香港龜友論壇

標題: 食飽的樣子 [打印本頁]

作者: Hata 時間: 2011-11-24 10:38
標題: 食飽的樣子

一支 Z00med 100W power sun + 一支 Zoomed UVB 10.0, 缸內75w陶瓷膽遲下15度樓下會換100W

作者: j-jack 時間: 2011-11-24 10:39
但冇樣睇喎!

作者: Hata 時間: 2011-11-24 10:42
本帖最後由 Hata 於 2011-11-24 10:42 編輯

每日餐單:
星期一: Zeptic糧加益生菌
星期二: Komodo糧糧加益生菌
星期三: Zeptic糧加益生菌
星期四: Komodo糧糧加益生菌
星期五: Zeptic糧加益生菌
星期六: Komodo糧糧加鈣粉
星期日: 油墨菜加komodo素食維他命粉

作者: ashbone 時間: 2011-11-24 10:45
食飽左,好滿足啊

作者: 烏龜的 時間: 2011-11-24 10:57
你應該換箱先囉= =
益生菌係咩黎架?菜都唔多條....

作者: ericboy 時間: 2011-11-24 11:02
一個星期食足6日龜糧???

個箱好似太細...
仲有咩野益生菌?

作者: Hata 時間: 2011-11-24 11:03

烏龜的發表於 2011-11-24 10:57
你應該換箱先囉= =
益生菌係咩黎架?菜都唔多條....

美國NutriBAC 腸胃活化劑

作者: Hata 時間: 2011-11-24 11:05

ericboy 發表於 2011-11-24 11:02
一個星期食足6日龜糧??? 個箱好似太細...
仲有咩野益生菌?

食6曰糧有乜問題???個個喂食都唔同嗱

作者: Hata 時間: 2011-11-24 11:07
個箱是冬天住,出年熱會在露台放養的

作者: Hata 時間: 2011-11-24 11:08
佢地底甲6.3cm & 6.5cm

作者: YOYOMAN 時間: 2011-11-24 11:12
縮頭烏龜

作者: MichaelL 時間: 2011-11-24 11:16
日日食份量要少d, 龜既消失系統係好慢要晌腸內賠養細菌
如果喂得多就會5消化咁排番出黎絕對係壞事
紅腿係森林形陸龜用樹皮碎比用紙粒更能保濕
如有錯漏請更正

作者: 烏龜的 時間: 2011-11-24 11:33

Hata 發表於 2011-11-24 11:03
美國NutriBAC 腸胃活化劑

日日BAC 日日糧日日餵!?

我驚你捱唔到去露台放養既日子佢地已經RIP....

作者: Hata 時間: 2011-11-24 11:50
本帖最後由 Hata 於 2011-11-24 11:50 編輯

烏龜的發表於 2011-11-24 11:33
日日BAC 日日糧日日餵!?
我驚你捱唔到去露台放養既日子佢地已經RIP.... ...

點解呀BAC可以日日喂.
喂食時間都是每日早上7點有成24小時比佢哋消化

作者: Hata 時間: 2011-11-24 11:52

MichaelL 發表於 2011-11-24 11:16
日日食份量要少d, 龜既消失系統係好慢要晌腸內賠養細菌
如果喂得多就會5消化咁排番出黎絕對係壞事
紅腿 ...

底材有諗好唔好轉exo泥

作者: MichaelL 時間: 2011-11-24 11:54

Hata 發表於 2011-11-24 11:50
點解呀BAC可以日日喂.
喂食時間都是每日早上7點有成24小時比佢哋消化

我d 龜 48小時或 72小時 1餐
養左3年由8cm 到14cm

作者: tony821 時間: 2011-11-24 11:56
回復 Hata 的帖子

我一星期最多喂3次BAC JA WOR= ="
正常喂2次~ 豹龜腸胃唔好先比2-3次-0-"
其他1星期1次0.0 新手一名0.0有錯唔好罵我

作者: 烏龜的 時間: 2011-11-24 11:56

Hata 發表於 2011-11-24 11:50
點解呀BAC可以日日喂.
喂食時間都是每日早上7點有成24小時比佢哋消化

邊個同你講BAC可以日日餵架@@?
E家天氣凍佢地消化會慢左好多.....
我都係2 3日先餵一餐

作者: Hata 時間: 2011-11-24 12:19

烏龜的發表於 2011-11-24 11:56
邊個同你講BAC可以日日餵架@@?
E家天氣凍佢地消化會慢左好多.....
我都係2 3日先餵一餐 ...

