香港龜友論壇

標題: 今日遊行的一點另類小感想：我不太喜歡的一些行為。 [打印本頁]

作者: ah_jai2005 時間: 2012-7-29 22:50
標題: 今日遊行的一點另類小感想：我不太喜歡的一些行為。
去一次遊行，除了用雙腳表態，更重要的是親身體驗、感受。
只要肯用心去感受，得著、想法是很多、很豐富的！

不贅了，入正題！

今天見識了一個團體：「香港自治運動」！ (因為他們是用紫色旗的，我也用了紫色。)
回家後做個資料搜尋後，據知它又名為香港城邦自治運動，徽號是龍獅旗！
它是一個什麼組織？我本來不知道，上網粗略了解之後，也只看到了一般的官方資訊，沒頭緒，也不想深入了解。

那麼，為什麼會留意他們呢？

第一件。話場中有主台的人開咪說話，時聽時四處看看，過了一不久，聽到一些人很大聲在高呼：「質素呀！」其後己叫囂了幾次，不明所以，只感到態度並不友善，當然，他們就是龍獅旗的人。後來有一位遊行婆婆好奇過去傾談，我聽到、明白了！他們說：「素質」是國內大陸的叫法，香港人應該說「質素」。哦！明白了！因為台上的司儀們在說話時習慣說「素質」。然後和婆婆說了一些文字、語言的歷史，有說廣東話才是多年來一直流傳的語言、普通話只是這幾十年之間的東西，等等等等。

第二件。台上司儀指收到一位老教師傳真來的一首歌，是反洗腦式國民教育的，於是，應老教師的請求，唱了。也沒問題，之後又說說其他洗腦式國民教育不是之處，喊喊口號等。再之後，司儀再唱一次這首歌，接著便到有人拿著較小型的擴音器，大叫：「叫聲啦！唔好唱呀！快d出發啦！」態度當然是不友善的。 (註：連同上次，這種不友善可以說只是我個人感覺，但卻看見附近除了他們的成員，其他人也有向他們側目的。) 還有的是，他們很喜歡在司儀喊口號或呼籲的時候，自己拿著擴音器大叫他們自己的口號，和司儀的聲音對台鬥響亮。

第三件。他們久不久便會拿擴音器叫口號，是沒問題的、合理的訴求。也會大叫「警察開路！」，而台前不時會呼籲大家，如見到有家長帶同嬰兒車或小朋友，先讓路讓他們先起行。此時，又會聽到零星的說話從這些人中說出：「大家一起行吧！分什麼先後。」之類。(是沒用擴音器的) 之外，在等待出發時，又高聲呼籲「大家」坐下，一起坐下等待！也許是之前累積了不喜歡的感覺，只覺得他們在散播、鼓吹一種「已經等得很不耐煩了」的感覺，並想感染身邊的人。

至此，我已覺得站在這些人身邊充滿負能量，對我這條「正能量」來說，當然是避而遠之，閃去另一個位置等待出發啦。

我不敢評價這個團體的理念及一貫的作風是好是壞。只是，從我觀察整場遊行，見過場中的不同團體，大家都明白什麼是克制，什麼是理性。正如場中司儀提及，這次是一個親子活動，有很多小朋友，大家盡可能保持理性、斯文及有秩序。
而這些人，他們打著龍獅旗，穿著hkam的衣服，但行為卻令人充滿不敢苟同、不夠大體甚至有刁民的感覺。

我的意見是：

第一。素質與質素，他們的理論是對的，確是南方與北方方言的不同習慣。但語言本身是活的，隨著時間、文化的轉變，其實本身並無一定對錯分野。他們要執著用素質，絕對有權！但在這種為一致議題共同爭取的時候場面，用這種不友善態度去表態，是表示自己才最正確？還是要告訴大家，逢大陸的就要反？我能理解他們的思維，但不苟同他們的做法！

第二。「收聲啦！唔好唱呀！」，就是一種沒教養、沒質素的爛仔表現。對方的行為其實沒有明顯不對，就只因他們不喜歡，就用上擴音器高聲大叫對方「收聲」，完全不懂得尊重別人，而且對方非但是目標相同的人，更可說是大會的搞手！這種行為，成功令附近的人產生了一種不快的感覺，並撕裂當時的團結感。

