香港龜友論壇

標題: 悲情小紅腿>< [打印本頁]

作者: 米高佐龜 時間: 2012-6-4 01:57
標題: 悲情小紅腿><
本帖最後由米高佐龜於 2012-6-4 02:01 編輯

中午係網上見到有人賣隻紅腿，二個鐘內比人買左，跟著五個鐘內又見到人放……我心諗，隻龜龜係咪有病呀？我聯絡賣家，出黎睇下龜龜，見到龜龜佢感冒、唔生猛、眼冇神…但佢無奈嘅眼神，已經攻陷左我嘅同情心，所以我冒住比老婆鬧嘅危險，帶佢返屋…返到去立刻浸水加rep、益生菌、維他命…但佢都係手腳冇力，咩都唔食，我相信佢比人餵左大量生果…我講出黎唔係想比人讚，只係想養龜嘅人唔該睇多D文章，唔識就問多D有經驗嘅人，唔好養幾個鐘又話唔養，始終係生命，生命係冇分貴賤嘅，請尊重生命，唔好三分鐘熱度好嗎？仲有今日去搵桑葉時，見到一個女人，抱住隻狗仔bb，隻狗仔係度狂震，我問個女人，佢話狗仔係垃圾筒裡面見到，一隻已經死左………世上善惡只係一念之間………種瓜得瓜，種豆得豆，謹重之！！！

希望佢冇事啦…佢食左幾下菜就跟大隊瞓，一陣先隔離佢！

作者: mikechann 時間: 2012-6-4 02:02
ching 你真好人~生命是應該尊重~

作者: 龍之殺 時間: 2012-6-4 02:03

師兄真有同情心

作者: kitman1990 時間: 2012-6-4 02:11
無計啦！有人中意亂養龜
日日生果餐菜就當小食…龜龜重有命算好

作者: gorden 時間: 2012-6-4 02:11
希望龟龟快d好返

作者: yuk郁 時間: 2012-6-4 02:13
龜龜真係慘上一手真係冇人性…唔識養又要入龜…入龜都算仲要亂餵…文都未爬清楚…
做著佢寵物真係哀哉哀哉

btw~ching 個龜友係咪女賣家

作者: 小豹 時間: 2012-6-4 02:17
隻龟好惨

作者: 米高佐龜 時間: 2012-6-4 02:20
回復 yuk郁的帖子

唔係，係男仔，不過邊個都冇所謂，龜龜好番就得

作者: yuk郁 時間: 2012-6-4 02:22

米高佐龜發表於 2012-6-4 02:20
回復 yuk郁的帖子

唔係，係男仔，不過邊個都冇所謂，龜龜好番就得

加油~~希望龜龜早日康復!

作者: 米高佐龜 時間: 2012-6-4 02:23
回復 kitman1990 的帖子

係啦，龜b狂食生果好難搞，起碼要兩個星期先有可能正常番！有冇咩心得呀師姐？

作者: gorden 時間: 2012-6-4 02:23

米高佐龜發表於 2012-6-4 02:20
回復 yuk郁的帖子

唔係，係男仔，不過邊個都冇所謂，龜龜好番就得

咁我知邊個頭先先睇完去d post

作者: 米高佐龜 時間: 2012-6-4 02:33
由得佢啦！我又唔係唱衰佢，只係想龜龜好番，同唔好比老婆鬧就真！不過老婆明白事理，應該唔會鬧嘅

打左底先

作者: happyturtle 時間: 2012-6-4 02:39
1)你話隻龜係食水果食到有問題,請問根據在哪裡?獸醫未必用肉眼睇到佢之前食過乜野, 你講沒有根據既野, 同＂屈"有乜分別?
2)你話你隔空睇到隻龜有事,然後半夜出去俾錢買隻病龜?合情理嗎?捐公益金都係做善事,你有必要做到咁神奇嗎?之前有人希望大家收養草龜鱷龜,你當時又唔表現出你既同情心?果d唔洗錢添.
3)你可能過多幾日就會話你救返隻龜,因為佢根本就無病.今日幫我買果位仁兄,返到屋企同我講佢連UVB都唔想買,佢話佢後悔太衝動買龜,呢個就係佢放龜既原因.
4)我今朝餵左佢食1粒龜糧,依家佢又響你屋企食少少菜,你覺得佢有幾病? 今日個買家浸隻龜落水,然後話隻龜震震下,想我退錢,我話下星期.轉頭佢又話幫隻曬燈,佢即刻唔震.跟住話佢唔想等下星期,佢會自己放左佢.

