香港龜友論壇

標題: 對於絕食抗議你有什麼睇法? [打印本頁]

作者: khip 時間: 2012-9-5 01:11
標題: 對於絕食抗議你有什麼睇法?

小弟認為面對無良政府，絕食就要絕食到死為止......先逼到佢出手...

否則我係CY 都未必在意絕食行為

作者: 左武介 時間: 2012-9-5 01:14
絶食可以接力

作者: khip 時間: 2012-9-5 01:14

左武介發表於 2012-9-5 01:14
絶食可以接力

冇人死，就好似CY而家咁.一句講晒.."我講咩你地都聽唔入耳"

作者: EDWINWAN. 時間: 2012-9-5 01:16
我認為應該偷運大量軍火運入香港, 再威迫佢地一定要停, 唔係就炸左國金

作者: khip 時間: 2012-9-5 01:17

EDWINWAN. 發表於 2012-9-5 01:16
我認為應該偷運大量軍火運入香港, 再威迫佢地一定要停, 唔係就炸左國金

咁唔洗大量軍火啦，炸藥就夠

作者: toytoy3993 時間: 2012-9-5 01:18
岩岩就有2個停止左絕食了
其實冇人餓死既話我覺得絕食幾十個鐘都係冇用

作者: elaineleung 時間: 2012-9-5 01:19
精神上支持!

作者: EV-DAY 時間: 2012-9-5 01:19
思歪可仿傚當年天安們
用防佈隊武力清掃弱小的學生
香港確係總有︿次要出動防佈隊

作者: 乂阿偉乂 時間: 2012-9-5 01:20
今日食完lunch之後我絕食左3個鐘.......

作者: EDWINWAN. 時間: 2012-9-5 01:20
本帖最後由 EDWINWAN. 於 2012-9-5 01:20 編輯

回復 khip 的帖子

大幾萬人一齊拎住枝手槍射爆佢...何其壯觀........

作者: khip 時間: 2012-9-5 01:22
本帖最後由 khip 於 2012-9-5 01:22 編輯

toytoy3993 發表於 2012-9-5 01:18
岩岩就有2個停止左絕食了
其實冇人餓死既話我覺得絕食幾十個鐘都係冇用 ...

冇錯!! 真係要有個人為社會而死，先真正激起民憤, CY亦會俾帶上一個罪人既身份，以後會更加寸步難行

作者: EV-DAY 時間: 2012-9-5 01:22

EDWINWAN. 發表於 2012-9-5 01:16
我認為應該偷運大量軍火運入香港, 再威迫佢地一定要停, 唔係就炸左國金

有軍火中央就可當着全球大道理出動解放軍血洗鎮壓了師兄

作者: khip 時間: 2012-9-5 01:22

EDWINWAN. 發表於 2012-9-5 01:20
回復 khip 的帖子

大幾萬人一齊拎住枝手槍射爆佢...何其壯觀........

用買軍火既錢，換晒做大餅掉過去會唔會有相同效果?

作者: 左武介 時間: 2012-9-5 01:32
回復乂阿偉乂的帖子

吃完晚反後我會絕食12小時

作者: EDWINWAN. 時間: 2012-9-5 01:33
回復 toytoy3993 的帖子

其實思歪D土共都見慣曬啦,
上面每年都有唔知幾多百萬人餓死啦...
佢都睇慣曬......

作者: oooooo 時間: 2012-9-5 01:41
絕食勁白痴

作者: chamkey 時間: 2012-9-5 01:42
本帖最後由 chamkey 於 2012-9-5 01:42 編輯

khip 發表於 2012-9-5 01:22
冇錯!! 真係要有個人為社會而死，先真正激起民憤, CY亦會俾帶上一個罪人既身份，以後會更加寸步難行 ...

以現時政府ge 態度
即使有人餓死, 亦只會被標籤為激進、非理性
是大聯盟不願意對話的結果

另外, 話說當年89民運好似冇人餓死
只係罷貨罷工人數達到一定數量
已令中央不安而做野了

作者: khip 時間: 2012-9-5 01:44

chamkey 發表於 2012-9-5 01:42
以現時政府ge 態度
即使有人餓死, 亦只會被標籤為激進、非理性
是大聯盟不願意對話的結果

又係WO，唔上班幾日，CY即死... ...但隨之而係加速內地人進軍香港市場

作者: chamkey 時間: 2012-9-5 01:56

khip 發表於 2012-9-5 01:44
又係WO，唔上班幾日，CY即死... ...但隨之而係加速內地人進軍香港市場 ...

罷工幾日對內地人進軍香港有幾大影響? 好難講
而且以香港狀況
可能各間大專院校集體罷貨已經足以制造足夠ge noise
直到現時行動最為激烈的仍然只是學民思潮
其他絕食大專生、教師只能代表自己
換句話講是沒有代表性
而這件事件上各間大專院校、社福機構也沒有明確表態
教會只是發指引叫學校首年不推行
教協只聞樓梯響話反國民教育但不提罷課
支聯會江河日下除六四晚會外已無甚建樹
要找到足以左右政府的bargaining power 實在不易

作者: 奶野 時間: 2012-9-5 02:16
絕食都傻既!!
個傻hi梁振英又唔會理會!!