第三。主要是我自己的概念：其實在場人士不斷大叫警察開路、盡快起行，我自己會有疑問。踏得進這個維園，已經預了要花時間表達意見，急於起行、讓大家快些出發，為的是什麼？早些完成行程？還是怕大隊在前方走得太疏落，要衝上前擠擁？
如果維園開大閘，大家快些步出球場，結果會是如何？就是令到前面的路擁擠一些而已。如果想快，直接從另一邊走出球場，走內街到前方隊頭再加入便可以了，有什麼好急的！
不過，我處身其中，其實是能夠感受到原因的。因為，我們到此是要表達不滿，叫喊「開路！開路！開路！」，能發洩出那種不滿(尤其是當時烈日當空)。但除了痛快，其實並沒有真正意思，即使真的開了維園的閘，前面仍是只有三條行實線。難度叫前線警員開放兩線共六條行車線？我覺得，可以的話當然好一些，但對當地交通、居民也會有影響，而即使只開三條線，其實路也很好走。這種叫囂，總覺得是帶有一點點不理性的純發洩效果，甚至對爭取撒回洗腦式國民教育無關的。
就此，我補充一點，大會司儀也有帶頭高叫「警察快開路」，他們曾說「健康身體對我們也是重要的」，意指快些起行大家可以相對地曬少些時間，減少不適的人數。這原因，我理解，但事實是否因為這個原因才有需要開路？我是質疑的。始終，開閘可以令曝曬時間減得多少？而且我們已經讓小朋友及老人家先起行，留下的，就我所見都是年輕有力之士。
最後為什麼我這點個人想法，要和那個什麼香港自治運動混在一起談呢？因為，他們對於高呼「開路！開路！開路！」及鼓動大家一起叫「開路！開路！開路！」可說是不遺餘力的。

作者: wongfafa 時間: 2012-7-29 23:08
師兄見到佢地有幾多人呀？

作者: ah_jai2005 時間: 2012-7-29 23:30

wongfafa 發表於 2012-7-29 23:08
師兄見到佢地有幾多人呀？

小弟響球場等果時，身旁既成員約莫十四、五人啦。

不過，臨出維園前見佢地有其他成員召左呢十四、五人行埋過去，果班人唔肯定有幾多，企高左既就得幾個，但可能仲有其他成員散落四周。

呀！都補充一點，除左上述既行為，其實佢地本身無乜點，唔會搞到附近d人，又唔會有話好粗口爛舌既，同呀婆講南北方言史時都算健談既。
只係見有一個年青男仔就著住白背心，啡毛(髮)而且身上同手臂都有紋身，另外有個男人著住件白色長袖通花侐衫加窄身褲再加一對長長尖頭淺啡皮鞋，好型！

作者: 肥文 時間: 2012-7-29 23:39
我今日影左好多遊行相...聽日po :)

作者: 肥文 時間: 2012-7-29 23:47

ah_jai2005 發表於 2012-7-29 23:30
小弟響球場等果時，身旁既成員約莫十四、五人啦。

不過，臨出維園前見佢地有其他成員召左呢十四、五人行 ...

由開始影影到反鋪頭就冇lu 佢地遊行果陣我企係個鐵欄上面勁高打平影哂落去果下好正- -....第1次又係....其實好考合...年年咁多遊行我都味見過...今次比我撞正個感覺非常好....大人細路都掙取自己ge野果陣個太陽哂到塊野咁都照行......好有意義:)

作者: ah_jai2005 時間: 2012-7-29 23:55

肥文發表於 2012-7-29 23:47
由開始影影到反鋪頭就冇lu 佢地遊行果陣我企係個鐵欄上面勁高打平影哂落去果下好正- -....第1次又係.... ...

真係好意義！我見到d大人同細路一齊行，好感動！
其實行到中後段，地方鬆動d，佢地會好似一班人行街咁，傾下偈、四圍睇下野，好有節日feel；雖然係拎住反對既語句，但唔會不斷嗌口號。
我咁講唔係話佢地唔落力爭取，相反，其實咁熱響條街度行一定會辛苦，但都要言教加身教咁企出o黎，好值得尊敬，亦為遊行示威作出另一種示範：我地唔係要搞對抗，但係必須要為自己既意願表態！

作者: seira2242527 時間: 2012-7-30 00:01
辛苦哂你啦C兄

作者: 金石豬 時間: 2012-7-30 00:04
咩叫中國民教育? 就是為自己的自由最重要??
今日南海, 釣魚台都被外國勢力侵佔. 遊行那班人知5知? 佢地為國家做過咩野?? 一味大嗌洗腦洗腦

作者: tonycha 時間: 2012-7-30 00:16
我去了,好H0T,但值得！

作者: ah_jai2005 時間: 2012-7-30 01:18
本帖最後由 ah_jai2005 於 2012-7-30 01:22 編輯

金石豬發表於 2012-7-30 00:04
咩叫中國民教育? 就是為自己的自由最重要??
今日南海, 釣魚台都被外國勢力侵佔. 遊行那班人知5知? 佢地為國 ...

