香港龜友論壇

標題: "阿雞"(努力對抗病魔 2012.5.16-6.28) R.I.P.... [打印本頁]

作者: 阿雞阿媽 時間: 2012-5-18 15:11
標題: "阿雞"(努力對抗病魔 2012.5.16-6.28) R.I.P....
本帖最後由阿雞阿媽於 2012-6-28 09:47 編輯

唉..我嫂嫂買左隻龜番黎..又冇乜點理佢..搞到佢個殼變到勁黃..
我睇唔過眼...上網check資料...要佢靚仔番...
原來要晒太陽!!咁我就俾佢晒番太陽..又係咁換水..之後靚仔番...個殼變番綠色~~
之後又覺得佢唔太食野..咁買左臨蝦干佢食..佢食得好開心..
正當佢好似幾好個陣..我去左5日旅行(12-16/5)...前晚番黎...佢就變左咸蛋龜龜...
好心痛...完全諗如果我隻眼有野"com"住睇唔到野..我應該會好驚..

即刻上網爬文...搵到哩個網...
沉晚收工即刻去左中蜂度俾相佢睇..佢話"好嚴重喎"....
據我所知..我離開嗰頭2日..阿雞keep住晒太陽..冇人記得理佢...
到理佢個陣已經覺得好乾...之後就變左身做咸蛋龜龜...
係中蜂度買左d "神仙水"...冇名架...希望阿雞快d好番...希望支水真係好勁....
我會盡量post相update阿雞既進度..希望阿雞快d重見光明.....

16/5晚既阿雞

作者: shayne74 時間: 2012-5-18 15:15
希望龜龜快d好返啦

作者: 龜媽 時間: 2012-5-18 15:15
陰功囉,希望佢快d好番.

作者: 爬蟲國 時間: 2012-5-18 15:16
真係咸蛋超人

作者: ashbone 時間: 2012-5-18 15:18
希望“阿雞"快D好番,睇到野,
唔使再耍盲雞

作者: seira2242527 時間: 2012-5-18 15:19
成隻蛋蛋咁...陰公龜龜要+油好番呀 ~~

作者: 小豹 時間: 2012-5-18 16:09
真係成隻咸蛋超人咁哦

作者: 家家 時間: 2012-5-18 16:12
會打怪獸嗎？

作者: 龜妹妹 時間: 2012-5-18 16:29
回復家家的帖子

點解咁呀, 龜龜加油要好番!

作者: leoyuchiu 時間: 2012-5-18 16:45
回復阿雞阿媽的帖子

師兄，我都深同感受..
之前我又係出trip 5日，返到黎2隻龜腐皮，其中一隻又係變咸蛋
不過果時中蜂比左一支支既玻璃藥水佢地浸藥，唔係比神水我(可能因為有隻肺炎)
希望師兄隻龜冇事啦

作者: 阿雞阿媽 時間: 2012-5-18 17:07
本帖最後由阿雞阿媽於 2012-5-18 17:08 編輯

回復 leoyuchiu 的帖子

Leoyuchiu:
係一支支既玻璃樽仔水黎架..
1支大1支小, 開水浸, 每24hr換一次葯...
我唔知點叫佢地嘛..叫住"神仙水"先...
希望我隻阿雞都好似你d龜龜咁好番!!

p.s. 我只係師妹..bb班...要向你地學野..

作者: leoyuchiu 時間: 2012-5-18 17:11
回復阿雞阿媽的帖子

ohh sorry原來係師妹 :)
係啊就係果d~~我果隻浸左3,4日就無晒腐皮
另一隻有白眼果隻浸左4日都冇咩好轉，之後我冇浸，但keep住用zomed眼藥水，around半個月就好返
不過我果隻冇你隻咁嚴重...

作者: 阿雞阿媽 時間: 2012-5-18 17:22
回復 leoyuchiu 的帖子

冇用? 唔係掛..都唔平架喎個set野....
anyway...等我試下先..我會盡量每日update下...
大家俾下意見..我只係想阿雞長長命命...健健康康...

作者: leoyuchiu 時間: 2012-5-18 17:31
本帖最後由 leoyuchiu 於 2012-5-18 17:31 編輯

回復阿雞阿媽的帖子

對肺炎同腐皮有用，不過對我隻既白眼冇咩用我覺得...
一係你買埋zoomed支眼藥水一齊用

作者: 大邪王 時間: 2012-5-18 19:00
請問樓主幾時再去旅行?