作者: ah_jai2005 時間: 2012-9-5 02:22
本帖最後由 ah_jai2005 於 2012-9-5 02:23 編輯

回復 khip 的帖子

我對絕食抗議既睇法：絕食只係一步棋，呢步棋有無用，就要睇邊個係對手同埋時機係咪恰當，另外就係睇下爭取既目的係乜。

對於今次學民思潮同埋民間反國教聯盟既絕食，我認為係有效同有價值既。

今次既目標係反洗腦式教育！而目標對象除左係特區政府，亦係香港市民。
今次絕食，我覺得直接威脅政府既作用非常有限，但對於喚醒香港市民關注、支持呢個目的就十分有效！！

用絕食想一步登天，係妙想天開！
用絕食爭取更多既香港市民加入支持反國教，雖然勝算仍然極低，但可見政府姿態已經明顯軟化，由最初不對話，漸漸變成尋求對話、可作小修改至到依家有很大商議空間。而市民對事件既關注亦有日益擴大同深化既跡像。
依家隱約已經見到少少曙光……

即使退後一步諗，就算最終政府唔撤回。但呢段日子既抗爭一定留傳後世，當他日國教科發功時，香港人心入面亦會殘留住今日反國教既記憶，亦等如植入左反洗腦既因子。
呢一點堅持，無論結果點，都一定有價值！

作者: oooooo 時間: 2012-9-5 02:31
班傻人拒食,龜友們攞D命脈去引下佢籮~~

作者: 敏carmanlui 時間: 2012-9-5 03:00
做過幼師的我，明白老師要編教材的辛勞

老師，學生都支持

作者: KPS 時間: 2012-9-5 09:01

EDWINWAN. 發表於 2012-9-5 01:33
回復 toytoy3993 的帖子

其實思歪D土共都見慣曬啦,

所以要有進一步行動

作者: KPS 時間: 2012-9-5 09:07
本帖最後由 KPS 於 2012-9-5 09:07 編輯

ah_jai2005 發表於 2012-9-5 02:22
回復 khip 的帖子

我對絕食抗議既睇法：絕食只係一步棋，呢步棋有無用，就要睇邊個係對手同埋時機係咪恰 ...

無諧, 最緊要"喚醒香港市民關注", 令香港市民明白政府係人民比錢請的,
我們每個人都有權出聲講出自已的意見, 並不是政府話點就點!

作者: hongie 時間: 2012-9-5 09:11
支持學生....

作者: KPS 時間: 2012-9-5 09:16
本帖最後由 KPS 於 2012-9-5 09:16 編輯

chamkey 發表於 2012-9-5 01:56
罷工幾日對內地人進軍香港有幾大影響? 好難講
而且以香港狀況
可能各間大專院校集體罷貨已經足以制造足夠 ...

最大問題係大家無留意3年開展期後,
係要全港實施, 成為獨立學料, 要考試, 要計分, 要用大陸教材及參考書!
到時已無得返轉頭, 所以D學校就算在開展期完全唔教, 對事件係無幫助,
依次係我地最後機會, 過左就等於要面對自由進一步減少, 下一代就玩完!

作者: flower07223 時間: 2012-9-5 09:17
絕食係唔食嘢去抗議示威，可能變成自殺。以前絕食即係唔飲唔食，而家玩字眼，絕食可以飲雞湯、粥、健康食品咁，唔會死嘅。

絕食係人同動物都會有，人絕食為政治抗爭或者減肥，動物絕食多數係為咗想死。細路想扭買玩具都會話絕食

作者: KPS 時間: 2012-9-5 09:23

奶野發表於 2012-9-5 02:16
絕食都傻既!!
個傻hi梁振英又唔會理會!!

絕食吾係無用, 起瑪可以令全港市民關注, 最後在政府內外一齊比壓力政府,
使"傻hi梁振英"低頭, 現在政府已有聲音話可推後或加長"開展期",
就同當年23條一樣, 起碼見到小小成果

作者: kwong_1980 時間: 2012-9-5 09:36
回復 khip 的帖子

我覺得唔出人命,cy唔會做野

作者: khip 時間: 2012-9-5 09:45
本帖最後由 khip 於 2012-9-5 09:51 編輯

ah_jai2005 發表於 2012-9-5 02:22
回復 khip 的帖子

我對絕食抗議既睇法：絕食只係一步棋，呢步棋有無用，就要睇邊個係對手同埋時機係咪恰 ...

其實我覺得~ 睇佢地絕食程度既決心係點.....

絕食 = 以命相博.....由佢地退出絕食行動開始，我就覺得已經失去左效果，就好似一個自殺跳樓既人，行後左一步一樣......