我唔知你有無曾經了解下反對者既理據。

如果無，只係因為聽見有人反對國民教育就已經直覺覺得遊行人士有問題，請你先了解、再批判。因為你既質問並無其他重要理據。

回應你既問題：
「南海, 釣魚台都被外國勢力侵佔. 遊行那班人知5知? 佢地為國家做過咩野??」
遊行果班人絕對知道！我地唔係反對中國，只係反對洗腦式國民教育。
對於外國人侵佔中國領土，香港好多人一樣好睇唔過眼。至少，你唔會唔知香港一班叫保釣人士嗎？
我地遊行，係對事，唔係對人！反國民教育唔係一定要反對中國，但係就要大家客觀咁面對是非對錯。中共政府既真貌，好既要知、壞既都要知。偏頗、歌功頌德同隱惡揚善既教育，就係有問題。
至於南海、釣魚台問題上，遊行人士為國家做過d咩？你期望身為特區市民既我地為呢兩個問題做到d咩？！
就算係中國既公民，即係真心愛國愛黨果班，又做過d咩？特首、高官都唔同你計，國內各省、市級書記又為呢兩件事做過d咩？

修身、齊家、治國、平天下，我地為下一代爭取保留既，就係學做良好公民既權利，學好做一個人，係基本、係最重要！
國家依家有幾多位居高職既人，私德敗壞、貪污儉財，就係唔識修身、未懂齊家之輩，叫佢地治國平天下咪搞到污煙瘴氣囉！
良好既公民，要有良知、要識分是非黑白、要知道真實既一面，呢d係普世價值，有錯乎？唔係要做個盲目唱好國家既人就係「好」國民架。

作者: 金石豬 時間: 2012-7-30 09:50

ah_jai2005 發表於 2012-7-30 01:18
我唔知你有無曾經了解下反對者既理據。

如果無，只係因為聽見有人反對國民教育就已經直覺覺得遊行人士有 ...

1)我不是話反對遊行人士的訴求, 你有冇留意其他國家人民對南海, 釣魚台做過d咩?

2) 請你先瞭解咩叫齊心對外, 其他國家見到中國人原來係只係團結反對政府, 不是有機可乘?

3) 你有無留意昨天中國政府有艘什麼船下水? 你點可以話中國政府冇做過野?

4) 甘我又問你, 遊行人佢對知5知反對國民教育d咩, 具體內容佢地又知5知?

作者: ah_jai2005 時間: 2012-7-30 19:17
本帖最後由 ah_jai2005 於 2012-7-30 20:14 編輯

回復金石豬的帖子

1)我不是話反對遊行人士的訴求, 你有冇留意其他國家人民對南海, 釣魚台做過d咩?
明白！
即是其實是兩個問題，一個是是次遊行的訴求，另一個是香港人對南海、釣魚台等國家領土主權問題的關注及奉獻度。那就分開討論。

2) 請你先瞭解咩叫齊心對外, 其他國家見到中國人原來係只係團結反對政府, 不是有機可乘?
這題是討論第一題中有關南海、釣魚台等問題，再而向上延伸的先對外、後安內。
「先瞭解咩叫齊心對外」，我想我懂得什麼叫齊心對外。除此之外，我雖然不能夠代表其他人答，但至少我知很多香港人在這議題上從不認為日本有權侵佔中國領土，甚至絕對會支持中國堅持捍衞主權。
但，也要分清立場和行動。論立場，香港人和中國可說一致。論行動，你(或大家)也需客觀點，香港可以做什麼？香港基本上連軍隊也沒有(也沒權擁有)，可以做甚麼？
然後，你不可以因為香港人在這問題上沒有做出什麼成就，就要求香港人不可以爭取基本的所需。
你說團結進行反對，但反對的不是中國，是為害下一代的教育政策。情況如同國內某地百姓見國內有官員貪污腐敗、不按國法辦事、無理/借故逼害平民百姓，於是百姓組織起來說反對XX省書記貪腐、管治無能，那是為社會、為公義，而且是正確的。這樣做也不應該？
又，假如認同反貪腐是對的，但就因為有國際間的對外問題，就要避談這類國內問題，對嗎？ 國際問題無日無之，那麼國內管治就永遠不用解決？作為一個國家就連同時處理兩個不同層面也做到不到的話，國民真的笈笈可危。
再退一步，香港只是中國的一個特別行政區，是一國兩制下的自治區域。如果因為南海、釣魚台等問題未解決，所以香港市民就不應就特區本身的有害教育政策提出反對意見，這概念可是十分荒謬的。
或許，你認為這次說的是「國民教育」，內容是關乎國家，不是地區問題。但在此我需重申，香港的教育是香港人自行管理的範圍，吳克儉上京說「匯報」，那已經是在破壞基本法原意給予香港的主權，是將主權部份交回國家。請問是誰授權他將基本法賦予全港市民的權力退回給國家？這點也是大家極之痛恨的。

3) 你有無留意昨天中國政府有艘什麼船下水? 你點可以話中國政府冇做過野?
我並不能說出那船的名字或類別，但我在之前已確實知道國家一直就那些問題進行解決。
但你可能並無理解清楚我上文，我在反問「國內各省、市級書記」(泛指官員)有何行動！
為什麼要這樣說？因為我要指出那些問題是國家級問題，省、市級官員沒權力、也沒能力介入，這是要進一步指出香港人根本不可能有什麼行動。而當時，你是指香港人沒就這些問題行動就是不團結。

