香港龜友論壇

標題: 控制生長紋的經驗 [打印本頁]

---

作者: waiman    時間: 2012-2-19 14:59
標題: 控制生長紋的經驗
發覺在這方面 "詳細" 經驗的文很少, 比如假設食物, 濕度與UVB已完全正確充足之下, 怎判定龜多胖才最佳? 看到開始爆生長紋了, 此時要怎控制食量? 要增或減食量? 當看到新的生長紋, 已長到有多寬之時, 需要減食量? 或要保持食量? 等等.

謝謝.

---

作者: anthonywoo    時間: 2012-2-19 15:06
我的龜都唔識大，放定凳仔學嘢先。
以為師兄有料爆。

---

作者: KPS    時間: 2012-2-19 15:41
濕度都好緊要, 如濕度高, 生長紋會平均D

---

作者: waiman    時間: 2012-2-19 15:49

anthonywoo 發表於 2012-2-19 02:06
我的龜都唔識大，放定凳仔學嘢先。
以為師兄有料爆。

我正在全球到處收集高手既資料啊, 到處學習各師的各法, 然後比對, 找出共點, 再選出適合自己的. 目前已收集到不少共點精華, 但還要再收集, 越多越好.  

---

作者: waiman    時間: 2012-2-19 15:58


回復 waiman 的帖子

有請呢幾位, 比D經驗意見啦:   

龜痴
Norrishill
Tony_Chu
windleaves

---

作者: ivansze    時間: 2012-2-19 16:14
我都想知呀，有冇師兄可以分享吓？

---

作者: skclan    時間: 2012-2-19 16:18
入黎學野

---

作者: Fatal_Paladin    時間: 2012-2-19 16:55
留名學野

---

作者: raychan1990    時間: 2012-2-19 16:59
我隻盾10cm已經起左小小釘, 留名學野

---

作者: Fatal_Paladin    時間: 2012-2-19 17:12

raychan1990 發表於 2012-2-19 16:59
我隻盾10cm已經起左小小釘, 留名學野

(識少少扮代表mode)

起釘除左因為陽光不足外, 好多時係餵食量過多或蛋白質過高,

因為大部份陸龜都係機會主義者, 你餵幾多, 佢食得落都食咁多, 眼見大部份人飼養陸龜,
都係食到好飽好飽, 所以咁既情況下, 就算放養都有機會隆背。

例如盾臂咁, 係非洲生活, 胃部既生理機能已經演化成進食極低營養及長期不進食都冇問題, 依然可以大得咁快咁壯, 所以係我地飼養環境中, 餵食營養過高既食物, 反而可能係有害, 例如隆背。

所以除左食物上既選擇, 份量都係好重要, 我個人主觀地覺得寧願隻龜龜餓住咁生活, 都好過食飽就訓。

一來肌餓既陸龜會有意識地搵野食, 多運動, 長期食飽就訓點樣理解都覺得唔健康。

二來食得過多, 有機過多營養, 有機會過多水份, 有機會過多草酸等等...



好多野都係個人見解, 如有錯希望有師兄糾正。

---

作者: 小豹    時間: 2012-2-19 17:44
姐未到80唔俾飽飯你食

---

作者: boom76    時間: 2012-2-19 18:15

raychan1990 發表於 2012-2-19 16:59
我隻盾10cm已經起左小小釘, 留名學野

請問餵開乜野比龜食？？同幾耐餵一餐呢？？

---

作者: dereklambchop    時間: 2012-2-19 18:51
等師兄師姐出手！

---

作者: raychan1990    時間: 2012-2-19 21:03

boom76 發表於 2012-2-19 18:15
請問餵開乜野比龜食？？同幾耐餵一餐呢？？

主喂zoomed草粒糧, 副彩色糧
間唔中喂下油墨菜

---

作者: zero322    時間: 2012-2-19 21:08
我而家轉哂全餵草 有時加糧
有太陽又熱就沖落去曬

---

作者: 烏龜的    時間: 2012-2-19 22:14

raychan1990 發表於 2012-2-19 21:03
主喂zoomed草粒糧, 副彩色糧
間唔中喂下油墨菜

彩色糧!堅野!
我係新手 都想學野!

---

作者: 小豹    時間: 2012-2-19 22:23
水果糧唔好食咁多，好易起釘

---

作者: raychan1990    時間: 2012-2-19 23:35
回復 烏龜的 的帖子

2,3日先一次水果糧

---

作者: garylee825    時間: 2012-2-19 23:52
我都想知係咩黎.....
我隻龜24小時都有牧草食  2-3 日加乾糧    or  3-4日  先有菜食  (有時可能成個星期先一次)

養左1年多.....都大得過少少...聽說是好事   太快會起釘

睇相去:http://s1267.photobucket.com/alb ... urrent=IMG_0913.jpg

---

作者: 小豹    時間: 2012-2-19 23:54
放長糧好似唔好

---

作者: garylee825    時間: 2012-2-19 23:55
牧草唔怕o瓜.......係啦..有冇人可以教我點改一改張相既大少???
用iphone 影太多放唔到~!!!

用photobucket  我覺得好煩麻

---

作者: ah林-3-    時間: 2012-2-20 09:11

小豹 發表於 2012-2-19 22:23
水果糧唔好食咁多，好易起釘

我而家都喂小左好多水果糧;
而家我幾日就喂一次m字糧,0k嗎?

---

作者: ah林-3-    時間: 2012-2-20 09:11
留位等學野`

---

作者: 小豹    時間: 2012-2-20 09:42

ah林-3- 發表於 2012-2-20 09:11
我而家都喂小左好多水果糧;
而家我幾日就喂一次m字糧,0k嗎?

我日日俾M糧@@

---

作者: ah林-3-    時間: 2012-2-20 10:53

小豹 發表於 2012-2-20 09:42
我日日俾M糧@@

@)@咁你大約會比幾多粒架``我一次比2粒左右~`
同埋會吾會食食下會肥好多``

---

作者: 小豹    時間: 2012-2-20 11:10
2粒，我隻豹食極都唔長肉，隻R就食好多，要開始控制啦

---

作者: enter2342003    時間: 2012-2-20 11:32
回復 Fatal_Paladin 的帖子

餓既陸龜會有意識地搵野食, 多運動, 長期食飽就訓點樣理解都覺得唔健康。

好有道理!!!!今晚開始餓下隻大食龜先

---

作者: klho    時間: 2012-2-20 13:15

waiman 發表於 2012-2-19 14:59
發覺在這方面 "詳細" 經驗的文很少, 比如假設食物, 濕度與UVB已完全正確充足之下, 怎判定龜多胖才最佳? 看 ...

waiman兄,其實你提出這問題真是一個大學問,可能沒有一個標準的答案,因為我們養龜的資識比養其他動物的時間短,如貓狗等,所以大部份人都是邊養邊學的心態,而我的養龜見解就以養人的心態去看待,以兩隻龜在環境完全一樣的情況下,同樣份量食物下生長也會有快慢之分的,我覺得這就是自身吸收的問題所在,我相信這就是人類這幾十年來所說遺傳因子所影響而令到生長有快慢之分,希望有其他c兄多給一些意見吧!