作者: khip 時間: 2012-9-5 09:54

chamkey 發表於 2012-9-5 01:56
罷工幾日對內地人進軍香港有幾大影響? 好難講
而且以香港狀況
可能各間大專院校集體罷貨已經足以制造足夠 ...

罷工一次之後，你估班商家都唔會坐以待斃，由其而家cy咁親中

之後你估佢地唔會安排後果? 香港人唔做咪國內人做囉，請2個頂你一個都仲化算。

不過更加現實既一個答案係香港人唔會罷工........以前勞動人口多，人工低，東家唔打打西家

而家消費指數高，人工又唔係講緊十零廿蚊，根本冇人夠膽去罷工......

作者: khip 時間: 2012-9-5 10:01

KPS 發表於 2012-9-5 09:07
無諧, 最緊要"喚醒香港市民關注", 令香港市民明白政府係人民比錢請的,
我們每個人都有權出聲講出自已的意 ...

其實仍然有大部份人係坐係屋企上網按幾下關注，事際對事件仍是不太關心，亦都唔係每一對父母對國民教育科覺得有問題(特別係新移民)。

所以無論點都好，個情況都仍然係有少數人願意接受政府，有少數人不接受政府，有大多數人企係旁邊食花生............冇咩實際既影響動力去拉攏各個階層既人支持....

作者: khip 時間: 2012-9-5 10:06
本帖最後由 khip 於 2012-9-5 10:11 編輯

其實我覺得真係咁有決心去絕食，就算你唔係絕食到死都好，起碼都人多嚇下政府

得十幾個人做代表..........真係意義不大，其他人就得把口講.....

係要玩激D，上百人，上千人絕食，政府就真係驚驚地，上百 / 上千人入面最好有D老人家，

再加過報道有指老人公快要餓死，政府漠不關心，有幾扇情寫到幾扇情，加埋個VIDEO...殺晒

再加上你話絕食政府就停，冇理由的，就算政府有咁既打算，亦欠缺一個落台階......

否則今日定個政策你絕食我就停，以後個政府點樣繼續行/

作者: 德德地 時間: 2012-9-5 10:28
回復奶野的帖子

振英已被中央遥远控制！无办法理！没能力理！也不会理！绝食不如推选民主代表入住立法会！捍卫民主为上策！

作者: KPS 時間: 2012-9-5 10:43

德德地發表於 2012-9-5 10:28
回復奶野的帖子

振英已被中央遥远控制！无办法理！没能力理！也不会理！绝食不如推选民主代表入住立法会 ...

無錯, 但遊行事威係第一步, 絕食是第二步, 進一步係擺課 & 阻礙政府正常運作,
當然同時要做的, 就係你講咁,選多幾個人入立法會, 進行內外抗爭!

作者: 豬扒博士 時間: 2012-9-5 11:14
回復 kwong_1980 的帖子

要做到死人先有結果的話, 民怨一定爆煲, 到時唔係做野就解決到啦, 可能更嚴重後果

作者: KPS 時間: 2012-9-5 11:25
本帖最後由 KPS 於 2012-9-5 11:29 編輯

flower07223 發表於 2012-9-5 09:17
絕食係唔食嘢去抗議示威，可能變成自殺。以前絕食即係唔飲唔食，而家玩字眼，絕食可以飲雞湯、粥、健康食品 ...

問題不在於"絕唔絕食", 而係因咩"絕食", "絕食"只係其中一種表達方法,

作者: kanhung 時間: 2012-9-5 11:32
各位請想清楚 ,日本及美國或其他國家都有此類國教 ,日本侵華...佢地點講述 ,美國本土人是 (紅蕃) ,白種人入侵佔有美國 ,佢哋都係美化入侵者 , HK 太多無謂抗議 ,內地人有不足之處...是個人問題 ,有些 HK 人.....無事認中國人,,有事就話係 HK人,,,,,呢D兩頭蛇最乞人憎。

作者: KPS 時間: 2012-9-5 11:36

豬扒博士發表於 2012-9-5 11:14
回復 kwong_1980 的帖子

要做到死人先有結果的話, 民怨一定爆煲, 到時唔係做野就解決到啦, 可能更嚴重後果 ...

最可笑你D人仲笑"絕食"方式, 而無正視事件的嚴重性,
國民教育的"破壞"係世代性的, 你見大陸被洗腦D人便知後果係點!

作者: 德德地 時間: 2012-9-5 11:38
回復 KPS 的帖子

联合社会各界阶层！要求政府正视民意！迫使中央接受民主代表！迫使中央放开民主！民主代表请选陈一華牧師！希望香港主內朋友把這位堅持民主、服務弱勢的牧師送進議會，讓耶穌發聲。

作者: khip 時間: 2012-9-5 11:42

kanhung 發表於 2012-9-5 11:32
各位請想清楚 ,日本及美國或其他國家都有此類國教 ,日本侵華...佢地點講述 ,美國本土人是 (紅蕃) ,白種人入 ...

唔係太明美化入侵者例如?