睇啲site講平日食用有預防作用令啲龜腸胃健康

作者: Hata 時間: 2011-11-24 12:23
等我試吓改一改張餐單:
星期一: Zeptic糧加益生菌
星期三: Komodo糧加鈣粉
星期五: Zeptic糧
星期日: 油墨菜加komodo素食維他命粉
試下會唔會好啲先

作者: 烏龜的 時間: 2011-11-24 12:30

Hata 發表於 2011-11-24 12:19
睇啲site講平日食用有預防作用令啲龜腸胃健康

日日食都唔會有咩預防作用啦= =
都適應左...

作者: 烏龜的 時間: 2011-11-24 12:31

Hata 發表於 2011-11-24 12:23
等我試吓改一改張餐單:
星期一: Zeptic糧加益生菌
星期三: Komodo糧加鈣粉

Zeptic糧係咩黎架?未聽過@@
點解唔比多D綠色野佢地食呢?

你呢個餐單不予置評

作者: ivanwong 時間: 2011-11-24 12:35
BAC根本就唔需要日日喂,一兩個星期喂一次都足夠,除非隻龜有腸胃問題先需要喂密D.......紅腳係陸龜,唔係水龜,點可能日日喂龜糧.....菜為主食,龜糧紙係附食....一個星期6日食菜,一日食糧,禁就差唔多.......

作者: Hata 時間: 2011-11-24 12:50

烏龜的發表於 2011-11-24 12:31
Zeptic糧係咩黎架?未聽過@@
點解唔比多D綠色野佢地食呢?

日本牌子中國代工果隻合面有盾,水中x老板叫我試吓話唔錯好個齊食komodo糧.
喂龜糧方便啲

作者: 烏龜的 時間: 2011-11-24 13:01

Hata 發表於 2011-11-24 12:50
日本牌子中國代工果隻合面有盾,水中x老板叫我試吓話唔錯好個齊食komodo糧.
喂龜糧方便啲 ...

貪方便......不如唔好養

比一個建議你:
隔日餵龜食物應以野草/菜為主(我唔太清楚紅腿食D咩)
如果想比紅腿補補身可以比少少蕃茄
BAC你最好一個月一次(最多兩星期一次)
因為你係咁比佢地對呢隻藥適應左到時需要真係唔知你比咩佢地好
BAC係幫助調理腸胃但就唔係當正餐食!如果佢地一味靠呢D唔識自己調整身體
相信都會好快打柴!
仲有如果你餵食餵得多元化夠營養個D維他命鈣粉一概都唔洗比
食得多對佢地身體唔好(都冇聽過D高手餵維他命比D龜= =佢地跟本唔需要)
如果你手痕覺得買左一定要用就最多一兩星期先比一次

以上純粹比你參考龜仔條命既選擇權始終係你到
但你要知道我地話你知對我地本身係冇著數
如果要害你跟本唔會打咁大段野比你
希望你認真考慮一下其他師兄比你既意見!

作者: Hata 時間: 2011-11-24 13:02
喂糧好過菜因無時間整沙律.

雪得兩三日啲菜又變色

作者: 烏龜的 時間: 2011-11-24 13:40

Hata 發表於 2011-11-24 13:02
喂糧好過菜因無時間整沙律.
雪得兩三日啲菜又變色

有無時間係睇你自己~
啲菜最少都保持到一個星期啦！你唔識我教你！

作者: Johannchan 時間: 2011-11-24 14:14
本帖最後由 Johannchan 於 2011-11-24 15:27 編輯

紅腿係南美雜食雨林龜, 我覺得唔可以同非洲龜一概而論.  紅腿要高濕氣, 又成日飲水, 又成日疴尿, 所以唔使煩咩酸啊、膀胱石啊、隆背起釘、維他命過多症、缺鈣、高濕氣呼吸道疾病..等等問題, 所以紅腿勁易養, 最緊要濕氣夠 + 食雜佢, 咩都唔使加, 唔使補.

我覺得如果你D紅腿食糧都OK, 糧有齊所有營養、D3、鈣、正確鈣磷比、維他命、礦物質、益生菌..等等, 你加BAC & 維他命基本上係多餘.  或者學waiman師兄話齋, 每日撒少少BAC粉末落糧上面都OK, 係極少好似塵咁少.

間中加下菜、水果、甚至面包蟲都OK.

紅腿食野上可以食高蛋白雜食, 鈣磷比要求唔高, 加上成日在高濕氣環境下, 水合作用強--令紅腿好難隆背, 排泄系統強好難傷紅腿既肝.  加上你照咁強既UVB燈, 如果平時一星期餵一次軟體動物(補D3&鈣質), 龜殼將會大得好快及健康.

