香港龜友論壇

標題: 養多個一隻陸龜既龜友們請進 [打印本頁]

作者: ericboy 時間: 2011-12-21 12:34
標題: 養多個一隻陸龜既龜友們請進
本帖最後由 ericboy 於 2011-12-21 12:37 編輯

香港地好容易買到陸龜, 星, 豹, 盾, 紅腿, 阿達成個旺角都係, 不過香港地少人多, 好多人都係住幾百尺既樓, 有時人都唔夠住, 仲點養得落一d大型陸龜? 陸龜bb細細隻真係好得意, 買返去養係個箱到養2,3年已經不能是箱中物了, 如果一養養幾隻真係唔知點算??? 豹同盾好多人養, 但佢地同時係世界8大陸龜之中其中2大, 其實有幾多人買龜前真係會好好諗下日後d龜隻隻都變晒巨物時點打算? 如果你住大屋, 有大天台大花園另計, 我真好想大家討論下呢個topic (希望呢個post只係大家互相討論分享, 唔會有分化同駡戰發生)

作者: zero322 時間: 2011-12-21 12:43
回復 ericboy 的帖子

我冇花園但有至少1米面積可以放佢地

作者: ericboy 時間: 2011-12-21 12:48

zero322 發表於 2011-12-21 12:43
回復 ericboy 的帖子

我冇花園但有至少1米面積可以放佢地

c兄, 你養咩陸龜? 養左幾多隻呀?

作者: zero322 時間: 2011-12-21 12:50
回復 ericboy 的帖子

我簽名有.......

作者: 工友 時間: 2011-12-21 12:51
回復 ericboy 的帖子

我同意eric兄講法!
一隻成體盾都已經2呎長'大慨' 要比幾多空間佢先夠!
有好多c兄 or c姐都喜歡玩'集郵' 要集齊一套>>>星,豹,盾,達!!
當佢地變晒成體果時大過一張6人飯枱

真係少d地方都唔掂.
個人覺得買之前都知道寵物的資料,係咪自己能力以內做到,冇地方又想養咪養隻最大10吋8吋大既龜種

作者: 你阿妹 時間: 2011-12-21 13:17
所以我只買1隻,而且是小型的
不過友人的豹很大隻,在家中自由行,d屎好像人的那麼大,,

養前真的要想清楚

作者: MichaelL 時間: 2011-12-21 13:49
呢個都係好好既推動力, 要搵多多錢換大屋

作者: bobo 時間: 2011-12-21 15:15

MichaelL 發表於 2011-12-21 13:49
呢個都係好好既推動力, 要搵多多錢換大屋

十分同意!!

作者: bobo 時間: 2011-12-21 15:16
一定要努力賺錢, 到不夠空間住就搬大屋!

作者: ericboy 時間: 2011-12-21 15:50

你阿妹發表於 2011-12-21 13:17
所以我只買1隻,而且是小型的
不過友人的豹很大隻,在家中自由行,d屎好像人的那麼大,,
養前真的要想清楚 ...

其實陸龜唔可以當貓狗咁養, 佢地唔識自己去固定廁所, 係間屋度周圍走真係要成日同佢地執屎抺尿, 有時仲會痾完周圍踩

作者: ericboy 時間: 2011-12-21 15:55

工友發表於 2011-12-21 12:51
回復 ericboy 的帖子

我同意eric兄講法!

冇錯! 好多人養龜變"集郵", 其實已經有少少走火入魔
當龜大左先發覺自己買到成屋都係龜, 隻隻大大隻想養又唔係, 想比人又唔捨得

曾經有1次經過一間爬蟲店, 聽到3個人在傾計, 佢地話養左龜半年度, 大家要鬥多龜, 其中一個話自己在一年內已經養左超過50隻龜, 唉...

作者: iamnero 時間: 2011-12-21 16:39
我個人認為豹、盾都是不適合在香港狹窄的室內環境里養的陸龜。這兩種陸龜都是沙漠型陸龜，對陽光和空間的需要極大。一隻在野外的龜，每天所行走的路程，是任何室內環境都無法提供的，陽光中的紫外線、光譜、色溫、CRI，都不是任何人造燈泡能夠模仿的。因此國外對於箱養陸龜的做法是相當反對的。另外，盾臂龜強壯好動，在空間不足時有機會毀壞傢具物件。一言以蔽之：陽光與空間是沙漠型陸龜的生命力所在，剝奪了這兩樣，與虐龜無異。

作者: ericboy 時間: 2011-12-21 17:24

iamnero 發表於 2011-12-21 16:39
我個人認為豹、盾都是不適合在香港狹窄的室內環境里養的陸龜。這兩種陸龜都是沙漠型陸龜，對陽光和空間的需 ...