作者: 教父 時間: 2012-9-5 11:44

EDWINWAN. 發表於 2012-9-5 01:16
我認為應該偷運大量軍火運入香港, 再威迫佢地一定要停, 唔係就炸左國金

唔好亂講 n年前有人話炸迪迪尼都比人拉左

作者: khip 時間: 2012-9-5 11:46
本帖最後由 khip 於 2012-9-5 11:55 編輯

KPS 發表於 2012-9-5 11:36
最可笑你D人仲笑"絕食"方式, 而無正視事件的嚴重性,
國民教育的"破壞"係世代性的, 你見大陸被洗腦D人便知 ...

其實都係個句，

一個絕食既人，我絕食一個月只係飲水, 飲營養水吊命....同一個自殺既人，同警方對立一個月都唔自殺有咩分別?

事情冇突破的，就好似兩人吵架一樣，你地之後唔理對方，都係一種方式，但最終都冇解決問題，唯一叫做有機會解決問題咪就係睇下邊個態度軟化先囉，但如果政府企硬班學民根本無可奈何，除左每日叫口號...

補充: 我唔係叫學民去自殺，只係想講絕食和一般示威冇咩分別，對自己身體又唔好，若非有必死既決心，以死相諫又何必要絕食。

作者: 教父 時間: 2012-9-5 11:46
有人話絕食冇用
但佢已經吸引到好多人去參加集會啦
話冇用ge請提出建議

作者: 教父 時間: 2012-9-5 11:47

oooooo 發表於 2012-9-5 02:31
班傻人拒食,龜友們攞D命脈去引下佢籮~~

你收皮啦 !!!

作者: 教父 時間: 2012-9-5 11:48

flower07223 發表於 2012-9-5 09:17
絕食係唔食嘢去抗議示威，可能變成自殺。以前絕食即係唔飲唔食，而家玩字眼，絕食可以飲雞湯、粥、健康食品 ...

甘地都係細佬 ????

作者: 教父 時間: 2012-9-5 11:52

kanhung 發表於 2012-9-5 11:32
各位請想清楚 ,日本及美國或其他國家都有此類國教 ,日本侵華...佢地點講述 ,美國本土人是 (紅蕃) ,白種人入 ...

已經好多有學者講左只係有中國同新加坡有國民教育
其他國家係公民教育請你做下功課。
中國太多你e d奴性ge人

作者: khip 時間: 2012-9-5 11:52

教父發表於 2012-9-5 11:46
有人話絕食冇用
但佢已經吸引到好多人去參加集會啦
話冇用ge請提出建議

咁要睇絕食既目的係想製造Image定係要解決問題，如果絕食只係一個Image吸引人流，佢確實有效果。

所謂家家有求，除左阻止國民教育科外，倒不如修改教育內容更容易處理吧。

例如組成一個沒有政治背景既獨立委員會，處理評審國民科內容，委員會成員包括中國代表人仕，香港教育代表人仕，和社會階層人仕。

作者: 教父 時間: 2012-9-5 11:59

khip 發表於 2012-9-5 11:52
咁要睇絕食既目的係想製造Image定係要解決問題，如果絕食只係一個Image吸引人流，佢確實有效果。

所謂家 ...

不可。
第一佢E家都成立左個委員會但佢權力只係提供意見完全冇作為。
第二你一比佢成功推行左就唔會有改善GE地方，你可以想像立法廿三條之後再修改嗎 ???
一旦成功推行政府就唔會再回應任何問題! 再者， E家政府已經有網頁要求學校記錄學生 ''紅色之旅''GE次數同表現你仲相信政府會改內容???

作者: 德德地 時間: 2012-9-5 11:59
回復教父的帖子

向绝食人士建议选举民主代表进入立法会！进入政府！政府需要民主！市民需要民主政客！请支持民主代表陈一華牧師

作者: 啊橙 時間: 2012-9-5 12:00
絕食不過是為大罷課/罷工作鋪路。

作者: 啊橙 時間: 2012-9-5 12:01

kanhung 發表於 2012-9-5 11:32
各位請想清楚 ,日本及美國或其他國家都有此類國教 ,日本侵華...佢地點講述 ,美國本土人是 (紅蕃) ,白種人入 ...

明知人地國家係錯，點解我地要跟住去錯?

作者: khip 時間: 2012-9-5 12:02
本帖最後由 khip 於 2012-9-5 12:03 編輯

教父發表於 2012-9-5 11:59
不可。
第一佢E家都成立左個委員會但佢權力只係提供意見完全冇作為。
第二你一比佢成功推行左就唔會 ...

如果咁講既話，絕食作用已經唔大，就算真係絕食死人，暴動，政府還可以鎮壓..

倒不如全港張貼海報，數臭梁震英，貼到上大陸，可能效果更好。

作者: khip 時間: 2012-9-5 12:04

啊橙發表於 2012-9-5 12:00
絕食不過是為大罷課/罷工作鋪路。

我覺得後者可能性較小，而家D老師受人二分四，特別年輕個輩都已經唔係講緊咩教育意思，係打份工而已..

