香港龜友論壇

標題: 係魚佬水族買野如快事件~大家小心 [打印本頁]

作者: 忠仔~ 時間: 2012-7-29 19:08
標題: 係魚佬水族買野如快事件~大家小心
琴晚去左魚佬水族果到買左個CY_20既濾桶仔~90蚊,返到屋企就整返落個缸到啦~
用左個幾鐘,都覺有事,可能屋企電視呀電腦呀比較大聲聽唔到~~點知到左差唔多訓教果陣~~熄左電視同電腦啦~就聽到個瀘桶仔有D"架.架"既聲~~因為本身我自己係做摩打維修,所以我一聽到就知係入面摩打個葉HI到野既聲~就今日上左去問,
一去到有個店員同我試下~~因為佢果到D瀘水器呀~水聲呀同其他D機有聲所以聽唔到個瀘桶仔有怪聲一D都唔奇~所以我就耳仔近D個瀘桶仔真係有聽~~
店員:你聽下有無聲~
我:有呀~有D"架.架"聲
店員:老細<<魚佬>>你來聽下
魚佬:咩事~
店員:佢話有聲喔~~~~~~
魚佬一來到企係到就話:無呀~無聲呀~
我:有呀你聽下~
魚佬貓底:佢話水聲來架~
我:唔係呢你聽下~係D摩打葉HI到野果D聲~你呢到D機同水聲所以聽得唔係好清楚~你聽下~有D "架.架"聲夜晚熄哂燈訓教果陣就好覺架啦~
魚佬:瀘桶一定有D聲架啦...
我:我知有D聲,但都要分係咩聲.摩打轉同D水一定有聲架啦~但而家D聲係摩手葉HI到野既聲呀~
魚佬:我賣左幾年呢個瀘桶仔都無一個客好似你咁話有聲,我第一個瀘桶仔就係用呢個,幾十蚊野係咁架啦~唔想有聲呀~
買意大行呀果D囉~~
我:咁呢個牌子既瀘桶仔係唔係有呢D聲係正常~~一係拎個第二個出來試俾我睇下~睇下係唔係都係咁~~
魚佬:嘩~如果D人買幾10蚊野~好似你咁又話要試又話要換咁我未唔洗做生意~
跟住魚佬叫個店員只係換個頭俾我~~
魚佬:拿咁次換左俾你.之後有咩事唔好返來換啦~~唔好又話又聲啦~幾10蚊野~
我:唔係幾10蚊就唔俾換呀~~
跟住我跟個店員入去拿,個店員黑面~~拎左個頭"拿"~
我:下...插一插電試下都要掛..唔該同我插一插試下啦~
跟住個店員好唔原意咁去試~

講真~我係佢果到買左都唔小野~都未試過係咁~可能以前生意無咁好要留住D客所以售前售後D服務都幾好~~而家真係售後服務好差好巴敗
買幾10蚊野又話唔試有問題唔好再拎返來咁
今次之後真係要同佢講88...

各位C兄如果去買CY_20要小心好有可能就係我去換果個~~

作者: kukuro23 時間: 2012-7-29 19:53
sad if its true.

作者: ron410 時間: 2012-7-29 20:16
咁嘅服務態度唔好再幫襯佢！平時sale咩盾咩豹點架勢！咩都係假！服務至上呀！

作者: leo123 時間: 2012-7-29 20:29
我重諗住li 間野幾好tim...

作者: www 時間: 2012-7-29 20:44
忠仔~ 你對 !

,,,i suport u ! 買野又話唔試,,,,有問題唔好再拎返來,,,,,咁你唔好再去買啦!
生意冇獨市的,,,,,,!

作者: cindyip 時間: 2012-7-29 20:47
see see
http://www.discuss.com.hk/viewth ... esc=DESC&page=1

2#:入面有空氣未清哂出黎
試下搖下佢
or定一兩晚

作者: 奶野 時間: 2012-7-29 20:48
貨物都係其次!!服務先係第一!!
呢呢間野係雙反=,=

作者: 忠仔~ 時間: 2012-7-29 20:57
回復 cindyip 的帖子

唔係空氣~~係摩打HI到野既聲唔多~定時一下一下咁架,架咁~~搖左都係咁~~琴晚開到今日中午都有係呢下聲~~

作者: 忠仔~ 時間: 2012-7-29 20:59
回復 ron410 的帖子

我都同佢買左好多次野架啦~~~不過真係愈來愈差~~

作者: 忠仔~ 時間: 2012-7-29 21:01
回復 leo123 的帖子

講真~~我都打算買平野既心態同佢買~~但差幾蚊~~換來都係激氣~~講真CY_20好多間都係90蚊~~我同佢買開先同佢買~估唔到唉~~

作者: 忠仔~ 時間: 2012-7-29 21:01
回復 www 的帖子

以後真係唔去啦~~~

作者: 忠仔~ 時間: 2012-7-29 21:02
回復奶野的帖子

講得岩~~^^

作者: ron410 時間: 2012-7-29 21:12
回復忠仔~ 的帖子

你幫襯佢咁好次應該係熟客仔㗎啦！都咁樣服務！你唔好再幫襯佢啦！

作者: izzy 時間: 2012-7-29 21:12
平心而論，魚街家陣嘅“地位”系咁噶喇。90蚊嘢換個頭卑你咪算佢識諗咯。
講真，byebye 你一個，仲有幾百個客上去買嘢。ed就叫大店欺客，全世界都系咁。
你睇下d人依家就話佢點衰都得，到時399隻嘅靚豹一出，咪又系好似唔使錢咁沖上去~~~