作者: happyturtle 時間: 2012-6-4 02:50
我唔係要嘈交,你之前隻紅腿唔食野,我建議你餵佢食水果,你唔服氣,.你依家用呢d怪招回敬我?
半夜三更,唔理屋企人反對,買一隻病龜返屋企.
然後一眼睇得出隻龜食得太多水果,之後你就好似玩遊戲咁一晩幫佢浸齊rep,益生菌,維他命,佢咁大件事你又唔即刻隔離
,佢病左仲肯食少少菜

作者: happyturtle 時間: 2012-6-4 02:52
回復 yuk郁的帖子

我係賣家,請看我13,14樓既留言,你覺得龜仔有病會肯食野嗎?

作者: 米高佐龜 時間: 2012-6-4 02:53
本帖最後由米高佐龜於 2012-6-4 03:03 編輯

我冇指名道姓，你又唔洗咁激動…坦白講，我只係養紅腿，其他我冇咁嘅同情心！我唔知咁多，我只知有人話隻龜食過木瓜、士多啤梨，仲有一樣唔記得，跟著我睇到仲同嗰個人講，bb少食生果好D，嗰個人仲唔該我，話我唔講真係唔知添，仲話自己養開水龜，所以唔知，我冇睇到嗰個人餵生果，不過係佢自己寫出黎姐，不過嗰個人都洗左張帖，冇証物添…不過是但啦，點都冇所謂，龜冇事就得…

作者: happyturtle 時間: 2012-6-4 03:03
回復米高佐龜的帖子

你講你推測出黎,無根據既野,就係唔付責任.
如果買家做錯決定,買左病龜,相信佢親生父母都未必俾返錢佢,你半夜出去買左病龜,真係令人㥻感動,但合理嗎?我問你隻龜有幾病?死得未?如果死左你即刻出帖,我俾返400蚊你,否則以後無面目再上來!

作者: happyturtle 時間: 2012-6-4 03:05
我話我餵過水果俾隻龜食=隻龜食好多水果?

作者: 婷婷 時間: 2012-6-4 04:24
我並唔係話賣家的~
事實睇過有Post餵一碟過量既生果餐，
如我新手,亦剛比朋友笑完,唔好似佢咁“玩“龜……

anyway~新龜要隔一隔離,尤其佢有不適,怕其他龜感染,
一般新龜返黎,可以停食一兩日,等佢痾清之前既食物,同觀察便便~

作者: HLTC 時間: 2012-6-4 07:05

happyturtle 發表於 2012-6-4 02:50
我唔係要嘈交,你之前隻紅腿唔食野,我建議你餵佢食水果,你唔服氣,.你依家用呢d怪招回敬我?
半夜三更,唔理屋 ...

你又講得有道理wor...

作者: iamnero 時間: 2012-6-4 08:01
本帖最後由 iamnero 於 2012-6-4 08:01 編輯

你所講的癥狀與喂大量生果似乎完全無關聯。感冒、脫水、腸炎都唔系你甘醫法。建議你向有經驗人士諮詢醫法。
另：原本你既木箱養三隻龜已經幾迫下，而家又加多隻，木箱本身又焗，建議你換大箱。

作者: 水族玩家 時間: 2012-6-4 09:02
我唔會覺得就算餵過量生果會紅腿變病喎!唔通原生紅腿在原生地有龜糧食?食過量生果最多爛便，唔會手腳無力，有鼻水掛！

作者: 龜媽 時間: 2012-6-4 09:11
如果你帶佢返黎時已知佢有病,正常做法應該即時隔離架喎.

作者: seira2242527 時間: 2012-6-4 09:17
師兄我俾個like你

之前見到隻病龜好想救佢

但係又冇能力救佢

最後佢俾人捉走左

作者: happyturtle 時間: 2012-6-4 09:30
回復婷婷的帖子

唔知我有冇誤會,你係唔係話我Post過餵一碟過量既生果餐?
因為我無印象,我有餵過生果俾佢食,不過唔記得有冇影相.
頭一日我係買左好多水果俾佢食,紅蘿蔔,芥蘭,橙,蘋果,m糧同果糧,我手機有呢張相.
不過首先,佢根本咬唔到紅蘿蔔同蘋果,只係咬左一啖橙,之後就食水果糧.
第2日我就無餵水果.
我晚晚9點幾放工,連龜仔食既什麼番薯葉,車前草我都無時間買(呢個係我放龜既原因).我都無乜時間餵水果,佢主要每2日食大半粒m糧,逢星期日就食其中一款水果(香蕉,橙,蕃茄同木瓜),我養左隻龜1個月,每種水果餵左唔超過2次.我曾經叫人,如果紅腿唔食野就餵水果,但從來無提倡水果做主食,至於1星期一餐係唔係過量(佢隔日食野,其實即係每3餐有1餐食水果),就見人見智,但我只係養左隻龜1個月,總共4-5餐水果.

