香港龜友論壇

標題: 早兩日同兩個舊學生出黎打邊爐.... [打印本頁]

作者: 龜心似箭 時間: 2012-12-14 09:21
標題: 早兩日同兩個舊學生出黎打邊爐....
佢地兩年前畢業(學電機工程)。一個係上堂冇乜心機做嘢, 一畢業就轉咗做保險, 而另一個就做嘢好叻攞好高分。

佢喺富X做保險,話宜家要帶住十幾條靚,平均揾三皮嘢, 業績好年年公司獎勵佢去旅行,又比啲攞獎既相我哋睇, 話plan定同女朋友結婚買樓, 車牌都未有就話要睇定邊架bmw好, 嘩...聽到我眼定定,另一位同學就冇乜嘢講。

完埸後我同果個冇乜嘢講既同學一齊行去搭地鐵, 佢有啲唔開心, 開始有番啲嘢講:「我都唔知點解做咗呢行(電機學徒), 日日喺地盤身水身汗, 做咗兩年開埋夜都唔過一萬, 又成日比大佬丙, 唔敢溝女又比人話地盤仔, 讀唔到higher diploma註定做一世技工, 幾時先有三皮, 人哋就黎結婚買樓, 我仲十吓十吓」。

佢似乎將我當初灌輸比佢既正面訊息一一推返, 我唯有叫佢慢慢黎啦, 入行先得兩年讀好啲書仲有大把機會吖, 呢行係要靠經驗加學歷才有出頭, 做保險辛苦你唔知啫。

唉！讀書麻麻果啲都想去做地產、金融、保險經紀揾快錢, 返工可以打領呔。真係越黎越少年青人肯投身做工程、建造行業。

作者: MichaelL 時間: 2012-12-14 09:30
回復龜心似箭的帖子

地產、金融、保險經紀
呢D行業都要睇個人性格同人際手腕
不知幾多只係食住個老底既經紀, 冇幾耐已經被炒
每行都有成功同失敗既例子, 最緊要搵岩自己既興趣, 學以致用
有時快樂5係金錢衡量到

作者: 龜心似箭 時間: 2012-12-14 09:32

MichaelL 發表於 2012-12-14 09:30
回復龜心似箭的帖子

地產、金融、保險經紀

在香港生活,無金錢好難快樂

作者: kwong_1980 時間: 2012-12-14 09:40
本帖最後由 kwong_1980 於 2012-12-14 09:41 編輯

回復龜心似箭的帖子

我都係做工程既,我覺得人地做保險要口才好,面皮厚,保險那些人當初入行去搵單時,可能成日唔夠單被阿頭鬧,
各有前因莫羡人
我自問EQ唔高,不能做銷售類

作者: anthonywoo 時間: 2012-12-14 10:27
人比人, 比死人
只用金錢來衡量快樂, 會好可悲的

作者: 蕉蕉蕉 時間: 2012-12-14 10:32

kwong_1980 發表於 2012-12-14 09:40
回復龜心似箭的帖子

我都係做工程既,我覺得人地做保險要口才好,面皮厚,保險那些人當初入行去搵單時,可能 ...

我讀緊工程,,就畢業了,,又係要捱世界既時間

作者: 愛龜如命 時間: 2012-12-14 10:34
行行出狀元麻，只不過機會未到姐

作者: hongie 時間: 2012-12-14 11:12

龜心似箭發表於 2012-12-14 09:21
佢地兩年前畢業(學電機工程)。一個係上堂冇乜心機做嘢, 一畢業就轉咗做保險, 而另一個就做嘢好叻攞好高分 ...

做 sales 既壓力，唔係個個頂得順，行行出狀元，只要肯學肯捱，總有出頭天

作者: 波子 時間: 2012-12-14 11:39
本帖最後由波子於 2012-12-14 11:40 編輯

你同佢講:
萬物都以稀為貴, 即是人門所說的 "物以稀為貴"
未來將會很多工程公司爭你,
不要為一時的所為快樂, 而看不見未來的榮耀.