4) 甘我又問你, 遊行人佢對知5知反對國民教育d咩, 具體內容佢地又知5知?
我不敢代答，但也敢說一定有部份人士不知道明白，因為，當中很多是小孩甚至嬰兒。但，大會/召集人一直有向公眾述說反對國民教育的哪些問題，在場中也指出課程指引中那些條文會帶出問題，與及這些指引可以進一步產生怎樣的影響。我會知，因為一班熱心的人士花時間細心研究，再指出重點讓公眾一起了解。
而當時遊行的場面並不是盲地喊口號，而是清晰地要求撒回這個有問題的政策。
相反，據報導及參與者反映，負責整份事的吳局長，似乎至今對國民教育科的推動政策、當中課程指引內容不是太清楚，和異見者討論時亦不去作雙向溝通，不去瞭解對方的擔憂。這種人擔任問責官員，市民如何能放心、放手讓這教育政策先推行、後檢討？！

++++++++
每次論及政治，尤其是大家立場不同時，很易產生罵戰。
我想說，上述內容都只想對事，並不是對人的。如果當中用詞太火，請見諒！

作者: 金石豬 時間: 2012-7-30 20:14

ah_jai2005 發表於 2012-7-30 19:17
回復金石豬的帖子

1)我不是話反對遊行人士的訴求, 你有冇留意其他國家人民對南海, 釣魚台做過d咩?

你都5明我講咩, 我5係叫d香港人直去釣魚台, 南海.

你亦都5知有中國已有所行動, 近期南海局勢亦很緊張, 你知5知已經成立左3沙市, 作用係咩?
那艘船叫海巡01, 5400噸級, 直轄上海市, 因近期在釣魚台海域同日本船隻對峙時, 中方的船隻都比較細小, 這艘船下水標誌著中方將釣魚台的控制加大力度.

其實好奇怪, 我見到其他國家人民會因為領土主權去到中國領事館示威, 但香港人呢? 只會為著示威而示威, 有無人自發組織去日本, 菲律賓,等國領事館示威??

作者: ah_jai2005 時間: 2012-7-30 20:35
本帖最後由 ah_jai2005 於 2012-7-30 20:36 編輯

金石豬發表於 2012-7-30 20:14
你都5明我講咩, 我5係叫d香港人直去釣魚台, 南海.

你亦都5知有中國已有所行動, 近期南海局勢亦很緊張, ...

我諗，我明白！

但問題係，明明講緊話兩件事分開講。

本來講緊反國民教育，但你引出南海、釣魚台問題。
於是我話南海、釣魚台問題唔影響我地反國民教育，然後你再申明係話緊香港人無自發組織去日本、菲律賓等領事館示威。
我估，你意思應該係以下其中之一：
一、香港人唔只應該關注反國民教育(本港議題)，亦都應該關注南海、釣魚台等問題(國家議題)，否則就係偏頗、只顧自己唔顧國家、係自私。
二、香港人應該優先關注上述國家議題，本港議題應該次要。

但無論係邊個意思，我都唔認同！(呢個就係我立場、我回應既主旨！)
國家問題係表面上係大，但係遠；本港問題表面上係細，但係近。
論影響，南海、釣魚台係原則問題為主，而且無逼切性，更加知道唔會有成效。(要抗議，上次菲律賓累死我地多條人命，但我地點抗議都無用，何況今次關乎資源利益。) 而且，即管退一百步咁講(觀眾唔好斷章取義話我賣國，我只係退到最後咁講。)，一旦始終落實唔到主權誰屬，人民生活受既影響會係乜？主要係關乎經濟、資源，至於國家尊嚴、地位等等，我相信係睇國情、國力，唔係因為一兩個地方。(我知咁講大家會唔鍾意聽，但我重申，只係退一萬步咁講。)
但係，國民教育係三十幾日後就會發生，而且，受影響既係全香港大部份既學童，唔係一屆，係以後每一屆。於市民評價，有近火一定要撲救。即係話，無論南海、釣魚台等地香港人係咩取態，無損香港人遊行反洗腦教育呢次行動既合理性。

+++++++
我估，可能，根本你只係想譴責香港人唔去關心國家大事。
如果係咁，我諗我最初真係唔明你講咩，誤會左。
因為我以為你既發言係同反洗腦國民教育有關。只不過，原來你提及洗腦，只係一個楔子要帶出你既對港人態度既不滿。咁，我應該係諗多左。

作者: 金石豬 時間: 2012-7-30 20:59

ah_jai2005 發表於 2012-7-30 20:35
我諗，我明白！

但問題係，明明講緊話兩件事分開講。

無逼切性? 你不如留意下日本、菲律賓等在主權爭議實際做左d咩?

其實我想講: hk有甘多反政府, 反教育政策的人, 佢地係鏡頭前有無提出過要為國家主權抗爭, 難道這些不是教育下一代的課題 ?? 真可笑........