作者: happyturtle 時間: 2012-6-4 09:31
回復 kitman1990 的帖子

紅腿在自然環境唔係食水果同菜,唔通食龜糧.

作者: seira2242527 時間: 2012-6-4 09:49

seira2242527 發表於 2012-6-4 09:17
師兄我俾個like你之前見到隻病龜好想救佢但係又冇能力救佢最後佢俾人捉走左 {:11 ...

唔係唔係~ 我唔係話你-w- 我起魚街見到的

作者: kitman1990 時間: 2012-6-4 09:50
回復米高佐龜的帖子

心德就無，因為我既龜龜一返黎係無問題，以車前桑葉個d岩食既草做主食。

作者: 婷婷 時間: 2012-6-4 09:53
回復 happyturtle 的帖子

我同Kitman並唔係話你啊

首先~知道養唔到而放龜,我讚成既,起碼知乜野叫"量力而為"~
只係我剛養紅腿,而見過其他"高手"post,
可以餵陸龜一條菜一塊葉都無,就係一碟過量既生果(唔係指你)
我地講起,而見到呢個post有感而發~

佢主要每2日食大半粒m糧,逢星期日就食其中一款水果

你既然唔養亦唔討論呢個餐單喇

作者: kitman1990 時間: 2012-6-4 09:53
回復米高佐龜的帖子

心德就無，因為我既龜龜一返黎係無問題，以車前桑葉個d岩食既草做主食。

作者: 米高佐龜 時間: 2012-6-4 09:59
回復 kitman1990 的帖子

我都係用桑葉等等做主食

作者: happyturtle 時間: 2012-6-4 10:06
回復龜媽的帖子

其實我有諗過,會唔會我唔知佢病左,畢竟我每日只係對佢半個鐘(呢個係我放龜既原因)
但起碼響我手上,隻龜肯定無以下問題:
1)拒食
2)皮膚問題
3)行為異常(包括流鼻水,張開口)
唉,我真係唔知仲有乜野方法去睇隻龜有冇病.我有懷疑佢有寄生蟲,因為佢2日1餐,似乎好細食,但佢d屎又無問題,朋友叫我唔好亂杜蟲.

作者: 米高佐龜 時間: 2012-6-4 10:08
隻龜一日比人轉二次手，我真係覺得佢好陰公，自己又鐘意紅腿，所以咪帶佢返屋企囉！你地放心，我做嘅事會問清楚有經驗、有關嘅人，我唔會亂黎，因為我好怕龜死…

作者: happyturtle 時間: 2012-6-4 10:12
我2月27日開始上呢個論壇,屋企十幾隻龜全部都係透過呢度買既.我唔係賣龜為生,俾人話我賣病龜,最多以後唔賣龜,對我無乜影響,我講咁多野,係為啖氣.
我有隻石金錢病死左,死之前屋企人叫我賣左佢,我心諗,病龜人地點會睇唔出,我作賊就心虛,細膽,唔會夠膽賣病龜.

作者: happyturtle 時間: 2012-6-4 10:24
回復婷婷的帖子

我唔係唔信樓主咁有愛心,專登半夜出去買隻病龜,有呢d人,但實在太感性.
但事實係幫我買龜果個人買左返屋企半日就後悔,因為唔想花錢買設備,想當巴西龜咁養.呢個人同樓主講過乜野說話,係重點!!!
樓主出於愛龜之心,自然討厭我,但佢責備我既理由,都係好感性,沒有理據的.我知道我響度講多十日十夜,最後都唔會有分別,不過妳明白嗎?樓主好心做壞事,我俾人屈,一口氣吞唔到落去.唉,算啦,將來如果聚會有機會見面,我再向大家解釋