作者: 忠仔~ 時間: 2012-7-29 21:16
回復 izzy 的帖子

呢間野買龜都係要小心~魚佬開始有龜賣都係最近~~好多龜叫咩名同生活既地方係點呀~~我諗佢都未必知得哂~~~所以D龜好唔好都係要停一停諗一諗~~

作者: izzy 時間: 2012-7-29 21:19

忠仔~ 發表於 2012-7-29 21:16
回復 izzy 的帖子

呢間野買龜都係要小心~魚佬開始有龜賣都係最近~~好多龜叫咩名同生活既地方係點呀~~我諗 ...

個人未曾幫襯，，其實間嘢響邊都唔知，，因為好少行樓上鋪^^

作者: kof 時間: 2012-7-29 21:28
本帖最後由 kof 於 2012-7-29 21:29 編輯

E+去魚街好多店員刀殺氣外露呢

作者: ah_jai2005 時間: 2012-7-29 21:30
回復忠仔~ 的帖子

我唔肯定你講既「架」、「架」聲係點，係間中「kick、card」一輪又停一陣，定係不斷、好有節奏咁「卡、卡、卡、卡」呢？

我都有用cy-20，亦有用boyu既ef-05 (都係cheap野，襯我！)。
兩隻都同樣，乾插只有摩打聲，都算順既。
當裝好晒真係行水既時候，開頭一段時間唔知因為空氣未走晒，定係機件未warm-up好，都會不定時發出「kick、card」幾下又停下既聲，後來又會順返，然後會間中「kick、card」三、幾下，到行左幾鐘之後就會順晒，無聲！
呢個情況，我每次開桶洗濾材時都會發生，最終都無咩問題。

我唔肯定你果個會唔會真係有事，所以評論唔到，只當俾d資訊你參考下啦！

另外，魚佬果度我一向印像都係ok。(我通常都係果d睇一大輪未必有幫襯既人，就算有都係幾十蚊貨仔。) 但態度都nice，隻boyu ef-05都係幫佢地買，買時自動插掣試機無問題先交錢，又唔覺有咩問題。
換個角度講，因為你插晒機試晒，d配件全都拮過總會污糟，難免會唔願意換，只係換個頭就可以避免要收返d掂晒水既其他配件，都算合理。

總有一點，我又覺得，如果擺明有問題，照計正常人唔會真係扮聽唔到卦。
講真，如果真係聽出堅有問題，佢直接換一個俾你，既可保住聲譽，仲有機會做多你幾單生意嘛。同埋，有無問題，俾其他玩開既用家一聽就知，無得呃，照計犯不著會為一件貨做臭個朵喎。除非，佢跟本唔夠料，聽唔出有問題啦。

至於佢既態度問題，我都評價唔到，不過，如果真係態度差，咁呢d店真係要檢討下。
只能夠講，既然佢令你唔舒服，就咪鬼再去啦。

作者: tommywong 時間: 2012-7-29 21:42
Support! 以後真係唔去!

作者: 忠仔~ 時間: 2012-7-29 22:21
回復 ah_jai2005 的帖子

其實行左最小都有成7-8個鐘都係咁~~總知就好唔舒服啦聽完佢講果D野~~真係唔會再去呢D店~

作者: rust-eze 時間: 2012-7-29 23:10
回復忠仔~ 的帖子

我見佢將好似黑旦定刀旦既龜苗同d 平背龜苗擺埋一缸, 印象中好似得藍衫店先會做d咁既事, 希望d 旦龜未俾人咬之前已經賣走左啦=-=

作者: 忠仔~ 時間: 2012-7-29 23:30
回復 rust-eze 的帖子

我都見到~~~好多龜仲唔多落水~可能都係有事~

作者: 忠仔~ 時間: 2012-7-29 23:31
回復 easymodel 的帖子

講真~~有問題緊係要換架啦~~唔係幾多錢既問題呀~~

作者: keith0415 時間: 2012-7-29 23:34
唔係錢既問題.....係有問題就要換架啦-_-服務態度先係最重要...您甘樣做生意.....

作者: 魚佬水族 時間: 2012-7-29 23:52
首先我們再這裡先對樓主說對不起! 今天真是我們的態度不夠好, 因為今日我們太過繁忙及因有兩位店員正在放假, 導致人手嚴重不足. 我們知這不是籍口, 只希望你知道原因及希望你原諒!