作者: tonycha 時間: 2012-9-5 12:14
昨日我送去一打保礦力支持學生抗争！

作者: 教父 時間: 2012-9-5 13:03

khip 發表於 2012-9-5 12:02
如果咁講既話，絕食作用已經唔大，就算真係絕食死人，暴動，政府還可以鎮壓..

倒不如全港張貼海報，數臭 ...

有用就係令咁多市民出黎
政府就有壓力如果你改為要求單單改內容
佢首先話改之後就唔會理但如果撤回第時佢再搞多次都要咨詢

作者: khip 時間: 2012-9-5 13:26

教父發表於 2012-9-5 13:03
有用就係令咁多市民出黎
政府就有壓力如果你改為要求單單改內容
佢首先話改之後就唔會理但如果撤回 ...

但真係唔覺政府有壓力.......而且過9月9，仲會點呢

作者: 教父 時間: 2012-9-5 13:51

khip 發表於 2012-9-5 13:26
但真係唔覺政府有壓力.......而且過9月9，仲會點呢

冇壓力 CY會出黎講廢話??
不過無論你覺唔覺得絕食有冇用都好
希望你都支持班學生

作者: khip 時間: 2012-9-5 13:53

教父發表於 2012-9-5 13:51
冇壓力 CY會出黎講廢話??
不過無論你覺唔覺得絕食有冇用都好
希望你都支持班學生 ...

我會選擇置身事外........做過不負責任既港人

作者: oooooo 時間: 2012-9-5 14:07
本帖最後由 oooooo 於 2012-9-5 14:08 編輯

教父發表於 2012-9-5 11:47
你收皮啦 !!!

拒食果班收左皮啦~~
令我笑了...哈~~~~~~~~

作者: 教父 時間: 2012-9-5 14:12

khip 發表於 2012-9-5 13:53
我會選擇置身事外........做過不負責任既港人

今天係學生明天就是你

作者: 教父 時間: 2012-9-5 14:13

oooooo 發表於 2012-9-5 14:07
拒食果班收左皮啦~~
令我笑了...哈~~~~~~~~

你都比公安收左皮啦
令我笑了...哈~~~~~~~~

作者: oooooo 時間: 2012-9-5 14:21
本帖最後由 oooooo 於 2012-9-5 15:39 編輯

教父發表於 2012-9-5 14:13
你都比公安收左皮啦
令我笑了...哈~~~~~~~~

你都比D公安收皮
更會令人笑了...哈~~~~~~~~

作者: kanhung 時間: 2012-9-5 15:11

啊橙發表於 2012-9-5 12:01
明知人地國家係錯，點解我地要跟住去錯?

呢 D 國家的人又唔見其他人話佢洗腦。

作者: kanhung 時間: 2012-9-5 15:26
回復 khip 的帖子

日本侵華 ,日本會唔會同 D 學生講我國入侵中國時殺咗幾十萬人 ,無原因...只是我鐘意....

作者: kanhung 時間: 2012-9-5 15:32
回復教父的帖子

每個皇朝都有政制政改 ,唔滿意不如移民 ,又無本事又要賴死 ,其他國家樂見敵國民生不穩......

作者: KPS 時間: 2012-9-5 16:11

khip 發表於 2012-9-5 11:52
咁要睇絕食既目的係想製造Image定係要解決問題，如果絕食只係一個Image吸引人流，佢確實有效果。

所謂家 ...

點樣"修改教育內容"?, 問題係只有頭3年開展期可以由學校制定課程,
之後強行實施, 由港共制定課程, 要獨立成科, 要考試, 要計分,
升國旗時要同學互相睇住對方表情有無愛國心

作者: chamkey 時間: 2012-9-5 16:12
本帖最後由 chamkey 於 2012-9-5 16:31 編輯

kanhung 發表於 2012-9-5 15:11
呢 D 國家的人又唔見其他人話佢洗腦。

下?
只要一有人去靖國神社參拜就俾人鬧
有日本人話南京大屠殺只係南京事件又俾人鬧ga la wor
德國納綷同日本軍國主義有幾受世界排斥你唔知?

作者: KPS 時間: 2012-9-5 16:16

khip 發表於 2012-9-5 12:02
如果咁講既話，絕食作用已經唔大，就算真係絕食死人，暴動，政府還可以鎮壓..

倒不如全港張貼海報，數臭 ...

到時"梁震英"咪立法, 話做依D野要拉羅,
之前話"改圖"都要立法防上啦

作者: KPS 時間: 2012-9-5 16:19

khip 發表於 2012-9-5 13:26
但真係唔覺政府有壓力.......而且過9月9，仲會點呢

過9月9, 打拉布, 反"國民教育"

作者: ah_jai2005 時間: 2012-9-5 16:20

kanhung 發表於 2012-9-5 15:32
回復教父的帖子

每個皇朝都有政制政改 ,唔滿意不如移民 ,又無本事又要賴死 ,其他國家樂見敵國民生不穩.. ...