---

作者: season888hk    時間: 2012-2-20 19:06


日日M糧會勁爆生長紋 ,本來痴甲都爆開,m糧一食開連菜都唔食

393991_10150679248201079_779006078_10900685_829890594_n.jpg (74.39 KB, 下載次數: 138)

下載附件  保存到相冊

2012-2-20 19:05 上傳

---

作者: toobegood    時間: 2012-2-20 23:02

season888hk 發表於 2012-2-20 19:06
日日M糧會勁爆生長紋 ,本來痴甲都爆開,m糧一食開連菜都唔食

搭單一問:  生長紋點既樣，生在邊處? Thanks

---

作者: season888hk    時間: 2012-2-20 23:50

toobegood 發表於 2012-2-20 23:02
搭單一問:  生長紋點既樣，生在邊處? Thanks

甲與甲之間生出新紋會淺色d

---

作者: toobegood    時間: 2012-2-21 00:43

season888hk 發表於 2012-2-20 23:50
甲與甲之間生出新紋會淺色d

謝謝

---

作者: waiman    時間: 2012-2-21 08:08

toobegood 發表於 2012-2-20 10:02
搭單一問:  生長紋點既樣，生在邊處? Thanks

佢呢條就係新生出既生長紋, 對一D非常嚴格既高手黎講, 從呢條新生長紋睇黎, 佢最近已比龜食過左度啦, 因此呢條紋既寬度, 比其它紋寬闊好多而不平均.


D嚴格既高手, 佢地可控制每條生長紋既寬度, 高度, 和控能制選高度的頂端是圓滑的, 或偏平的, 以及細密平滑的柔順過度, 如下:


他們的秘訣共點, 在於能以溫度, 水份和食物, 去有把握的可控制, 要龜長大, 長紋, 或只增体重而不長大不長紋.

---

作者: garylee825    時間: 2012-2-21 14:45

waiman 發表於 2012-2-21 08:08
佢呢條就係新生出既生長紋, 對一D非常嚴格既高手黎講, 從呢條新生長紋睇黎, 佢最近已比龜食過左度啦, 因 ...

http://m1267.photobucket.com/alb ... G_0913.jpg.html?o=3
Ching!  請幫忙睇睇我呢隻！正唔正常？健唔健康？

---

作者: waiman    時間: 2012-2-21 15:33

garylee825 發表於 2012-2-21 01:45
http://m1267.photobucket.com/albumview/albums/garylee825/IMG_0913.jpg.html?o=3
Ching!  請幫忙睇睇 ...

我唔係高手, 我係新手正向高手們學習緊炸.

---

作者: waiman    時間: 2012-2-21 16:20

garylee825 發表於 2012-2-21 01:45
http://m1267.photobucket.com/albumview/albums/garylee825/IMG_0913.jpg.html?o=3
Ching!  請幫忙睇睇 ...

圖片太細啦.

---

作者: garylee825    時間: 2012-2-21 18:26
今晚回家影個大既比你

---

作者: garylee825    時間: 2012-2-21 23:09


邊條係生長紋??正唔正常??

hihi.jpg (118.19 KB, 下載次數: 144)

下載附件  保存到相冊

2012-2-21 23:45 上傳

hihi2.jpg (94.59 KB, 下載次數: 142)

下載附件  保存到相冊

2012-2-21 23:47 上傳

---

作者: waiman    時間: 2012-2-22 06:02

garylee825 發表於 2012-2-21 10:09
邊條係生長紋??正唔正常??

果D一條條紋, 好似樹齡咁, 咪係生長紋Lo.
而新既生長紋會係白色過果係度, 一層層生長出黎, 如果隻龜長期飲食均衡, D紋就一層層, 大致寬度均等, 如果有段時間食過量, 咁就有一道紋比較寬, 如果有段時間營食不足, 或食量過小, 或因病, 咁就有一道紋比較窄, 如果有陣時型營養急增, 加上水份不足, 就會線條變形, 甚至隆起.

你隻龜有線條變形(圖片唔清), 有隆起, 要加強濕度.

---

作者: waiman    時間: 2012-2-22 06:21

waiman 發表於 2012-2-19 02:58
回復 waiman 的帖子

有請呢幾位, 比D經驗意見啦:   

龜痴
Norrishill
Tony_Chu
windleaves

大佬, 比D意見啦.

---

作者: garylee825    時間: 2012-2-22 12:42

waiman 發表於 2012-2-22 06:02
果D一條條紋, 好似樹齡咁, 咪係生長紋Lo.
而新既生長紋會係白色過果係度, 一層層生長出黎, 如果隻龜長期 ...

呢樣野有點難加強喎.....我24小時有水盤就係怕太乾....我依家試下換細少少W數既燈先...
用緊75W  換個40W先

---

作者: windleaves    時間: 2012-2-22 14:49
N個師兄師姐或whatsapp 或pm 或sms 話我知燈神師兄召我，驚到我呀。。。。
承蒙師兄高看，但我。。。我真係新手黎嘎。。。呢d高深問題邊度識。。。
搬凳子坐定定學野先～～

---

作者: Tony_Chu    時間: 2012-2-22 14:59


Waiman 師兄, 呢個topic 係最最最敏感的, 好具爭議性, like opening a can of worms, 外國人為呢個topic嘈左好耐, 華人都係咁, 而日本人就好似唔多介意隆背問題.  因為科學家對呢方面知識了解唔多, 地球上好似只有龜係 甲(keratin)同骨(bone)一齊生的動物.  好少科學家用長時間對龜做研究, 市面上好似只有Tortoise Trust及德國的研究報告.

我認為Tortoise Trust 的Pyramiding 報告最可信, 也好中立.

以下純粹係我自己個人綜合左好多資料後,推測的, 有錯請指正, 歡迎批評:

-  龜甲殼主要由兩樣野組成: 甲 & 骨

-  甲 & 骨 之間係血管膜 (提供養份)

-  甲係由 Keratin (角質)、beta-Keratin(硬化角質物)、少量硫磺(硬化原) 組成

-  硫磺的多與少決定左角質的硬度! 所以我地燒牛皮、龜甲、頭髮都會好臭, 因為含硫磺!!!!

-  Keratin (角質)、beta-Keratin(硬化角質物) 都係由 Gelatin(動物膠) 或 Collagen(膠原質) 組成

- 食肉的龜好容易由肉類中吸收Gelatin(動物膠)!

- 食草的陸龜就要靠lower gut flora(腸內發酵菌) 去分解及發酵草的纖維素後,然後製造出不同的氨基酸, 然後被身體吸收後, 在體內重組所需的各種蛋白質, 包括Keratin (角質) 及 beta-Keratin(硬化角質物), 並且在空氣中吸收硫磺(空氣中有微量硫磺), 及在草中也有硫磺合物.

- 眾所周知, Keratin(角質) 太乾就會好硬,甚至會斷裂, 太濕就會好軟,好有彈性, 就好像我們的皮膚及指甲及頭髮(都係keratin產物)一樣!

- 而且Keratin(角質) 好需要 水份 及 潮濕 才能夠生長, 然後被推出來!  這是常識.

- 龜龜身體需要有足夠的水份, 才能提供足夠的養份給Keratin(角質) 生長, 因為水係養份的主要介質

好, 講返隆背起釘, 你留意下, BB龜係好少好少會隆背起釘的, 點解? 這是因為好多龜醫書同養龜書都有提到: BB龜的骨係好薄的軟骨, 可能為左方便BB龜迅速生長而不被硬骨所限制!

而且, 你以前也曾經貼過外國的解剖相片, 發現所有隆背起釘的陸龜都係D骨痴住D甲殼一起隆高的!!  而唔係甲殼自己隆高的.

你再留意下, 所有隆起的甲, 都係中間的舊甲殼, 而新紋卻不會隆起, 點解???  點解已固定(已死去的Keratin)的生長紋反而會拱起呢?