我們已幫你的濾桶駁好曬試給你聽, 正常有問題的不用放隻耳朵會聽到, 如果要張耳朵貼住濾桶先聽到的是摩打聲, 任何一種用電有摩打的有定有這種低頻摩打聲. 你聽到的有機會是因濾桶頂O RING乾涸因而導致入空氣所以有空轉聲. 當時賓在沒有時間及你詳細的解釋, 是我們的問題因收銀台已有人在排隊! 我們換給你真的是沒有問題, 因我們只需退回給供應商, 我們都是沒有損失的, 但你要求我們再接駁一次給你試聽, 我們真的不能夠做到了! 每接駁一個濾桶再加水試最少要20-30分鐘, 你來的時候正是最繁忙的時間! 我們真的沒可能每個濾桶給你試駁及試聽! 最後我們只有給你一個新的濾桶摩打!

在此我們再一次給你說一聲對不起, 希望你原諒! 現在已加快增加人手, 希望可以做好一點! 以及會訓誡每一位同事的態度包括魚佬!

如果你的濾桶再有問題, 可以拿回來! 如真的不喜歡用可退回錢給你!

我們如做錯的我們一定會認! 希望你原諒! 顧客永遠是對的!!!

作者: khip 時間: 2012-7-30 00:06

忠仔~ 發表於 2012-7-29 19:08
琴晚去左魚佬水族果到買左個CY_20既濾桶仔~90蚊,返到屋企就整返落個缸到啦~
用左個幾鐘,都覺有事,可能屋企 ...

cy-20 我用咁耐都冇聲，有聲可能係入面有氣，過晒D氣就冇。

用左2-3個月既CY-20用家

作者: khip 時間: 2012-7-30 00:12

魚佬水族發表於 2012-7-29 23:52
首先我們再這裡先對樓主說對不起! 今天真是我們的態度不夠好, 因為今日我們太過繁忙及因有兩位店員正在放假 ...

支持魚佬!!

唔係我幫魚佬，因為佢地人手真係小，客人有時都幾多。

同埋佢地都好有誠信，我有日去買野因為趕時間冇Check清楚有冇流，結果回家才發現，魚佬二話不說叫我出去拿番......

另外我想買前置筒，可能D員工唔熟產品，不過帶眼鏡既收銀大佬，收錢前都有細心提多次D喉嘴有冇Check清楚是否岩用...

就以上事情我相信佢地唔係一間無良既店舖，可能真係大家有少許誤會而已。

至於cy-20有聲問題，如魚佬所講，可能入面有空氣所以才有聲，我自己個個都係，等佢開一陣機走晒D空氣之後靜到冇朋友.....

希望樓主可細心搞清楚，如發現產品冇問題，細魚佬澄清一下。

作者: khip 時間: 2012-7-30 00:14

rust-eze 發表於 2012-7-29 23:10
回復忠仔~ 的帖子

我見佢將好似黑旦定刀旦既龜苗同d 平背龜苗擺埋一缸, 印象中好似得藍衫店先會做d咁既事 ...

如果覺得有問題，其實你應該提出給店主參考及改善的

作者: 忠仔~ 時間: 2012-7-30 00:15
回復魚佬水族的帖子

你要明白~你果到既環境咁多器材開緊~~要近D先聽到有咩問題~~你當時既言語好巴敗架~叫店員換俾我仲叫佢唔洗試~~係我唔該個店員插一插電~試下佢先死死氣去試...忙緊係藉口啦~就算忙都唔洗講到以後有咩問題唔好拎返來搵又話幾10蚊野~~~幾10蚊野有問題要換都睇唔開~~如果D貴D既野咁未仲死~~唔好搞啦幾10蚊野~~~叫D C兄小心D好啦~~買個教訓~

作者: 忠仔~ 時間: 2012-7-30 00:23
回復 khip 的帖子

我可以再講多次既~~我唔係第一日養魚唔係第一次用濾桶仔既人囉~~有無氣我都知點搞~~

加上有氣既聲同D葉HI到野既聲係有分別~~~唔長又唔短咁都做左5年摩打維修~~

再加上呀~~你用無問題~係唔係代表人地買果D無問題呢??咁好難講~

作者: 大吉 時間: 2012-7-30 00:24

khip 發表於 2012-7-30 00:14
如果覺得有問題，其實你應該提出給店主參考及改善的

自己返貨做下功課先啦，你都唔會同藍衫講d陸唔係咁養啦，何況鱷龜同旦咁基本ge野

作者: 忠仔~ 時間: 2012-7-30 00:25
回復 khip 的帖子

賣龜之前應該睇多D龜書~~~多D上來問下~~唔係下下要人地去同佢講呀??你去叫佢做下功課呀~

作者: erickmkp 時間: 2012-7-30 00:38
我之前都有幫襯開魚佬水佬,但我都覺得而家魚佬水佬D職員(包括老細)態度差左,而家上到去都5太敢問距野......

作者: khip 時間: 2012-7-30 00:39

忠仔~ 發表於 2012-7-30 00:23
回復 khip 的帖子

我可以再講多次既~~我唔係第一日養魚唔係第一次用濾桶仔既人囉~~有無氣我都知點搞~~

咁請問更換過後產品仲有冇你所講既問題呢??

