香港龜友論壇

標題: 求救!巴西龜龜隻眼有事,請指教治療!!大感激Q口Q(跪)詳情有相 [打印本頁]

作者: iris8087 時間: 2012-4-21 22:58
標題: 求救!巴西龜龜隻眼有事,請指教治療!!大感激Q口Q(跪)詳情有相
唔該>_<雖然有d長,但真心請各位幫幫手,唔想d龜龜有事

(跪地求)

五天前我買了兩隻巴西龜仔,
因為係新手,所以問賣龜個人教我點養,
佢話說咁用水喉水,一日餵兩次糧(紅色粒粒),每次各2粒,每晚換完水就餵佢地糧,就ok...
個叔話d糧放過夜都得,唔怕影響水質,
咁咪照跟嚟養...第一日餵糧唔肯食,起初以為怕生,所以唔敢食啦,
點知第二日就知中哂招!!!

拿拿立換左d臭水,過左陣再試下去餵糧但佢地都係唔食...淨係食左落口就吐番出嚟
可能太大粒/唔夠淋,咁放工即去另一間買過d好少少架啦(樽身)...個姐姐話要用隔夜水/食水先得T口T!!!

換左食水,第二日再餵佢都唔肯食...爸爸話可以試下用麵包餵佢,大龜有食,但細龜冇食...
------------------------------------------------------------------------------------------
第三日↓

見到兩隻龜龜對眼多左層膜,仲成日用前爪擦眼,仲有d粒粒,,成日訓唔郁唔食野...
好擔心即刻上網爬文,再去買龜精靈再買d豐年蝦仔試試><

大龜用左龜精靈的情況↓
佢個頭,下巴同埋有一邊鼻孔生左粒粒,對眼有白膜,好少開眼,唔食野,會郁,
第一日用左龜精靈(圖左)都係唔肯食野,但開番眼
第二日用左龜精靈(圖右)餵佢食少少豐年蝦,佢喪食,生猛番但d粒粒好似多左...

------------------------------------------------------------------------------------------
細龜用左龜精靈的情況↓
佢情況嚴重d~由第一日到而家都唔肯食野,成日訓,鍾意訓係浮石/橋仔/大龜上面就唔郁.../口\
個頭仔同隻腳仔都生左d粒粒,對眼有白膜,唔開眼,唔食野,唔肯郁,成日縮起訓
第一日用左龜精靈(圖左)都冇咩改善
第二日用左龜精靈(圖右)仲係成日訓,餵佢食豐年蝦,唔肯食,但痾左一粒便便(偏紅色條狀)...
間中見佢個鼻有少少泡泡噴出...但見佢間中都會郁下,會放番D手腳出嚟訓,冇第一日咁成日縮起

而家早晚換食水一次,每日分三個時段用龜精靈塗患處三次,干養3個鐘左右,
之後換d新食水到龜腳,再加一滴龜精靈浸浸...
每次換水都有徹底消毒龜箱同所有用具~

細龜成日唔食野,痾紅便便,又噴泡泡係咪有腸胃炎,要用黑藥?
另外買多左隻皮膚藥叫"TURHEAL龜之樂",呢隻定龜精靈好d?
佢地係咪好嚴重?洗唔洗睇獸醫,咁細隻睇唔睇得醫生架!?請大家幫幫忙,唔該哂~~~

作者: 589521678 時間: 2012-4-21 23:01
醫生就唔駛睇啦..因為龜苗係有一定既死亡風險(唔岩請師兄指正)
呢個情況龜精干養試試~

作者: what 時間: 2012-4-21 23:08
回復 iris8087 的帖子

唔開眼試下z眼藥水。我試過幾好的。
白點滴完龜精乾養比較好。
每日餵食先比30分鐘水佢。
糧可以揀的出名既牌子比較好。
命脈開口糧幾好。我好多隻龜都靠佢開口。

作者: ManManLi 時間: 2012-4-21 23:22
補充:
z眼藥水=zoomed眼藥水

作者: 泥頭佬 時間: 2012-4-21 23:46
你用既食水即係咩?
煲過戈d? <<吾好
水喉水 / 過濾左既水喉水放一晚第二日用就ok啦(即係隔夜水)
到好番戈陣記得比個陸地佢 , 吾好只係比水~~