證明左隆背起釘的原因可能係龜骨自己隆起,拱起, 然後將舊的甲殼往上推!!!!!  (因為甲殼唔夠寬!!!骨無法向水平生長!!!!)

又或者當骨生長得快過甲殼, 被甲殼整體size所限制, 所以d骨被逼向上生長, 隆起!!

咁點解骨會生長得快過甲殼?  我認為有兩個原因:

1)  身體的蛋白質太過多(其實食太多纖維也會發酵好多氨基酸,再重組成蛋白質), 體內的肉及器官迅速生長, 逼使D骨要迅速向外擴張

2)  甲殼太乾燥, 或身體水份唔夠(引致養份唔夠), 或甲殼太厚(因失去了自然界的自然磨損) 吸收唔倒濕氣, 因Keratin(角質) 太乾就不會生長, 或生長得太慢! ~這是常識!!! 又或者身體唔夠氨基酸制造多D Keratin(角質)~影響了甲殼生長

~當角質層(甲殼) 生長得慢過骨, 就會隆背起釘!!

~當骨生長得太快, 快過甲殼, 就會隆背起釘!!

有以下幾種解決方法:

1)  食少D高蛋白的食物(10%以下或更少), 大龜也要減少草量, 唔好食動物蛋白質, 等D骨慢慢生, 這是普遍的舊方法,“斬腳趾避沙蟲”

2)  食多小小蛋白質, 但控制在25-30%以下, 因為過30%陸龜會死於肝腎衰竭, 平時一星期餵一次肉類, 但不能太多, 太多也會死於肝腎衰竭, 因為陸龜好難分解同代謝肉類.  肉類中的Gelatin(動物膠) 可以幫助甲殼好快生長!!  在自然界, 陸龜也會間中食腐爛的肉及食食肉獸的糞便來吸收所需

3)  增加體內水份, 提高外殼的濕度!!!  令甲殼生長得快D

4)  放養, 或多D帶龜出街, 等佢地磨薄D甲殼, 或者日日用粗樹皮磨擦下甲殼, 但用黎觀賞甲殼圖案的龜, 好似R, 就只有用方法1 了.

現時派別之分如下:

~保守之道: 一味食極低蛋白質就得喇

~中庸之道: 少蛋白的食物+間中餵小小肉+增加水份+提高濕度+日日用粗樹皮磨擦下甲殼

~美國之道: 多蛋白(30%以下)+高水份+高濕度70~80%以上   (而且高蛋白可以幫助形成高背)

---

作者: waiman    時間: 2012-2-22 16:12

Tony_Chu 發表於 2012-2-22 01:59
Waiman 師兄, 呢個topic 係最最最敏感的, 好具爭議性, like opening a can of worms, 外國人為呢個topic嘈 ...

Thank you, 不過個主題係控制生長紋, 唔係隆背, 即已確定唔會隆背之下, 如何控制生長紋?

主要意思是指幼龜階段, 指當第一次生長紋生長出, 生長速度, 寬度, 平順度, 何時止而完成了一圈的生長紋? 怎判定龜多胖才最佳? 當中的關係, 和是否有可操作的方法.

---

作者: waiman    時間: 2012-2-22 16:54
回復 waiman 的帖子

另外,見到我兩隻細龜剛開始有D爆紋, 我就用左21日去玩野做試驗, 用當中兩隻龜, 天天喂, 三天是T-rex only (13%蛋白), 3:00pm再加一餐Rep-Cal (19%蛋白)三粒, 濕度用噴霧加到80-85%, 全部防水磁磚都倒一D水, 我每30min倒一D水, 保持上下全濕水塘型, 再加每日泡小45min, 晚上濕度95%, 21日後, 開始見到明顯小小隆背啦, 而且每兩三日都排粉狀酸, 及排大小碎石, 試完三星期, 一見開始隆就停止了, 再去試小隆背修正方法.

兩種糧, 加埋都冇16%蛋白, 睇黎唔系水份咁簡單, 尿酸亦系, 我一向只用濕度50%, 1/4既局部地區有75%, 晚上變成全部75-85%, 一直都液態酸.

已改回舊時食譜及濕度兩日, 又睇下會唔會變返液態酸, 我睇99%會.

---

我最近去參觀左幾個專業幫D富豪人室內養既, 所以做下實驗, 再多30-60天, 睇下系咪修正到, (90%得), 如果成功, 咁我對D高手控制生長紋方式, 就有D頭緒啦.

---

作者: waiman    時間: 2012-2-23 06:44
回復 waiman 的帖子

>Tony_Chu 控制紋路, 我唔在行.  hehe, sorry... :) 發表於 12 小時前

如果可以既話, 有冇經驗, 都比D意見Y大佬.

---

作者: waiman    時間: 2012-2-23 07:04
回復 waiman 的帖子

>Tony_Chu  隆背都可以修正? 勁wor!!  發表於 12 小時前

據講, 在幼龜初期剛剛隆, 係可以輕昜修正到以後完全睇唔出既, 所以我特登冒險試下, 順便了解一下尿酸同隆背食物既關係. 而家好肯定, 唔係用高濕, 隻龜就可排好的酸或液態酸, 亦確定左唔係用高濕就唔隆背, 但係冇法確定, 1.係高濕又食物不正確之下至會隆? 2.或係高濕但食物正確就唔會隆呢? 或1.2.都會隆呢?

我想做第2種實驗, 但冇機會做! 因為冇龜可做啦, 果隻黑死病難得救返, 我永遠唔會搞佢既.
所以現時暫用你來做, 假定會是2.高濕但食物正確就唔會隆. (有冇人肯犧生一下, 幫幫手, 去試一個月呢? ).

---

作者: waiman    時間: 2012-2-23 07:34
回復 waiman 的帖子

其實我係去參考唔用太陽D職業高手.

美國東西部全年9個月以上冷, 好難讓龜曬太陽, 一樣很多人都能用燈俱把龜養好, 尤其那些富豪他自己或富二代的.
我有98%信心能只用燈俱代太陽, 因為以前我參觀過政府的珍貴動物室內養龜, 這令我有得參考, 生起50%的信心, 之後我又參觀過三個富豪二代的室內養幅射, 養盾, 終生不見太陽, 從剛出生養起, 已5-7年未見太陽的養法, 這令我有得參考, 生起98%的信心, 他們不見太陽養的幅射與盾, 漂亮得比我長期到處在bbs, 看到那些高手的龜都好太多了! 那是必然好的, 因為他們是養來鬥面子, 鬥不用D3不用太陽而養得好的, 他們的龜有專門定期上門體檢的爬醫, 更有每週薪水US$2,000-3,000.00還包吃住的, 室內養龜專家上門住, 24hr照顧那些龜, 收費這麼高, 養不好還得了!?

我去參觀主要是在燈俱方面偷師, 其次是控制生長紋方面, 不過燈俱方面偷師容昜, 養法方面就那些專業師父, 都是 "極之恭敬" 的回答問題, 但都是指天指地不著邊際的, 那是他的商業謀生秘密啊, 呵呵, 我都是裝成沒見過龜, 沒養過龜似的, 從問一些白癡的問題, 東扯西扯, 他才會偶而沒戒心而漏出一些話的. 呵呵.

