香港龜友論壇

標題: 希望你地明白10個反對國民教育的原因 [打印本頁]

作者: takyura 時間: 2012-9-9 21:16
標題: 希望你地明白10個反對國民教育的原因
我地好愛中國，但眼見共產黨對付手無縛雞之力的人民，連內地人都未必說服到，仲黎洗香港人的腦?!

一黨專政係極權,一唔中意就可以河蟹你d敏感字,屎都搵唔到,點討論到? 有咩自由空間?
希望大家明白，洗腦的力量係好強大，如果你見到尖尖尖三隻字就想唱哂成隻歌，其實就係比廣告洗左腦。

一洗左個腦，就好難洗乾淨，呢一世都會忘不了尖尖尖尖尖尖尖尖尖尖尖尖
國民教育都係，遲下個個細路都話共產黨只有好的野，壞野都係美國吹的，咁就死，好難洗乾淨張紙

希望大家明白反對的原因：

１．呢個係政治任務，而非出於教育需要，違背老師的專業同良心
２．愛國，唔等於要愛中國共產黨
３．紅色洗腦教材,連教育局局長都開記召表示係偏頗,又話資料發達洗唔到腦,咁不如叫學生自己上維基自學?
４．從未有一科純粹用"情感"黎評核，另外仲唔聲唔聲開左個「愛國file」記錄係成績表同學生檔案,跟足你一世,影響你未來
５．諮詢不足4個月,又積極迴避群眾,相比起教育部以往增設科目最少分2輪,約1.5~2年的諮詢,明顯草率得多
６．課程內容同中史、通識、公民教育重疊
７．三三四課程檢討(如SBA)、縮班殺校/北區學位不足、融合教育等問題急需資源，另一方面卻以億元計算資助強推國教,資源亂投
８．政府以國民取代公民,但世界民主國家推行的都是「公民教育」，教導學生普世價值同公民權利,尊重少數族裔
　　張永雄(德育、公民及國民教育課程發展主任)解釋指普世價值=西方價值，此等西方價值只係向中國施壓的技倆。
９．迴避敏感議題，謝凌潔貞（教育局常任秘書長）指64、艾未未、李旺陽等只係一個歷史長河裡的沙沙石石,係歷史上少不免的事。
１０．姜玉堆(國民教育促進會主席)表示,腦有問題就要洗,批評者應該先「洗洗腦」。暗示下一代香港人不應批評中國。

作者: 奶野 時間: 2012-9-9 21:20
支持支持!!!!

作者: 我愛爬蟲類 時間: 2012-9-9 21:23
支持x999999999999999999!!!~~~~~

作者: 啊橙 時間: 2012-9-9 21:29
９．迴避敏感議題，謝凌潔貞（教育局常任秘書長）指64、艾未未、李旺陽等只係一個歷史長河裡的沙沙石石,係歷史上少不免的事<-------國教科只係一個歷史長河裡的沙沙石石,撤回都係歷史上少不免的事

可惜歷史就係夠每一粒沙石所堆砌而成.......

作者: takyura 時間: 2012-9-9 21:32
好多謝你地的支持,我真係好想更多人明白我地佔領政總的意思
雖然學民佢地已經宣佈結束佔領行動同絕食佔領
但國民教育，只係政治偽術，一日不徹回，一日都係問題
政府絕對可以比大量資源比一d依賴政府資助的學校

如果可以的話,請轉,或者跟家人/朋友簡單解釋一下
12萬大軍所付出的時間同精力,希望唔會白流

訓地下,係好唔舒服,但知道學弟學妹要未來要學,我個心都好唔舒服,好擔心佢地

作者: jarr_kuxd 時間: 2012-9-9 21:36
十卜十卜

作者: oooooo 時間: 2012-9-26 01:30
反對原因只有一個，讀少科辛苦少一科！

作者: takyura 時間: 2012-9-27 21:05

oooooo 發表於 2012-9-26 01:30
反對原因只有一個，讀少科辛苦少一科！

haha其實香港中學校長會已達成共識,
唔會好似某d小學即時推行國民教育,其一係你呢個原因。
諗起個題外話:關於學校老師－依家d老師好辛苦

最辛苦其實係班中學老師，糧係固定，做野比十年前多，
依家大多數學校補課補死人，平日又要整d quiz呀,test呀咁。
星期六都要返學，暑假又補想去旅行又掛住d工作，未到9月已經開始大測。
(講緊高中生f5,f6果班)

依家d新老師係合約制唔係公務員，冇退休金，
唔係你地想像中咁輕鬆改功課咁簡單嫁啦。
(我學校個訓導做左2,30年左右，佢退休金係>700萬，
而且平時福利又多。但依家d老師冇呢支歌仔唱)

我學校好多新老師頂唔順,合約一完(1年)就走，年年都黎一批走一批。
我自己係補習社幫人補習時，個補習老師有日同佢傾傾下時
佢話：「依家做老師前路係好狹窄。係辛苦工。」
你知道嗎，我完全冇諗過，
一位補習老師，同埋一位學校老師講起依家的老師，我係感到好驚訝。

如果係一個冇保障的制度下工作，
仲要整多科係專門感動學生去歌頌國家一切一切，(指引有寫)
其實老師都覺得呢科真係冇需要。

反正依家通識都有本書專稱「現代中國」
有d學校都有「公民教育科」 (我學校推行左十年，唔知其他學校有冇)

「德育及國民教育科」呢一科真係整黎都哂氣, 明眼人都知呢科好有問題,
回歸15年，就已經等唔切50年不變。

作者: hkold2006 時間: 2012-9-27 21:10
十卜

作者: oooooo 時間: 2012-9-27 21:18

takyura 發表於 2012-9-27 21:05
haha其實香港中學校長會已達成共識,
唔會好似某d小學即時推行國民教育,其一係你呢個原因。
諗起個題外話: ...

有都唔緊要...可drop科同大把唔讀書嘅仔...

歡迎光臨香港龜友論壇 (https://hkturtle.org/)