作者: 米高佐龜 時間: 2012-6-4 10:26
本帖最後由米高佐龜於 2012-6-4 21:29 編輯

回復 happyturtle 的帖子

如果你咁珍惜隻龜，點解你又唔要佢呢？其實你問心無愧咪得囉，唔洗瞓唔着、咁嬲…(其實你睇真d段文章，我冇話過係你喎，我只係想冇心養嘅人三思姐，你點解要對號入座呢？隻龜龜到我手係感冒、唔生猛喎，我做咩要唱衰自己隻龜龜呢？你又點知龜龜中途點比人點對待過呢？令出令入凍親？轉幾次環嚇親？)但明明你發帖時唔係咁講，不過你洗左，冇得好講！世上嘅事點可以盡如人意姐，但求無愧於心咪得囉…你覺得啱咪得囉，唔洗太在意人地講咩，如果你咁易受人影響，你點出黎搵食？總之隻龜龜嘅事我唔再作評論，誰對誰錯都好，我會好好照顧龜龜，放心

作者: 北鄉一刀 時間: 2012-6-4 10:28
紅腳我比好雜

作者: kitman1990 時間: 2012-6-4 10:43
回復 happyturtle 的帖子

我唔係針對賣家！唔係話你龜龜有問題呀！
只係見有人以生果做主食，我想知係唔係個位人兄咁快放龜！
我見呢排有post，見日日食不同既生果，重要大大盤，一條草都無咁。
我自己都有餵生果，不過係間中一次，一啖起兩啖止…

作者: happyturtle 時間: 2012-6-4 10:43
唉,今朝早餐都食唔落.如果有師兄覺得係我錯,可以俾d意見,等我唔好自以為是.

作者: 米高佐龜 時間: 2012-6-4 10:47
其實我問過好多買龜嘅店主、醫生、及網上嘅朋友，我係綜合大家意見而選擇飼養方法，點養都冇所謂，健康咪得囉！！！

作者: 龜媽 時間: 2012-6-4 10:52

happyturtle 發表於 2012-6-4 10:43
唉,今朝早餐都食唔落.如果有師兄覺得係我錯,可以俾d意見,等我唔好自以為是. ...

你唔好咁唔開心啦!
自己無做過, 澄清咗就唔駛再擺喺心.
虐待自己好唔抵！
一笑置之啦!

作者: samwong4949 時間: 2012-6-4 11:13
不要再為大家喜愛的共同寵物再傷和氣,最緊要令小生命活得快樂健康,大家共同交換飼養心得,繼續做個happy嘅龜友!

作者: samwong4949 時間: 2012-6-4 11:26
回復 samwong4949 的帖子

為所喜愛的動物,繼續做個happyturtle!

作者: iamnero 時間: 2012-6-4 11:33
總之，即使上手玩家做法不妥，樓主亦無需為自己既行為賦予道德優越性。
況且，以你現有器材同埋收到龜之後既做法，我個人尚懷疑你是否養得好隻龜。

作者: seamus 時間: 2012-6-4 11:56
回復 happyturtle 的帖子

成件事根本無人追究對同錯,樓主呢個post 係問人同分享點救龜龜!唔知你做咩帶開左個主題.....
要人地同你講咁多無聊既說話,你自認就算啦!仲同人討論d無聊野,而影響點救隻龜~你都傻傻地

作者: happyturtle 時間: 2012-6-4 12:04
回復 seamus 的帖子

你話樓主想問人點救龜龜,請問條問題響邊?
中午係網上見到有人賣隻紅腿，二個鐘內比人買左，跟著五個鐘內又見到人放……我心諗，隻龜龜係咪有病呀？我聯絡賣家，出黎睇下龜龜，見到龜龜佢感冒、唔生猛、眼冇神…但佢無奈嘅眼神，已經攻陷左我嘅同情心，所以我冒住比老婆鬧嘅危險，帶佢返屋…返到去立刻浸水加rep、益生菌、維他命…但佢都係手腳冇力，咩都唔食，我相信佢比人餵左大量生果…我講出黎唔係想比人讚，只係想養龜嘅人唔該睇多D文章，唔識就問多D有經驗嘅人，唔好養幾個鐘又話唔養，始終係生命，生命係冇分貴賤嘅，請尊重生命，唔好三分鐘熱度好嗎？仲有今日去搵桑葉時，見到一個女人，抱住隻狗仔bb，隻狗仔係度狂震，我問個女人，佢話狗仔係垃圾筒裡面見到，一隻已經死左………世上善惡只係一念之間………種瓜得瓜，種豆得豆，謹重之！！！希望佢冇事啦…佢食左幾下菜就跟大隊瞓，一陣先隔離佢！