作者: happyturtle 時間: 2012-5-18 19:09
我有冇睇錯?攪到隻龜咁樣竟然有分加?
可能龜主人只係唔覺意去左旅行,唔小心無叫人睇住隻龜

.我唔係怪責.

作者: AKIBB 時間: 2012-5-18 22:44
希望佢快D好返~

作者: 阿雞阿媽 時間: 2012-5-18 23:52
回復 happyturtle 的帖子

你好...其實一開始我並唔係主人...只係忍唔住搶左做...
我去旅行之前有叮囑佢地睇住阿雞..keep住換水餵食...
點知都係冇人記得......我番黎已經即刻救佢架啦...爬晒文........

作者: 阿雞阿媽 時間: 2012-5-18 23:55
本帖最後由阿雞阿媽於 2012-5-18 23:57 編輯

沉晚17/5開次用藥...記得沉晚岩岩開始用藥..阿雞都有d爭扎..好似唔舒服咁..沉晚佢訓覺仲完全打斜訓...頭唔掂水...勁搞笑...

今晚換藥之前望下阿雞..佢好似好番少少...有食糧....
都係咸蛋架啦..不過好似有少少裂開有番左條線...唔再係勁圓勁脹既半球體...
希望佢快d睇到野吧........

18/5 用藥24hr之後既樣...

作者: happyturtle 時間: 2012-5-19 02:18
回復阿雞阿媽的帖子

你係出於善意而收養隻龜, 呢一點唔會有人怪你.
人係要有經歷先至會改變, 希望你日後會更加受惜生命.

作者: happyturtle 時間: 2012-5-19 02:19
回復 AKIBB 的帖子

嗯, 希望龜仔會好返.

作者: seira2242527 時間: 2012-5-19 02:46
好似好左d... 你同龜龜都要+油呀..!!~ 我會一直留意你地既近況架

作者: 阿雞阿媽 時間: 2012-5-20 00:42
本帖最後由阿雞阿媽於 2012-5-20 00:47 編輯

又係時候update下啦..
今日阿雞好似又好左少少...我見到佢隻右眼可以有郁郁地..好似眨眼咁
隻左眼條線就出現左..好似沉日隻右眼咁...希望佢快d開番眼..
我好似見到佢隻眼係入面望住我咁!!!

不過我男友觀察到我地幫阿雞換完水餵佢個陣..見到阿雞周圍行...好似想搵野食..
不過睇唔到..佢就幫阿雞一把..推d野去阿雞面前! 結果阿雞瘋狂咁食左5粒龜糧...

佢17/5食左1.5粒, 18/5食左2.5粒..今日食左5粒! 好勁呀! 佢一定餓左好耐!
同埋佢真係睇唔到野...好慘呀...佢快D睇番野搵糧食啦!!加油阿雞!!

19/5 浸左48HR神仙水後....

作者: cynthia613 時間: 2012-5-20 01:02
D 藥係自己買架?

作者: 阿雞阿媽 時間: 2012-5-20 01:16
回復 cynthia613 的帖子

係中鋒度買架...
1SET7支大7支小...

作者: 阿雞阿媽 時間: 2012-5-21 00:34
本帖最後由阿雞阿媽於 2012-5-22 00:06 編輯

經過沉晚狂食之後..阿雞再食多左一粒...
沉日俾阿雞望左陣燈..佢好似好鍾意望咁...又晒左陣太陽...
今晚望下阿雞..好似冇乜好轉....依然咸蛋...

不過特別係見到佢2隻眼都有D震動..好似眨眼咁...

有冇人可以話我知...突竟阿雞可唔可以望燈? 可唔可以晒太陽??????

20/5 浸左72HR之後既阿雞...

作者: 龜大仙 時間: 2012-5-21 01:00
回復阿雞阿媽的帖子

阿雞一定會康復,作為阿雞的好朋友[你],也要好好愛護牠

作者: 阿雞阿媽 時間: 2012-5-22 00:12
阿雞既病真係好得慢.....
今日好似發現阿雞開始抖大氣..OMG...肺炎?
過2日用埋D藥睇下佢點...
可能要一次過買黑藥同Z眼藥水...唉....
大命D呀阿雞....

21/5 浸左96HR (4日之後)既阿雞…好似冇乜特別好轉...

阿雞今晚換左藥過左3個鐘之後突然好左…兩隻眼圍住既白色少左…前眼皮既綠色多左!!
加油好番呀雞!!!!

