香港龜友論壇

標題: 新手養龜一問..求解答!! [打印本頁]

作者: 芝油包 時間: 2011-7-8 04:12
標題: 新手養龜一問..求解答!!
本帖最後由芝油包於 2011-7-8 04:17 編輯

小弟而家有兩隻巴西龜bb同兩隻珍珠龜bb 一齊養緊..
因為經驗不足..但十分有心想給四隻乖bb一個美好的家..求各位c 兄 c 姐解答問題!!!

先講下個缸先..有14吋長啦.. 有少少石頭 .. 有浮台 ..有燈
放了七cm 深的水..
1) 對bb會唔會太深呢.??
2) 個缸放響廳渡..經常性夜晚會長開泠氣..金朝起身發覺d 水好涷..我應唔應該買個暖管keep 住個溫度23-28度呢??
3) 聽人講珍珠龜要經常性換水(一星期兩三次) ,如果唔係會好快死..<--係咪真嫁?
我係咪都需要加多個過濾器? 咁可以保持水既乾正.
4)兩隻bb珍珠(另外一隻都靜係響水) 都唔上浮台..成日企響浮台下面2..驚唔驚浸死呢?
5)養珍珠仲有d咩野要注意呢?
6) 因為放缸果渡無太陽曬到..而我果個燈來歷不明..係咪普通燈都ok嫁..唔一定要太陽燈咁孟
thx all !!!!!!!!!!!!!!

作者: 敏carmanlui 時間: 2011-7-8 05:08
首先要兩種龜分開養

草龜bb 的皮膚較差，容易有皮膚病，所以最好乾養，餵食才給水，可以浸多兩三次水

作者: 李子火鍋 時間: 2011-7-8 08:01
本帖最後由李子火鍋於 2011-7-8 08:01 編輯

樓主,巴姐所講乾養唔全100%乾養 ~ 記得得閒要浸一浸水最好過背
不過其實你有浮台都做到一個完全乾身既陸地俾佢
佢地唔上浮台會唔會係因為上唔到,你留意下~ 如果上唔到你味加D野落浮台令佢地可以借力爬上去

你最好買個濾水器(其實買左都要換水-3-),如果唔係最好日日換水,通常D人大約每日換1/3

你巴草一齊養就小心D~ 因為其實一來你缸唔大,巴西會佔地盤攻擊草,二來草既尾巴長,巴西又會咬斷佢正如巴姐所講,分開養啦

你要買曖管,如果唔係咁凍龜好易病你仲要用冷氣吹住D 苗..真大膽

你得閒帶龜係就黎黃昏果時曬太陽啦 0_0

普通燈最多味俾到熱力-3-"

作者: 敏carmanlui 時間: 2011-7-8 12:03

李子火鍋發表於 2011-7-8 08:01
樓主,巴姐所講乾養唔全100%乾養 ~ 記得得閒要浸一浸水最好過背
不過其實你有浮台都做到一個完全乾身既陸 ...

通常bb龜唔鐘意上陸地的，如果隻龜性格偏愛水性，可以淺水養，長時間唔上陸地，皮膚容易甩皮

作者: 大頭蝦 時間: 2011-7-8 12:17

敏carmanlui 發表於 2011-7-8 12:03
通常bb龜唔鐘意上陸地的，如果隻龜性格偏愛水性，可以淺水養，長時間唔上陸地，皮膚容易甩皮

點解長時間唔上陸地會容易甩皮的? 甩皮又代表龜龜會有什麼問題?

作者: 敏carmanlui 時間: 2011-7-8 12:25
本帖最後由敏carmanlui 於 2011-7-8 12:26 編輯

大頭蝦發表於 2011-7-8 12:17
點解長時間唔上陸地會容易甩皮的? 甩皮又代表龜龜會有什麼問題?

深水飼養，唔多唔少都會有細菌

你會唔會24小時都keep住d 水清潔？

甩皮代表皮膚開始發炎，盡量保持乾身同水質清潔

龜龜甩皮都可以繼續唔會上陸地，而水質不清潔，甩皮問題會漸漸嚴重

作者: 李子火鍋 時間: 2011-7-8 16:48

巴姊講得岩~
不過你刀旦唔會嫁wo.....點解會走左過黎問

作者: rockybaby 時間: 2011-7-8 23:32
回復芝油包的帖子

1. 無問題
2. 如果一定要開冷氣, 風口不要對著缸, 可加蓋擋風, 加暖管會便好
3. 要看水質, 過濾器一定要, 你四隻龜一龜一糞..........
4. 不用驚, 無問題
5. 無特別, 正常養龜方法
6. 無太陽, 用燈一定要用有UVB的一種

歡迎光臨香港龜友論壇 (https://hkturtle.org/)