不如試下咁 , 用龜精靈 , 開稀浸30mins , 跟住用龜精靈塗患處 , 過30mins用水喉水沖走身上既龜精靈(d水最好吾好咁凍) , 跟住乾養 , 可以放一個細細個既水兜比佢可以爬入去飲下水 , 不過最好一日可以2-3次求其洗下個缸(主要沖走乾養戈陣既大小便) , 乾養戈陣最好可以比佢曬45mins太陽 , 如果係曬uvb燈就幾個鐘都吾驚...
1日固定時間(早上/中午/下午) 比一次佢食野 , 20mins左右 , 浸淋d糧先(比你樽裝戈隻 , 我d龜由細到大都係食佢)
試下重複1個星期咁做

大龜應該係女 , 細龜係仔

作者: 心寒 時間: 2012-4-22 02:48
我的龜龜也是,現在我把瘡瘡挑了然後再搽龜精
之前爬文看過卻找不回...

作者: iris8087 時間: 2012-4-22 23:52
多謝大家

報告今天的情況~
跟著大家建議干養左一日,兩隻感覺都好左少少了,粒粒都好似少左,
大龜↓
間中有開眼四周圍八卦~生猛番d,成日想搵野食,感覺上精神好左少少~

細龜↓
今日終於肯開眼喇雖然好少,拎起佢時間中都有郁下,唔似前幾日咁無哂聲氣Q3Q
但仍然唔肯食野,都係成日訓

雖然身上d粒粒好似好番唔少,但見佢地兩隻今日用口抖氣多左,同埋間中都見佢地條頸伸前縮後咁抖氣,細龜仲要放入水有d側身T口T
想問問大家;
1)佢地係咪呼吸道感染了?係既話可以點做?
2)我係用棉花棒沾龜精直接塗到患處的,驚唔驚藥性對BB龜太強?我見佢地一塗完就捽眼仔...
我咁塗法有冇問題?因為上網睇到
"眼疾：都說過不要把任何龜藥，直接滴進龜龜的眼睛，事關藥性強，龜兒會不自覺捽眼，越痕越捽，惡性循環。"

3)細龜因為買番嚟到而家都冇食過嘢,有人話可以試下葡萄糖水去增強體質，因為細龜抵抗力好似幾差咁...衰d講用嚟吊命/口\
但應該點用葡萄糖水去餵細龜?開少少俾佢浸?直接餵佢飲?

btw多謝大家幫忙>_<

補充一下:大龜有4-5cm,細龜得3cm大...

作者: iris8087 時間: 2012-4-22 23:56
回復 589521678 的帖子

講真我都好驚,雖然唔係話養左好耐,都係幾日...
但如果佢地有咩事,我真係會好傷心架Q人Q
希望佢地意志力強~快d好番~
再講我上網search左大圍間醫生,個官網話唔少過7g都醫到,細龜岩岩夠7g,
如果一星期沒好轉,我可能會諗下搵佢地醫/_\

作者: iris8087 時間: 2012-4-23 00:01
回復 what 的帖子

如果係眼炎用Z眼藥水定龜精好d!?我而家都係用緊龜精去塗咋~
命脈開口糧係咪金魚街先有得買@@?我今日去左屋企附近三間金魚鋪都搵唔到...
通常幾銀架?thx><

作者: iris8087 時間: 2012-4-23 00:02
回復 ManManLi 的帖子

多謝補充>u<

作者: iris8087 時間: 2012-4-23 00:08
回復泥頭佬的帖子

食水係煲過果d呀~但而家用番隔夜水,應該ok掛...
陸地本身有塊浮石有條橋,但舊石見佢地唔係好鍾意上去咁,反而好鍾意去條橋度,但一上去就係大龜踩著細龜咁哂太陽= ="

而家試左乾養,感覺好左唔少,但佢地唔肯食樽裝隻糧...浸淋左俾佢地...通常一手撥開唔要= ="
大龜見豐年蝦先肯食...細龜就咩都唔食...