抖少D大氣丫唔該....

作者: leoyuchiu 時間: 2012-5-22 00:49
回復阿雞阿媽的帖子

有冇上岸mok大個口？
D藥都醫肺炎,你冷親佢？開左冷氣?定曬燈温差太大？唔好再曬燈

作者: 阿雞阿媽 時間: 2012-5-22 01:41
回復 leoyuchiu 的帖子

咁又冇係咁張大個口..
不過我見阿雞有伸長條頸再用口抖幾啖氣...

可能前日我開過冷氣凍親佢 =(
我屋企冇個D UV燈...晒燈都係金魚缸上面個D燈..
我摸過唔太熱...或者我應該俾阿雞晒番太陽???

唉...想佢快D好...

作者: 阿雞阿媽 時間: 2012-5-22 08:21
大獲...今朝起身見到個缸多左堆野..
我唔知係阿雞嘔出黎定痾出黎..
有冇人可以話我知阿雞仲乜...水已換...感覺太DIRTY了...

作者: leoyuchiu 時間: 2012-5-22 10:14
回復阿雞阿媽的帖子

開冷氣你唔可以放佢係有冷氣既地方~~放佢入廚房

作者: 阿雞阿媽 時間: 2012-5-22 16:55
回復 leoyuchiu 的帖子

我會記得架啦! 唔會再俾佢涼冷氣..
謝謝! 只等阿雞開眼既一日!!!

作者: seira2242527 時間: 2012-5-23 01:46
佢好似病得好重WO... +油呀雞雞 !!! 你好番姐姐買蟲蟲俾你食!!!

作者: JevinLee 時間: 2012-5-23 05:53
回復阿雞阿媽的帖子

d藥水唔知係咪我用過個隻
因為我冇大細之分
我個隻係成日係浮台唔食又唔多願郁
所以又係去中峰到睇
佢又係開類似哩隻藥水比我
開頭用都冇咩效
但係幾日之後就開始有效
宜家係個缸到游黎游去
耐心用埋佢
之後可能有用
加油 !!!!!

作者: 阿雞阿媽 時間: 2012-5-23 09:29
22/5 晚浸左120HR (5日之後)既阿雞…好似都係差唔多...
不過望真d層白色野好似薄左少少???
眼既上方好似多左d摺...(即係見到佢微微震動-眨眼?!)
但依然有d抖大氣...加油呀阿...
今朝嘔完之後....阿雞冇再食野..唔知係咪食擠左? 希望佢食番野....

最後一支藥水已用...睇黎聽日要帶阿雞去中鋒度睇下....

作者: 阿雞阿媽 時間: 2012-5-23 09:31
回復 seira2242527 的帖子

咁好買蟲蟲佢食...但我見到d人買個d乾蟲/麥皮蟲d龜龜食..我唔敢掂...

阿雞好番應該都冇機會食........

作者: 阿雞阿媽 時間: 2012-5-23 09:34
回復 JevinLee 的帖子

你浸左幾多日?
我諗住問佢不如轉藥水好冇..今晚就知..

你隻龜龜好番真係好

作者: leoyuchiu 時間: 2012-5-23 10:34
回復阿雞阿媽的帖子

有抖大氣要繼續用果隻藥水~~
買多支zoomed眼藥水比佢
因為肺炎唔可以乾養，所以你濟完眼藥水15-20 min再浸中蜂藥
冇肺炎之後濟眼藥水乾養佢，食野先放落水

作者: 阿雞阿媽 時間: 2012-5-23 11:32
回復 leoyuchiu 的帖子

肺炎唔係浸黑藥?今晚去中鋒度問下佢先..
zoomed眼藥水一定買啦~要阿雞快快開眼~睇番野~

你講既方式我大慨都背左~因為哩排日日都睇文...
睇下有冇d龜龜同阿雞一樣...

anyway..謝謝你~

作者: ManManLi 時間: 2012-5-23 11:38

leoyuchiu 發表於 2012-5-23 10:34
回復阿雞阿媽的帖子

有抖大氣要繼續用果隻藥水~~

c兄, 我想問下肺炎係唔係用淺水養就ok, 唔可以乾養 ?