作者: tonycha 時間: 2012-7-30 21:44

影像085.jpg (274.12 KB, 下載次數: 29)

影像086.jpg (258.28 KB, 下載次數: 28)

作者: wongfafa 時間: 2012-7-30 22:14
係釣魚台問題上，我希望能夠表達小小意見，有師兄引用出其他國家國民的行為，反襯出中國人or香港人對維護國家主權的問題。我先指出一點，每當有地區主權爭議，日本，菲國等公民都會在我國領使館前示威，但我國公民卻不會如此。反之我想問一問，你想一想，如果北京有人在日本領使館前示威，後果如何？我相信一小時內被捕。中國及香港無保釣行動嗎？有！但中多次保釣行動，都被中共政府，台灣中華民國政府，香港政府阻止，其中香港政府以荒謬理由多次阻止香港的釣魚台示威行動。我國政府是帶頭阻止我國人保護國土，反之其他政府卻是帶頭維護國土。我等情何以堪呢？中共賣國是事實，整個蒙古賣了，印度，俄國、緬甸國土邊界一直後退，不知是台灣的多少倍。中共做了什麼？中共有空一定要看一看民國憲法，看一看何為尊嚴。
ps：反之…中國也曾出現鐵血十八星旗

作者: 金石豬 時間: 2012-7-30 22:49

wongfafa 發表於 2012-7-30 22:14
係釣魚台問題上，我希望能夠表達小小意見，有師兄引用出其他國家國民的行為，反襯出中國人or香港人對維護國 ...

妳有d錯的, 近期台灣保釣人士成功進入釣魚台海域, 還有海巡署護航, 之前中國漁船船長進入釣魚台海域追撞日本船隻被日本人拘留, 中國政府不是出面要日本釋放了他? 有d野妳講漏了.呢d 不是好的一面?

作者: wongfafa 時間: 2012-7-30 23:05
回復金石豬的帖子

2011年5月23日及24日，港媒《明報》連續二日刊載獨家訪問，詹其雄表示，發生撞船事件後，曾遭日本官兵棍打腳踢，及後堅拒簽字承認「釣魚台是日本的」，主因昔日在台灣也遭受拘捕及中方領事官員的支持，故堅定拒絕。同時，詹其雄自曝，返國8個月，一直受政府近乎「隔離」式的「全方位保護」，既不能走出家鄉半步，「閩晉漁5179」漁船也由政府斥資250萬元人民幣回購，再不能出海，儲蓄又耗光，要靠借貸度日，鎮政府雖為他安排了一份月薪3000元人民幣的新工作，薪酬卻遠遜昔日。

硬幣有兩面，當然政府有好的事績，我不是想隱惡揚善，但相比中國和其他國家，中國在很多地方，真係非常不濟。

作者: 金石豬 時間: 2012-7-30 23:16

wongfafa 發表於 2012-7-30 23:05
回復金石豬的帖子

其實政府點解要出面阻止人民, 詹其雄出海進入釣魚台海域再遭日本拘留後果會不會再被日本政府輕易釋放, 妳有無諗?

作者: ah_jai2005 時間: 2012-7-30 23:38

金石豬發表於 2012-7-30 20:59
無逼切性? 你不如留意下日本、菲律賓等在主權爭議實際做左d咩?

其實我想講: hk有甘多反政府, 反教育政策 ...

哦！明晒！
既然你心中認定呢樣係第一、唯一需要重視同爭取既事。咁其他事的確唔再重要！！！

除左講，大家想法不同之外，都無咩好講。
亦唔怪得政府官員會認為社會「普遍」認同國民教育科，原來因為想法不同。

作者: wongfafa 時間: 2012-7-30 23:41
回復金石豬的帖子

如果中國人入中國領土，會俾日本人拘捕，根本上就係荒謬到極點…
你既講法當然非常合理，唔去就當然唔會俾人捉啦，
但只係一個非常消極既做法。
人地日本自衛隊都踩到上去啦…中共只係阻止人民去，
軍隊去左邊呢？
我唔係想打扙…但日本一次又一次挑釁，中共去左邊呢？
詹其雄係唔小心入左去，我估佢本身唔會有心入呢個旋渦。
我希望見到我國好似日本一樣，
雖然我認識唔多，但今日國家同日本比，
我見到日本好有骨氣(雖然唔夠打)，
據說專家話根據唔知咩法律，
國土邊界如果被其他國家佔領，
但被佔一方唔做野過五十年，
個地方就歸佔領國，
釣魚台差唔多過五十年啦，
我希望中國真係自強。

爭你自己的自由就是爭國家的自由，爭你自己的權利就是爭國家的權利。因為自由平等的國家不是一群奴才建造得起來的！
　　　——胡適

作者: 金石豬 時間: 2012-7-30 23:56

wongfafa 發表於 2012-7-30 23:41
回復金石豬的帖子

如果中國人入中國領土，會俾日本人拘捕，根本上就係荒謬到極點…

中國4邊都是敵人妳知5知, 剛剛日本又送菲律賓14 巡防船....目的係咩呢? 點解中國人要係呢度講圍堵中國人呢?
外交是一種手段, 如果下下要靠打扙解決, 我諗中國不只一條戰線了.

