香港龜友論壇

標題: 紅耳龜的白眼病是否康復?? [打印本頁]

作者: 肥肥龜 時間: 2012-12-10 15:01
標題: 紅耳龜的白眼病是否康復??
本帖最後由肥肥龜於 2012-12-10 15:19 編輯

早前我隻紅耳巴西龜有白眼病, 又唔食野, 成日在岸上, 小落水!! 我最終買咗黑藥 + 眼藥水, 到今天只適咗5天, 依然唔多願食野, 大家頻睇相, 佢雙眼雖然已打開, 但依然唔食野, 請問佢既白眼病是否好番?? 是否需要繼續滴藥同干養嗎??? 同埋點樣可以令佢肯食野?? 請各位指教~~ 我依然好擔心佢既健康!!

2012-12-09 08.38.39.jpg (557.98 KB, 下載次數: 80)

2012-12-09 08.39.10.jpg (211.42 KB, 下載次數: 78)

作者: kaig 時間: 2012-12-10 15:05
只係唔食野? 有冇郁動? 有冇咩其他唔正常既野?

作者: 肥肥龜 時間: 2012-12-10 15:08

kaig 發表於 2012-12-10 15:05
只係唔食野? 有冇郁動? 有冇咩其他唔正常既野?

佢之前有白眼病, 但我唔識睇好番未, 所以放相上來俾大家幫我睇吓!!

佢無食野差不多兩星期丫, 佢無食野自然沒有排便, 我有加電解液!! 其他暫時無咩不正常現狀呢!!

作者: kaig 時間: 2012-12-10 15:10

肥肥龜發表於 2012-12-10 15:08
佢之前有白眼病, 但我唔識睇好番未, 所以放相上來俾大家幫我睇吓!!

佢無食野差不多兩星期丫, 佢無食野自 ...

仲有冇成日唔落水? 有冇浮水現象? 遊水正唔正常?

作者: 肥肥龜 時間: 2012-12-10 15:14

kaig 發表於 2012-12-10 15:10
仲有冇成日唔落水? 有冇浮水現象? 遊水正唔正常?

因為近排滴藥要干養多, 呢個星期少俾佢落水, 但有試過俾佢落水 , 都有時落水游, 有時上岸, 兩者都平均, 比以前未食藥淨上岸唔落水相差好遠呢!!! 都少浮水, 放兩張相都係佢游水底時影的!! 我見佢少游水, 多數係水里定格!!!

作者: kaig 時間: 2012-12-10 15:21

肥肥龜發表於 2012-12-10 15:14
因為近排滴藥要干養多, 呢個星期少俾佢落水, 但有試過俾佢落水 , 都有時落水游, 有時上岸, 兩者都平均, ...

你乾養果時有冇保暖? 會唔會冷親?

作者: 肥肥龜 時間: 2012-12-10 15:23

kaig 發表於 2012-12-10 15:21
你乾養果時有冇保暖? 會唔會冷親?

有丫, 用發熱膽丫!!!

作者: kaig 時間: 2012-12-10 15:31

肥肥龜發表於 2012-12-10 15:23
有丫, 用發熱膽丫!!!

了解, 咁你一係試下用D活糧/命脈開口糧引下佢食野。

作者: kaig 時間: 2012-12-10 15:31
其實真係未知係咪因為病而唔食野..我睇落去同埋聽你講又唔似有咩大病..

作者: 肥肥龜 時間: 2012-12-10 15:37

kaig 發表於 2012-12-10 15:31
其實真係未知係咪因為病而唔食野..我睇落去同埋聽你講又唔似有咩大病..

但係相睇龜眼的白眼症係咪已全康復?? 或是未好得晒, 仲要再滴及干養???

作者: 肥肥龜 時間: 2012-12-10 15:39

kaig 發表於 2012-12-10 15:31
了解, 咁你一係試下用D活糧/命脈開口糧引下佢食野。

落水時我都有滴電解液丫, 但依然唔多願食龜糧,

你指活糧係咩?? 係咪干蝦?? 紅蟲之類???

作者: kaig 時間: 2012-12-10 15:40
我果時隻龜仔都有眼病, 滴到佢完全正常開合就冇滴! 如果佢係完全正常番就應該好番了!

作者: 肥肥龜 時間: 2012-12-10 15:45

kaig 發表於 2012-12-10 15:40
我果時隻龜仔都有眼病, 滴到佢完全正常開合就冇滴! 如果佢係完全正常番就應該好番了! ...