作者: EV-DAY 時間: 2012-12-14 11:40
擦鐵工天天過千只要狠做

作者: EV-DAY 時間: 2012-12-14 11:40
油七工天天１千只要狠做

作者: EV-DAY 時間: 2012-12-14 11:41
泥水工天天千多元只要狠做

作者: EV-DAY 時間: 2012-12-14 11:41
電工天天千多元只要狠做

作者: EV-DAY 時間: 2012-12-14 11:42
木工可達千多元只要狠做

作者: EV-DAY 時間: 2012-12-14 11:43
裝修Ｉ個月３５萬非難事

作者: EV-DAY 時間: 2012-12-14 11:44
只只要狠做人人都可揸林寶堅泥

作者: EV-DAY 時間: 2012-12-14 11:48
十幾條嘖就牙擦擦大家老友吃飯卻扮久曬野保險仔有乜久真實力老千老千

作者: EV-DAY 時間: 2012-12-14 12:05
保險仔有乜久真實力老千老千
扮上等呀得個３幾個想揸Ｂ士二手啦買樓呀套房啦
車牌都無想揸Ｂ士去玩具反久城啦
俄斑朋友人人最少棍７８寰無個扮野
大家老朋要扮野對出面啲草根扮

作者: 南十字 時間: 2012-12-14 12:06
講就天下無敵！可能佢係十幾條靚其中一條就真，點會有門手藝咁好，過幾年做大師傅，一樣揾大錢，反而保險無咁保險！

作者: EV-DAY 時間: 2012-12-14 12:10
原來富必的Ａ準質素如此叉以後俄公司色做

作者: kanhung 時間: 2012-12-14 12:59
好多經紀及公關 ,外表風光 ,內裡陰光 ,有 D 人鐿意打呔著西裝 ,亦有著 T shirt 牛仔褲 ,亦更有人攞最多收入嗰日 or 嗰月話收入 ,自己分析 ,人初初出來工作多數同 D 朋友報喜 ,屋企人就報實話。

作者: anthonywoo 時間: 2012-12-14 13:09
一個健康的社會, 是要有不同人才, 各施其職.
能安守本份, 已難能可貴
到俾你做金融, 你又未必真能成為Banker 啫

作者: fai890 時間: 2012-12-14 13:15
人比人·比死人

作者: 乂阿偉乂 時間: 2012-12-14 13:29
地盤都搵多$呀._.'!

作者: law198938 時間: 2012-12-14 13:52
ching 掉轉咁諗, 問自己搵幾多先夠, 每個人都有唔同準則。
你可以搵萬幾蚊已經滿足，可以搵10幾萬都唔夠洗。
最緊要肯捱，肯學，唔好人比人，應該自己比自己!
我都係做工程，不過係higher dip畢業左~
自已搵ge比同期ge人少30-40%.....睇你個觀點角度去看待!

作者: 龜心似箭 時間: 2012-12-14 15:09

波子發表於 2012-12-14 11:39
你同佢講:
萬物都以稀為貴, 即是人門所說的 "物以稀為貴"
未來將會很多工程公司爭你,

其實其中一個原因是工程界太過貪腐，烏煙瘴氣，大有大貪小有小貪，有貪腐的地方就不會有公平，有實力是無用的，可以上到某些位就只要肯出手或做幫兇，行正道的只會做餐死去到某o的位置就停步，唔肯埋堆的，有鑊就你孭，好快就無得撈，變成高不成低不就。做工人就好好多，雖然工地環境惡劣，工作辛苦，但起碼有開工就有收工，但工程工人絕大部份是打散工的，工程完了就唔知幾時先有下一單工程，還有香港特別多騙(判)頭，有汗出無糧出的事時有發生，你做父母也不鼓勵仔女入這行。

作者: 御龍逝 時間: 2012-12-14 15:30
工程尼行都越黎越多女仔做~我讀工程high dip果班26人都有12個女仔
而家女仔都肯去地盤捱苦學野,,男仔更應該努力~唔怕辛苦~
地盤仔都可以搵到好多錢~都可以有好多機會溝地盤妹嫁~

作者: EV-DAY 時間: 2012-12-14 16:15

御龍逝發表於 2012-12-14 15:30
工程尼行都越黎越多女仔做~我讀工程high dip果班26人都有12個女仔
而家女仔都肯去地盤捱苦學野,,男仔更應該 ...