我地係呢個地方既市民，政府只係用我地資源去管理好呢個地方。
佢地管得唔好，我地都未叫佢交待，仲要我地移民去避佢地？！呢個想法好有問題！

即使所謂中國擁有主權，但其實中國政府亦應該係為人民服務，唔係要與民為敵。
政府出盡方法去箝制人民，絕對唔係所謂既維持治安，而係要保衛當權者既權力同利益。當本應服務人民者將個人益處凌駕人民，就係腐敗！！

作者: oooooo 時間: 2012-9-5 16:22

johnng9879 發表於 2012-9-5 16:02
O兄恕我直言喇 , 你都係果類有工番有野食就好滿意既人黎架喇 , 而且超級自我中心+自我感覺良好 ...

呢個同我個人無關,
絕食有咩收效,
絕食者偷食搞笑!!
每個遊戲都有規則,
香港人唔明大6人點諗
只有中央之知
當日港人內地子女來港
雙非無居港權
人大叫釋法
後來點....
咪又香港人錯!!

作者: KPS 時間: 2012-9-5 16:28
本帖最後由 KPS 於 2012-9-5 16:37 編輯

johnng9879 發表於 2012-9-5 15:53
都好過乜都唔做啦 , 絕食係要引起各界關注 , 依家日日報道佢地絕食情況 , 已經逹到部分目的

你話人地傻 ...

無錯, D人未見成果就話人攪事, 攪來無用, 有成果就話你吾做件事都係咁發生!

作者: chamkey 時間: 2012-9-5 16:31

kanhung 發表於 2012-9-5 15:32
回復教父的帖子

每個皇朝都有政制政改 ,唔滿意不如移民 ,又無本事又要賴死 ,其他國家樂見敵國民生不穩.. ...

仲皇朝ar? 你咩年代的???
咩叫賴死唔走? 呢度我屋企ar!
你係咪停左係辛亥革命之前
覺得個國家d 土地d 財產係屬於皇帝屬於政權?

作者: KPS 時間: 2012-9-5 16:35
本帖最後由 KPS 於 2012-9-5 16:38 編輯

ah_jai2005 發表於 2012-9-5 16:20
我地係呢個地方既市民，政府只係用我地資源去管理好呢個地方。
佢地管得唔好，我地都未叫佢交待，仲要我 ...

無錯, 依D咪順民心態羅,
做慣奴隸, 比反佢做主人都吾識!

作者: kanhung 時間: 2012-9-5 16:50
有甚麼可怕 ,最可怕是反對的人用了"洗腦"兩個字去形容國教 ,內地人都無比洗腦 , HK 人太被其他一少撮擺佈..........

作者: kanhung 時間: 2012-9-5 17:04
回復 chamkey 的帖子

呢個世界重有皇朝架.....呀路路 , 英國 ,荷蘭 ,瑞典 ,泰國 ,英國的英女皇用嘅 $ 係有些是納稅人的 ,英國有好多人崇拜英女皇架....泰皇亦然。

作者: chamkey 時間: 2012-9-5 17:08

kanhung 發表於 2012-9-5 17:04
回復 chamkey 的帖子

呢個世界重有皇朝架.....呀路路 , 英國 ,荷蘭 ,瑞典 ,泰國 ,英國的英女皇用嘅 $ 係有 ...

咁只能講一句
你而家係香港
唔好發夢去左環遊世界了

作者: kanhung 時間: 2012-9-5 17:08
回復 ah_jai2005 的帖子

你用咩身份要政府交代事件 ,一個比喻...."你住緊間公屋漏水 ,唔通又因某一撮人就要交代 "？

作者: ah_jai2005 時間: 2012-9-5 17:20
本帖最後由 ah_jai2005 於 2012-9-5 17:23 編輯

kanhung 發表於 2012-9-5 17:08
回復 ah_jai2005 的帖子

你用咩身份要政府交代事件 ,一個比喻...."你住緊間公屋漏水 ,唔通又因某一撮人就 ...

咩身份？香港市民！ (亦即係政府既持份者。)

我認為政府有責任向市民交代！
公屋漏水，政府的確有責任要交待。負責管理既房屋署(定係房委？？)係有責任搵人維修！公屋並唔係政府施捨俾窮人既福利，而係政府照顧有需要市民既義務！

呢d係權利同義務既問題！特首以至各公務員受薪係權利，照顧好香港係義務。香港人交稅同遵守法律係義務，而權利就係得到政府既照顧。

如果你認為公屋漏水政府無責任，而佢地幫手維修係佢地好心幫你，咁就係你自己無注意過你擁有既權利，而唔係我地作出過分既要求！

++++++
我補充，政府並唔係單指特首。
國民教育本身係教育事務，所以我地要求教育局跟進。點知佢地唔跟進，我地唯有向上發聲。依家件事搞成咁，唔好成日以為係有班人突然出o黎搞事。而係政府唔肯向市民交待！！市民不滿先至要不斷將事件升級。

作者: kanhung 時間: 2012-9-5 17:22
本帖最後由 kanhung 於 2012-9-5 17:23 編輯

回復 chamkey 的帖子

我係基層市民 ,無 $ 去環遊世界 ,又有小朋友 ,都末怕國教 ,但唔會做 D 無謂嘢 ,更唔會推住架 BB 車同細路去抗議遊行 ,覺得無必要... BB 咁細個...識D咩嘢....BB 出咗事 ,大人會唔會覺得值得.....絕食出咗事又點 ,只會令件事推去邊緣......