我只怕佢會唔會正在好番中, 又未好番得晒, 我唔知眼的周邊仲有小小白眼病或是佢雙眼係咁, 我自己又唔識分???

作者: kaig 時間: 2012-12-10 15:47
眼周圍果D冇事的, 放心!

作者: 肥肥龜 時間: 2012-12-10 15:50

kaig 發表於 2012-12-10 15:47
眼周圍果D冇事的, 放心!

真!!! 我都肴望佢係無事啦!! 謝謝!!

作者: siumaiguy 時間: 2012-12-10 16:33
巴西好似要係水先食野架
放水餵完再乾養啦

作者: 肥肥龜 時間: 2012-12-10 16:45

siumaiguy 發表於 2012-12-10 16:33
巴西好似要係水先食野架
放水餵完再乾養啦

我試過放係水到, 加電解液 + 龜糧都係唔多願食!! 不過早排連眼都唔開就干養多D, 因為要滴藥, 如果佢好番小小, 我會放佢水到多D!!!

作者: 火水. 時間: 2012-12-10 18:46
回復肥肥龜的帖子

暫時唔好急住餵了，再用藥多幾天吧，真的完全精神返晒才餵點紅蟲吧，唔好急

作者: 敏~敏 時間: 2012-12-10 19:26
應該好返啦

作者: 敏~敏 時間: 2012-12-10 19:28
應該好返啦

作者: 肥肥龜 時間: 2012-12-10 21:06

火水. 發表於 2012-12-10 18:46
回復肥肥龜的帖子

暫時唔好急住餵了，再用藥多幾天吧，真的完全精神返晒才餵點紅蟲吧，唔好急 ...

哦! 我只怕佢餓得太耐會快死或冇力呢! 話晒佢兩個星期冇食野，我有點擔心，但如果浸水我會加電解液嘅。

但幾時同點知佢完全好番? 佢滴藥過程中好多時干養，甚少放佢係水。

作者: 肥肥龜 時間: 2012-12-10 21:07

敏~敏發表於 2012-12-10 19:26
應該好返啦

希望啦! 佢病咁耐我就擔心咁耐，真係零於病果個係我呢!

作者: 火水. 時間: 2012-12-10 23:02
回復肥肥龜的帖子

有用電解液就更好了，放心，很快好返的

作者: 肥肥龜 時間: 2012-12-11 10:49

火水. 發表於 2012-12-10 23:02
回復肥肥龜的帖子

有用電解液就更好了，放心，很快好返的

謝謝你安慰, 如果淨係滴呢隻電解液, 效用大唔大???

IMG_4805.JPG (44.12 KB, 下載次數: 25)

作者: Gerrrrrrr 時間: 2012-12-12 01:00
加油！睇黎情況不錯！
多Post龜龜的新相，update龜龜近況，等有經驗的龜友可以幫你一路觀察龜龜

作者: 肥肥龜 時間: 2012-12-12 10:22

Gerrrrrrr 發表於 2012-12-12 01:00
加油！睇黎情況不錯！
多Post龜龜的新相，update龜龜近況，等有經驗的龜友可以幫你一路觀察龜龜 ...

多謝你丫, 我會架啦, 到咁上下時間我會放佢近照俾大家睇架啦!!! 因為我對龜唔多認識同了解呢!!

你養係咩龜丫?? 養咗幾多年丫?? 有無試過龜龜生病???? 生病你點處理?? 睇獸醫或是買藥俾佢????

作者: Gerrrrrrr 時間: 2012-12-12 20:41

肥肥龜發表於 2012-12-12 10:22
多謝你丫, 我會架啦, 到咁上下時間我會放佢近照俾大家睇架啦!!! 因為我對龜唔多認識同了解呢!!

你養係 ...

一地圖一食蝸。
養左幾年lu. 好彩無乜大病。試過有外傷，用雲南白藥同乾養治好

作者: Mike2012 時間: 2012-12-12 20:55
我隻巴西之前都試過，佢開到眼伐表開始無事。但佢可能冬眠，或者睇下佢廿度或以上食吾食到野

作者: 肥肥龜 時間: 2012-12-12 23:24

Gerrrrrrr 發表於 2012-12-12 20:41
一地圖一食蝸。
養左幾年lu. 好彩無乜大病。試過有外傷，用雲南白藥同乾養治好 ...

你隻龜外傷邊度? 雲南白藥係邊度有得買? 大約幾錢? 係咪醫受傷皮膚上?