作者: Hata 時間: 2011-11-24 14:29

Johannchan 發表於 2011-11-24 14:14
紅腿係南美雜食雨林龜, 我覺得唔可以同非洲龜一概而論. 紅腿要高濕氣, 又成日飲水, 又成日疴尿, 所以唔使 ...

完全同意!!!
唔一定要吃菜!!!!

作者: Hata 時間: 2011-11-24 14:31

烏龜的發表於 2011-11-24 13:01
貪方便......不如唔好養
比一個建議你:
隔日餵龜食物應以野草/菜為主(我唔太清楚紅腿食D咩)

不是貪方便,只是每個人喂食唔同

作者: ericboy 時間: 2011-11-24 14:35

Hata 發表於 2011-11-24 14:29
完全同意!!!
唔一定要吃菜!!!!

作為一個有責任心既好主人, 絕對唔應該因為貪方便日日餵龜糧比2隻紅腿食, 紅腿算係雜食, 不過肯定唔食肉食, 高蛋白既龜糧食得多對佢一肯有害, 唔餵菜不如養水龜算啦...

作者: 烏龜的 時間: 2011-11-24 14:36

Hata 發表於 2011-11-24 14:31
不是貪方便,只是每個人喂食唔同

紅腿係南美雜食雨林龜, 我覺得唔可以同非洲龜一概而論.  紅腿要高濕氣, 又成日飲水, 又成日疴尿, 所以唔使煩咩酸啊、膀胱石啊、隆背起釘、維他命過多症、缺鈣、高濕氣呼吸道疾病..等等問題, 所以紅腿勁易養, 最緊要濕氣夠 + 食雜佢, 咩都唔使加, 唔使補.

我覺得如果你D紅腿食糧都OK, 糧有齊所以營養、D3、鈣、正確鈣磷比、維他命、礦物質、益生菌..等等, 你加BAC & 維他命基本上係多餘.  或者學waiman師兄話齋, 每日撒少少BAC粉末落糧上面都OK, 係極少好似塵咁少.

間中加下菜、水果、甚至面包蟲都OK.(間中相信唔係指一星期一餐)

紅腿食野上可以食高蛋白雜食, 鈣磷比要求唔高, 加上成日在高濕氣環境下, 水合作用強--令紅腿好難隆背, 排泄系統強好難傷紅腿既肝.  加上你照咁強既UVB燈, 如果平時一星期餵一次軟體動物補D3, 龜殼將會大得好快及健康.

作者: 烏龜的 時間: 2011-11-24 14:39

Hata 發表於 2011-11-24 14:31
不是貪方便,只是每個人喂食唔同

難隆背唔代表唔會
http://hkturtle.org/forum.php?mod=viewthread&tid=20710

作者: 烏龜的 時間: 2011-11-24 14:39

ericboy 發表於 2011-11-24 14:35
作為一個有責任心既好主人, 絕對唔應該因為貪方便日日餵龜糧比2隻紅腿食, 紅腿算係雜食, 不過肯定唔食肉 ...

師兄我新手一名又做左一個多事既衰人了...
小人告退

作者: ericboy 時間: 2011-11-24 14:43

烏龜的發表於 2011-11-24 14:39
師兄我新手一名又做左一個多事既衰人了...
小人告退

我buy你既見解喎...

作者: MichaelL 時間: 2011-11-24 14:48
本帖最後由 MichaelL 於 2011-11-24 14:49 編輯

紅腿是會食肉的

, 我都見過有ching 喂乳鼠, 不過係成體而且係一年一次
學名： Geochelonecarbonaria
英文名 : Red-footed tortoise
中文名：紅腿象龜
食性：以青草，多肉植物果實及動物死屍為食。
分布：南美洲（巴拿馬，哥倫比亞，委內瑞拉至巴拉圭，巴西，阿根廷）。
形態特征：一般成體大小介於25~35公分。黑色背甲，甲片的中央部分為黃色，背甲中央部分呈葫蘆腰,尤以雄性成龜更為顯著，四肢鱗片呈鮮紅色。
生活習性 : 棲息於熱帶濕草原或多濕森林。
適應溫度 : 20℃~30℃
適應溼度 : 60%~80%
保育等級： CITES Appendix II

作者: ericboy 時間: 2011-11-24 15:02
"陸龜全紀錄"一書教大家點餵紅腿

作者: 烏龜的 時間: 2011-11-24 15:07
本帖最後由烏龜的於 2011-11-24 15:07 編輯

見咁多人POST我又POST先~

作者: ericboy 時間: 2011-11-24 15:08

烏龜的發表於 2011-11-24 15:07
見咁多人POST我又POST先~

你呢本書叫咩名?

