香港龜友論壇

標題: 唔好意思=.= 開個POST 問下大家的意見..我應該點投訴? [打印本頁]

作者: 蛇頸之友 時間: 2012-3-17 23:22
標題: 唔好意思=.= 開個POST 問下大家的意見..我應該點投訴?
件事係咁=.=""
今日下午出左街,屋企冇哂人..... 到了晚上20:30 回到家,去左BATH, 發覺花灑好少水出 , 將個煤氣爐又開又關, 都淨係得熱水

出, 冇冷水(正常是開左熱水,再開冷水 D水會由熱變暖....), 著返D衣服,庫  等等,出門口檢查下個水表, 發現俾人關到好細

,開返正常先,  再望下鄰居, 左邊的大約10戶水表上有很多水點, 右邊的10戶水表全部是乾的 ,咁奇怪既 ,懷疑清潔工人清潔時

的手誤, BATH左先  ,20:47  打去保安, 話門口個水制俾人關到好細(左右水表我都有講) 不過我開返LA  ,要求佢地上拍照來看看發生咩事, 保安姐姐聽的...

等到21:01 冇保安到,再打去問 ,又是保安姐姐聽 ,心想仲未上來 ,無視我???  ,保安姐姐話你都搞掂, 我上來都幫唔到你, 心想

下我交左管理費冇服務的??, 保安姐姐將個電話俾左佢個主管聽, 我又將件事同個主管重新講左一次 ,主管話水表呢D野, 清

潔工人不會搞的, 亦不會為這件事拍照, 我幫不到你..... ,聽完

我係電話同佢講, "我有這個投訴, 有冇權利要求你們上來睇下發生咩事? "

主管說可以, 我問佢多久時間可以到達? ,主管話要10分鐘 ,

心想係樓下搭LIFT到樓上住戶要10分鐘?

算 =.= 我同佢講  現在開始計時...我係走廊等你們...跟手收線

5分鐘後, 2位保安到達 ,一個白衣 ,一個藍衣 , 白衣果個問發生咩事 ,我同佢去睇下左,右 2邊水表的分別,

我話好大分別 WOW, 我懷疑有清潔工人手誤 ,白衣果個係咁係濕果邊用手係咁抹, 話呢D係濕氣, 我同佢去乾果邊睇多次

點解呢邊又咁大分別呢? 白衣話係D住戶自己有清潔  所以咁大分別係你冇抹, 我話成10戶有  有冇咁岩先?

白衣講左句 "你是不是得罪人? 俾人整古?"  ,身為主管講埋D咁既野

  .

,藍衣果個可能知道有人講錯野,  即上前說我會同上頭反映下加強保安, 同埋會問下清潔果邊有冇搞個D水表

我話好呀, 咁你地跟進下  本來可以就此完成這事.....

白衣突然講左句  "你不是第1個住戶投訴水表俾人關左  有咩咁出奇?" ,  出奇 ??  睇得TXB 多??

藍衣即時說我地會跟進  多謝你的意見....拉左個白衣主管走

21:45 再打去保安, 問他們辨公室的開放時間和地址  ,原來今次聽電話果個是上來的藍衣保安,

他說你的投訴正在跟進不用擔心,  我是問開放時間和地址....請告訴我,  他唯有講  開放時間0900-1700 星期1至5
地址也問到了

我說1700 我未回到家 =.=  0900之前已上班 , 星期3先去, 我仲要求佢俾埋3位同事的員工號碼,  他無奈下交了出來

最後我說了星期3 會到辨公室親自投訴收線 @@

其實我的要求好簡單  希望你們上來看看跟手同我講會跟進件事 =.=  最後你跟不跟進  我又不知道

保安姐姐  同果個主管  準備投訴他們 /// 藍衣果位寫信讚賞下屬做既野仲好個你呢個主管...

=.= 多謝觀看謝謝

作者: 李子火鍋 時間: 2012-3-17 23:47
本帖最後由李子火鍋於 2012-3-17 23:47 編輯

個人立場....你唔係好岩....不過你火緊你需要發洩
再睇返你既文章....其實你知唔知白衫果個只係性格比較直,講既係真說話藍衫既只係膚顯緊你 = =

正如你所講,只係想佢地跟進下件事做下樣俾你心安下
而白衫捉摸唔到你心理,所以得罪左你.......

作者: 婷婷 時間: 2012-3-17 23:47
唔好照呢篇咁寫...

作者: 婷婷 時間: 2012-3-18 00:05
重點:"你不是第1個住戶投訴水表俾人關左有咩咁出奇?"
唔可以將惡意行為,因常見而合理化~就係唔處理先常見...出下通告都好丫

作者: 蛇頸之友 時間: 2012-3-18 00:09

婷婷發表於 2012-3-18 00:05
重點:"你不是第1個住戶投訴水表俾人關左有咩咁出奇?"
唔可以將惡意行為,因常見而合理化~就係唔處理先 ...

謝謝
我想到1 個重點
態度問題 “ 我幫唔到你” 有d咩事可以找你們。。

作者: iamnero 時間: 2012-3-18 00:16
本帖最後由 iamnero 於 2012-3-18 00:16 編輯

八卦問下，系邊間物管公司？
我系某間物管公司做緊

作者: 婷婷 時間: 2012-3-18 00:22

蛇頸之友發表於 2012-3-18 00:09
謝謝
我想到1 個重點
態度問題 “ 我幫唔到你” 有d咩事可以找你們。。 ...

焦點放響度,就係你條氣唔順而投訴佢(個人)~

成件事睇,目的係希望日後佢地要正視呢類惡意行為嘛

作者: 蛇頸之友 時間: 2012-3-18 00:37

iamnero 發表於 2012-3-18 00:16
八卦問下，系邊間物管公司？
我系某間物管公司做緊

經過呢件事對管理公司好失望不想再打去要求他們可以幫忙我

作者: iamnero 時間: 2012-3-18 00:48

蛇頸之友發表於 2012-3-18 00:37
經過呢件事對管理公司好失望不想再打去要求他們可以幫忙我

道理上：你完全可以投訴，而且你啱曬。
情理上：物管公司請呢D保安，系大廈出保安人工既，即從管理費中扣。你想請個高素質既保安，當你皇帝甘服侍，冇問題，每個月糧多幾倍姐。D保安都不過求個日日有飯開，拿你甘少錢。你同D人搞到僵曬都系你蝕底，因為就算你永遠都冇事需要距地幫手，你日日出入呢棟大廈都系距地看管同埋保護。

作者: 蛇頸之友 時間: 2012-3-18 01:02

iamnero 發表於 2012-3-18 00:48
道理上：你完全可以投訴，而且你啱曬。
情理上：物管公司請呢D保安，系大廈出保安人工既，即從管理費中扣 ...

呢間保安上年剛接手的 @@ 前年不是這間

作者: 楓~翼 時間: 2012-3-18 12:59
同佢講打去平果~即刻收哂皮

作者: MO仔 時間: 2012-3-19 03:17
樓上師兄師姐好勁
我唔知係唔係有讀寫問題
我唔係好睇得明樓寫咩

歡迎光臨香港龜友論壇 (https://hkturtle.org/)