強姦犯行善就該死?
仲有我從未聽過嫖妓不算犯淫, 當然有人話賣淫然後將錢供佛都有, 不過唔係正信佛教囉!
Ching, 你既然對佛理有興趣, 我勸你星期四(雙週刊)去7仔 or OK買本"溫暖人間"睇吓, 好平10元啫, 入面有晒所有正信佛教的活動資料!
作者: Sunflower 時間: 2011-11-15 20:05
回復 blackcatfish 的帖子
天道係佢哋多數掛嘅招牌名, 正信佛教會叫X道!(為免爭議故以X代之)
作者: 啊橙 時間: 2011-11-15 20:06
其實植物都係生命既一種，每一花每一草都有自己既生命，
點解人人都覺得食素就係唔殺生，呢個繆論係邊到出黎?
作者: Sunflower 時間: 2011-11-15 20:15
本帖最後由 Sunflower 於 2011-11-15 20:40 編輯
回復 啊橙 的帖子
咁你又有冇睇到而家D綠色專家講, 一隻畜食植物做嘅飼料,供人食用可以食多成十倍8倍,
呢個咪D綠色份子提倡嘅嘢, 咁咪死少8/10植物囉!
仲有牛本年放屁本(有草花頭),
造成的空氣污染極高!
作者: blackcatfish 時間: 2011-11-15 20:18
Sunflower 發表於 2011-11-15 20:02
回復 blackcatfish 的帖子
善惡由心造, 係堆主流會員同管理層眼中, 勸人向善既果堆會員就是犯了大錯, 應該 ...
如果善人唔會遭惡報, 你不如問下自己點解惡人會有善報吧? 師兄, 件件事都有前因後果的, 如果你信佛你就明果堆被迫害既同迫害佢地既之間必然有過去世既關係, 再者一個forum我喻一個世界, 你熟佛的話就知咩叫三千大千世界
我唔該你睇野唔好咁表面, 你可以去媽叉d老黑話佢地黑社會害人不淺, 你既現眼報好可能就係比人打一身或者比人玩, 但係你認為自己做左好事呢一點無變, 你呢一份心既善報可以係你心安理得, 可以係有人比你勸完之前感激你第時幫番你, 至於比唔比叫雞呢d野你睇番過去佛陀同當時僧團既紀錄就知, 而家果班話咩有乜咁重要, 佛陀同上座部都唔禁食肉, 點解北傳就禁呀?
佛陀夠只係傳法教人解脫, 點解後尾北傳講埋咩'同登彼岸"呀? 又做咩睇唔起南傳佛教呀? 你搞清楚佛教點黎先啦
作者: blackcatfish 時間: 2011-11-15 20:20
啊橙 發表於 2011-11-15 20:06
其實植物都係生命既一種，每一花每一草都有自己既生命，
點解人人都覺得食素就係唔殺生，呢個繆論係邊到出 ...
因為唔識好似貓狗咁得意, 唔似牛識流眼淚, 連聲都唔識出, 仲唔搵你開刀?
作者: Sunflower 時間: 2011-11-15 20:21
回復 blackcatfish 的帖子
算啦! Ching,
你仍未答我你有否去道場?
可否告之壇上供何佛? 可有濟公!
作者: blackcatfish 時間: 2011-11-15 20:21
Sunflower 發表於 2011-11-15 20:15
回復 啊橙 的帖子
咁你又有冇睇到而家D綠色專家講, 一隻畜食植物做嘅飼料,供人食用可以食多成十倍8倍,
呢個係環保問題, 無人叫你餐餐食肉, 有生命就會有污染, 佛陀都無叫你唔好食肉, 只係叫你唔好刻意去食
個個唔食肉, d食素既生物咪愈整愈多, 你最後咪一樣要大掃除殺咁d
作者: Sunflower 時間: 2011-11-15 20:25
回復 Sunflower 的帖子
Ching, 你仍未答我, 可否告之?
作者: blackcatfish 時間: 2011-11-15 20:26
回復 Sunflower 的帖子
我只論道, 你有point答到既請講
至於認邊個邊個做阿大, 根本多餘
佛陀都叫你唔好走去拜呢個拜果個, 睇黎根本唔需要同你講落去
所謂既佛只會傳法, 你脫唔脫到輪迴同佢地本身一d關係都無, 拜佢何用? 你自己都係未來佛啦
作者: Sunflower 時間: 2011-11-15 20:36
回復 blackcatfish 的帖子
你講得啱! 佛陀確是以依法不依人,
禮佛扣頭主要原因不是拜佢, 乃希望去我慢而已!禮自心佛而已.
但佛理亦有佛理的依據, 亦有佢正統的傳承,
免後學者被D借小小佛理而被導入邪教!
正信者從不介意告之於人, 屬何宗供何佛菩薩!
