香港龜友論壇

標題: 夜半貓叫聲... [打印本頁]

作者: 乂阿偉乂 時間: 2012-3-1 00:27
標題: 夜半貓叫聲...
本帖最後由乂阿偉乂於 2012-3-1 00:30 編輯

近來成日訓訓下教既時候比D貓叫聲嘈醒~最初都無咩野無理到, 但佢地真係叫得好大聲好大聲,嘈到訓唔到的,我住十樓的(P.S. 住一樓果D更加唔洗訓啦下) , 係前晚點幾兩點..我又聽到呢D貓叫聲, 今次仲大聲過上次叫得快過上次,係咁丫~丫~丫~丫~丫~丫~...我諗諗下 ...會唔會有虐貓狂殺貓呢!? 我鼓起勇氣, 爬左起身落床,鞋得無著就跑落樓, 我一出門口...天阿!!!!!!!!就即刻番入屋... 事關我唔記得著褲同底褲... 著番條褲就落樓啦... 落到街...D貓果然又叫緊!!!我跑去叫聲來源既果個方向...走到一條陰森既後巷...我慢慢行...其實果時以經好驚...行到後巷既一對半開半掩既門...果一刻我好想走...因為環境因素而令到我好驚...驚到標左一滴尿出黎...唔多,只係一滴(P.S 無見過大埸面既人相信唔止尿...屎都賴埋出黎要番屋企換褲)... 我內心掙扎緊開唔開門好...驚開左會出現D咩恐怖既野...腦海不斷幻想一個變態斬貓狂拎住把刀斬貓仔既恐怖埸面...但貓既慘叫聲又好似不斷咁講 : 救我丫~救我丫~咁樣。最後我都豁出去!!...博一博啦!!!我一野撞開對門....以為對門好重,撞大力左,攪到自己成個仆左係到...但都不失霸氣咁馬上彈番起身,隨即大叫 : 飛虎隊!!唔好郁!!!!!! ......................................................................我一望...見到兩隻貓貓,其中一隻騎住另一隻係咁UN下UN下咁唔知做咩(佢地冇著衫的)... 企係到諗左3個鐘諗佢地係到做緊咩呢? 到最後我諗到, 佢地應該繁殖緊下一代。(O係我打緊字既呢一刻,我又聽到貓叫 ) 完~~~~~~

作者: 小曼 時間: 2012-3-1 00:32
本帖最後由小曼於 2012-3-1 00:36 編輯

你有寫咸故既天份,不要埋沒左佢

作者: yuk郁 時間: 2012-3-1 00:36
=.=妖 ching…你可以寫潮文架喇…寫d野霸氣到我笑左囉…太過份了

作者: iamnero 時間: 2012-3-1 00:36
貓叫春，好常見既……
以前我住學校宿舍，樓下野貓叫春，我都系起身揸起一盒過期牛奶衝出陽臺對住叫聲傳來既方向出盡力丟過去。即刻就停

作者: COOLBIRD 時間: 2012-3-1 00:38
哈哈哈哈 ~ 係咪真架 ?!

作者: 乂阿偉乂 時間: 2012-3-1 00:50
回復 iamnero 的帖子

貧僧從東土大唐來<~ 大唐聖僧...您是出家人...不明白塵世間男男女女既情情愛愛,試問若果閣下在跟伴侶結合, 忽然天降過期牛奶, 您會點?...未過期都仲話飲番兩啖先...但過期既就.....=V='...

作者: 乂阿偉乂 時間: 2012-3-1 00:51
回復 yuk郁的帖子

=_="...我果D好寫實嫁,,

作者: iamnero 時間: 2012-3-1 00:52