---

作者: waiman    時間: 2012-2-24 01:10
回復 waiman 的帖子

幼龜初期剛剛隆:

---

作者: iamnero    時間: 2012-2-24 02:03

waiman 發表於 2012-2-24 01:10
回復 waiman 的帖子

幼龜初期剛剛隆:

這個我沒看出隆了背啊

---

作者: Tony_Chu    時間: 2012-2-24 02:36


Waiman師兄, 我隻盾, 4個月前入5.0cm 55g,軟甲,好瘦,傷風,病左一個月, 之後就好大食, 狂食M字糧(15%蛋白) & 波蘭Tropical陸龜糧(30%蛋白~含肉提煉蛋白), 冇菜冇草, 跟美國龜友偷師, 做實驗: 高濕, 高蛋白, 少曬太陽, 用Zoomed UVB10.0, 大得好鬼快, 11cm 311g!

前背比其他龜友的都高身,  但so far沒有任何隆背, 硬甲, 可能光線問題, 其實係好平滑.  

我以HK$1000 賣左比Norrishill 師兄,

Norrishill 師兄收到話: "真係好靓! 好養功! 但開始有小小腐甲現象wo, 可能因為濕度太高, 我用tri-antibiotic膏搽左, 應該1個月就會好返."
我話: "如果有問題, 可以隨時$1000賣返比我."

Norrishill 師兄呢排繁殖緊變色龍, 勁忙, 所以好少上黎.

唉, 雖然高濕係行得通, 但又驚腐甲.

---

作者: Fatal_Paladin    時間: 2012-2-24 02:41

waiman 發表於 2012-2-23 07:34
回復 waiman 的帖子

其實我係去參考唔用太陽D職業高手.

我覺得無需要係燈具下偷師,

因為養得好與否, 一般人所用既燈具絕對不及太陽,

正如你所講, 佢地係鬥面子, 咁就已經冇左討論同偷師既必要。


因為十年黎所見過養得好既陸龜, 都係充份太陽下飼養,
當然各人有各人養法, 亦都有參考既地方,

不過共通點都係充份太陽, 充份水源, 充份活動空間。

例如流浮山果隻養左十幾年既巨盾, 人工養到無釘, 聽聞飼主細個時係亂餵野食...
又例如福建阿達狂人, 隻隻達都養到波咁, 主食係乾草粒...
仲有好多例子, 我係UCLA讀書時, 去過愛龜聯會既繁殖場, 以類似Green House既方式飼養Ivory Sul同埋阿達, 天花都要偷陽光。

我覺得W兄如果要研究生長紋, 就冇必要係光源上落太多功夫, 你話我守舊都好, 我始終覺得太陽係對龜隻最有益。

---

作者: Fatal_Paladin    時間: 2012-2-24 03:05


回復 Tony_Chu 的帖子

嘗試高蛋白, 但係濕度由龜自己調教, 設疊高中低濕區, 等龜自己選擇?


曾經有向某師兄偷師, 點樣先可以養好阿達,

呢隻就係果位師兄所養出既阿達


主要餵一種係神秘混合乾粒粉 (唔肯透露...) , 只可以肯定有zoomed乾草粒,
我就自己試緊 oxbow乾草粒混zoomed乾草粒, 小量浦公英及車前草等乾草加少量M糧。

另外就係眼見可以將龜養得長久 (數年以上) 而又健健康康既setting,
多數都充滿住選擇性, 有水池或高濕區, 有陰涼位置亦有可暴曬既位置, 有空曠地方亦有狹窄既地方。

---

作者: Tony_Chu    時間: 2012-2-24 03:11

waiman 發表於 2012-2-23 07:34
回復 waiman 的帖子

其實我係去參考唔用太陽D職業高手.

美國真係有一班人話唔用D3 唔曬太陽.  其實爬地有個職員都係咁教我.

hey, Waiman師兄, 我聽幾個美國人同一個英國人講, 佢地用高濕養法, 除左唔會隆背, 反而出現凹背(reverse pyramiding) 現象!!!   證明甲濕, 甲生長快, 骨就唔會鞏起!   反而會修正返D早前的隆背!

我用呢個方法試驗在我的亞達已有3個月了, 我買隻亞達返黎果時有少少隆背, 現在3個月後, 冇左隆背, 反而出現隆背既舊紋向內凹!!!!  長期咁樣就可以(修正)balance返隆背lor??!!!  哈哈.

但由於新的生長紋才兩條(平滑), 我還要看多一兩條才能確定是否真的凹背, 還是新的隆背...  要比多幾個月時間我.  加上我呢排停左高蛋白比亞達, 因為我發現佢尿濃左D, 我驚佢代謝負荷太多 (雖然D書話亞達可以比30%蛋白).

---

作者: Tony_Chu    時間: 2012-2-24 03:14

Fatal_Paladin 發表於 2012-2-24 03:05
回復 Tony_Chu 的帖子

嘗試高蛋白, 但係濕度由龜自己調教, 設疊高中低濕區, 等龜自己選擇?

哇, 好正....

勁, 多謝指點!!!!

---

作者: Fatal_Paladin    時間: 2012-2-24 03:26

Tony_Chu 發表於 2012-2-24 03:11
美國真係有一班人話唔用D3 唔用太陽.  其實爬地有個職員都係咁教我.

hey, Waiman師兄, 我聽幾個美國人同 ...

高濕係近年興起既養法, 眼見有成效絕對係樂事,

唯一擔心既係對龜隻長期既健康有冇影響, 因為始終好多呢類實驗唔會做得太長時間。


事至今日都未有咩權威性既官方養法, 搞到分成好多派別, 唔少人各執一詞,
終於陸龜既資料太少, 好多專業獸醫都只係對陸龜略知一二,
好多專業繁殖者亦只對一兩種陸龜熟悉,
真正既隱世高人亦冇可能將所有既知識無條件教晒比其他人,

所以對於陸龜既飼養方法, 依然要靠一般飼主去摸索, 最重要係學習前人既同時, 要思考分析, 吸收正確既觀念。


其實好似養貓狗咁, 貓狗係歷史最長久既寵物, 但到而家你可唔可以話邊種貓狗糧係最完美? 我養左二十幾年貓狗都答唔出

---

作者: Tony_Chu    時間: 2012-2-24 03:38

Fatal_Paladin 發表於 2012-2-24 03:26
高濕係近年興起既養法, 眼見有成效絕對係樂事,

唯一擔心既係對龜隻長期既健康有冇影響, 因為始終好多呢 ...

師兄講得好岩!!!  要養好真係可能要好多因素.

高濕養法真係好好用, 生長得快, 但又唔隆背, 好平滑, 向外擴展, 但帶黎既副作用可能係腐甲.  所以都幾頭痕.

我聽美國養亞達超級高手Aldabraman話, 由於佢住佛羅里達Florida, 濕度70%-90%, 放養, 所以佢幾十隻達, 都係超圓!!!

反而另一個美國養亞達紀人話佢住(好似)美國中部, 長年濕度40-60%, 都係放養, 佢既亞達就隆曬背, 佢地都一致認為係濕度問題!!!!


佛羅里達Florida 的亞達:

---

作者: Fatal_Paladin    時間: 2012-2-24 03:48

Tony_Chu 發表於 2012-2-24 03:38
師兄講得好岩!!!  要養好真係可能要好多因素.

高濕養法真係好好用, 生長得快, 但又唔隆背, 好平滑, 向外 ...

如果以高濕度飼養黎講, 香港放養其實非常唔錯,

2011年全年平均濕度為76;

最高月份係五六七月, 月平均濕度有81~82;

最低係十二月同一月, 但月平均濕度都有65~67左右,

不過我覺得一樣野, 我始終認為大城市既陽光一定不及原生地或廣闊既美國好!
除左呢樣之外, 仲有好多其他污染, 所以短期內係香港應該都好難可以養得出比毛利求斯或美國更好既人工阿達。

---

作者: waiman    時間: 2012-2-24 06:36
回復 waiman 的帖子

>Tony_Chu  向上擴展, 而唔係向外擴展, 產生好深的坑.  發表於 2 小時前
>Tony_Chu  係開始隆wor  發表於 3 小時前

係呀, 我根據綜合N多高手教點整隆佢, 果然快速隆.