我只係信一隻手掌拍唔響，對方可能態度唔好，但你態度好唔好冇人知。

整件事我相信係你地溝通上既誤會，但你意思就講到魚佬唔願做你生意咁，我覺得不公平。

作為消費者，我們當然有我地既權益，不過都唔應該當自己係大晒。

對方做生意都係普通人一個，就咁一個更換一個產品，魚佬換俾你有幾難，如果大家好聲好氣傾，我相信問題不大的，所以我相信整件事係你地溝通上出現既誤會。

作者: khip 時間: 2012-7-30 00:41
本帖最後由 khip 於 2012-7-30 00:42 編輯

忠仔~ 發表於 2012-7-30 00:25
回復 khip 的帖子

賣龜之前應該睇多D龜書~~~多D上來問下~~唔係下下要人地去同佢講呀??你去叫佢做下功課呀~ ...

賣龜既，當然有責任，但表示人地一定要100%知道冇錯? 你自己做野都唔可能100%冇錯。

見到人地做錯，即時唔提醒對方而事後網上講，其實有咩居心? 究竟係真為D龜定另有目的?

作者: 忠仔~ 時間: 2012-7-30 00:45
回復 khip 的帖子

而家緊係無問題啦~~~跟本就係果個有問題~~果陣都有幾個人係到~~我好聲好氣同佢講架~~我仲問佢~~呢個牌子D機係唔係咁~如果係我唔洗換~~因為如果呢個牌子D機係咁咁換左都無分別啦~不如你睇下我同佢既對話先啦~~無加無減~~好可惜當時在場既C兄唔知有無見到我呢個貼~~

作者: Kaws 時間: 2012-7-30 00:47
回復 khip 的帖子

你又知一定係溝通問題你企係格離聽住呀! 你覺得唔公平咁偉大呀!

作者: 忠仔~ 時間: 2012-7-30 00:48
回復 khip 的帖子

C兄你聽日去教下D藍衣點賣龜呀~~

作者: Kaws 時間: 2012-7-30 00:48
我上去10幾次唔好話D員工點個老闆你問佢都唔想答你野咁!係比錢買野先有返D服務!

作者: khip 時間: 2012-7-30 00:52
本帖最後由 khip 於 2012-7-30 00:54 編輯

Kaws 發表於 2012-7-30 00:47
回復 khip 的帖子

你又知一定係溝通問題你企係格離聽住呀! 你覺得唔公平咁偉大呀! ...

我地大家都唔係到，只係睇到有人投訴一間魚鋪。

我地都冇可能肯定忠仔既態度，或者魚佬既態度，試問我地怎能夠單靠一個文章定生死?

難道你可以?

再講，魚佬上面都有道歉，咁唔通我地就可以一面倒唱衰魚佬?

作者: Kaws 時間: 2012-7-30 00:53
回復 khip 的帖子

你上過去魚老味??

作者: khip 時間: 2012-7-30 00:55

忠仔~ 發表於 2012-7-30 00:45
回復 khip 的帖子

而家緊係無問題啦~~~跟本就係果個有問題~~果陣都有幾個人係到~~我好聲好氣同佢講架~~我 ...

或者咁講，買任何產品其實都應該即場要求試先，冇問題才交收。這個我相信大家係同意的。

咁當初買既時候你冇要求試，事後番轉頭先話有問題，其實佢都可以唔換俾你，又冇話7日內有壞包換。

咁呢樣大家又覺得要求換係理所當言，咁其實對店舖係好唔公平的。

作者: 地獄火 時間: 2012-7-30 00:56
而家做人幾條野生意真係 5 2

CY-20 我都用緊 2 個,一個買返 lai 好正常,另一個買返 lai 有少少摩打聲,我睇係新返貨未 run 順,行順左已經冇哂 kick card 聲,得番 ci ci 聲,水位低過出水就有滴水聲,加返水又出番 ci ci 聲,始終都係有聲

作者: khip 時間: 2012-7-30 00:59

地獄火發表於 2012-7-30 00:56
而家做人幾條野生意真係 5 2
CY-20 我都用緊 2 個,一個買返 lai 好正常,另一個買返 lai 有少少摩打 ...

興幸我個個功能正常

作者: 忠仔~ 時間: 2012-7-30 00:59
回復 khip 的帖子

C兄~有邊間店買濾桶會入水試俾你睇架~~你講我知呀~~等我下次去~~
以我買過6個濾桶既經驗~~都只係會插電睇下轉唔轉就OK~~講埋呀~唔入水試一定係有聲既所以你聽唔到佢係唔係有問題架~~傻豬~

作者: 地獄火 時間: 2012-7-30 01:03

khip 發表於 2012-7-30 00:59
興幸我個個功能正常

會 5 會係你身上某器官個功能 5 正常

作者: khip 時間: 2012-7-30 01:05

忠仔~ 發表於 2012-7-30 00:59
回復 khip 的帖子

C兄~有邊間店買濾桶會入水試俾你睇架~~你講我知呀~~等我下次去~~

講得岩，我冇叫你入水試，唔好先入為主。

其實摩打運作正常，個筒出入水都ok，基本上魚佬冇責任要換俾你的，產品是沒有保證你完全靜音。

其實個問題係你以你既經驗，聽出摩打有問題而要求去更換，任何人聽到都可能只係你錯覺，呢樣係好正常既事。特別佢地做店舖每人咁多人，你認同嗎?