作者: 烏龜的 時間: 2011-11-24 15:11

ericboy 發表於 2011-11-24 15:08
你呢本書叫咩名?

烏龜的飼養方法 XD!!!!!!!(係真名三聯/商務有得買)
係日本書台灣譯架!

作者: Hata 時間: 2011-11-24 16:08

ericboy 發表於 2011-11-24 14:35
作為一個有責任心既好主人, 絕對唔應該因為貪方便日日餵龜糧比2隻紅腿食, 紅腿算係雜食, 不過肯定唔食肉 ...

我喂糧唔代表無責任心的主人,你咁很有責任心你不如做個天然人工環景比你啲龜嗱白痴

作者: Hata 時間: 2011-11-24 16:12
書我都有嗱食糧定食菜自已定點解要人跟你個套

我有我的方法養,你有你的

作者: re5075 時間: 2011-11-24 16:44

烏龜的發表於 2011-11-24 15:07
見咁多人POST我又POST先~

想問下幾$本

想買

作者: ericboy 時間: 2011-11-24 16:45

Hata 發表於 2011-11-24 16:08
我喂糧唔代表無責任心的主人,你咁很有責任心你不如做個天然人工環景比你啲龜嗱白痴 ...

你只係識講粗口同鬧人係冇用既!
人地比意見你, 你可以唔聽, 2隻龜係你既, 你鐘意比咩佢食都得, 話之你比朱古力同薯片佢地食丫, 不過登佢地好可憐咁解囉, 天才!

作者: 烏龜的 時間: 2011-11-24 16:46

re5075 發表於 2011-11-24 16:44
想問下幾$本想買

120以下~呢本pro唔哂但足夠新手學基本嘢！

作者: re5075 時間: 2011-11-24 16:48

烏龜的發表於 2011-11-24 16:46
120以下~呢本pro唔哂但足夠新手學基本嘢！

咁有咩書好介紹?

作者: 烏龜的 時間: 2011-11-24 16:52
兩位算啦~交流嘛
師兄我地都只係比意見你參考下
唔洗太激動~
因為驚有時接收錯左啲錯唔訊息
最後害左龜龜~提醒一下你而已
既然師兄有自己一套養法以後大家又多個參考~

請咁多位師兄唔好再評論只係單純地欣賞好了:)

作者: Johannchan 時間: 2011-11-24 16:57
全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)
2.濕度唔夠 (缺乏水合作用)
3.UVB不足,因此D3不夠 (無法激活腸內的吸鈣能力)

你去外國論壇問下, 基本上D人一致咁答你, 曬多D太陽同提高濕度就可以防止隆背!

高蛋白可以令龜背高身, 呢個已經唔係商業秘密, 龜糧中含高蛋白, 主要係因為龜糧含大量豆殼及麥殼皮 - 豐富的植物蛋白, 食齋既人主要靠黃豆及麥芽吸取植物蛋白來代替動物蛋白, 我阿哥阿嫂係食齋既.

M字糧都係放豆殼及麥殼皮(soya bean hull, wheat middling), M字糧大家用過都知係會令龜龜重得好快, (其實得18%粗蛋白,冇記錯陸龜唔能夠超25%), 但全球動物園及全球最多人都係用M字糧, 證明龜糧既蛋白比例係OK既. 有D龜糧,好似波蘭Tropical牌陸龜甚至加入軟體動物及魚肉去增加蛋白.

如果你個UVB燈好廢, 平時又曬唔倒太陽, 可以間中食下: 軟體動物、面包蟲、波蘭糧、或動物肝臟 - 動物肝臟含豐富D3, 可以令龜腸在唔夠UVB情況下迅速補D3!!! 咁就高蛋白都唔驚隆背啦.

作者: 烏龜的 時間: 2011-11-24 17:19

Johannchan 發表於 2011-11-24 16:57
全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)

恕我直言點解你隻亞達.....
師兄對唔住呀！

作者: Johannchan 時間: 2011-11-24 17:35
本帖最後由 Johannchan 於 2011-11-24 17:36 編輯

烏龜的發表於 2011-11-24 17:19
恕我直言點解你隻亞達.....
師兄對唔住呀！

返黎已經係咁, 依家新既紋開始平滑, 海島龜要濕, 我日日浸暖水, 平時放盤水, 佢都日日自己去浸水.

我返黎後問過好多外國人, 佢地就係話要 "濕 + 太陽" !