作者: 肥肥龜 時間: 2012-12-12 23:35

Mike2012 發表於 2012-12-12 20:55
我隻巴西之前都試過，佢開到眼伐表開始無事。但佢可能冬眠，或者睇下佢廿度或以上食吾食到野 ...

佢宜家開眼之余，仲周圍爬，比之前精神好多呢，因為宜家滴藥，好多時干養，少下水，但有晒發熱膽，好似仍然不食野咁。我只怕佢再唔食野會餓死呢!

你果隻冬天係咪唔食野? 掛住訓? 醫幾耐佢好番?

作者: Gerrrrrrr 時間: 2012-12-13 11:06
你有電解液俾佢都ok，慢慢啦，呢幾有太陽，俾佢曬番半粒鐘，曬緊果陣俾少糧睇下佢食唔食

我d龜食少左好多啦，我隔兩三日先餵。
果次搞左最少兩個星期！

作者: Gerrrrrrr 時間: 2012-12-13 11:09
藥房有雲南白藥，好平，十五蚊以下。龜龜有外傷時，用優碘消毒再搽白藥乾養好有效

作者: Mike2012 時間: 2012-12-13 12:38
回復肥肥龜的帖子

我隻係二十度以下吾食，廿五度以下少食。到接近卌度先開胃。
我隻醫左成個月先好返

作者: 肥肥龜 時間: 2012-12-13 14:27

Gerrrrrrr 發表於 2012-12-13 11:09
藥房有雲南白藥，好平，十五蚊以下。龜龜有外傷時，用優碘消毒再搽白藥乾養好有效 ...

謝謝你意見, 有時真係唔知龜龜係病咗無胃口食野?? 或是真係要冬眠減少胃口, 見佢唔食野真係好擔心呢!! 只好每天觀察佢, 等佢好番啦!!

咁果兩個星期佢咪好少掂水囉??? 得唔得?? 會唔會搞到龜龜太乾???

我只聽人講俾多d暖水游暖空氣佢, 佢食欲會大增, 你有試過嗎???!

作者: 肥肥龜 時間: 2012-12-13 14:29

Mike2012 發表於 2012-12-13 12:38
回復肥肥龜的帖子

我隻係二十度以下吾食，廿五度以下少食。到接近卌度先開胃。

嗄, 醫成個月咁耐??? 你果時係咪俾黑藥同眼藥水佢??? 果成個月咪勁擔心????

作者: Mike2012 時間: 2012-12-13 19:22
2003年時同佢去大圍寵物診所睇。果時個醫生好好人。但宜家個醫生走左，換左人。吾好啦。因前年2010我另一隻隻手生倉，果時另一個醫生話驗血照x光又呢又Lu.....仲話生cancer仲話隻手隨時要切。好睬我之後買龜精靈曰曰同佢呼，兩星期後無事。

作者: Gerrrrrrr 時間: 2012-12-13 19:46

肥肥龜發表於 2012-12-13 14:27
謝謝你意見, 有時真係唔知龜龜係病咗無胃口食野?? 或是真係要冬眠減少胃口, 見佢唔食野真係好擔心呢!! ...

對，果兩星期只係中午餵食同晚上會俾佢浸下水。每次唔會超過一小時。佢無事，無不良反應。

我無，而家天氣凍，食少左係正常。俾暖水佢，隔十分鐘，又凍哂，又要換過，你要有耐性同記性。如果你記得就換下唔記得就唔換，咁一冷一熱佢無病都俾你搞到病。

你隻龜咁細，最重要係keep好水質，加枝暖管係佢屋企。做好左呢兩樣先。佢健康，自然有胃口。

作者: 肥肥龜 時間: 2012-12-13 22:50

Mike2012 發表於 2012-12-13 19:22
2003年時同佢去大圍寵物診所睇。果時個醫生好好人。但宜家個醫生走左，換左人。吾好啦。因前年2010我另一隻 ...

嗄，唔係卦? 個醫生識唔識醫架? 立亂話切就切丫? 好彩你冇聽佢講咋。唉! 我都聽好多人話大圍獸醫幾好，但你個醫生醫得咁求其，咁香港咪冇好獸醫?

作者: 肥肥龜 時間: 2012-12-13 22:51

Mike2012 發表於 2012-12-13 19:22
2003年時同佢去大圍寵物診所睇。果時個醫生好好人。但宜家個醫生走左，換左人。吾好啦。因前年2010我另一隻 ...

嗄，唔係卦? 個醫生識唔識醫架? 立亂話切就切丫? 好彩你冇聽佢講咋。唉! 我都聽好多人話大圍獸醫幾好，但你個醫生醫得咁求其，咁香港咪冇好獸醫?