再根住試綜合N多高手D整平方法. 唔知得唔得, 如果唔得就一失足成千古恨啦.

如果得, 我就整理一下收集既綜合高手經驗的共通點, 簡潔意懂的整理一下, 從根基至全年係點有效控制生長紋既方法.

其實方法可系統式好簡單簡潔咁講出既, 但我問過睇過N多高手, 佢地都係講D唔講D, 好原願意講果D高手, 又個個都係講到幾深澳, 你聽得明, 似有所得, 但係在實際操作上, 你會一片茫然, 都唔知要做乜!

我開左一年, 遇到見到個個肯教下人D高手都係咁既, 我聽完之後都係唔知要做乜! 聽完完全冇用既, 佢地可以直接手把手係實例度教人, 但係就好似冇法, 從根基系統簡潔重點指出, 另人之後完全知道全年自己要做乜!

我呢D唔係太過新手, 聽完之後都係唔知要做乜, 冇野好做, D完全新手既, 又點會明丫. 所以要整理出一個, 短篇, (唔係成本書咁), 但人人一睇就必明, 而且知實際上全年點做既.

---

作者: waiman    時間: 2012-2-24 06:54

iamnero 發表於 2012-2-23 13:03
這個我沒看出隆了背啊

每片甲可視作一片偏平地磚, 如果每片地磚, 都係只向橫擴展, 即偏平地從小片地磚, 變大片地磚, 咁就係正常正長, 咁會各地磚擴大, 各磚喇(縫)之間係保持好淺既, 咁唔係隆.

隆係, 每片地磚唔係橫向擴展, 而係每片變成磚頭, 磚頭唔係偏平, 而係高身, 係向上擴展, 所以各磚喇(縫)之間既縫(Hang)會加深, 成為一塊塊磚頭, 唔再係, 一片片偏平地磚啦.

咁形像化去講, 應該容昜明掛?

* 有兩個字 "喇/Hang" 我唔識寫.

---

作者: waiman    時間: 2012-2-24 07:05

Tony_Chu 發表於 2012-2-23 13:36
Waiman師兄, 我隻盾, 4個月前入5.0cm 55g,軟甲,好瘦,傷風,病左一個月, 之後就好大食, 狂食M字糧(15%蛋白) & ...

如果根據我綜合果D高手理念, 咁係唔得既, 外表係可會圓滑, 及肥壯, 漂亮, 但會內里中空的.
防腐甲方面就輕昜搞啦.

---

作者: waiman    時間: 2012-2-24 07:31

Fatal_Paladin 發表於 2012-2-23 13:41
我覺得無需要係燈具下偷師,

因為養得好與否, 一般人所用既燈具絕對不及太陽,

我就特注重係燈具偷師啦.

如果本有能完全代陽光既, 但係我唔學又唔知, 咁我咪好笨? 唔學箋唔學.

燈具方面我早已偷完師, 重已大大超越過佢地N倍啦, 困為我有分光儀幫手, 佢地冇.

>不過共通點都係充份太陽............
>仲有好多例子, 我係UCLA讀書時, 去過愛龜聯會既繁殖場, 以類似Green
>House既方式飼養Ivory Sul同埋阿達, 天花都要偷陽光。

因為佢地唔識, 又唔知, 冇得揀, 除左陽光佢地根本冇其它野用.

---

作者: waiman    時間: 2012-2-24 07:35

Tony_Chu 發表於 2012-2-23 14:11
美國真係有一班人話唔用D3 唔曬太陽.  其實爬地有個職員都係咁教我.

hey, Waiman師兄, 我聽幾個美國人同 ...

好昜內里中空.

---

作者: waiman    時間: 2012-2-24 07:41

Fatal_Paladin 發表於 2012-2-23 14:48
如果以高濕度飼養黎講, 香港放養其實非常唔錯,

2011年全年平均濕度為76;

>不過我覺得一樣野, 我始終認為大城市既陽光一定不及原生地
>或廣闊既美國好!

我係NY就唔慌好啦, 一年9個月凍.

---

作者: waiman    時間: 2012-2-24 08:11
回復 waiman 的帖子

>Suizenki  隙，坑  發表於 18 分鐘前

哈哈...... 一時之間, 睇黎睇去, 都唔知你講乜.
原來係果兩個字, Thank you, Thank you.............

---

作者: waiman    時間: 2012-2-24 12:56
回復 waiman 的帖子

>Tony_Chu I see, BTW, 點防腐最好? 發表於 6 分鐘前

你加強通風同勤清潔咪得Lo?

---

作者: waiman    時間: 2012-2-24 12:58
回復 waiman 的帖子

>Tony_Chu  美國D人種麻草都係用勁多燈  發表於 7 分鐘前

佢地進步左啦, 在地下室改用LED燈!

---

作者: waiman    時間: 2012-2-24 13:08
回復 waiman 的帖子

>Tony_Chu 我都同意會內里中空 發表於 5 分鐘前


同以下有關:

我想先問下, 先請教下你:

>Tony_Chu 後補鈣囉, 會填補唔倒? 發表於 5 分鐘前

1) 呢段期間, 你係點喂食量?

2) 所有龜冇事時, 你全年又係點喂食量架?
3) 全年你既溫度係點架? 濕度方面又
係
點架? 全年恆定? 多變?
(溫度方面, 我就被限制得慘啦, 完全冇乜條件做到, 綜合高手果D條件!)  

---

作者: Tony_Chu    時間: 2012-2-24 13:32

waiman 發表於 2012-2-24 13:08
回復 waiman 的帖子

>Tony_Chu 我都同意會內里中空 發表於 5 分鐘前

- 之前, 半開放式箱(兩個大箱,高10cm姐), 放我睡房的窗台, 面海(濕度高), 房70-80尺左右, 我間1000尺flat廳大房細, 廳住左7隻貓.  膠箱,冇放任何底材; 我用可控抽濕機及噴霧機控制房間濕度70-85%(睡房濕度); 在corner,24小時開70w~100w陶瓷膽,6吋高; 正中央頭頂開Zoomed 10.0UVB,8~12吋高,開12小時; 則邊開一個Arcadia 160W太陽燈,開4-5小時,share兩個箱用,12吋高.  餵M糧同波蘭糧(含肉).  生長好快, 紋好平滑, 但盾有小小腐甲, 達也開始腐-已用tri-antibiotics醫好.  溫度: 熱點36-38度, 冷點20-25度(睡房室溫).

- 以家, setting 一樣, 但就餵下車前(多), 餵下介藍(好少), 餵下M糧(少左), 餵好少波蘭糧(極少), 間中Z糧(好少).   生長明顯慢左.  可以話係"高濕、中蛋白"

---

作者: waiman    時間: 2012-2-24 13:58

Tony_Chu 發表於 2012-2-24 00:32
- 之前, 半開放式箱(兩個大箱,高10cm姐), 放我睡房的窗台, 面海(濕度高), 房70-80尺左右, 我間1000尺flat ...

溫度: 熱點36-38度, 冷點20-25度, 濕度70-85%.

Thanks.

你漏左呢幾點重點:

>3) 全年你既溫度係點架? 濕度方面又係點架? 全年恆定? 多變?