作者: Johannchan 時間: 2011-11-24 18:43
本帖最後由 Johannchan 於 2011-11-24 19:14 編輯

回復烏龜的的帖子

你地話人地樓主食糧唔岩, 係害左佢D龜, 係個不負責任既主人, 但係你睇完香港最出名既爬醫余醫生, 余醫生都係咁同你親口講 "9成糧都可以".... 點解你又會用相反既野去串人呢? 真係令人費解... 唔通係學左長毛既為反而反?

"2011-7-27 18:15 烏龜的帖子: http://www.hkturtle.org/forum.php?mod=viewthread&tid=6261

原來余醫生自己餵龜龜係真係餵菜!!!!!!!!!!!
佢話佢多數街市咩平就買咩餵多數都係油墨菜白菜仔菜心之類!
但余醫生唔係全菜而係3成菜 7成糧!!其實1成菜 9成糧都可以
佢話zoomed草粒同mazuri呢兩隻係幾好~都係草既成份較多!
但之後佢覺得呢兩隻糧太貴佢話就轉餵兔仔糧(佢話係oxbow 係i love rabbit有得賣不過我冇詳細問如果大家買得起zoomed同mazuri都係用返呢兩隻啦)
總之就多d比草龜龜食就可以!"

我覺得反而好多菜既磷太高, 纖維太低, 反而就算樓主比100%糧都好過食菜!!! 磷已知係引致隆背最大殺手!! 所以糧入面從來唔加菜!!

作者: Johannchan 時間: 2011-11-24 19:00
本帖最後由 Johannchan 於 2011-11-24 23:14 編輯

回復烏龜的的帖子

而樓主個食物清單有比菜wor............

"每日餐單:
星期一: Zeptic糧加益生菌
星期二: Komodo糧糧加益生菌
星期三: Zeptic糧加益生菌
星期四: Komodo糧糧加益生菌
星期五: Zeptic糧加益生菌
星期六: Komodo糧糧加鈣粉
星期日: 油墨菜加komodo素食維他命粉"

0.5 日菜 : 6.5 日糧 = 7% 菜, 93%糧 - 正好係 Dr.Yu 既 : "其實1成菜 9成糧都可以"

咁樓主其實應該係個模範主人至岩!!!!!

唔通你想暗示人地係個不負責任既醫生? 定係你既post http://www.hkturtle.org/forum.php?mod=viewthread&tid=6261 係個膠post?

作者: Hata 時間: 2011-11-24 19:36

Johannchan 發表於 2011-11-24 16:57
全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)

多謝johannchan share心好有用的知料.
ericboy 學下人嗱

作者: 烏龜的 時間: 2011-11-24 22:26

Johannchan 發表於 2011-11-24 19:00
回復烏龜的的帖子

而樓主個食物清單有比菜wor............

首先我冇話過佢日日食糧唔岩LOR= =師兄...
我一直話佢日日BAC唔太得維他命唔需要
(如果你睇返希望你道歉餐單一早講左不予置評)
再者我數學比較差唔知你咁計岩唔岩
但余醫生所講3:7 較好 1:9都得但你只著重於1:9 咁......我已冇說話好講啦...
仲有 1:9比例應該係每餐黎睇我諗食7餐"1"比例既菜都會多過你所謂既0.5日掛@@?
(不過我真心數學差.....我認)
加上呢個係方便飼養者既餵法JA LOR 係咪最好餵法我好似冇評論過...
一直強調多元化餵食而小弟都係行呢一套只於其他師兄...
選擇權係人地到食幾多餵D咩都係飼主話事啦所有野都係只供參考

以偏概全係一個相當大既謬誤希望師兄真係慎言(請恕我無禮)
因為你既一言有機會影響他人名聲亦如果係因為師兄你歪曲左一D事實而影響到余醫生
咁真係唔知搵唔搵你負責好?
我一早都有講過我/師兄出聲對我地D龜龜冇好處
講左比樓主聽我D龜又唔會靚左
我唔明點解師兄話我為反而反.......?究竟為反而反既人係我定係......算啦呢個唔係重點
我反而唔明點解師兄你要出呢個POST回我而目的係執著於"誰對誰錯"
如果係我錯我唯有用返樓主既一句說話:點解要人跟你個套?我有我的方法養你有你的

師兄希望你能息怒原諒我有話直說....

作者: hyy 時間: 2011-11-24 22:42
其實大家都係為龜好...平心靜氣...

作者: Hata 時間: 2011-11-25 13:03

hyy 發表於 2011-11-24 22:42
其實大家都係為龜好...平心靜氣...

只怕有啲人山板衝炮艇唔識又要扮pro又好似小學雞咁話人講粗口同鬧人.

歡迎光臨香港龜友論壇 (https://hkturtle.org/)