絕對認同c兄你既見解!
但奈何呢2種龜係香港卻是最易買到同最多人養既品種, 價錢又大眾化, 真係好諷刺.
我覺得另一種唔適合在香港養既龜係阿達, 成體巨型無比, 嚴格黎講根本唔適合做寵物, 如果有病要同佢去睇獸醫都唔知點帶佢去, 幾百磅要用起重機先拖得郁, 有時係魚街見到d大隻阿達困係個細細既箱入面想企高身都唔得, 好可憐...

作者: THE-O 時間: 2011-12-21 17:41
除了陸龜, 其實鱷龜都不適合飼養做寵物, 牠們性格兇猛, 又大隻, 新聞都有講有主人比鱷龜咬傷送醫院, 唔明點解咁多人鍾意養鱷龜

作者: iamnero 時間: 2011-12-21 17:49
>但奈何呢2種龜係香港卻是最易買到同最多人養既品種, 價錢又大眾化, 真係好諷刺.
星、豹、盾這三種龜的幼苗大量在市面出售的原因可通過經濟學的角度略窺一二：假設每種龜的繁殖和銷售成本以及盈利相同，以及商人是以利益最大化為唯一目的。
那麼賣哪種龜經濟效益最好呢？自然是能讓顧客越買越多的龜。但相當一部份客人如果買到岩心水的龜與合適的器材，就不會再光顧。
那如何是好？那就只有易病、易死的龜（星龜結石&染病、豹龜腸胃、盾臂結石&MBD；以及越細隻越好的幼體，雖然價錢平好多，但轉移了相當大的風險比飼主）會令商家得到更多的忠實顧客——龜死左，買多隻再接再厲；龜病左，添置器材藥品做個負責的飼主。（至於商家聲稱某品種易養，是入門必選，我表示懷疑。）
於是造成惡性循環：買龜——死龜——對該品種的需求反而上升——死得更多——……

以上純屬個人以學術的態度所做的思考，“商人以利益最大化為唯一目的”是經濟學中所應用的重要前提，只是針對現象，無褒無貶，亦無意指責任何商家或飼主。想插請自便，我唔痛。
多謝樓主。

作者: iamnero 時間: 2011-12-21 17:55

ericboy 發表於 2011-12-21 15:50
其實陸龜唔可以當貓狗咁養, 佢地唔識自己去固定廁所, 係間屋度周圍走真係要成日同佢地執屎抺尿, 有時仲會 ...

插句題外話……有個朋友隻盾臂真系識得自己搵廁所，次次排便排酸都會行入廁所，唯一一次系廁所外解決，系因為個主人關左廁所門，隻盾仲推門推左好耐……

作者: 你阿妹 時間: 2011-12-21 19:26
回復 ericboy 的帖子

係呀~佢有個唔使返工的媽媽汁手尾 = ="

作者: 你阿妹 時間: 2011-12-21 19:27
回復 iamnero 的帖子

問下你朋友點訓練出黎的

作者: iamnero 時間: 2011-12-21 19:44

你阿妹發表於 2011-12-21 19:27
回復 iamnero 的帖子

問下你朋友點訓練出黎的

無師自通……唔知吹水成份有幾多……

作者: 你阿妹 時間: 2011-12-21 20:03
回復 iamnero 的帖子

龜係有靈性,不過屙屎就冇得傾

作者: iamnero 時間: 2011-12-21 20:29

你阿妹發表於 2011-12-21 20:03
回復 iamnero 的帖子

龜係有靈性,不過屙屎就冇得傾

龜既“靈性”我就持少少懷疑態度啦……好多神話同傳說中都有龜的形象，不過，現實世界中距地畢竟只系爬蟲類……

作者: 你阿妹 時間: 2011-12-21 20:42
回復 iamnero 的帖子

他的龜食日在食飯時爬去爸爸身邊坐底

作者: iamnero 時間: 2011-12-21 20:51

你阿妹發表於 2011-12-21 20:42
回復 iamnero 的帖子

他的龜食日在食飯時爬去爸爸身邊坐底

甘可能系因為個位比較暗/比較暖/比較有安全感呢

作者: 你阿妹 時間: 2011-12-21 21:02
回復 iamnero 的帖子

可能係掛,似車房

作者: ericboy 時間: 2011-12-21 22:11
乜呢個forum得咁少人養多過一隻陸龜架?

