香港龜友論壇

標題: 一套劇、一個故事、一個啓發，母親節快樂 [打印本頁]

作者: JevinLee 時間: 2012-5-12 05:02
標題: 一套劇、一個故事、一個啓發，母親節快樂
本帖最後由 JevinLee 於 2012-5-12 05:03 編輯

今日我睇到一套劇講到一個小朋友個親生爸爸比人害死
佢去報仇，講番佢自己既身世
我就諗起曾經我睇番黎既一個故事

1987年12月一個小男嬰誕生，好多人都以為係一個歡天喜地既開始
但結果是這個小男生的磨練開始。

這個小男生出生不久，佢既媽媽就患上產後抑鬱症
媽媽同爸爸一番商討之後，決定把哥哥留係香港
而這個小男生就送去大陸，小男生一天一天咁成長
由戒奶變做每餐兩個叉燒包，小男生也一天一天咁渡過
小男生差不多歲半，正正是89年5月
一項運動既開始，當時消息莫蔓延得好快好快
各個城市都開始，包括小男生的所居住的城市
各個城市都離不開三種人，一留守避難、二偷渡香港、三支持運動
這個得個歲半的小男生眼見日夜都有保安走來走去
更加少不免的槍聲，小男生只好躲在一角哭，心想：爸爸呢？媽媽呢？
直到5月中事態發生到一發不可收拾的地步，眼見的只有爸爸帶他回港

三歲那年，他要上糼兒園，他跟着一個只有相差一年，相處只有一年的哥哥上學
糼兒園、小學，都係跟住哩個哥哥，但係兩個的感情也不是甚好
因為小男生眼見父母對他寵愛有加，而自己郤是打罵不能還手
小男生是一個好動的男生，愛玩、愛自由、愛新奇、不愛沉悶的書本
而他哥哥是一個文靜、又愛運動、不愛說話的男生
所以在老師眼中，這個小男生是一個壞學生，哥哥就是一個好學生
由於家庭環境，這個小男生好想保護自己，結果這個小男生証實患上暴力傾向
有一天，小男生放學後在公園見到一堆男生在鬧，小男生覺得很吵耳
望了一望，誰知竟然比一個人看上了，一行八個人手持木棍地毆打
小男生好用力地奮抗，但是又什會對抗到八枝木棍
結果比打至全身瘀傷
回到家，媽媽的一句，點解咁遲番黎？小男生都未能解釋就給父親拉起他雙腿
一棍又一棍地打落他的腿上，一下又一下又一下 ....
到了小六的時候，突然有一名社工想接見這位小男生
但由於最後一年的關係，小男生没有說甚麼

到了中一入學那時
他媽媽問他：你想報童軍定聖約翰救傷隊
這男生說道：童軍
這男生就跟着媽媽去報名
到出了校門，媽媽就問：為何唔報聖約翰救傷隊
這男生答道：童軍多野玩
媽媽就一直罵玩玩玩，成日都掛住玩，聖約翰救傷隊學下野唔好咩，比你學下規矩 ..... 直到回家
中一時有一天放學，他見住哥哥姐姐都在打功夫，他吸引了，結果看了三小時才回家
媽媽二話不說就用木棍打向男生的腿，結果打了兩小時，這男生躺在床上四小時，不能起身也没有飯吃
在這個家媽媽叫哥哥做家務，哥哥一句唔做就完事，而這男生一句唔做，只換來一連串的臭罵
這男生好想離開這個家，因為他在這個家感到不愉快
中三那年，他決定離開但最後也是給家人捉回
好在這男生在社工的介紹下，認識一群朋友
在這群朋友的支持下，這男生努力地面對家庭
這個中學生涯，他得老師賞識，做了一個領袖生，也是戲劇學會的骨幹成員
他在這個學會身兼多職，編劇、演員、燈光、音晌、道具
又得到羽毛球選拔賽中打敗了一個師兄，成功加入羽毛球隊
他好想給他的媽媽讚賞，但最後換來無聊同要錢的就不用跟我說

中五畢業後他努力地工作，在七個月的時間，他儲了五萬元
他終於偷偷地離開這個家，一切以為事情完結
但他始於掛住着家人，他終於聯絡上家人
他有他的生活，家人有家人的生活
有一天這男生已在他戶口中儲了三十萬元
他努力地儲錢亦都是想改善他的生活
結果一個電話，細佬，我在大學申請了信用咭，宜家洗大了，可以幫我嗎？
他問：多少？
哥哥答：30萬
他驚訝地問：點解咁多？
哥哥：幾錢咭加埋咪有囉！到底你幫唔幫？
他答：好啦！

過了幾年，他做了自己生意
他哥哥又打黎
哥：細佬，最近生意好嗎？
男生：還好
哥：那幫我一個忙，我欠財務公司十萬，你幫幫我
男生：你找爸媽吧
哥：爸没有工作，宜家成日家好苦惱
男生：過了一回，好吧

但其實這男生不愛這門生意
所以已經没有做了
男生把這項債務轉到自己名下後
努力地工作還債，到最後也吃不消，申請了破產
男生連申請破產的錢也没有
唯有向父母借，結果母親話了一句：如果生一個小朋友出黎係為左攞債，你攞左咁多年都夠啦！
男生就離開父母的視線走了
第二天戶口多了萬三元
男生用了這筆錢申請破產後就没有再麻煩父母了
靜靜地過自己的生活
在節日唯有用電話向父母說句祝賀同郵寄禮物