所以我個人好相信，如果雙方大家有更好既溝通，整件事其實好易解決。

作者: khip 時間: 2012-7-30 01:06

地獄火發表於 2012-7-30 01:03
會 5 會係你身上某器官個功能 5 正常

暫時未死得，他朝有日有絕症，我話你知。

作者: rust-eze 時間: 2012-7-30 01:09
本帖最後由 rust-eze 於 2012-7-30 01:13 編輯

khip 發表於 2012-7-30 00:41
賣龜既，當然有責任，但表示人地一定要100%知道冇錯? 你自己做野都唔可能100%冇錯。

見到人地做錯， ...

好的, 其實我前兩日上完魚佬之後都上過五木, 見到五木keep龜方法都有問題, 但係果陣無出到聲, 依家經師兄一提真係好後悔, 奈何住得遠, 可唔可以搵師兄上去代我講呢? 難得師兄比小弟更真心為D龜, 我相信師兄一定會直接同五木老闆同店員指出佢地既不足之處, 唔係好似小弟咁剩係敢o係度講

作者: 地獄火 時間: 2012-7-30 01:09

khip 發表於 2012-7-30 01:06
暫時未死得，他朝有日有絕症，我話你知。

千祈 5 好話我知你有絕症,我 5 想浪費金錢

作者: khip 時間: 2012-7-30 01:10

地獄火發表於 2012-7-30 01:09
千祈 5 好話我知你有絕症,我 5 想浪費金錢

Hehe 你放心我死左你都應該唔洗什錢的，最多打過rip

作者: khip 時間: 2012-7-30 01:12

rust-eze 發表於 2012-7-30 01:09
好的, 其實我前兩日上完魚佬之後都上過五木, 見到五木keep龜方法都有問題, 但係果陣無出到聲, 依家經師兄 ...

人地有電話俾你打的，其實有心要盡責任，睇你做唔做姐, 做左人地唔理咁自己過得去。

不過你覺得多餘既，或者你做唔做都好冇必要同我交代，問題係你自己覺得點而已

作者: 忠仔~ 時間: 2012-7-30 01:12
本帖最後由忠仔~ 於 2012-7-30 01:15 編輯

回復 khip 的帖子

你有無試過無入水試濾桶呀??~~如果有你都知無入水試只係試到佢轉唔轉~~聲一定有~~所以係當時係聽唔出D聲係咩聲~~~

再加上我個濾桶有咩問題我以講左啦~~咁仲唔夠清楚呀~~不如你睇下佢點答我仲好啦~~幾10蚊野呀~~有問題都唔好再返來換呀果D呀~~
唉~~我真係唔知點同你講~~算啦~~我都無必要要解釋落去~~等D C兄睇完自己評價去唔去啦~

作者: 地獄火 時間: 2012-7-30 01:14

khip 發表於 2012-7-30 01:10
Hehe 你放心我死左你都應該唔洗什錢的，最多打過rip

咁我又未到好吝嗇地步,我會送張席比你圈埋先掉你落海 la

作者: rust-eze 時間: 2012-7-30 01:15

khip 發表於 2012-7-30 01:12
人地有電話俾你打的，其實有心要盡責任，睇你做唔做姐, 做左人地唔理咁自己過得去。

不過你覺得多餘既， ...

唉呀, 好失望師兄原來同小弟一樣, 剩係網上講, 唔去身體力行

作者: 弱水三千 時間: 2012-7-30 01:15
小弟多口插句嘴~~
其實我之前系其他論壇都見過有人上過去LI間野買野之後番黎呻
佢地話D店員唔多想唔采人
搵佢地幫手入D二氧化碳佢地就叫D客自己跟份說明書入但自己入完又要照比足錢WO~
同post好似仲有幾個人有類似經歷一齊和應樓主

所以我一直都唔敢上過去幫襯

作者: khip 時間: 2012-7-30 01:16

忠仔~ 發表於 2012-7-30 01:12
回復 khip 的帖子

你有無試過無入水試濾桶呀??~~如果有你都知無入水試只係試到佢轉唔轉~~聲一定有~~所以係 ...

就算你入完水聽到有聲，但個筒係濾到水既，咁請問是否一定要換俾你?