溫濕全年恆定? 多變?

---

作者: windleaves    時間: 2012-2-24 15:17

waiman 發表於 2012-2-24 07:31
我就特注重係燈具偷師啦.

如果本有能完全代陽光既, 但係我唔學又唔知, 咁我咪好笨? 唔學箋唔學.

因為佢地唔識, 又唔知, 冇得揀, 除左陽光佢地根本冇其它野用.

不能同意這個說法。
如果有興趣有時間，要學懂燈具的知識也不會難到哪去。問題是，是否有這個必要浪費這種時間。如果高手們的目的是養好龜，提供龜需要的光照和溫度，當他們身邊的陽光垂手可得，自然不需要浪費時間金錢去研究這燈那燈，不然豈非本末倒置？ 他們只用陽光，正正是因為他們有得揀，所以他們才就簡舍繁。

真正無得揀嘅正正是類似師兄這些生活在光照不足之地的龜友，只能曡埋心水研究燈具如何滿足陸龜需要。

你說我迷信太陽也好，就算現今燈具的射線可以比美太陽，但無論從個人經濟角度，環保角度、簡易程度，依然無任何燈具比得上太陽。

當然，我並不是否定師兄你關於燈具方面的貢獻，對這點，我一向都很佩服並且感謝的。

---

作者: ericboy    時間: 2012-2-24 16:43


我路過, 竟然大家討論緊生長紋同隆背既問題, 有個問題想問問大家, 我想問點解水龜唔會隆背? 陸龜中既黃頭同黃腿又唔見有隆背個體(就算人工飼養個體)??? 仲有點解只會發生隆背, 又唔會發生隆底甲呢??? 各位有咩高見???

---

作者: Stussy    時間: 2012-2-24 16:59
反而我想知痴甲可以點搞..

---

作者: Tony_Chu    時間: 2012-2-24 18:08

ericboy 發表於 2012-2-24 16:43
我路過, 竟然大家討論緊生長紋同隆背既問題, 有個問題想問問大家, 我想問點解水龜唔會隆背? 陸龜中既黃頭同 ...

"我想問點解水龜唔會隆背?"

據我所知, 水龜同陸龜係完全唔同, 水龜係一片一片推出來的, 而且可以換甲, 但陸龜係好似樹一樣, 係一層一層推出來, 舊甲會慢慢增厚, 但不能換甲.

陸龜中既黃頭同黃腿又唔見有隆背個體(就算人工飼養個體)???

我估可能同佢地既濕度要求高有關, 同埋同佢地食肉(雜食性)有關??

仲有點解只會發生隆背, 又唔會發生隆底甲呢???

可能基因上令龜先向上隆, 但外國也有隆底甲清況發生, 香港之前也有人的盾開始隆底甲.



有D龜係基因上自然地隆背, 好似星龜及南非幾何形龜等:

---

作者: Tony_Chu    時間: 2012-2-24 18:14

Stussy 發表於 2012-2-24 16:59
反而我想知痴甲可以點搞..

有師兄話可以用界刀輕輕界開, 消毒後, 就會分開生長了.

---

作者: windleaves    時間: 2012-2-24 20:49

Tony_Chu 發表於 2012-2-24 18:08
"我想問點解水龜唔會隆背?"

據我所知, 水龜同陸龜係完全唔同, 水龜係一片一片推出來的, 而且可以換甲,  ...

有D龜係基因上自然地隆背, 好似星龜及南非幾何形龜等

南非我唔知，但星星隆背真的是基因嗎？不見得吧
圖中的星都在10cm以上

---

作者: windleaves    時間: 2012-2-24 20:51

Stussy 發表於 2012-2-24 16:59
反而我想知痴甲可以點搞..

每日用指甲輕劃粘連處，用刀也可，但力度掌握不好 容易出血。

---

作者: waiman    時間: 2012-2-25 04:21

windleaves 發表於 2012-2-24 02:17
不能同意這個說法。
如果有興趣有時間，要學懂燈具的知識也不會難到哪去。問題是，是否有這個必要浪費這 ...

>不能同意這個說法。
>如果有興趣有時間，要學懂燈具的知識也不會難到哪去。

你可能不了解, 要自己學懂燈具的知識, 你有時間, 也有專業知識, 也難比登天.
連Zoomed全球第一大廠, 你免費送他全球全部的燈, Zoomed的設計工程部, 也沒能力懂市面上哪種燈行, 你知不知道問題在哪里?

>問題是，是
>否有這個必要浪費這種時間。如果高手們的目的是養好龜，提供龜需
>要的光照和溫度，當他們身邊的陽光垂手可得，自然不需要浪費時
>間金錢去研究這燈那燈，不然豈非本末倒置？ 他們只用陽光，正正
>是因為他們有得揀，所以他們才就簡舍繁。

>真正無得揀嘅正正是類似師兄這些生活在光照不足之地的龜友，只能
>曡埋心水研究燈具如何滿足陸龜需要。

我在說的是我, 你怎引申去了陽光垂手可得的人了?
我在指的是, 你強調高手的共通點是用陽光, 以此為必要用陽光.
我在答的是, 你說那共通點, 是在沒得選之下的人之言.
我在回的是, 有得選又全試過的高手, 不認為必要用陽光.

不過, 有陽光垂手可得, 也研究這燈那燈, 並非本末倒置, 人類的偉大在於知識在於求知, 在於樂趣, 困此有陽光垂手可得, 也不一定要用陽光, 用這燈那燈, 也是一種樂趣, 也是一種求知, 也是一種知識.

所以, 用只自己喜歡的去限制別人.

我也在南部溫暖地區, 看過另一些富豪的, 他們也晒龜, 全年都有室外好天氣的放養區, 但別人也研究這燈那燈, 室內一個和客廳整体化的龜專用區, 有至少600呎, 龜專用冷暖氣系統, 當中的燈多到何其壯觀啊! 你覺不覺得是本末倒置? 全當遺產送了給你, 還加上上市公司和US$20億現金, 你會不會把那客廳的龜專用區拆了, 從此只室外放養?

>你說我迷信太陽也好，就算現今燈具的射線可以比美太陽，但無論從
>個人經濟角度，環保角度、簡易程度，依然無任何燈具比得上太陽。

不少人有這種既念.

最錯的是, 有這種既念, 而無理智的, 他自己用陽光, 同時也用Zoomed Powersun 160w, 但因為有這種既念, 而不用化錢化時間, 也不研究這燈那燈的知識,  因此不知道可用更低的價格, 更低的電費, 得到比Powersun好N倍的功效.
每天晒龜, 回箱也有彷陽光的照明當然更完美, 何況那彷陽光的照明, 還比他原來的燈更便宜又更省費, 也是也有人, 因什麼無任何燈具比得上太陽, 這種既念把自己綁住.

>當然，我並不是否定師兄你關於燈具方面的貢獻，對這點，我一向都
>很佩服並且感謝的。

我了解, 我們只是什麼都談而已, 又不是有惡意或吵架打架.
我就希望能找出最便宜的配置, 讓別人可以比他本來更低的費用, 得到大大超越本來的效果.
在美國, 已成功做得到了, 在國外, 不行, 困為燈的價格不同, 會變成費用反而比原來高.

---

作者: waiman    時間: 2012-2-25 04:33
回復 waiman 的帖子

>Tony_Chu 好難講wor, 溫度及濕度都算係恆定一定range內, 但夏天濕熱D, 天冬乾冬D. 發表於 13 小時前

ok. thanks.
呢部份我要暫時Hold住, 等我做完快速修復實驗至可以回啦, 未實驗過, 唔想亂寫, 搞坏人地D龜呀.