定係大家都唔知將來d龜大左點算呢?

作者: SiuKwan 時間: 2011-12-22 00:30
本帖最後由 SiuKwan 於 2011-12-22 00:37 編輯

haha,,, 養多過1隻的 -/\-到時大左.. 可以放係出面露台,,
不過相信如果隻隻都可以養到大大隻..
1定要搬嚕

作者: Johannchan 時間: 2011-12-22 01:08

MichaelL 發表於 2011-12-21 13:49
呢個都係好好既推動力, 要搵多多錢換大屋

十分同意!! 讚!! 有動力才有進步, 好過做廢青 ;)

作者: tetsuro 時間: 2011-12-22 02:48

iamnero 發表於 2011-12-21 16:39
我個人認為豹、盾都是不適合在香港狹窄的室內環境里養的陸龜。這兩種陸龜都是沙漠型陸龜，對陽光和空間的需 ...

同意同意

作者: Johannchan 時間: 2011-12-22 14:51
本帖最後由 Johannchan 於 2011-12-22 15:09 編輯

我養亞達的感想:

一直被亞達深深吸引住, 可能同我細個時就被大大隻的海龜吸引住有關吧?  當時跟父母去澳洲Cairns的大堡礁游泳, 經常有大海龜在我身邊或腳底游過, 很有善, 仲讓你摸佢.  但養海龜係犯法, 也沒有一個大游泳池(灌海水)比佢住, 養海龜係冇可能架喇.  亞達就給我養不了海龜的滿足!  亞達那粗粗而又肥大的手臂, 簡直迷死人, 由於亞達身型龐大, 一出世就好似一個網球一般大小, 所以亞達不需要在有手臂上長滿了刺, 而亞達圓圓滑滑的手臂是向後捲的, 形態如同海龜一樣!!! 手指甲很小, 微微突出, 我懷疑亞達可能是遠古時海龜游到東非海島然後上岸進化而成的.  (又或者海龜係由亞達進化的?)

亞達的甲殼實而不華, 遠看或浸了水, 它的顏色是深黑的, 但平時係寶藍色的, 新的生長紋係’犀牛角’色.  亞達頸很長, 非常癡人, 經常會申出頸讓人撫摸它的頸及喉嚨, 跟貓咪一樣, 試問有哪種龜中意人日日撫摸頸部咁嗲?

亞達好大食, 因為它想要盡快令自己變大, 成為海島上的霸主.  就係它那為食的性格, 主人可以用手餵食, 產生了互動, 培養感情.

亞達係二級龜, 非洲海島上仍有10萬隻, 所以暫時仲係CITES二級, 養定後我會幫佢申請正式的管有證.  雖然安哥和輻射都很漂亮, 特別係輻射的圓背及它的傻傻的龜頭(我對花紋並不感興趣), 我也很想養, 比起達並不貴, 但它們都係一級保護品種, 養了後平時又不能帶出街行走或曬太陽或社交, 要做個香港的黑市居民, 唔見得光, 唔好彩被魚記捉左, 一定玩完, 要同心愛的龜講byebye, 得閒去屯門探你. (因為好似一級龜就算CB二級都要由CITES養殖場出證明?)

很多養達的師兄講的好岩, 玩亞達基本上係玩size, 所以我不會限制它的食量, 亞達雖然會很大, 但我只養一隻達(&一盾一豹), 我家雖住市區,但仍有1000尺, 有個大大的廳供佢將來活動, 樓下有個大屋村公園, 由於佢有證, 管理員不理, 也不會被魚記收龜!  將來等佢大左, 我會買HOUSE住的, 因為厭倦了城市的生活及空氣, 希望搵多幾年錢之後住郊區或移民去歐洲.  到時幫達仔搵多幾個老婆生返多D 達BB自己養或賣.

其實大家養寵物都係出於自私的行為, 如果係為左龜著想, 跟本就唔應該養, 應該讓它們在自然界生活.  但不要忘記, 如果唔係全球咁多人養龜, 很多龜也都不會出世、或被繁殖…. 食色性也, 動物界除左搵食、食野、就係繁殖... 如果我地提供了食物, 佢地就無須日日長途跋涉地去搵食, 食飽後除左睡覺就係交配繁殖.  平時主人帶佢地散散步,、曬太陽、撫摸下、嗲下, 也算盡了責任.  不要想得太多了.

歡迎光臨香港龜友論壇 (https://hkturtle.org/)