作者: leoyuchiu 時間: 2012-5-23 12:08
回復 ManManLi 的帖子

肺炎唔好乾養~~會惡化~~~
淺水養ok

作者: 佑鳥仁子 時間: 2012-5-23 21:50
回復阿雞阿媽的帖子

C姐，希望中蜂兄能醫好龜龜啦，
你都5好放棄，記得幫阿雞換大屋呀。
加油！

作者: 阿雞阿媽 時間: 2012-5-23 22:14
回復佑鳥仁子的帖子

我都好想..如果阿雞好番..我會買大屋佢住....

作者: 阿雞阿媽 時間: 2012-5-23 22:23
本帖最後由阿雞阿媽於 2012-5-23 22:28 編輯

今晚終於見到中鋒大哥..
阿雞已經好病了...今日全日冇食過野...好似食左半粒??

大哥話阿雞好病..只可以盡人事....
我見到佢將阿雞個頭禁出黎..然後好似好想"meet"開阿雞眼皮咁...
阿雞不停爭扎...好似"meet"唔開..唉..
其中一隻眼好嚴重...
阿雞係有肺炎..要滴黑藥..再查眼藥膏...仲要乾養...
阿雞你快d好番..好番就搬大屋啦...

見到阿雞番到屋企好攰咁..我想像到佢有幾唔舒服..
岩岩幫佢查第一次藥..佢好似勁痛咁..唉..好心痛....

查藥前...

查藥之後.....

作者: samsam=] 時間: 2012-5-24 00:16
回復阿雞阿媽的帖子

你用心照顧龜龜會感受到樓主同龜龜

作者: JevinLee 時間: 2012-5-24 01:12
回復阿雞阿媽的帖子

我浸左四五日到先有d好轉
浸完之後生猛到爆
成日四圍游、四圍痾

作者: glmeimei 時間: 2012-5-24 02:06
一定要加油呀！雖然佢頭dup dup冇心機..
但樓主同阿雞都唔好放棄！

作者: seira2242527 時間: 2012-5-24 03:12
回復阿雞阿媽的帖子

哈哈....我仲以為佢個名叫阿雞就好鍾意食蟲蟲tim

作者: 龜之友 時間: 2012-5-24 19:10
回復阿雞阿媽的帖子

眼睛有事仲加埋肺炎都幾麻煩。盡力e好佢。好番就會食，隻龜size 5細，5食2,3星期5會有問題。之前我隻火焰有肺炎，1個月沒有食，其間只滴黑藥晒下太陽比少少水浸腳，最後都康復e家好大食。眼睛有病不能急起碼1星期先會好轉。

作者: seamus 時間: 2012-5-24 22:26
姐姐你還記得我嗎??? 23號夜的4眼仔,

我覺得你如果覺得佢有肺炎醫肺炎先,用黑藥滴口同鼻,等佢開口食返野先醫眼!!!唔好同時用2種藥比較好~如果係白眼都無咁快死,但有肺炎可能會死快D~~~龜仔係特別容易肺炎

中蜂果日無叫你繼續用"神仙水"???
希望龜仔能過到E關,E關唔易過,要比D心機~加油

作者: 阿雞阿媽 時間: 2012-5-25 10:01
回復龜之友的帖子

我勁擔心阿雞..沉日強行迫佢食左2粒糧..
我怕佢冇營養呀....咁佢又冇嘔番出黎..當成功.....

作者: leoyuchiu 時間: 2012-5-25 10:29
回復阿雞阿媽的帖子

一係買下reptboost比佢浸下補充營養？
中蜂比左咩藥佢？

作者: 阿雞阿媽 時間: 2012-5-25 10:45
本帖最後由阿雞阿媽於 2012-5-25 11:21 編輯

回復 seamus 的帖子

冇開"神仙水"啦...
轉左用黑藥同眼藥膏...

作者: 阿雞阿媽 時間: 2012-5-25 11:22
回復 leoyuchiu 的帖子

正有此意..不過我會sun再帶阿雞去中鋒個度...
再睇下中鋒兄有乜意見先..

作者: 阿雞阿媽 時間: 2012-5-25 11:32
換左新藥24hr啦...黑藥早晚一次, 再另加眼藥膏3次一日...濕水2hr到...唔肯食野..俾我強迫佢食左2粒糧...勁驚啃死阿雞..但又怕佢唔食野...迫住迫佢食.....

每次幫阿雞查眼..佢都好痛苦..我知佢真係好痛..佢痛到有時痾埋屎..唉..
撐住呀阿雞...我會好錫你架...快d好番....

感覺上阿雞好似抖少左大氣...不過就好攰...特別係我幫佢查完藥...抖多d...
快d好番...阿媽今晚飛奔番去睇你呀!!!!