作者: 金石豬 時間: 2012-7-31 00:01

wongfafa 發表於 2012-7-30 23:41
回復金石豬的帖子

如果中國人入中國領土，會俾日本人拘捕，根本上就係荒謬到極點…

睇野睇全面d, 我爭取既係和平解決領土鈖爭, 而5係妳所講既動武解決

作者: 金石豬 時間: 2012-7-31 00:09

ah_jai2005 發表於 2012-7-30 23:38
哦！明晒！
既然你心中認定呢樣係第一、唯一需要重視同爭取既事。咁其他事的確唔再重要！！！

政見5同不是hk 的特色嗎? 如果我講支持國民教育就係錯, 就要被打倒嗎? 如果甘真係好恐怖! 其實無論國民教育入面係咩內容, 你都只係會反對, 你今日有冇睇梁生講國民教育入面係咩內容, 5好一味為反對而反對.

作者: wongfafa 時間: 2012-7-31 00:10
回復金石豬的帖子

中國自古就多敵人，
但不是無骨氣的原因，
九十年前中國面對更壞的情況，
山東都沒有了…
面對的…仍是日本人，
但見到的政府比當年更是退縮，
政府不做的，公民就得自己做。
強大的中國仍是要在小日本的腿下苟延殘喘嗎？TM的…

作者: wongfafa 時間: 2012-7-31 00:18

金石豬發表於 2012-7-31 00:01
睇野睇全面d, 我爭取既係和平解決領土鈖爭, 而5係妳所講既動武解決

我當然希望和平，我相信沒有人想見血留成河，
但不代表因為要為防止戰爭，作出不停的退步，
說真的，中國在邊界上已經向不同國家作出極大讓步，
是不是還要繼續呢？我相信這不是大家所想的。
(本來有一張圖片可以見到由立國之初到今日的疆界後退，但雖然見唔到…)

作者: 金石豬 時間: 2012-7-31 00:27

wongfafa 發表於 2012-7-31 00:10
回復金石豬的帖子

中國自古就多敵人，

現在的日本人不足為懼, 要忌諱的是她的同盟.

作者: 金石豬 時間: 2012-7-31 00:30

wongfafa 發表於 2012-7-31 00:18
我當然希望和平，我相信沒有人想見血留成河，
但不代表因為要為防止戰爭，作出不停的退步，
說真的，中國 ...

如果要參戰, 妳會去嗎? 就是不用妳參戰, 妳會去服兵役嗎?

作者: guy 時間: 2012-7-31 00:35
本帖最後由 guy 於 2012-7-31 00:36 編輯

金石豬發表於 2012-7-30 00:04
咩叫中國民教育? 就是為自己的自由最重要??
今日南海, 釣魚台都被外國勢力侵佔. 遊行那班人知5知? 佢地為國 ...

香港人為國家做了甚麼？

我們為國家給外國帶來一絲希望
一絲文明的希望
讓外國從中國對香港所作所為帶出中國政府的行為模式

仲有共產黨教識我一句詞語......偷換概念
明明講東明明技窮
卻可以說西，然後強詞奪理

反國民教育不能同保釣一齊做嗎?
保釣啱反國民教育就錯嗎?
如果香港真係比共黨控制至此
我一家四口移民日子不遠了!唉!

作者: guy 時間: 2012-7-31 00:44

金石豬發表於 2012-7-31 00:30
如果要參戰, 妳會去嗎? 就是不用妳參戰, 妳會去服兵役嗎?

現在講的是反國民教育，
你講參軍做乜？
如果你有仔女，
政府叫學校教佢六四冇發生過，
你又如何？

作者: guy 時間: 2012-7-31 02:09
本帖最後由 guy 於 2012-7-31 02:22 編輯

作者: 金石豬 時間: 2012-7-31 10:02

guy 發表於 2012-7-31 00:44
現在講的是反國民教育，
你講參軍做乜？
如果你有仔女，

我都5係問你, 不知前文後理又要搭咀, 甘6.4同反國民教育有咩關係?

作者: 金石豬 時間: 2012-7-31 10:05

guy 發表於 2012-7-31 00:35
香港人為國家做了甚麼？

我們為國家給外國帶來一絲希望

現在講的是領土主權問題，
你講反共做乜？

作者: guy 時間: 2012-7-31 12:38

金石豬發表於 2012-7-31 10:02
我都5係問你, 不知前文後理又要搭咀, 甘6.4同反國民教育有咩關係?

六四同國民教育有乜關係？！
六四正正係作為中國人必需認知的史實！
有乜關係？！
此事正正就是我等作為家長所痛心的！

作者: 金石豬 時間: 2012-7-31 13:11

guy 發表於 2012-7-31 12:38
六四同國民教育有乜關係？！
六四正正係作為中國人必需認知的史實！
有乜關係？！

甘你向香港政府提出將六四加入國民教育吧, 又何需反國民教育呢?

作者: ah_jai2005 時間: 2012-7-31 22:40
本帖最後由 ah_jai2005 於 2012-7-31 22:50 編輯

金石豬發表於 2012-7-31 00:09
政見5同不是hk 的特色嗎? 如果我講支持國民教育就係錯, 就要被打倒嗎? 如果甘真係好恐怖! 其實無論國民教 ...

