香港龜友論壇

標題: 為遊客帶路要收錢？ [打印本頁]

作者: Xingson 時間: 2012-9-11 01:32
標題: 為遊客帶路要收錢？
本帖最後由 Xingson 於 2012-9-11 01:36 編輯

話說星期日傍晚五點零鐘行過熊貓酒店附近時，有對應該都幾老嘅日本老夫婦攞住張地圖問路，話想去荃灣地鐵站搭地鐵，咁反正我當時有時間，就索性帶佢地去大窩口地鐵站啦，果邊又近Ｄ條路又易行Ｄ，而且佢地淨識講日文要再問人都唔易。一路上我都同位行動唔太方便但好健談嘅婆婆閒話家常，又介紹下行過果Ｄ舊區特色等，連立法會選舉都同佢講埋（因為途中有拉票人員派宣單俾佢XD）；而果位伯伯就一路離開少少行，似乎唔太想參加埋一份。

當帶佢地去到上落地鐵站部電梯時，果位伯伯就伸手過嚟作握手狀，咁我下意識當然就係想同佢握手啦，點知原來佢手中係握住Ｄ廿蚊紙（唔知幾多，冇興趣理），係想塞Ｄ錢俾我！當然我多次同佢講我唔會收，擾攘左一陣佢先肯收番，之後大家先禮貌地告別。

我當時冇問佢，但我真係唔明點解連日本人都仲會咁做，以為人地親切少少對佢就係為左有回報？有冇朋友遇過類似情況？係咪有人曾經收過，傳左出去令遊客以為香港人會收錢？（唔一定要係日本人，遊客就得）

作者: 灰太狼 時間: 2012-9-11 01:51

Xingson 發表於 2012-9-11 01:32
話說星期日傍晚五點零鐘行過熊貓酒店附近時，有對應該都幾老嘅日本老夫婦攞住張地圖問路，話想去荃灣地鐵站 ...

做得好、有時幫到就幫、個人都開心啲

作者: seira2242527 時間: 2012-9-11 07:24
我就試過俾人問路.... 但係我語文能力有限

國語還好...英文就唔得了-.-直接帶佢地行......最近連韓國人都帶過.... 但係都冇遇過好似樓主依d事波

作者: 刀背蛋 時間: 2012-9-11 07:27
如果你做酒店呢行！就知收小費係好平常！你唔收，又唔代表禮貌

作者: KPS 時間: 2012-9-11 08:35
可能佢地返大陸玩, 咩都要收錢, 以為所有中國人都係咁

作者: aaromyiu 時間: 2012-9-11 09:39
做得好、

作者: ying 時間: 2012-9-11 12:09
我見過有人買嘢都比貼士啦,不太奇怪.

作者: tonycha 時間: 2012-9-11 14:03
本帖最後由 tonycha 於 2012-9-11 14:05 編輯

樓主識講日文?

我試過在香港機場被一對西班牙人問點坐火車? 佢地居然用西班牙話不停咁狂問我野!!!!!

唔通D遊客以為我地香港人識好多國語言? 好彩以前英國讀書果時要學小小法文,小小西班牙文同小小德文, 先至估到佢地up乜。

作者: tonycha 時間: 2012-9-11 14:19

bobby310 發表於 2012-9-11 12:38
唔好咩都拉埋大陸講，

日本人一般都豪爽D，

你講得好o岩, 日本人豪爽D.

我時不時去日本開會, 有間大公司派人接我機, 送我返酒店, 跟住俾我一個信封, 我打開, 有幾千YEN, 我問點解, 佢地話 "Pocket Money" - 零用錢!!! 笑死我, 我冇錢咩? 呢D係日本人的豪爽及照顧.

如果我去外國玩, 問路, 有個人好友善咁帶我行, 我都會比錢佢, 作為感恩. 好正常!

作者: Xingson 時間: 2012-9-11 16:31

tonycha 發表於 2012-9-11 14:03
樓主識講日文?

我試過在香港機場被一對西班牙人問點坐火車? 佢地居然用西班牙話不停咁狂問我野!!!!!

係，講日文。

其實用乜野語言都唔係重點，我只係想知香港而家會唔會變成遊客問個路都會要收錢嘅地方啫。

特別係有衛x果個所謂乜都幫你搞好個手機廣告，有人報告過原來入去問野係要收錢...

作者: Xingson 時間: 2012-9-11 16:38

tonycha 發表於 2012-9-11 14:19
你講得好o岩, 日本人豪爽D.

我時不時去日本開會, 有間大公司派人接我機, 送我返酒店, 跟住俾我一個信封, ...

咁我可能我黑仔，識得同工作上遇到嘅日本人都完全同豪爽拉唔上關係，連社長級都個個一樣係咁...

作者: Xingson 時間: 2012-9-11 16:45
另外，樓上幾位ching講到酒店，導遊，甚至係商舖都好，人地俾貼士都同我講嘅唔同，因為原本果d就有金錢交易，俾tips都唔出奇。但如果問路俾錢/收錢被講成好合理好普通的話，果個地方我自己都唔想去啦。所以我其實係擔心香港已經開始變

歡迎光臨香港龜友論壇 (https://hkturtle.org/)