另外又問你, 比如你D歐陸, 你養到佢肥肥白白, 咁你係以乜野黎做基準, 去判斷1.偏小小瘦, 2.正常, 3.夠肥, 4.小小過肥?

---

作者: waiman    時間: 2012-2-25 04:36
回復 windleaves 的帖子

差D走左雞Tim!

>有請呢幾位, 比D經驗意見啦:   

>龜痴
>Norrishill
>Tony_Chu
>windleaves

供獻下啦, windleaves大佬.  

---

作者: windleaves    時間: 2012-2-25 05:50

waiman 發表於 2012-2-25 04:21
>不能同意這個說法。
>如果有興趣有時間，要學懂燈具的知識也不會難到哪去。

師兄 你一大段睇到我頭暈。。。未訓醒。。。唔係好get到你嘅point。。。
只看明白有平燈。。。but 再平的燈，極端點，唔使錢好無，從經濟角度，環保角度，簡易程度，依然比不上垂手可得的太陽，這個你否認給我看看

我沒說不可以學習啊，你看清楚。對燈具知識有興趣自然可以鑽研，無論有無陽光無論有無養龜都可以鑽研燈具知識。我的意思是，如果高手們養龜的目的只是提供龜隻合適的光度與溫度，當陽光能隨手可得，又對燈具知識沒興趣的情況下，自然無需費時去了解燈具知識。但你不能因為自己了解燈具，便斷言他們是因為不了解不知道所以沒得選擇只能用陽光。

我的觀點很清楚：高手們說共同點是陽光（再講，這個共同點還是你總結的），那是因為他們確實用陽光，但這不表示他們是因為沒得揀，只能用陽光。如果他們有興趣研究燈具，絕對是有得揀的。學不學得出成果是另一回事。就算像我這種沒興趣的，也可以直接用師兄的研究成果。

正如我因為養龜，對龜病有興趣，所以學習醫療知識（僅僅是皮毛），但我不會說看獸醫是因為hk龜友不懂得醫療知識所以無得揀只能看獸醫。如果他們有興趣願意學，絕對比內地龜友有多一個選擇。相反，內地龜友自己鑽研龜病，那才是無得揀之下嘅結果。


我不管zoomed他們懂不懂，我只知道一樣知識不可能只得一個人懂，再怎麼難比登天，你能懂的一定有其他人也會懂，我也絕對不敢說養龜的人裡面就師兄一個懂得燈具，很多養龜人都有各方面的專才，也很多都不上論壇的。

另外 我也沒說養龜非得陽光不可，你咪無中生有，兜到我頭暈。這一點你同無法一樣，講講下會兜到人暈坨坨，難道你地師出同門？

---

作者: waiman    時間: 2012-2-25 07:46


回復 windleaves 的帖子

>我沒說不可以學習啊，你看清楚。對燈具知識有興趣自然可以鑽研，無論
>有無陽光無論有無養龜都可以鑽研燈具知識。我的意思是，如果高手們養
>龜的目的只是提供龜隻合適的光度與溫度，當陽光能隨手可得，又對燈具
>知識沒興趣的情況下，自然無需費時去了解燈具知識。但你不能因為自己
>了解燈具，便斷言他們是因為不了解不知道所以沒得選擇只能用陽光。

我既論點係, 想去了解都無門路可以了解, 唔係單指無需, 而係有需都冇門路, 基本係冇方法可去了解.
高手們唔係只得熱既地方架, 全球N多凍既地方有高手架, 但當中可說係幾乎無一人可去了解.

>我的觀點很清楚：高手們說共同點是陽光（再講，這個共同點還是你總結
>的），那是因為他們確實用陽光，但這不表示他們是因為沒得揀，只能用
>陽光。如果他們有興趣研究燈具，絕對是有得揀的。學不學得出成果是另
>一回事。就算像我這種沒興趣的，也可以直接用師兄的研究成果。

我都係果句, 只因為冇得揀.
正因為冇得揀, 所以我至整出成果, 直接用我的研究成果係新既資料, 重未夠長期使開, 所以談不上高手.
要有大量人, 都有用過陽光, 也用過只用燈俱, 起碼用陽光中係高手, 長時間用過兩種, 才談得呢位高手可判斷, 及佢揀邊種家嗎. 如果全部人都冇試過, 根本就對另一種完全冇經驗, 咁點談得上因有經驗比對, 故一致性揀出一個共通既一種呢?

所以, 只以冇經驗比對, 冇得揀之人果群人的唯一選擇, 而說佢地既共通點係揀乜乜, 咁係講唔通既.

明確一點來講, 你說共通點, 或揀, 係指冇得用經驗比對之下的揀, 對另外一樣野唔明之下唔用的, 揀左原本唯一一種的揀.
我說的共通點, 或揀, 係指對兩種都有實際經驗之後, 對比之下, 揀邊一種.

>我不管zoomed他們懂不懂，我只知道一樣知識不可能只得一個人懂，再
>怎麼難比登天，你能懂的一定有其他人也會懂，我也絕對不敢說養龜的
>人裡面就師兄一個懂得燈具，很多養龜人都有各方面的專才，也很多都
>不上論壇的。

難就難在, 網上全無資料可尋, 廠家方亦不提供, 你想懂? 你必需有一部大型分光儀, 而大型分光儀? 你住係美國, 你用US$十萬蚊, 你都搞唔到一部來測. 難處就係呢度, 明白未?
唔係得我一個人有果方面的知識能力, 或得我一個人懂, 而係有果方面的知識能力既人, 佢基本唔會發神經, 去買齊市面上所有的燈去測一下, 所以果方面的知識能力既人, 一樣不懂.
而有果方面的知識能力既人, 又有齊市面上所有的燈去測, 基本就係好特殊好專業的商業需要, 所以唔會講比大眾知, 再又另一方面, 就如全球唯一既英國UVB測試權威網站, 果位慱士Frances Baines博士, 佢有果方面的知識能力, 又有大型分光儀, 更有買齊市面所有UVB燈來測, 免費義務做各燈既報告, 但係如果你問佢用乜燈可做彷陽光光源? 我估計佢99.9%唔知, 以因為佢冇諗過咁用, 所以冇試過買齊D UVA來測, 更加冇試過買齊全球D全光譜燈來測, 測完之後再每個燈比對, 去組合出彷陽光光源.

就正如 UVB/D3, 全球只有Solarmeter 6.2 UVB Meter呢一部機, 並冇第二部, 如果佢一開姑就從來唔出唔賣呢部機, 一般大眾鬼知市面上所有UVB燈, 邊支D UVB最強? (UVB廠家又不公布強度), 只得你有Solarmeter 6.2就只有你至有机會知啦.

亦如同UVA, 現時亦係好人想知或想學, 市面各UVA燈有幾強UVA? 你試下網上睇下有冇資料丫, 我保証網上資料100%係零; 我就知全部美國市面買得到既, 幾乎任何一個UVA既UVA含量數據, 除非有某個UVA燈, 我唔知原來美國有得賣, 至冇測過呢個燈既UVA數據. 我係因為要醫隻黑死病龜, 至測晒D UVA燈既.

>另外 我也沒說養龜非得陽光不可，你咪無中生有，兜到我頭暈。這一點
>你同無法一樣，講講下會兜到人暈坨坨，難道你地師出同門？

咁你又係冇講過養龜非得陽光不可Wo.
不過我論點係, 燈俱可以做到完全不比陽光差, 甚至比陽光好, 呵呵, 當然了, 如真能不比陽光差, 就100%即係比陽光好啦, 因為你唔係陽光既主人, 唔可以叫佢強D弱同叫佢出黎佢就出黎, 但燈可以.