作者: kanhung 時間: 2012-9-5 17:29
回復 ah_jai2005 的帖子

有 D 人會用權利去無事生非 ,少事化大。有着數就去盡 ,無着數即鬆

作者: oooooo 時間: 2012-9-5 18:10

kanhung 發表於 2012-9-5 17:29
回復 ah_jai2005 的帖子

有 D 人會用權利去無事生非 ,少事化大。有着數就去盡 ,無着數即鬆 ...

師兄~~留啖氣暖肚啦!!佢地為反而反,早被洗腦了!!
可恨1班小朋友被牽連~~

作者: 奶野 時間: 2012-9-5 18:12

johnng9879 發表於 2012-9-5 15:53
都好過乜都唔做啦 , 絕食係要引起各界關注 , 依家日日報道佢地絕食情況 , 已經逹到部分目的

你話人地傻 ...

師兄!!你睇下電視絕食班人士點辛苦傻hi梁振英都唔理會!!

作者: ah_jai2005 時間: 2012-9-5 18:54
本帖最後由 ah_jai2005 於 2012-9-5 18:56 編輯

kanhung 發表於 2012-9-5 17:29
回復 ah_jai2005 的帖子

有 D 人會用權利去無事生非 ,少事化大。有着數就去盡 ,無着數即鬆 ...

有人要抽水，我都會嬲，但我亦唔無辦法理。
所以，我只能信自己判斷力，同埋選擇去支持一d我認同既人。

正如今次反國教，我都唔贊同盲目地支持或反對呢個議題。所以，我特別欣賞同尊敬學民思潮既朋友，因為佢地表現出佢地既熱誠同理性思維。
另一方面，響支持反國教既人中，我絕對鄙視果d政治抽水或者盲目附和既人。即使策略上我知道多人加入會對件事有利，但我都會不齒佢地既行為！

做人、搞政治，都只不過係要忠於自己！
絕食既一群，我睇出佢地既真心(或者有人會覺得佢地做show或有政治目的)，我佩服佢地既勇氣、欣賞佢地既不亢不卑！

作者: kanhung 時間: 2012-9-5 19:25
回復 ah_jai2005 的帖子

"市民不滿先至要不斷將事件升級"。
好嘞.....到發展去到騷亂 ,死咗人 ,又話政府唔對話而令到死人 ,白痴都知 D 人點再進一步抗議...到時用極端手法去遊行,(不過睇死你地...都唔會用自殺式抗議)......咁你認為對 Hk 好咩！

作者: 遊戲人間 時間: 2012-9-5 20:17
根本班學生都多餘, 特首話同你討論, 班友又話冇得傾, 一定要撤, 問佢教材邊到係洗腦, 邊到有問題又講唔出, 總之國民教育就係洗腦~~~

又有D 傻仔話同政府傾等於比人強姦喎

作者: 啊橙 時間: 2012-9-5 20:21

kanhung 發表於 2012-9-5 15:26
回復 khip 的帖子

日本侵華 ,日本會唔會同 D 學生講我國入侵中國時殺咗幾十萬人 ,無原因...只是我鐘意.... ...

點解一定要用人地國家做對比?
你係推行緊美式教育定日式教育，
人地點整關我地鬼事，佢地既課程會唔會影響到你?
我地香港行推行港式教育，港人港教，關班鬼佬咩事?
我地就係知道其他國家有錯誤，就要借鏡，要免重蹈覆轍

作者: mrlo 時間: 2012-9-5 20:45
沒意見

作者: oooooo 時間: 2012-9-5 21:28

kanhung 發表於 2012-9-5 17:29
回復 ah_jai2005 的帖子

有 D 人會用權利去無事生非 ,少事化大。有着數就去盡 ,無着數即鬆 ...

係呀~~1般搞活動果D都係有利益人士!!

作者: oooooo 時間: 2012-9-5 21:33

啊橙發表於 2012-9-5 20:21
點解一定要用人地國家做對比?
你係推行緊美式教育定日式教育，
人地點整關我地鬼事，佢地既課程會唔會影 ...

港人港教,港人的事,不如港獨囉!!