政見5同不是hk 的特色嗎?
> 係，所以我無話過你錯，我只有講我唔認同，呢個就係各自可以有不同意見，我亦無強逼過你加入反國民教育，我只重申我既理據。而我上高講得好清楚，既大家講緊唔同既野，意見亦唔同，咁我已經發表完我既意見，所以完結話題。

如果我講支持國民教育就係錯, 就要被打倒嗎? 如果甘真係好恐怖!
>首先我無話要打倒你！其次，我無見有人話過要打倒你。
你要自己覺得有人要打倒你，係你自己諗多左。
不過，你呢句既做法令我諗起一句常用句子：「差佬打人呀！」
屈人錯，唔等如可以令自己變得有道理！

其實無論國民教育入面係咩內容, 你都只係會反對,
>你再一次屈人！我從頭到尾講過好多理據，你亦無拆解過我既擔憂，然後你就突然講一句「其實無論xxxx, 你都只係會反對！」。你咁講，即係人地幾多理由都好，總之唔跟你意見既就係人地固執！成個做法，根本同政府處理市民意見一樣，唔怪得唔需要做諮詢，因為任何唔符合政府既意見就係對方愚昧、無遠見同埋固執！

你今日有冇睇梁生講國民教育入面係咩內容, 5好一味為反對而反對.
>你意思係咪，佢講左呢返說話之後，再唔服從既人就已經係為反對而反對？！即係梁生講既就係終極正確既理據，其他理據都係歪理？！

你咁樣討論，仲可以點傾？！

作者: 金石豬 時間: 2012-7-31 22:48
先生!!!! 5該睇番25樓!!!!! 我係話如果呀!!!! 話如果都係屈你呀???!!!! 你盲定想反屈我呀!!!!

作者: 金石豬 時間: 2012-7-31 22:55
阿叔叔!!!! 講野都要有次序掛, 假如你同人地講緊其他野, 有個人叫你反共, 你點呀!!!

作者: 金石豬 時間: 2012-7-31 22:58
得la!!! 知你反國民教育, 5使係度係甘攻擊我卦!!!!

作者: wongfafa 時間: 2012-7-31 22:58

金石豬發表於 2012-7-31 13:11
甘你向香港政府提出將六四加入國民教育吧, 又何需反國民教育呢?

有關呢個國民教育啦…
作為中國人絕對應該對中國有認知，
加上我地文化、歷史等等都有差異，
所以一定要認識，呢個正正係要學國民教育既原因。
我相信你都清清明白今日既國民教育有不足，
先不論行政上問題，
內容上明顯係隱惡揚善，
但我地要清楚，
正面同反面唔可以分開教，
要教就要一齊教。
我地一定唔可以話「不如暫時接受先啦，有不足地方可以慢慢加」
原因非常簡單，
因為我地根本上睇唔到佢有打算加入反面教材傾向。
所以，一係唔好教，一係加左先去教。

作者: 金石豬 時間: 2012-7-31 22:59

wongfafa 發表於 2012-7-31 22:58
有關呢個國民教育啦…
作為中國人絕對應該對中國有認知，
加上我地文化、歷史等等都有差異，

我米話將六四加入國民教育, 妳睇5到?

作者: wongfafa 時間: 2012-7-31 23:03
回復金石豬的帖子

見到…但佢會咩？
就算會…都只係為「塞反對者把口」循例講小小，
唔會講到好似其他內容咁詳細。
我見既中國模式，幾乎無一句講中國政府有錯

作者: guy 時間: 2012-7-31 23:04

wongfafa 發表於 2012-7-31 22:58
有關呢個國民教育啦…
作為中國人絕對應該對中國有認知，
加上我地文化、歷史等等都有差異，

我完全同意你講嘅兩點
要認識中國嘅文化同歷史
要正反一齊客觀持平地教
如果不能
不如不教！

作者: ah_jai2005 時間: 2012-7-31 23:06

金石豬發表於 2012-7-31 22:48
先生!!!! 5該睇番25樓!!!!! 我係話如果呀!!!! 話如果都係屈你呀???!!!! 你盲定想反屈我呀!!!! ...

放心！我不嬲睇得好清楚，一定有睇到如果。

不過睇得出你玩模糊概念丫！加左如果，就講乜都好似唔係話緊人丫嘛。
不過，你加左一句「如果我講......」同「就要俾人打倒」，主體好具體用左「我」，係上文下理都好實在存在、大家都知道既實體，咁呢個「俾人打」既「人」，就會聯相對地聯想到實體既一個對象。依家你要玩概念，話只係如果，既係果個「人」只係講一個不存在既實體，係一個純假設既人丫嘛？！咁我依家就話你聽，我果句「屈人錯，唔等如可以令自己變得有道理！」只係一句放諸四海皆適用既句子，任何人屈人錯，都係唔等如可以令自己變得有道理！

而我下一段「你再一次屈人」，入面用「再」字，係因為為你之前已經多次表示你認為反國民教育既人只係盲目去反，唔知自己為乜而反，唔知反對理據係乜，而實情好多人都知道自己做緊乜，此為之「之前屈」。而跟住你話我無論xxxx都只會反對，第係「再一次屈」。

至於你講既「係咪要俾人打倒？！」，我唔知你原意有無暗示你真心認為有人有咁既想法。想法既野，自己知已經好足夠。

作者: 金石豬 時間: 2012-7-31 23:13

ah_jai2005 發表於 2012-7-31 23:06
放心！我不嬲睇得好清楚，一定有睇到如果。

不過睇得出你玩模糊概念丫！加左如果，就講乜都好似唔係話緊 ...