24/5 晚既阿雞...佢真係好攰了...

作者: 敏…＊ 時間: 2012-5-25 19:38

阿雞阿媽發表於 2012-5-25 11:32
換左新藥24hr啦...黑藥早晚一次, 再另加眼藥膏3次一日...濕水2hr到...唔肯食野..俾我強迫佢食左2粒糧...勁 ...

軟賴賴咁

加油呀!!

作者: jackielee 時間: 2012-5-25 19:56
希望能早曰康復,加油

作者: 阿雞阿媽 時間: 2012-5-26 00:08
今日唔放相啦，阿雞同沉晚一樣樣
白眼冇乜改善

今朝晒左15分鐘太陽
今晚一放水有行下，唔係一舊飯
痾左屎！好乖咁自己食左2粒糧！
冇幫佢又冇迫佢！感覺好左？！

用藥方面，黑藥同眼膏都係早晚各一次

撐住阿雞!!

作者: chim 時間: 2012-5-26 10:56
祝早日康復....

作者: Gerrrrrrr 時間: 2012-5-26 15:07
一定要堅持呀！你要加油！一定好得番！

作者: 阿雞阿媽 時間: 2012-5-28 10:32
本帖最後由阿雞阿媽於 2012-5-28 10:37 編輯

哩個weekend太忙..冇update阿雞近況...
26/5
我去左camp...所以阿雞都同我一齊入左camp...
我要親自照顧佢呀!!!
依然一日2次黑藥...3次眼藥膏...
阿雞依然冇乜改善...食完藥好攰...眼仔好似越黎越白!?!?!?!
今日冇食野...好驚佢餓親....不過有陽光晒下..希望佢舒服少少...

27/5
今日下晝6點到帶左阿雞俾中鋒兄望下.....
我問佢洗唔洗轉眼藥水..因為阿雞隻眼好白咁...中鋒兄話唔洗...
因為正常d龜龜用左個隻眼藥膏..幾日就會好番..佢話阿雞對眼情況可能唔太樂觀...
阿雞已經用藥幾日啦...中鋒話如果阿雞盲左...都可以食到野...我都可以照顧佢..
聽到個刻真係心一沉..阿雞可能會盲..咁我幫佢轉太屋佢咪睇唔到?
我買新野俾佢玩..佢都唔再睇到..唉..成晚個感覺都好差....
中鋒左阿雞隻右眼好少少..因為上一次睇阿雞個陣...中鋒係阿雞右眼禁左d野出黎..
但左眼就禁唔到....唉..阿雞..你做獨眼雞都好丫...唔好做盲雞呀...好擔心....

今日買多支reptoboost俾阿雞浸..因為中鋒話唔好迫佢食野...
龜龜病就會唔食野冇胃口...等佢自己食番好d...希望d葡萄糖水阿雞飲多d..
佢又冇食野啦!!!!!!
問左中鋒..佢話痾綠屎係唔好架! 代表有病.....阿雞冇再痾綠屎啦....

28/5 早上8:30am
今朝幫阿雞用眼藥膏個陣...我好刻意想整開阿眼隻眼!!!完全係放手一摶.....
因為沉日問左中鋒...洗唔洗幫阿雞做手術打番開佢隻眼..
佢話唔洗..原來龜龜有白眼..唔係話佢d眼皮連埋晒...要強行"meet"開d皮等佢開番眼仔...
而係佢眼仔入邊發炎...令龜龜強行恰埋隻眼唔開..係死唔開!!!
我決定今日開始強行打開阿雞眼仔..
因為唔係我當初以為要meet開佢d皮..只係迫佢開眼!!
當然我都係溫柔地進行..雖然知道阿雞好痛..但阿媽一定要狠心救你!
終於我成功開到阿雞2隻眼啦!!!係2隻呀!!!!!

打開到佢d眼皮!!!!!狂查左d藥入去!!我好希望阿雞可以睇番哩個世界!!!!
打開到個一刻..我一係好想喊!!好感動呀!!!!

阿雞你要俾心機!!!阿媽會幫你!!!!!

阿雞右眼仲見到眼珠!! 左眼只見到d白色野係入面....
做獨眼雞都好!!你要努力呀!!阿媽會好錫你!!!!!

28/5 am 未強行打開眼既阿雞...
打個少少眼皮個d相影唔到..一個人真係做唔到咁多野...