作者: Mike2012 時間: 2012-12-14 00:55
有好有吾好

作者: 肥肥龜 時間: 2012-12-14 09:25

Gerrrrrrr 發表於 2012-12-13 19:46
對，果兩星期只係中午餵食同晚上會俾佢浸下水。每次唔會超過一小時。佢無事，無不良反應。

我無，而家 ...

有丫, 宜家佢屋企仲好過我屋企, 佢有暖管, 又有發熱膽射住佢, 反而我無暖機添!! 佢宜家食番野, 胃口都好咗, 個心都安樂晒!! 不過昨晚佢有幾下打噴嚏, 唔知係咪又感冒呢???

作者: francowing 時間: 2012-12-14 13:20
試過冇落葯,每日換水,隻巴西對眼自己好番！

作者: 肥肥龜 時間: 2012-12-14 14:15

francowing 發表於 2012-12-14 13:20
試過冇落葯,每日換水,隻巴西對眼自己好番！

你係試過嗎?? 因為問過人叫我落住藥先, 暫時唔好停藥住, 完全好番先至停藥!! 至於水我每日至少換兩次呢, 希望佢快d好番啦!!

我想問龜龜有打噴嚏及常在水裏是否有問題呢???

作者: francowing 時間: 2012-12-14 14:32
我個隻比你呢隻病得仲勁,两隻眼好似盲左,好擔心,後來睇書話佢地有自癒能力,米試下keep住Ｄ水質好Ｄ,佢真係自己好番咗!!!不過時間要耐Ｄ,要俾Ｄ耐性。

作者: 肥肥龜 時間: 2012-12-14 14:37

francowing 發表於 2012-12-14 14:32
我個隻比你呢隻病得仲勁,两隻眼好似盲左,好擔心,後來睇書話佢地有自癒能力,米試下keep住Ｄ水質好Ｄ,佢真係 ...

嗄, 我自己唔敢博丫, 話晒我雙係bb龜, 始終抵抗力差, 萬一佢唔好反而死我仲自責呢!! 所以買藥俾佢滴仲好!! 正所謂病向淺中醫嘛, 就算勾好未必完全病好晒!!! 但當時你隻龜幾耐自己好番???

我想問龜龜有打噴嚏及常在水裏是否有問題呢???

作者: francowing 時間: 2012-12-14 15:31
咁又係,始終係龜Ｂ!

作者: Gerrrrrrr 時間: 2012-12-14 19:41

肥肥龜發表於 2012-12-14 09:25
有丫, 宜家佢屋企仲好過我屋企, 佢有暖管, 又有發熱膽射住佢, 反而我無暖機添!! 佢宜家食番野, 胃口都 ...

下…咁你要觀察多d喎，一係無太陽的日子唔好拎佢出黎餵，由佢係家保暖

作者: 肥肥龜 時間: 2012-12-14 20:03

Gerrrrrrr 發表於 2012-12-14 19:41
下…咁你要觀察多d喎，一係無太陽的日子唔好拎佢出黎餵，由佢係家保暖

唔喂佢驚餓死佢喎。係呢! 佢真係識打噴次架?

作者: Gerrrrrrr 時間: 2012-12-15 01:04

肥肥龜發表於 2012-12-14 20:03
唔喂佢驚餓死佢喎。係呢! 佢真係識打噴次架?

隔一兩日都唔會死既咁…你想日日餵咪小心唔好俾佢喂食時冷親。
我就未見過，不過一定識流鼻水。

作者: 肥肥龜 時間: 2012-12-15 01:38

Gerrrrrrr 發表於 2012-12-15 01:04
隔一兩日都唔會死既咁…你想日日餵咪小心唔好俾佢喂食時冷親。
我就未見過，不過一定識流鼻水。 ...

哦! 我會留意吓佢，不過冇見過佢流鼻水就真。但我都好擔心佢冷親。

作者: khip 時間: 2012-12-15 01:55

肥肥龜發表於 2012-12-15 01:38
哦! 我會留意吓佢，不過冇見過佢流鼻水就真。但我都好擔心佢冷親。

只要控制好水溫和陸地既溫度，溫差唔好太大，就唔會凍親。

記住龜係變溫動物，會受環境影響自身既體溫，如果低溫情況下龜隻會減慢新陳代謝，唔會好似人咁因為低溫而引發病症。

歡迎光臨香港龜友論壇 (https://hkturtle.org/)