作者: ah_jai2005 時間: 2012-9-5 23:04

kanhung 發表於 2012-9-5 19:25
回復 ah_jai2005 的帖子

"市民不滿先至要不斷將事件升級"。

「好嘞.....到發展去到騷亂 ,死咗人 ,又話政府唔對話而令到死人 ,白痴都知 D 人點再進一步抗議...到時用極端手法去遊行,(不過睇死你地...都唔會用自殺式抗議)......咁你認為對 Hk 好咩！」

>> 如果由我評價，我覺得呢個係一個好表面、似乎係理所當然既推論。但事實上，我唔認為將事件升級就係咁膚淺地理解為不斷將行動變得激烈同具破壞性。

社運又好，人民運動又好，必須要了解一樣：人性！唔識得睇人性，盲目人云亦云地推測，為之膚淺。

今次反國教活動，主要牽頭者係學生，每個過程都係參與者付出時間同勞力去實踐。佢地同全職政客有一個基本分別：政客願意付出，或多或少為左換取政治本錢，本質帶有自利；學生付出勞力，動力係咩？社會既將來！
政客就個別議題作出激烈抗爭，會預計到即使無成果，都可以獲得增加支持者呢個政治利益。但學生作出抗爭，爭取市民認同，令更多市民加入反國教，事成之後可以得到d乜？佢地係想實踐心中理想，令香港將來變好。

為爭取利益既人，做事可以不顧後果、不顧人性良知，利益行先。為理想、為將來而爭取既人，非不得以唔會作出犠牲。
學民成立以來，一直堅守理性、和平原則。反國教只要一日由呢班青年人牽頭，事件一定唔會變成大規模破壞。所謂既升級行動可以預估。
如你講既自殺式或者騷亂、死人，唔排除會發生，但只會係偏激分子做既。

講到最尾，學民牽頭既反國教活動，從來都係用表達既方式去串連，目標係爭取更大民意以構成議價能力。
你所講既對hk無益既事，係威脅既方式令對方屈服，根本唔符合現時情況。呢個假設已經變得不大可能。

更簡單既係，正如大家睇死香港政府唔敢武力鎮壓，香港市民亦唔會以動亂相脅。原因好簡單，角力雙方都係有包袱既人士為主！

++++++++++++
還原基本步：我唔覺得以和平手法表達訴求係對香港唔好！相反政府持住權力、財力強推市民唔接受、有不當內容既國教科，根本係強權暴力！！或者係因為我自小生於自由既環境，不過，我真係接受唔到：「乖乖任人漁肉、照單全收先至係對社會好」呢個價值觀！

作者: minicooper 時間: 2012-9-5 23:09
回復左武介的帖子

咁預埋我！

作者: 龜俠 時間: 2012-9-6 03:27
原來有歌聽、有西餅食、唔知有冇紅酒飲呢？十足嘉年華敢！今日明哥，聽日唔知係邊個呢？

作者: chamkey 時間: 2012-9-6 04:15

遊戲人間發表於 2012-9-5 20:17
根本班學生都多餘, 特首話同你討論, 班友又話冇得傾, 一定要撤, 問佢教材邊到係洗腦, 邊到有問題又講唔出, ...

首先
學民思潮要求ge 係冇框架, 冇預設前提ge 討論
點解一路拒絕加入委員會
係因為開展德育及國民教育科委員會一開始已經有「必需開展」ge 前提
林鄭亦講左咩都可以傾, 但首先要有一個前提: 不撤科
請分清楚, 並非「特首話同你討論, 班友話冇得傾」
充其量只係「政府同學民思潮各有前提, 所以雙方對話無法開展」
責任絕非學民思潮單方面的

第二
學民思潮由暑假開始就係各區擺街站
如果你有機會拎到呢幾日大會派發ge 小冊子
甚至再懶d 你只要係維基百科打「國民教育」
你都可以搵到反對ge 理由
不單止學民, 仲有唔同ge 教育工作者, 評論員, 內地交流生都有撰文

現時已經冇人再講教材
因為梁生講明政府並無官方教材
官方文件只有課程指引
連教材、指引仍未分清
似乎並唔係學民思潮只係叫口號
而係閣下冇留意佢地ge 反對內容
甚至乎冇了解過成件事ge 發展

第三
比喻為強姦原因同第一點相關
唔用強姦, 你可以咁理解
有人賣隻龜俾你, 你發覺唔係全品, 有殘缺
你同佢傾話唔要
賣家同你講「除左唔要之外, 咩都可以傾」
「我可以送龜糧, 送黑藥, 打折頭, 可以同你討論任何方案
但前提係你唔可以退番隻龜俾我!」
你遇到個咁ge 賣家的話, 你仲肯唔肯同佢傾
或者你覺得佢幾有誠意同你處理件事-.-"

作者: tonycha 時間: 2012-9-6 05:39

作者: kanhung 時間: 2012-9-6 09:43
回復啊橙的帖子

唔參考人地成功嘅嘢..... HK 人有本事去想咩 ,政府官員識念咩！係度嘈住晒 ,唔好以為學生集會嗌嘈晒要呢要嘮啦 ,出嚟做野又要高薪 ,最好比個主席佢做 ,發表說話個位學生.....講嘢個樣好假...好似做戲咁 ,七情上面 ,可惜佢嘅幼稚氣色及表面出賣咗

歡迎光臨香港龜友論壇 (https://hkturtle.org/)