作者: blackcatfish 時間: 2011-11-15 20:46
本帖最後由 blackcatfish 於 2011-11-15 20:54 編輯
Sunflower 發表於 2011-11-15 20:36
回復 blackcatfish 的帖子
你講得啱! 佛陀確是以依法不依人,
你執著於同你講野既人係咪佛教徒, 供咩佛而唔係傾計既內容有無道理, 本身就係犯左訴諸權威既邪見
唔通我供佛後殺人放火姦淫擄掠就比無供岩d呀?
至於我係咪佛教徒之前都提過, 只係你無留意掛住問我係咪乜天道
至於比唔比叫雞食肉佛陀講得好清楚, 你要聽個成左佛既講一話一堆未成佛既講, 隨便你, 呢個係慧根既問題, 如果你唔清楚淫戒定義係乜我勸你唔好亂講, 如果唔係有人聽完之後真係信左你就造左惡業, 法施唔係是是旦旦可以隨便做的
你所知既野同當年佛陀提倡既野有出入一D唔出奇, 佛陀無教人唔好食肉, 點解北傳又搞到亂哂龍? 佛教人解脫無教人要先渡人再渡己, 點解北傳又睇唔起南傳唔主張先渡人再自渡? 南傳仲正宗啦. 佛陀夠無教人扑野解脫, 咁密宗雙修大法點黎嫁?
無人話以上派別既主張一定唔岩, 解脫有好多方法, 之旦係係咪一個解脫左既人講既野會比較可信?
作者: Sunflower 時間: 2011-11-15 20:56
算啦! Ching, 你嬴la你簡直已經即身成佛!
你當我之前廢話連篇, 你D全部係真理名言!
我而家趕住去請教高人, 請唔好再我啦, 吓! 忍!!!!!
作者: 啊橙 時間: 2011-11-15 21:07
Sunflower 發表於 2011-11-15 20:15
回復 啊橙 的帖子
咁你又有冇睇到而家D綠色專家講, 一隻畜食植物做嘅飼料,供人食用可以食多成十倍8倍,
咁同上面所講既係兩回事。一個係被扭曲左既哲學，一個係地球保育。兩個既出發點本來就唔同，而我係從前者既方向去討論，而唔係從地球保育既方向。
作者: 啊橙 時間: 2011-11-15 21:13
blackcatfish 發表於 2011-11-15 20:46
你執著於同你講野既人係咪佛教徒, 供咩佛而唔係傾計既內容有無道理, 本身就係犯左訴諸權威既邪見
唔通我 ...
其實佛教經本就冇話正宗與否。自佛去後，佢既弟子就對佛道有唔同既解釋同角度，但佢地既終點都係一樣，所以如果執著於正宗呢個字眼既師兄，著相了@@
作者: blackcatfish 時間: 2011-11-15 21:18
啊橙 發表於 2011-11-15 21:13
其實佛教經本就冇話正宗與否。自佛去後，佢既弟子就對佛道有唔同既解釋同角度，但佢地既終點都係一樣，所 ...
無錯, 可是佛陀係覺者, 佢講既野, 係咪比其他未覺既有理一點?
從邏輯上黎講我認為係, 當然可能有人認為死左去就係解脫, 有咩見解係個人自由, 行唔行得通係係另一回事@@ 其實所謂正宗, 都只係比其他派別較接近佛陀當年主張而已
作者: 龜友 時間: 2011-11-15 21:21
紛爭開始出現......
都係一句萬萬千千說不盡,不如推背去歸休
作者: happycyk 時間: 2011-11-15 21:31
本帖最後由 happycyk 於 2011-11-15 21:31 編輯
討論係好事, 不過我見到大家開始出現紛爭
作者: 花次郎 時間: 2011-11-15 22:15
happycyk 發表於 2011-11-15 21:31
討論係好事, 不過我見到大家開始出現紛爭
幾千年來為了宗教問題一向都會出現紛爭,真係見怪不怪.
作者: happycyk 時間: 2011-11-15 22:19
花次郎 發表於 2011-11-15 22:15
幾千年來為了宗教問題一向都會出現紛爭,真係見怪不怪.
其實佛學唔係一個宗教, 有人會叫佛教。
但我自己只當佢係一門學問, 一門知識。
同埋有時一D道理既原意係想人參透當中既道理,
當然凡知識都可以討論同反駁, 只係一部分極端主義者過於沉迷,
將佢成為一門教派, 就好似耶教咁
所以先比人一種咁霸道既感覺, 邏輯上錯不在於知識, 知識係死既, 無分對錯。
係在於部分人以極端價值觀同埋態度去演繹佢出黎。
作者: 花次郎 時間: 2011-11-15 22:25
回復 happycyk 的帖子
每人領悟都唔同,對我來講,心要正不濫殺,修好自身就可以,真係心有雜念就可打座或冥想.