作者: 阿雞阿媽 時間: 2012-5-29 12:18
28/5晚..
阿雞隻眼仔都係差唔多..或者真係要俾多d時間佢...開到眼皮都叫行左一大步...
好希望佢快d自己打開眼皮....
阿雞個肺炎好似好番晒?! 唔見佢抖大氣..
幫佢上藥個陣佢仲開始勁大力想逃走整開我...
不過佢依然冇食野...retopboost今日浸第2日...

上藥後既阿雞...

作者: Gerrrrrrr 時間: 2012-5-29 13:30
終於又見到你update! 病情有改善已經好好，加油呀

作者: psi 時間: 2012-5-29 14:04
媽媽好勇敢~~~ 阿雞好堅強~~~~ 加油~~~ 快快好番~~~

作者: richard1701 時間: 2012-5-29 14:33
阿雞媽,你好叻呀!!
連龜隻眼都識打開...

希望阿雞好得番...

作者: 阿雞阿媽 時間: 2012-5-30 10:47
回復 richard1701 的帖子

師兄, 我唔係好叻..只係強行打開...um...

作者: 阿雞阿媽 時間: 2012-5-30 10:50
29/5 晚
阿雞隻眼仔都係冇改善...
左眼好似見到眼珠? 但好似好平......眼皮好難打開...
右眼隻眼珠又好似見唔到..多左d白色....但就漲漲地...眼皮相對地易少少打開...
支眼藥膏就黎用完...究竟我好冇轉藥..?!
又係時候去搵下中鋒.....
阿雞..你快d好番啦....好擔心...

作者: jennyho 時間: 2012-5-30 11:03
加油！阿雞媽媽！阿雞一定會好

作者: 山貓 時間: 2012-5-30 11:11
本帖最後由山貓於 2012-5-30 11:12 編輯

我擔心眼上面果d白色係已死既纖維組織,無再生能力,唔會自動復原.
如果剪左d死皮,隻龜就唔識合埋眼. 可能要搵獸醫幫佢做眼部殖皮. 事不宜遲,唔好再拖延,令龜龜受苦.

作者: leoyuchiu 時間: 2012-5-30 12:02
回復阿雞阿媽的帖子

唉，我隻3線蛋苗呢排都病重，用去中蜂度買左隻新藥...
見佢好累又唔郁咁真係好唔開心...所以我明你而家咩心情，大家一齊加油！

作者: 阿雞阿媽 時間: 2012-5-30 12:18
回復山貓的帖子

好..我明白你意思! 我都係想阿雞快d好番...

決定左買支zoomed眼藥水俾阿雞用...
俾佢試幾日..如果再冇好轉..我weekend帶佢去睇醫生!!!!

作者: 阿雞阿媽 時間: 2012-5-30 12:19
回復 leoyuchiu 的帖子

你都加油, 我完全明白d龜龜食左藥會勁攰勁唔郁..
希望大家d龜龜快d好番!!!!!!!!!!

作者: 阿雞阿媽 時間: 2012-5-31 11:50
31/5 am
終於用晒支眼膏...其實都唔知咩黎..我估係"金霉素眼藥膏"???細細支...黃色蓋...
感覺係除左好似令我開到阿雞既眼皮..就冇乜用..都係咁白...
阿雞由25/5開始冇食過野...27/5開始浸repotboost...唉..會唔會好肚餓...
買左支zoomed眼藥水..今晚開始用...
個個老闆話一定要乾身先落藥..我會努力...眼藥水好似有d難控制...

我忍唔住book左dr yu..今個禮拜日會帶阿雞去睇醫生..
阿雞你要撐住...唔好盲呀....今晚迫佢食下野先得!!!!!仲有2日就見到醫生架啦!!

作者: Gerrrrrrr 時間: 2012-5-31 12:17
加油呀雞!!!!!!

作者: 阿雞阿媽 時間: 2012-6-1 11:40
1/6 am
沉晚都係冇迫阿雞食野...第一次開始滴zoomed眼藥水..
好難滴..好似滴唔到入去...
有人同我講唔好刻意打開佢既眼皮..會令佢更加發炎..
又有人同我講要滴入去佢眼皮入面先可以消炎...
唔知聽邊個講好..盡量打開少少吧....
見阿雞成日打開個口..好似想咬野咁..諗住佢病病地..唔會咬好大力..
俾隻手指佢咬下..點知都幾係痛...阿雞都仲有精力吧....

