香港龜友論壇

標題: 龜新聞 [打印本頁]

作者: professional 時間: 2012-4-27 09:26
標題: 龜新聞

不少人本着好生之德放生，然而不得其法，令生物白白送死，日前大埔船灣淡水湖疑有人亂放生，令大批田雞「枉死」。保育團體指有善信誤把淡水龜放落鹹水海，形同殺生，非本港土生海產更不宜放落海，呼籲市民放生前三思。　記者:吳淑義

　「你睇下佢，行唔到直線㗎！」香港兩棲及爬蟲協會行政總監段國樑家中飼養了約八吋長的巴西龜，取名「碼頭」，「上年11月，義工見到有人喺九龍城碼頭放生兩隻巴西龜，佢哋係淡水生物，放落鹹水海實死，可惜只撈到一隻，另一隻唔見咗」。

「最少有啲常識先」

段國樑將巴西龜接收後，立即帶牠看獸醫，「最初眼突突，反應遲鈍，要打抗生素治療先執番條命，但最少要觀察半年」。他指不少義工見過有人把淡水生物等放落大海，多數凶多吉少。
每逢天后誕或佛誕等節日都是放生「旺季」，龜類是熱門選擇，貪其豐儉由人，但段國樑不以為然，「買到的物種好多都係人工飼養，冇覓食能力，亂放生等於加速死亡，尤其唔好喺街市買，因為等於鼓勵商販入多啲貨」。
除了宗教原因外，段國樑表示，每年暑假及冬天後，亦是棄養龜類的高峰期，「養兩個月就唔想養，或者冬眠後染病，主人就亂放到水池，等佢哋自生自滅」。香港兩棲及爬蟲協會會曾在九龍灣德福花園水池回收數十隻龜，呼籲市民行善或養龜之前，應先考慮清楚後果，「最少有啲常識，唔好將淡水生物放落海！」

作者: jerryckpoon 時間: 2012-4-27 09:37
本帖最後由 jerryckpoon 於 2012-4-27 09:37 編輯

回復 professional 的帖子

我之前遇過一個尼姑带住班善信指住隻凸背話要買黎放生，但好彩最后無買