香港龜友論壇

標題: 見呢排咁重黃額毒,分享下~記得注意!!(有心就加分留言支持下 [打印本頁]

作者: 點Jack 時間: 2012-3-4 23:52
標題: 見呢排咁重黃額毒,分享下~記得注意!!(有心就加分留言支持下
其實呢排大家都買黃額,有時記得注意一下,一般落山/野山龜,多數都係困左係龜籠好耐,有時缺水缺糧...加上運輸時既碰撞,好多時到玩家手上都已經傷曬。因為,係佢地心目中龜只係一件貨~到左玩家手就閣下自(治)理...所以有時要CHECK下,如果有爛肉,腐皮,多數聞下底板都知,有一陣好臭既味...而因碰撞而有內傷,好多時都唔係表面即時睇得出,而係等一二個星期先知,好多時,都要好長時間醫,而且可以會有痕跡~仲有,黃額一般都係細膽,到玩家手上又要一段時間先會開食,有時養定同唔養定既價錢真係好海鮮,所以買既時候,最好搵D重身小小,起碼佢食飽左,都可以餓一排接受開食既挑戰,有時,有D輕身既,唔餓得又唔開食...可以自己餓死自己架!!養定既,既唔怕人又易開食...所用既心機同時間,真係唔知可唔可以用錢衡量,見我打我咁辛苦,大家睇完留個名喇,THX~

(睇下,我D花幾靘)

(仲好高背架~)

(見唔見到我個樣呢...不過唔緊要,我已經仙遊左喇)

(中間位置睇唔睇到我出曬血呢,不過我主人都盡力了...)

哈佬,我係咪好熟口面呢,早排個POST咪見過我個得戚樣囉...其實,我都試過受傷架~

俾大家睇下...好彩我主人悉心照料,經過左半年多,都仲有印...

作者: piukan 時間: 2012-3-6 21:20
好有心機，我都係玩下美箱算對我呢個新手黎講識應力強容易飼養

作者: askcwy 時間: 2012-3-6 21:24
美箱既吸引力不下於國產箱龜

作者: 花王 時間: 2012-3-6 22:06
c兄只圖畫幾靚, 狀態唔錯, 我只圖畫, 個底甲都有血班好彩冇惡化, 好好胃口.會食會柯,勁中意食菜.

作者: WAHWAHWAH 時間: 2012-3-7 14:06
ching，有甚麼方法確定佢地有冇內傷，同埋點醫？

謝謝

歡迎光臨香港龜友論壇 (https://hkturtle.org/)