今朝天氣好好, 俾阿雞晒左30min太陽, 佢好似好開心...爬黎爬去咁..
定話佢想逃離佢依家個地獄?!
快d到sun可以見dr就好啦...

今朝既阿雞好精神咁好似...

作者: leoyuchiu 時間: 2012-6-1 11:50
回復阿雞阿媽的帖子

師姐加油，我果隻今朝去左，仲諗住星期6帶佢曬下陽光

作者: 阿雞阿媽 時間: 2012-6-1 11:57
回復 leoyuchiu 的帖子

sry to hear this..rip!!!
你仲有其他龜龜? 努力照顧佢地啦!

作者: seamus 時間: 2012-6-1 12:09
希望呀雞快d好番啦!

c姐好有愛心

作者: Gerrrrrrr 時間: 2012-6-2 09:30
聽日就睇醫生啦，阿雞撐住呀！

作者: 阿雞阿媽 時間: 2012-6-2 15:56
2/6 am
沉晚忍唔住灌左阿雞食2粒糧..因為好怕佢好餓...
阿雞隻眼都係冇乜點變過好似...
2邊眼皮都算係開到d...右眼多d...左眼少少....
突然發現阿雞個底殼都有d出事...有個十字位軟左..咩事呀......爛甲?
d問題好似一浪接一浪..唉..加油阿雞...
聽晚就可以睇醫生..撐住呀呀雞...

作者: pkick 時間: 2012-6-2 20:01
回復阿雞阿媽的帖子

針劑果D係咪慶大霉素黎?

作者: 阿雞阿媽 時間: 2012-6-3 01:17
回復 pkick 的帖子

我都唔知..你問中鋒啦..
"神仙水"..

作者: 阿雞阿媽 時間: 2012-6-4 11:11
本帖最後由阿雞阿媽於 2012-6-4 11:21 編輯

4/6 AM
沉日終於帶左阿雞去睇余醫生..阿雞重57,2g...
余醫生一開始就話"阿雞好嚴重....死得架啦..你係咪真係想醫佢?"
我話係...個句野真係令我好難過...
之後佢幫阿雞驗屎..
(其實係係阿雞patpat攞左少少屎..之後係顯微鏡睇...)
之後佢話阿雞好多寄生蟲...心一沉...又多一種病?!
余醫生再解釋話一般龜都有寄生蟲...只係龜龜健康個陣..佢地唔會好放肆..
如果龜龜身體差...d寄生蟲就會多d...
咁阿雞就要杜蟲啦...
之後余醫生話"其實d龜係好tough既...不過年中都有好多人晒死自己隻龜....阿雞隻眼唔好, 有白色消唔到炎, 好可能係缺少左vitamin a..同埋其他營養....阿雞有可能之前中暑...令到佢內臟衰能衰竭....但冇人知有幾嚴重...佢個殼軟左係唔夠鈣...d甲又有少少內出血...我地可以做既野好簡單..就係灌食..會俾d狗糧你俾阿雞食..因為狗糧含有好多營養...連埋d抗生素俾佢..每日灌餵一次...哩個係長時間作戰..起碼要一個月先會有轉機...阿雞過唔過到哩關就睇佢自己既做化...同埋主人既耐心...佢一係會自己好..一係就...
哩d咁細既龜我唔會同佢驗血..如果要驗血..我抽佢1ml..哩佢黎講已經係重創..
其實好多龜主人都好似你咁帶埋d黑藥黎話用過..我唔評論哩支野有冇用..因為佢d成份都冇.....至於d眼zoomed藥水..其實只係消炎作用....至於糧食..其實d乾蝦對龜黎講係冇乜用..d蝦殼都唔多鈣....d開口糧..我都唔評論佢好冇..我對d寫中文字既糧都唔係好信..唔係崇洋..係外國野既做法同標籤可信性高d..其實d龜好tough..你俾d營養價值高既野佢食就ok...例如zoomed個d..."

就係咁...就睇完醫生...余醫生將d杜蟲藥同埋狗糧灌食左一次俾我睇..
對我黎講又係一個挑戰.....首先mun長阿雞條頸..然後好似tun劍咁..將條小管直插到阿雞個胃度.....就放d野食係個度....插到龜底板既第2格就差唔多......

有一個叫做好既消息..我問余醫生阿雞其實係咪盲左..佢話佢唔覺得阿雞盲左..只係依家發炎白左..
阿雞! 我期待你睇番野既一日!!!