咦XD唔講唔知~我而家先知佢地既性別~

作者: ms_star 時間: 2012-4-23 00:31
睇得出你好有心對龜龜...
買左幾日就肯帶佢地睇醫生!!
不過

個人經歷過吾好帶去大圍真系....
尤其系細龜如果好耐無食野
而佢地果度又會俾好多抗生素打
好快就上天堂架拉

我隻十歲大龜龜就系甘走左
佢地吾會教你灌食仲會叫你俾幾千做檢查=.=

無食野可以浸reptoboost/葡萄糖/寶礦力(稀釋)
另外可以去搵友緣龜屋既老闆睇下
我用過zoomed眼藥水覺得無用
但可以照試既
希望佢地快啲好番:)

作者: what 時間: 2012-4-23 09:39

iris8087 發表於 2012-4-23 00:01
回復 what 的帖子

如果係眼炎用Z眼藥水定龜精好d!?我而家都係用緊龜精去塗咋~

眼炎用眼藥水比較好。命脈幾十蚊就有了。
魚佬代理命脈。

作者: iris8087 時間: 2012-4-23 12:47
想問問~細龜今朝幫佢塗藥水時,發現佢個穀好軟Q口Q
可以點幫佢呀?THX大家

作者: 泥頭佬 時間: 2012-4-23 13:32
回復 iris8087 的帖子

隔夜水ok,我自己就響佢地一歲之後就直接用水喉水
D假石/真石因為凹凹凸凸，所以我覺得好似會積左好多細菌咁，換水戈陣搵支牙刷刷下佢會好d,,,
樓上都有個師兄講，吾食野既去買少少開口糧，命脈等等等等，又或者比多幾粒宜家紅色果隻糧，吾係要佢食好多，只係份量多少少，等d味大d黎吸引佢，，，
蝦都吾應該比佢做主食，只係當零食咁
只要肯食少少野就應該吾驚，你話佢成日吾郁，我諗佢只係休息姐，人病左都要多d休息啦，打理好佢之後就吾好日搞佢，乾養果陣最好暖少少，二十八至三十二度都ok

作者: Marco0 時間: 2012-4-23 22:26
麵包!?
唔得架

作者: ManManLi 時間: 2012-4-23 23:30

iris8087 發表於 2012-4-22 23:52
多謝大家
報告今天的情況~
跟著大家建議干養左一日,兩隻感覺都好左少少了,粒粒都好似少左,

開口抖氣條頸伸前縮後咁抖氣 ->感冒
放入水有d側身 ->好大機會肺炎..

有冇鼻水?
準備黑藥!!

作者: iris8087 時間: 2012-4-24 13:03
本帖最後由 iris8087 於 2012-4-25 01:52 編輯

琴晚去了買左黑藥俾佢滴鼻,Reptoboost開左暖水俾佢飲,用左龜精塗眼同腳d點點~
乾養一晚~但琴晚已經覺得佢愈來愈輕...瘦左,有時會見佢有點掙扎咁張開口...而且有時都會見佢張開口有水流出嚟(泣)
今早狀態:
餵左d,Reptoboost俾佢,滴左黑藥,龜塗精~
不過今朝幫佢抹身時,佢痾左d黃色稀便,帶水...
同埋成日見佢伸長條頸咁訓係度~好擔心佢有事

作者: iris8087 時間: 2012-4-24 17:43
狀態相補回Q_Q

作者: Marco0 時間: 2012-4-28 23:03
先比相 + 爬文

買支ZOOMED 眼藥水
每隻眼每次滴4 - 6滴,
一日4次

滴完要最少乾養1個鐘。

如果太嚴重,
就要完全乾養,淨係食嘢先落水!

歡迎光臨香港龜友論壇 (https://hkturtle.org/)