不如你冷靜落黎諗清楚D先啦。有時人嬲起上黎就會鑽牛角尖，平常心去睇番就會覺得未必係咁。

作者: rust-eze 時間: 2012-7-30 01:17

弱水三千發表於 2012-7-30 01:15
小弟多口插句嘴~~
其實我之前系其他論壇都見過有人上過去LI間野買野之後番黎呻
佢地話D店員唔多想唔采人

上過去買浮台都OK, 可能我上果陣九點幾, 無乜人

作者: 忠仔~ 時間: 2012-7-30 01:21
回復 khip 的帖子

你買魚缸人地會唔會試俾你睇呀~~都只係俾你睇下有無賓有無花返到屋企自己試完有問題先去換架啦~~唔通入左水就唔俾換呀~~

作者: 踢爆 時間: 2012-7-30 01:22
有人說.顧客永遠是對的.店鋪與顧客.誰是對誰是錯.

作者: IFC 時間: 2012-7-30 01:23

忠仔~ 發表於 2012-7-29 23:31
回復 easymodel 的帖子

講真~~有問題緊係要換架啦~~唔係幾多錢既問題呀~~

對~~~~ 中曬

作者: khip 時間: 2012-7-30 01:23

忠仔~ 發表於 2012-7-30 01:21
回復 khip 的帖子

你買魚缸人地會唔會試俾你睇呀~~都只係俾你睇下有無賓有無花返到屋企自己試完有問題先去 ...

一樣就還一樣，你答番濾筒既問題先啦。

買魚江都唔係冇得試流水的，唔好一支竹打一船人，睇你自己點同人傾，同係邊度買，買D咩。

作者: rust-eze 時間: 2012-7-30 01:25

khip 發表於 2012-7-30 00:41
賣龜既，當然有責任，但表示人地一定要100%知道冇錯? 你自己做野都唔可能100%冇錯。

見到人地做錯， ...

其實我唔係想罵戰, 不過想講如果唔知間舖既人既背景or唔熟, 有人會夠薑直接指出該店既不是?
可能俾人趕客even打都唔出奇

作者: 忠仔~ 時間: 2012-7-30 01:27
回復 khip 的帖子

OK~~唔好意思~~同你對話交流完我穫益良多~~

作者: khip 時間: 2012-7-30 01:31

rust-eze 發表於 2012-7-30 01:25
其實我唔係想罵戰, 不過想講如果唔知間舖既人既背景or唔熟, 有人會夠薑直接指出該店既不是?
可能俾人趕客 ...

其實如果你只係善意提出意見，我唔覺得係一個大問題，只係你有冇勇氣去做呢件事。

對方有對方既專業，你有你既知識，你又唔係批評人，如果咁樣都打你出門口，你報得警啦，間野都唔洗做。

作者: kahnballack 時間: 2012-7-30 01:33
本帖最後由 kahnballack 於 2012-7-30 01:35 編輯

講真~你自己都講係佢果到買左唔小野~都未試過係咁
咁依家人地換左比你
你又開post講左你唔滿意ge野
人地上面都回應左你原因同希望你原諒
如果你係熟客, 黎買咁多次野, 今次先有d少問題, 咁就要唱通街整衰人地為止?

學前面師兄話齋, 我係老細真係寧願你day one唔好黎幫襯

作者: 查理斯王子 時間: 2012-7-30 01:39

kof 發表於 2012-7-29 21:28
E+去魚街好多店員刀殺氣外露呢

我係消費者就係大曬

,比我實掉7佢

,Chicken又唔係吹唔起

作者: khip 時間: 2012-7-30 01:40

查理斯王子發表於 2012-7-30 01:39
我係消費者就係大曬,比我實掉7佢,Chicken又唔係吹唔起

咁炸唔炸得起....炸得起唔該整兩隻家鄉雞食下....

作者: ah_jai2005 時間: 2012-7-30 01:42

kahnballack 發表於 2012-7-30 01:33
講真~你自己都講係佢果到買左唔小野~都未試過係咁
咁依家人地換左比你
你又開post講左你唔滿意ge野

其實，呢位師兄都有道理。

我相信，店員甚至老細可能真係已經出左問題，態度差左。
不過，佢上得呢度道晒歉咁，我感覺上係，樓主指出左一個佢地未為意既問題：待客態度欠佳或者下降！

既然佢出得o黎道歉，都應該假設佢有心想改好既。或者調轉咁諗，經過今次事件，如果佢地真係改善，對大眾龜友、魚友都係一件好事。
有勞各位師兄師姐一齊監察，得閒再「包膠」下啦。

作者: wongbb10 時間: 2012-7-30 01:45
其實忠仔用咩方法去表達佢不滿係佢消費者ge自由..
間鋪做得差。消費者唔去幫襯。甚至唱佢都冇可厚非
一黎消費者又冇收佢錢。肯畀意見已經偷笑。

作者: 查理斯王子 時間: 2012-7-30 01:48

khip 發表於 2012-7-30 01:40
咁炸唔炸得起....炸得起唔該整兩隻家鄉雞食下....

先生係度食定拎走

0406.jpg (81.88 KB, 下載次數: 116)

0406.jpg (81.88 KB, 下載次數: 129)

作者: 魚佬水族 時間: 2012-7-30 02:22
多謝大家支持及意見! 我們所有都會接受的, 會盡量去改!