今晚開始作戰:
1.) 每日一次灌食 (狗糧 3ml + 少少鈣粉 + 抗生素 0.2ml)
2.) 早晚用暖水開repotboost俾阿雞浸半個鐘
3.) 太陽晒到就晒..不過唔好晒到中暑..

加油阿雞..我唔放棄你..你都唔好放棄!!! 12/6再覆診!!!

3/6晚睇完醫生後...俾雞浸下暖水retopboost..佢好似開心左.....

不過浸一陣佢就嘔左d野出黎..唔知乜野黎架...

阿雞正反面...

醫生單同在家治療用品......

作者: Gloria_cwy3 時間: 2012-6-4 11:17
阿雞加油

作者: ashbone 時間: 2012-6-4 11:50
回復阿雞阿媽的帖子

樓主真係一個好飼主

主人同龟龟都要加油！
祝:"阿雞"早日康復

作者: Gerrrrrrr 時間: 2012-6-4 11:54
唔好話阿雞病成咁，一般的小病痛，龜龜都起碼要用一個月時間黎療養，所以阿雞呢次可能要好幾個月的時間先見到效果，雞媽你要有心理準備呀！要相信阿雞好得番！

作者: richard1701 時間: 2012-6-4 12:23
加油呀,雞媽! 你d repotboost用晒唔好買,我俾你丫...我仲有成樽用唔晒...
仲有d zoomed龜糧呀等等...

希望阿雞大步檻過

作者: 敏~敏 時間: 2012-6-4 12:28
亞雞加油呀

作者: 敏…＊ 時間: 2012-6-4 12:40
加油呀樓主同阿雞!!!!

作者: leoyuchiu 時間: 2012-6-4 12:40
回復阿雞阿媽的帖子

希望冇事啦...其實你都盡晒力！
我d龜全部都餵命脈tim...係咪應該轉晒zoomed...

作者: jennyho 時間: 2012-6-4 13:17
加油，繼續為你們打氣！

作者: richard1701 時間: 2012-6-4 16:16
回復 richard1701 的帖子

佢好番唔洗用鳥...
雞媽我好尊敬你...
有咩可以幫手請pm我...

作者: cynthia613 時間: 2012-6-4 18:59
好好既主人多謝你GUM DETAIL 既SHARING 學到好多嘢!! 大家要加油AR!!!

作者: 回到過去 時間: 2012-6-4 21:40
好主人~~

努力~~! 好多人覺得龜的生命好平~~唔想曬時間錢精力去醫~~
但你不一樣~!!
加油

作者: chim 時間: 2012-6-4 22:36
雞媽同阿雞加油啊!!
希望佢早日康復....

作者: winnietran 時間: 2012-6-5 01:37
加油!!!!
呢個POST睇到眼濕濕如果我隻龜病左我諗我都冇你咁堅強...
你好叻呀!!阿雞一定感受到架!!!加油!!!!
阿雞要好番呀!!

作者: Gloria_cwy3 時間: 2012-6-5 10:41
阿雞呢兩日有無好一點呀 ?

作者: psi 時間: 2012-6-5 10:50
再幫阿雞同媽媽打吓氣先~~~ 加油~~~加油~~~~

作者: 阿雞阿媽 時間: 2012-6-5 12:28
本帖最後由阿雞阿媽於 2012-6-5 12:33 編輯

5/6 AM
沉晚阿雞開始食抗生素..
亦即是話係我第一次幫阿雞吞劍....
真係有d肴底...仲有d手震...好驚整傷佢呀.......
好在阿雞都肯開口...(其實只要掂下佢個鼻仔幾下..)...
咁就迫佢食左野同埋藥..
食完之後阿雞完全冇晒力咁..可能吞劍太辛苦..
希望我唔係俾得太多野佢食....佢hae左係度成晚都冇乜郁過...
掂下佢..佢都比平時慢幾倍既速度輕輕郁下手仔...
唉...見到都辛苦...勁驚阿雞升左天.....

今朝俾阿雞浸水晒陣太陽...好似幾好精神...係咁爬黎爬去....
睇得出佢有郁下眼仔...不過都係未開...(唔會諗住咁快..d藥都唔係仙丹...)
又痾左少少白色野..狗糧?! 當係吧......

加油阿雞!!!

就係痾哩d.....

阿雞都係咁既樣...

歡迎光臨香港龜友論壇 (https://hkturtle.org/)