作者: 黑沙 時間: 2011-11-15 22:30
咁多位施主,點解我唔明你地up乜
作者: 花次郎 時間: 2011-11-15 22:35
黑沙 發表於 2011-11-15 22:30
咁多位施主,點解我唔明你地up乜
呢位施主,佢地傾緊佛計 想唔想參一腿.
作者: 黑沙 時間: 2011-11-15 22:39
咁睇黎屎都唔食得....
作者: Sunflower 時間: 2011-11-16 00:14
我諗我要澄清一樣, 我唔係正式佛教徒,
只係會去道場聽吓佛學, 南傳北傳我都去,
但我唔明白點解D Ching覺得我重北輕南?
在佛學嚟講分門派, 亦有支但無分高下,
所謂八萬四千法門嘛, 按人緣份而學邊門而已,
我講緊既係正信與非正信的問題, 而非南北之分問題.
等如D XX的兒女, 打住另外兩大宗教名號, 但人哋教會認唔認你先?
對於宗教我向來覺得如各國菜系, 有人喜法國菜,
有人日本, 有人喜中国菜,
從冇任何一国菜系凌駕於某一菜系, 只有邊系菜啱自己胃口,
有人喜歡基督菜, 有人喜歡印度菜而佛家菜只係較啱我口咪而已,
對我嚟講喜歡邊種菜系都OK, 但大前提必而係正信-----即五大宗教都承認的!
對於亞板主先生話我着相, 就.......
作者: blackcatfish 時間: 2011-11-16 00:22
本帖最後由 blackcatfish 於 2011-11-16 00:34 編輯
Sunflower 發表於 2011-11-16 00:14
我諗我要澄清一樣, 我唔係正式佛教徒,
只係會去道場聽吓佛學, 南傳北傳我都去,
但我唔明白點解D Ching覺得 ...
佢真係無講錯你, 你完全著哂相
正信? 唔正信? 佛教發源地印度既印度教一樣唔認為佛教係正宗, 印度教計人口係世上大三大宗教
至於頭兩名既耶教同回教得閒同你佛教fd, 佢地核心教義係世上有全知全能創世神, 佛教就否認世界係由神所創, 同時神都唔係無所不能, 一樣會有生死之苦, 觀念相差咁遠, 大纜都扯唔埋, 點承認呀? 承認得佛教即係話自己教講既野有錯, 倒自己米呀?
講人多? 你諗下世上信佛既人多定唔信佛既人多? 是否邊面多邊面岩呢? 佛陀都無要求過既野有d派別都加埋入去, 咁叫正信嗎? 你到底係信呢d派別, 定信佛陀教誨本身? 係咪有人"如是我聞"之後同你講幾句廢話, 你岩聽咁又當係正信?
唔使講咁多野, 你答我你係邊到睇到佛陀講叫雞係犯左淫戒? 你有無了解過當年跟隨佛陀既僧團同佛陀本身點睇呢件事? 而家有人話叫雞係犯左淫戒, 極其量係犯左佢認為既淫戒, 唔係佛陀所講既淫戒, 咁犯左又有乜所謂? 睇多次先講野啦, 有埋reference都唔識睇
http://cbs.ntu.edu.tw/gem_browse.php/fpath=gem/brd/BudaHelp/O/F00100BO&num=7
作者: Sred 時間: 2011-11-16 00:30
回復 黑沙 的帖子
吓!!!我隻星尋日朝仲食咗d屎tim...
唔得啦!我都要同佢進行地獄式特訓
訓練到佢只係食空氣同飲雨水先
作者: Sunflower 時間: 2011-11-16 00:31
得啦! Ching, 你講嘅成年人自然會分, 但願唔會影響呢度D小朋友啦! 唉!!!!
作者: Sunflower 時間: 2011-11-16 00:32
Bye!!! 
作者: blackcatfish 時間: 2011-11-16 00:41
本帖最後由 blackcatfish 於 2011-11-16 00:42 編輯
Sunflower 發表於 2011-11-16 00:31
得啦! Ching, 你講嘅成年人自然會分, 但願唔會影響呢度D小朋友啦! 唉!!!!
笑死人啦, 講埋d野真係得啖笑, 問你邊到睇到佛陀話叫雞係犯淫戒又up唔出, 好心你就唔好誤人子弟啦, 多餘
唔夠人講就老屈人係咩天道, 你既道德要求仲高過佛陀我懷疑你係明光社d人呀
跟你講法既話, 而家世界三大宗教都唔承認你佛教喎, 你仲點正信呀? 你信緊邪教呀? 好在你唔係佛弟子, 唔係比你妖言惑眾真係害得人多
作者: blackcatfish 時間: 2011-11-16 00:45
笑死人啦, 唔止佛學野唔識, 連其他宗教既其本常識都無就學人拋書包懶係度人向善咁, 其實自己就犯哂法執既毛病
| 歡迎光臨 香港龜友論壇 (https://hkturtle.org/) |
Powered by Discuz! X3.2 |