第一,叫員工不用試的意思是, 不用再試一次水而不是不用去試電! 因為已有幾個客人等緊, 所以希望佢可以盡快完成因如要多試一次水要再用20-30分鐘! 這樣真是一個好大的誤會! 員工們因實在太過忙及累所以導致態度可能不能令你滿意, 在此希望你能原諒他們, 我代他們說對不起, 因這幾天他們真是盡了力, 他們直至下午6時都未有時間食LUNCH !

第二, 旦龜苗同平背苗放在一起是因為已沒有更多位置, 現在因店內冷氣開放如把他們全部用膠盒/玻璃盒全部分開, 他們會沒有暖管及沒有濾水器. 我們每次加龜都會每日留意, 如旦龜苗俾咬我們都是一樣會是損失, 直至現在他們不知幾開心, 有暖管, 有濾水器, 有浮台曬燈, 自由自在, 不用分十多隻放到一個小膠盒/玻璃盒, 他們仲有專人分開種類餵食, 不用搶食!

第三, 我們雖然養龜資歷不深, 但可以肯定我爬文絕不比一般人少. 還在學習中!

有誤會的我們會回應, 其他都不回應了因不想產生罵戰! 一間店舖實有人喜歡有人唔喜歡! 最緊要唔好有誤會! 如本店有什麼做得不對/飼養龜隻不好, 可以直接PM/EMAIL我們歡迎任何意見! 我們都想在店內的龜舒舒服服!

作者: khip 時間: 2012-7-30 03:29

bobby310 發表於 2012-7-30 03:23
愈睇店主解釋，愈覺得他們不斷掩飾，
話繁忙時間做到累冇時間食飯，
咁樣就可以找顧客出氣，

好野好野，只睇幾段文章可定人生死。

作者: 查理斯王子 時間: 2012-7-30 03:52

bobby310 發表於 2012-7-30 03:35
忠仔，不須再理會D打手，
佢都不在場，何以斷定是雙方溝通和態度出問題，
如果忠仔是惡意抺黑，何以店主兩 ...

你先係奇拿,真正嘅打手

人地都道左歉啦,重想點???

作者: 忠仔~ 時間: 2012-7-30 07:00
回復查理斯王子的帖子

咁我又咁沖動~~

作者: 忠仔~ 時間: 2012-7-30 07:03
回復 wongbb10 的帖子

佢店出左問題~~我講出來~都係想俾大家知道我既經歷~~
等大家去唔去自己考慮下..因為消費本來就係一種好開心既事~
有邊個想買到件野~~有問題又要出返去換又仲要如到呢D事呀~~可惜既係我呢頭無水族店~

作者: 忠仔~ 時間: 2012-7-30 07:04
回復 bobby310 的帖子

等D C兄自己評價吧~~係唔係打手我覺D C兄們睇得出~~

作者: 教父 時間: 2012-7-30 09:18
師兄不幸 ...
不過我上次買左個濾桶之後再上去問野都ok態度
利申 2個月前，非打手。

作者: 大烽 時間: 2012-7-30 09:22
講真大家都係揾餐飯食姐如果有問題既野
米等佢同d大客做完生意先換囉
忙中有錯係理所當然唔通大家打公仔未試過！？
當一個人未食午飯就開工直至6點都未食野啵
比著你你又會忍到當然顧客至上但大家都係人
飯一定要食工就一定要開架啦魚佬換個比你米得囉

作者: khip 時間: 2012-7-30 11:37

bobby310 發表於 2012-7-30 03:35
忠仔，不須再理會D打手，
佢都不在場，何以斷定是雙方溝通和態度出問題，
如果忠仔是惡意抺黑，何以店主兩 ...

都唔知話你天真的傻... 說不通地道理 = 人地係打手...哈哈

係呢到我再次重申，除左忠仔同魚佬冇人當時係現場，我同你都冇資格話魚佬係無良鋪，你留言前要諗清楚件事，唔好先入為主就覺得魚佬係衰人。

作者: flower07223 時間: 2012-7-30 12:28
食花生

作者: khip 時間: 2012-7-30 12:29

flower07223 發表於 2012-7-30 12:28
食花生

好睇嗎...

作者: flower07223 時間: 2012-7-30 12:32

khip 發表於 2012-7-30 12:29
好睇嗎...

我是騎牆派....牆頭草

作者: khip 時間: 2012-7-30 12:47

flower07223 發表於 2012-7-30 12:32
我是騎牆派....牆頭草

睇埋另一個post，仲好睇呀

作者: 乂阿偉乂 時間: 2012-7-30 12:50
本帖最後由乂阿偉乂於 2012-7-30 12:51 編輯

魚佬水族發表於 2012-7-30 02:22
多謝大家支持及意見! 我們所有都會接受的, 會盡量去改!

第一,叫員工不用試的意思是, 不用再試一次水而不是 ...

有心可以用格仔板或膠片分開鱷龜

BTW 我覺得間野唔會話無禮貌,都唔會話有禮貌XD

作者: flower07223 時間: 2012-7-30 13:06

khip 發表於 2012-7-30 12:47
睇埋另一個post，仲好睇呀

邊個???有無link??