你講咩都得既la.....!!!但我一定無指明你要打倒我!!! 你就指明話我屈你, 似乎屈人既係你呀阿叔

作者: ah_jai2005 時間: 2012-7-31 23:13

金石豬發表於 2012-7-31 22:58
得la!!! 知你反國民教育, 5使係度係甘攻擊我卦!!!!

ok！或者你見我每個post度留點評，會感受到我針對你。

我都想講，其實，我真係、真係想講既係理據、資訊、概念、價值觀等等既野。我響其他人度留野可能係幫口、撐佢地，仲要幫手反問，成個感覺難免會似係針對。

如果係咁，先同你道歉！ (係真心既)
我無意引起罵戰或專登攻擊某d人，甚至唔係為左拗贏拗輸呢d意氣之爭。我只係想發表我既想法。

如果我用詞過火，向你再次道歉！
不過，我重申，我無意刻意攻擊任何人，我只想對事，唔想對人。

為免再引起不快，我暫時唔就呢個發表個人意見住。除非有人問我野，否則，呢個post我會自禁言，以便大家繼續暢所欲言。

作者: 教父 時間: 2012-7-31 23:16
反國民教育同保護釣魚台有矛盾???
而且國民教育關係最切身問題當然關注最多..
而釣魚台 ge日中關係中方而多次表示強烈抗議
亦用不著民間過度升溫，正如香港出船去釣魚台都會比政府阻止。
過份民粹主義中國唔希望見到。
個人意見

作者: 金石豬 時間: 2012-7-31 23:16

wongfafa 發表於 2012-7-31 23:03
回復金石豬的帖子

見到…但佢會咩？

sorry: 我係保持中立, 我係叫guy 那人向hk 政府提出將6.4加入國民教育, 無話將6.4 5可以加入去.

作者: guy 時間: 2012-7-31 23:18

wongfafa 發表於 2012-7-31 23:03
回復金石豬的帖子

見到…但佢會咩？

我好記得六四後袁木講過一句說話
天安門上沒有流過一滴血

作者: 金石豬 時間: 2012-7-31 23:21

ah_jai2005 發表於 2012-7-31 23:13
ok！或者你見我每個post度留點評，會感受到我針對你。

我都想講，其實，我真係、真係想講既係理據、資訊 ...

其實我係政治中立, 只係想知道d人反國民教育d咩野, 同埋近期主權問題都好hit, 覺得d 甘熱血既hk人點解5去捍衛主權, 就係甘

作者: guy 時間: 2012-7-31 23:23

ah_jai2005 發表於 2012-7-31 23:13
ok！或者你見我每個post度留點評，會感受到我針對你。

我都想講，其實，我真係、真係想講既係理據、資訊 ...

師兄無需自禁言
只要不再理他便可

作者: guy 時間: 2012-7-31 23:30
區家麟:
你說教材偏頗，他說教材是另一種聲音。
你說這聲音不符事實，他說教師不一定要用。
你說不符事實就要改，他說不改。
你說不改就撤回教材，他說不撤
然後還說，這不是教材。

你說是洗腦，他說不可能洗腦。
你再說洗腦，他露出真面目，說我就係要洗你腦。
你說反對，他說其實你都係贊成。
你要求撤回，他說沒有強逼。
你說無選擇，他說你可以選擇今年做、明年做或後年做。

明明是變種的政治課，他說是你政治化。
偏頗教材為何要公帑資助，他無力反駁。
遊行交流＝「紅色之旅」？他無言
少數族裔學生也要愛國愛黨？他無言。
明明歐美國家是「公民教育」，他說「全世界都有國民教育」。
被踢爆後，他又無言。

無言以後，他發難。
無力反駁，他轉移視線。
無力講理，他祭起誅心論、陰謀論。
說你「受外國勢力資助」、「為選舉造勢」、「背後有金主」、「醉翁之意不在酒」。

作者: 金石豬 時間: 2012-7-31 23:34
服兵役係任何一個國家係適合年齡都要既la! 你知5知! 我甘問係想帶出點解hk人5使兵服兵役, 你又要話誰人種田, 真好笑, 服兵役5係服一世ga! 一定有人幫你種田.

作者: 金石豬 時間: 2012-7-31 23:38

guy 發表於 2012-7-31 23:23
師兄無需自禁言
只要不再理他便可

你既然主張6.4 要加人國民教育, 我都無話你錯, 講得出就要做得到.

歡迎光臨香港龜友論壇 (https://hkturtle.org/)