香港龜友論壇

標題: 感觸... [打印本頁]

作者: 乂阿偉乂 時間: 2012-4-14 04:42
標題: 感觸...
本帖最後由乂阿偉乂於 2012-4-14 04:58 編輯

由細到大其實都好鐘意小動物, 原因我諗其實係比爸爸影響, 我老豆好鐘意魚,直到現在,佢一放假都只係會出金魚街睇魚買魚, 其實細細個果時我成日都會同佢出去魚街, 仲記得我第一隻既寵物, 係一條4間(魚) , 係我係咁話要. 叫老豆買俾我, 其實諗起都好笑, 果時條魚幾個鐘就死左, 因為我番到屋企將佢放左響一個好細既話梅盒仔入便, 根本完全係無氣...完全密閉空間, 但果時老豆冇解釋比我聽點解會咁快死, 只係笑住話下次再買條俾我, 其實諗番起都幾窩心...到今時今日大個左自己又或者約朋友出魚街, 發覺其實都人面全非,就好似我童年記憶當中,魚街想當年好多好多賣魚,現在確係小左, 相反就多左好多龜(可能賣龜食水較深吧) , 好多我記得既鋪頭都已經唔響到 , 歲月唔單止不留人, 仲未徵求過我地就搶走左好多好多 , 回想當時同老豆個個星期行魚街到宜家冇咩傾計, 成日見到我就黑口黑面 ,佢宜家又多左病痛個感覺真係好大對比, 我寧願我仲係細個果時, 寧願on xx 咁養死4間(願諒我無視生命) ....都真係好想回到過去, 其實要講有關寵物既回憶又點止咁少 , 仲有個重要既角色, 一隻巴西 , 點解會養佢呢?當年我2年班,有個同學仔帶左隻巴西苗番學校係咁哂命, 我睇到留哂口水, 放學番到屋企就即刻打俾老豆話要買龜, 當時佢唔肯, 我不斷嘈話好想養. 到最後,一次期中考,佢想我比心機溫書,就買左一隻巴西龜黎鼓勵我, 我收到龜龜果陣 ,我又再次發癲 . 因為果隻龜都唔細. 唔夠得意, 又帶唔到番學, okok~我老豆再買隻bb番黎( 但係果隻記憶中兩日就死左) 未死果隻巴西, 到今日仲響到...15年了...其實都想同隻巴西say sorry, 佢住左廁所15年 , 困住係個日本城箱15年 , 聞我d屎聞左15年 , 我唔知你幾時會離開我啦, 但真係唔希望咁快, 我唔慣柯屎果時冇得望住你 ~ 謝

作者: wel524 時間: 2012-4-14 05:39
回復乂阿偉乂的帖子

時間不可以永遠停留, 但回憶在我們心中, 所以我更珍惜目前多於留戀過去, 你還好, 可以記得以前, 但我似乎沒什麼印象和回憶, 就如以前為何會買龜這樣, 也不記得了, 只記得那些龜是怎樣死去, 我記得有一隻是吃飯時浸死, 吃飯前放龜在洗手盆食糧, 出去吃一吃飯回來后, 龜己死了, 就這麼幾個字半小時, 又有一隻是掉在鞋中, 找了很久也找不到, 最后是洗鞋時在洗衣機裏找到, 還有其他的, 不過也記不起, 所以能夠回憶也是好事, 沒有回憶的就像在過去沒有活過一樣, 你要好好珍惜這些回憶, 只要記著, 就沒有白白過活, 珍惜過去, 珍惜現在, 才有更好的將來

作者: kentam2008 時間: 2012-4-14 08:18
回復乂阿偉乂的帖子

CHING,你22歲?

作者: 小豹 時間: 2012-4-14 08:29
感性的男仔通常都係好人！

作者: 李子火鍋 時間: 2012-4-14 09:02

點解你可以成日有咁多故事~

作者: lok0114 時間: 2012-4-14 10:17
回復李子火鍋的帖子

X2=.=樓主根本同周柏豪無分別

作者: hotonyho 時間: 2012-4-14 10:55
支持

作者: kanhung 時間: 2012-4-14 11:10
本帖最後由 kanhung 於 2012-4-14 11:12 編輯

我老豆以前都養過好多寵物 ,鸚鵡 ,海南了哥 ,畫眉 ,熱帶魚 ,錦鯉 ,但就唔係好全面知道養法 ,試過隻畫眉飛走咗 ,但成曰早上都飛番去我家窗台下公園棵大榕樹尋找食物 ,後來老豆自製捕鳥籠竟在第2日捉回 ,最後因過籠時整傷脚爪以致一個月後死亡 ,其他因種種原因易主 ,又試過養地圖魚由細條2cm養到18cm大 ,因午夜跳咗缸响地面死亡 ,老媽子竟劏咗放上碟放响飯煲度蒸 ,最後都無食 ,因蒸出來極腥 ,入唔到口 ,可能因為咁 ,所以我由細到大間斷咁養下寵物 ,咩都養過 ,到而家更加養咗兩條(化骨龍)加寵物 ,現時養寵物的智識可以容易知度及更了解(上網) ,以往只係靠賣家提供 ,亂吹都唔知 ,現在老父已仙遊 ,回想父親當年養的寵物事跡好有回味趣事

歡迎光臨香港龜友論壇 (https://hkturtle.org/)