作者: khip 時間: 2012-7-30 13:08

flower07223 發表於 2012-7-30 13:06
邊個???有無link??

自己搵下，提示: 同龜痴有關。

作者: eGG 時間: 2012-7-31 00:16
我之前都有幫親魚佬！聽完返說話之後真係咪搞！

作者: alexwong2012 時間: 2012-7-31 00:30
你地會唔會有些唔會呢!

我今個月都上左好多次魚佬到買野.
今天先上去買左兩包底材,他的員工好樂意解釋比我聽,這些底材點用.
我至從月中係魚佬處買了隻黃殼紅腿,就可始喜歡上魚佬到買野.
他們的服務好過魚街檔好多喎~~~

作者: 忠仔~ 時間: 2012-7-31 07:10
其實我係呢到成件事我以講得好清楚已經唔需要解釋落去~~~等D C兄上來睇完自己評價去唔去吧~~
我同佢既對話佢講過既野同我向佢解釋有聲,也俾過叫佢試一個來睇下係唔係有同樣情況~都係事實~佢回答返我既說話都係事實~~
在這幫魚佬的人我也希望你地去第二到買到有問題既野~返去換D店員/老闆有售後服務好差的情況出現請回想返我返我這貼~~~用返幫魚佬既心態去面對~
大家自己評價吧~

作者: tortoiselover 時間: 2012-7-31 12:03

作者: willlysze0409 時間: 2012-7-31 13:37
其實魚佬真係好好人,我上次去搞左半個鐘先買左樽三十八蚊既鈣粉都無唔耐煩

其實樓主開呢個post到底想點?

人地同你講左對唔住咪算囉

唔鐘意下次咪5好幫襯佢
有時人地忙/心情唔好態度係會差少少,人之常情
退一步海闊天空
呢d野冇話邊個啱邊個錯
仲差d既一大堆la
換野慳d la,仲附送一句粗口
我勸樓主睇開d,凡事5好咁計較
到頭來辛苦既係你自己

作者: him133lt 時間: 2012-7-31 18:16

魚佬水族發表於 2012-7-29 23:52
首先我們再這裡先對樓主說對不起! 今天真是我們的態度不夠好, 因為今日我們太過繁忙及因有兩位店員正在放假 ...

力撐魚佬~！呢D人洗咩理佢……
換左比佢已仁至義盡，仲要出post傷人……一睇就知有問題係邊個啦~！
魚佬你原諒佢啦，人地未做過or無幾會出黎開鋪做生意架啦……
呢D人覺得光顧你買野or想光顧你，即使$0~$999999999……佢係客就大哂架……
佢識上你度買野，下面魚街無咩~？叫佢返魚街買睇下有得換呢~？
佢件野仲要濕過水架……買前自己又唔試清楚……仲出post傷人~！
好在買個瀘筒咋……買層樓都唔知點換比佢~！？

作者: nichol 時間: 2012-7-31 19:24
講真, 我同幾個FD一齊上去睇野, 人多又冇幫襯, 但係問D員工野佢地都好樂意去答去幫我地! 打手? 其實係佢地間野好先會有咁多人支持魚佬喳, 邊黎咁多打手?
做野既時候, 忙時心浮氣燥在所難免, 更何況魚佬係壇上親自向你道歉,
你仲想點~_~? SORRY 都唔接受, 明顯有意為難人地

作者: nedvedyip 時間: 2012-7-31 19:54
幾年前幫襯過魚佬買野，佢態度好好架，
個時仲係養海水魚，幫佢買過UV燈，支燈返去一試就壞，
佢第二日即刻幫我換過支新

不過個時佢仲係只做網上生意，係地鐵站交收，
而家佢有舖，就真係未上過去喇

作者: lcc100_200 時間: 2012-7-31 20:04
本帖最後由 lcc100_200 於 2012-7-31 20:07 編輯

^^.................

作者: lcc100_200 時間: 2012-7-31 20:07
本帖最後由 lcc100_200 於 2012-7-31 20:08 編輯

回復 nichol 的帖子

講真佢以前服務真係唔錯~~~我都一直支持佢~~好多朋友都係我介紹我上去~~~

作者: 香腸 時間: 2012-7-31 20:17
其實呢間野無論老闆同員工講野都係比較串,我都試過兩次,有時佢地自己都可能唔知,不過未去到惡劣既

作者: power15 時間: 2012-7-31 20:34
好在只係買龜糧,好少睇器材~~
服務唔好,一定當面屌9佢,問佢死未!!

作者: 忠仔~ 時間: 2012-7-31 22:46

忠仔~ 發表於 2012-7-30 00:59
回復 khip 的帖子

C兄~有邊間店買濾桶會入水試俾你睇架~~你講我知呀~~等我下次去~~

買果時~佢無入水試~
加上就算入左水~岩開果陣係有空氣係入面係好難聽得出~~

歡迎光臨香港龜友論壇 (https://hkturtle.org/)