---

作者: waiman    時間: 2012-2-25 08:01

windleaves 發表於 2012-2-24 16:50
師兄 你一大段睇到我頭暈。。。未訓醒。。。唔係好get到你嘅point。。。
只看明白有平燈。。。but 再平的 ...

你提供下控制生長紋的經驗啦.

---

作者: XDturtle    時間: 2012-2-25 09:04
咩黎ga?????~

---

作者: thomaspsp    時間: 2012-2-25 09:05
穫益良多.多謝CHING.
但睇到有啲啲頭痛.哈哈

---

作者: ericboy    時間: 2012-2-25 09:44
我路過的...
見Waiman兄咁用心打咁多字, 真係佩服, 不過好老實真係睇到頭暈

問題歸原本, 我想問為何要控制生長紋? 是怕隆背還是怕隻龜生長得唔靚?  

---

作者: waiman    時間: 2012-2-25 10:09

thomaspsp 發表於 2012-2-24 20:05
穫益良多.多謝CHING.
但睇到有啲啲頭痛.哈哈

都係我衰Lo, 我D中文, 一要講到複雜D, 就會一舊舊, 我自己都會睇到嘔泡, 有D不知所謂架.
但係我又吾識點至可以寫好D, 所以......你忍下啦.  

---

作者: waiman    時間: 2012-2-25 10:15

ericboy 發表於 2012-2-24 20:44
我路過的...
見Waiman兄咁用心打咁多字, 真係佩服, 不過好老實真係睇到頭暈

暫時冇乜想法, 只不過見到有呢樣野, 如有人識, 我咪向佢學習下Lo. (囉? 係咪咁寫架?)

---

作者: thomaspsp    時間: 2012-2-25 10:41
回復 waiman 的帖子

哈哈,我有時都會睇多幾次.慢慢消化.
點都好過睇英文.

---

作者: guy    時間: 2012-2-25 14:03
其實好似變成自然方法同人工方法之爭甘
陽光，放養，設多選擇温濕區，減食量，慢生長係盡量模仿自然環境，方法較容易有效，但未必容易理解和分析牠們生存所需。
但用科學角度研究人工飼養方法能讓我們明白怎樣系統化牠們生命所需數據

---

作者: guy    時間: 2012-2-25 14:12
老老實實人工方法科學探討係好難的。
師兄你有甘嘅心係好值得支持，但容我講句不好聽的說話，大部分人如我都有一種心態，簡簡單單用天然方法可以養好隻龜，就懒去研究艱深學問了。
師兄要走的路難行，而同伴可不多啊！
講返生長紋，其實以小弟數年膚淺經，驗

---

作者: waiman    時間: 2012-2-25 14:17

guy 發表於 2012-2-25 01:12
老老實實人工方法科學探討係好難的。
師兄你有甘嘅心係好值得支持，但容我講句不好聽的說話，大部分人如我 ...

>講返生長紋，其實以小弟數年膚淺經，驗

求下文.

---

作者: guy    時間: 2012-2-25 14:20
減少餵食低蛋白是我的皇道
我相信慢慢生長會出幼細平均的生長紋而背又順
但就肯定不懂“控制”，只能順其自然。
btw水龜是否真的冇隆背架，我新收隻地圖甲與甲條“la”都不知幾深
手机出文分左三段請見諒

---

作者: guy    時間: 2012-2-25 14:29
補充
陽光，放養亦是重點，充足陽光充足運動，我以前的小盾是不用鈣的。
但所有種種條件皆難以量化，所以很難分析。
亦因此很多前輩都只能談經驗，講感覺。

---

作者: anthonywoo    時間: 2012-2-25 15:16
睇到有d頭暈

---

作者: waiman    時間: 2012-2-25 15:27

guy 發表於 2012-2-25 01:29
補充
陽光，放養亦是重點，充足陽光充足運動，我以前的小盾是不用鈣的。
但所有種種條件皆難以量化，所以很 ...

好的, 認識了你的想法, 很好. 謝謝.

幼龜在減少餵食, 低蛋白, 之下慢慢生長, 能降低隆背的風險, 但會增加營養不足, 及降低抵抗力的風險.

---

作者: waiman    時間: 2012-2-25 15:28

anthonywoo 發表於 2012-2-25 02:16
睇到有d頭暈

暈完比D控制生長紋的意見啦. Thank you.

---

作者: Fatal_Paladin    時間: 2012-2-25 17:20


回復 waiman 的帖子

我非常欣賞WAIMAN兄既求知理念, 亦覺得咁樣非常正確,

但我覺得咁樣討論唔到D咩結果, 始終擁有如此專業知識既人未必上論壇,呢度大部份都係分享愛龜及學習比較基本知識既人比較多。

因為養陸龜大部份隱世高手, 都係非常堅持自己既一套, 所以好多都已經唔會走上網討論,
而通常呢種 " 硬頸 " 既前輩, 共通點都係可以養得隻龜非常之好,

例如差不多可稱之為香港陸龜一哥既430,
又或者大陸串爆米王君臨天下, 佢養龜既理念未必個個認同,
但無可否認, 佢隻大輻 君王養得好。


所以我相信一樣野, 陸龜冇話點樣養係最好,
就同人狗貓豬牛羊馬鹿一樣, 要養唔死佢好易, 但係點樣養係最好亦冇一個真正答案,

陸龜生活環境同埋飼養方式比一般哺乳類動物難理解,
導致新手有唔低既機會 " 養死 " ,   亦可能 "唔死都半條命"

其實陸龜生命力好強, 好多時飼養方式有問題都可以堅持幾個月先走,
陸龜唔會叫, 唔會喊, 唔會表現到佢邊方面唔舒服比你睇, 所以好多人都覺得陸龜難養。

我覺得waiman兄冇必要係咁專業既問題上找答案, 因為好難先有你滿意既答案,
而得到你既答案之後, 又係咪真係對陸龜最健康?


陸龜少說都幾十年命, 如何為養得好? 美觀? 生長紋平滑? 長命? 狀態良好?

如果養得好美觀, 生長紋靚到阿媽都唔認得, 狀態亦非常良好, 但養廿年就自然瓜左, 咁算唔算養得好?
如果養到成身泥成身屎, 隻龜又呆下呆下成日訓教, 食野先走兩步, 但係養左一百幾十年, 咁又係唔係養得好?

我覺得係無止境既討論...


我始終覺得太科學化既野, 對自然生態既野唔係太好,
好似 異國短毛貓 同埋 蘇格蘭摺耳貓咁, 係好多先天性缺憾既物種,
就係因為可愛, 受人喜歡, 所以大量繁殖...

我唔希望陸龜有一日為左 " 受歡迎, 靚 " 等等原因, 而繁殖出一d缺憾性既龜種。




唔好意思...講講下扯到太遠...sorry

---

作者: anthonywoo    時間: 2012-2-25 17:35

waiman 發表於 2012-2-25 15:28
暈完比D控制生長紋的意見啦. Thank you.

冇意見，我養的都唔識大，何來控制?  極可能係Fatal_Paladin 大講的: "唔死都半條命"

---

作者: 威尼斯水壶    時間: 2012-2-25 18:19
留名，学习，学习。

---

歡迎光臨 香港龜友論壇 (https://hkturtle.org/)

Powered by Discuz! X3.2