作者: GIANT 時間: 2012-6-4 12:14
尊重生命

作者: 阿肥 時間: 2012-6-4 13:31
回復米高佐龜的帖子

希望龜龜早日康復，快高長大

作者: AKIBB 時間: 2012-6-4 13:33
希望佢無事LA

作者: 米高佐龜 時間: 2012-6-4 13:38
多謝你地！！！我去緊買龜藥，因為佢流鼻水、吹波波，不過我覺得佢會冇事

作者: happyturtle 時間: 2012-6-4 14:10
好坦白講,如果隻龜有暗病,都仲可以搏懞賣出去,但試問有冇人會拎一隻流鼻水吹波波既龜出去同人交收?得閒得濟?之前d人話買黃緣返屋企幾日死左,都唔會交收既時候吹波波流鼻水咁誇張啦.
樓主尋晚半夜拎隻龜返屋企,都即刻影2張相,今日隻龜流鼻水又唔影?睇返尋晚張相個鼻仲好乾爽!!!依家俾我話完,樓主為啖氣,放隻龜落雪櫃整到佢流鼻水都得,清者自清.如果隻龜感冒,樓主又何來信心醫好佢?我本來想告一段落,係樓主想執尾彩!

作者: iamnero 時間: 2012-6-4 14:16

米高佐龜發表於 2012-6-4 13:38
多謝你地！！！我去緊買龜藥，因為佢流鼻水、吹波波，不過我覺得佢會冇事 ...

流鼻水唔一定系感冒，搞清楚先好落藥

作者: happyturtle 時間: 2012-6-4 14:17
本帖最後由 happyturtle 於 2012-6-4 14:19 編輯

各位,如果你有隻幾萬蚊既龜,例如金錢龜,阿達伯拉象龜,如果佢流鼻水,仲吹波波,你地有什麼高招可以同人交收?我放隻龜400蚊咋,駛唔駛做咁多野?我之前試過500蚊放4隻龜:火焰石金刀旦南錦,果度都唔止蝕400啦,要為400作奸犯科嗎?

作者: happyturtle 時間: 2012-6-4 14:20
樓主咁大膽,隻龜流鼻水,尋晚唔即刻隔離,真係藝高人膽大!!!!!!!!!

作者: happyturtle 時間: 2012-6-4 14:34
我本身口才唔好,講說話太直唔識轉彎,但樓主講既野實在太唔合情理,太多疑點,太容易駁斥.
我估最後既殺手揀都係整病隻龜,之後影張相上網,咁就當自己贏左,不過我估都要幾個鐘時間.
仲有,樓主要養老婆,我以為樓主日頭要返工,原來仲可以響屋企見住隻龜流鼻水.

作者: happyturtle 時間: 2012-6-4 14:51
講到呢度,信我既師兄就信,唔信既我都唔想再講
由我第1個留言開始,樓主從來無正面回應過.我問左好多個問題,點解會有咁多唔合情理既事,都得不到解答.
我呢2日個心情好激動,我覺得我要抖一抖氣
我唔敢再睇米高佐龜講既野,我會爆血管的.
我迫自己暫停兩日龜友論壇,後會有期.

作者: ryanfung11 時間: 2012-6-4 15:03
龜友論壇係比大家來分享、交流、討論下各人心得經驗，有好多情況未必都發生在自己身上，藉著該論壇作參考，若然發生的話也可以作為借鏡，係論壇大家用詞都唔一樣，有時會用同音字、打漏字、打錯字等…可能大家都在猜測意思，有主觀有客觀，有時真係＂講者無心聽者有意＂，講錯野、會錯意大家多多包容，免傷和氣

作者: 4848 時間: 2012-6-4 18:14
夠啦件事都係因我已起
我承認我係個三分鐘熱度既人買返來唔夠半日就轉售比人
原因唔係因為隻龜有病而係我根本唔識養所以我無謂死頂玩到隻龜死為止
所以先轉售比有經驗有養開既買家
最後我只想澄清我同之前位師兄唔係無良心唔識尊重生命既養主我地目的只係想比隻龜一個好d既生活
希望呢件事到此為止

歡迎光臨香港龜友論壇 (https://hkturtle.org/)