其實哩個世上好多不幸的事發生，他唔係最慘既一個
哩個故事入面減左好多內容
例如：哩個男生自殺、係環境唔好個時訓網吧
所以請各位好好對待身邊既人
就黎到母親節，祝各母親母親節快樂

***對唔住各位，篇野有點長***

作者: seira2242527 時間: 2012-5-12 08:52
本帖最後由 seira2242527 於 2012-5-12 08:55 編輯

........ 睇完真係把鬼火

有咩理由自己親生就要喊打喊殺
重長子..個細仔已經咁慘....
重男輕女... 佢生女既話個女仲慘多個細仔幾倍...=.=
哼哼.....

我呀媽都成日話: 要錢問呀爸拎...
明明d錢應該係佢俾我架ma.....關呀爸咩事....
明明d錢就係佢度-.-唔知佢可以用左去邊......
有咩事就阿爸阿媽之間互相推黎推去...........

仲有...

佢地生日...特別日子... 我咪又係送野同講祝福語..得閒同佢傾下計...

作者: JevinLee 時間: 2012-5-12 10:16
回復 seira2242527 的帖子

其實哩個只係一個故仔黎嫁咋
不過多謝你睇晒成個故仔！

作者: seira2242527 時間: 2012-5-12 10:51
回復 JevinLee 的帖子

嘻嘻...但不排除有呢種事發生... 我朋友屋企就係重男輕女...
好多野叫佢做, 細佬話唔做就唔就..
通常都係打佢先~ -口-

作者: JevinLee 時間: 2012-5-12 11:16
回復 seira2242527 的帖子

我知有！但係家家有本難念的經

作者: seira2242527 時間: 2012-5-12 11:18
回復 JevinLee 的帖子

對.........

作者: wel524 時間: 2012-5-12 13:34
回復 JevinLee 的帖子

其實由一開始借錢開始 , 就不該借, 雖則自己有能力幫忙, 但更應讓他們學會自力更生, 我覺得响任何事情上面, 只作雙方得益最大既事, 而不應盲目去附和別人, 被人'軒'著走, 不然必自取滅亡, 所謂一子錯滿盤皆落索, 有時有d野對整件事好既話, 就算忍心既事都要做, 儘管失去親情, 是不對的事就是不對, 必定要彰顯公義, 才能使社會有進步, 這個故事可以充分反映出傳統既封建思想與傳統家庭教育既壞處, 在這框框下生活既主人翁就是欠缺打破傳統觀念既勇氣, 而被影响一生, 這顯示不應被腐敗封建思想所糾纏的最佳例子, 儘管該思想有其好處, 但必需平衡各方利益既實際情況之下, 作出合適既決定才能使自己與別人各得其所

作者: JevinLee 時間: 2012-5-25 07:02
回復 wel524 的帖子

你說的並不是没有道理
但我睇哩個故事的時候
其實個小男生係好想為他家去付出
好想給他爸和媽知道
他已經成長
好想他爸和媽對他改觀
好想去維繫好和家人的關係

作者: wel524 時間: 2012-5-25 15:48
本帖最後由 wel524 於 2012-5-25 15:49 編輯

回復 JevinLee 的帖子

我覺得尼個故事係理性與感性之間既取捨, 好似有好多人'明知不可為而為之', 有時係好事, 有時卻令自己陷入困境, 開始時嘗試去為維持關係.親情去作出最大努力, 這樣合乎理性想法, 但當第二次情況更嚴竣, 明知幫忙會令自己陷入第二度困境既時候, 再無條件或奮不顧身地去幫忙就顯得十分不智, 別人總是只找自己幫忙, 這樣對自己或別人也沒有好處, 只是助長別人的氣燄, 再者應該權衡事情輕重才考慮是否幫忙eg.欠信用咭可以建議他去債務重組或直接破產了當,就不會再欠財務錢, 何況又不是欠大耳'隆'沒性命危險,我認為幫人應該有個限度, 要衡量自己的能力, 不然將來找別人幫忙的人換轉變了自己, 這樣不是只是一個身份轉換, 而非達至雙嬴

作者: JevinLee 時間: 2012-5-25 22:54
回復 wel524 的帖子

咁每個人係佢心目中都有唔同既觀點
或者佢覺得值得呢
不過我唔會去評論故事中的人錯或對
只會去了解故事帶給我的啟發
就算事件發生在現在
或者可能係另一個處理方法
努力去體會別人的優點
努力地去學習別人帶出的道理
就是我一直而來睇書的習慣

作者: wel524 時間: 2012-5-25 23:18
回復 JevinLee 的帖子

咁有係, 享受書/故事裏面給大家既啓發, 睇黎今次大家都有各自唔同既理解同想法

想法可以係正面想法或者當係從錯誤之中學習處事

作者: JevinLee 時間: 2012-5-25 23:59
回復 wel524 的帖子

冇錯

作者: wel524 時間: 2012-5-26 00:18
回復 JevinLee 的帖子

謝謝分享

作者: JevinLee 時間: 2012-5-26 00:29
回復 wel524 的帖子

客氣 ~~~ 客氣 ~~~

歡迎光臨香港龜友論壇 (https://hkturtle.org/)