地盤工人中只有阿姐吓哇科文安全ＯＫ

作者: restart2020 時間: 2012-12-14 17:28
回復龜心似箭的帖子

師兄，如果有意投身工程界的話，請 PM 聯絡我。
本人並不欣賞『做保險』、『金額』、『地產經紀』之類的行業，講真，前述的行業，有幾專業，心中有數，無錯，市道好時可能真係可以賺快錢，但上左年紀後又點呢﹖，仲係靠把口吹﹖就賺倒錢﹖我唔係好信law, 做工程，又學徒做起，有左技術，有相關專業牌照後，收入已經好好，在行來打滾一輪後，如果自己人脈好又遇到機會時，自己做老闆接工程做，都仲可以。

作者: restart2020 時間: 2012-12-14 17:36

EV-DAY 發表於 2012-12-14 12:05
保險仔有乜久真實力老千老千
扮上等呀得個３幾個想揸Ｂ士二手啦買樓呀套房啦
車牌都無想揸Ｂ士去玩 ...

講得好，搵個3萬蚊一個月就扮哂野，駕 BMW 就好威，唔好玩啦，我成日同行家講，真有本事的人，係唔會四圍同人講自己點勁既，駕駛著BENZ去清坭頭垃圾，我就話你型喇。
小弟現年36，10年前都唔止搵呢個數啦，但我的工作唔駛厚住面皮找客，唔駛埋沒良心去昆人開單，我就好開心law....。現在有自己的生意，OK啦，但我從來都唔會同朋友講埋呢D野law...!!
朋友係互相支持，互相鼓勵，唔係拿來比較既。

作者: restart2020 時間: 2012-12-14 17:44
回復龜心似箭的帖子

年青人，每個界別中，都會有好人，有壞人，唔一定要埋堆先搵到食既，我就從來都唔會做犯法野，公司生意一樣一年好過一年，要依靠貪污行賄先接到工程既公司，好極有限啦，呢 D 野唔駛羨慕人，做自己本份就可以喇，人在做天在看，天理循環，做壞事既人會有報應既，遲早問題0者，你睇下『陳球大』，貪污後，起短腳樓，害了辛苦儲錢買居屋的人，佢咪要坐監。

作者: tonycha 時間: 2012-12-14 18:21
本帖最後由 tonycha 於 2012-12-14 18:37 編輯

燒焊工日薪八千蚊

http://hk.apple.nextmedia.com/news/art/20121214/18101314
【本報訊】建造業以「天價」搶人。上市公司利基控股主席單偉彪透露，公司最近一宗工程需聘請10多名燒焊技工，負責焊接一條長逾一公里的海底煤氣喉管，由於行內人手短缺，公司最終要以日薪8,000元招兵。工程為期約3周，竣工後每名工人淨袋約14.4萬元，較政府助理文書主任年薪還要高，相當和味。單偉彪直言：「做法官都係咁上下人工。」
記者：盧文烈

招聘雜誌《Recruit》上周五主辦香港人力市場圓桌會議，由單偉彪任主持，探討建造業人手不足問題。《Recruit》昨發出新聞稿，指利基有工程要以日薪8,000元請燒焊工。利基參與本地不少工務及海事工程，單偉彪昨接受本報查詢時透露，涉及以天價請人的工程較特別，是為煤氣公司焊接一條長逾一公里的海底煤氣喉管，工程在躉船進行，即將展開，工人要連續兩至三個星期幾乎無間斷開工，公司最終以日薪7,000至8,000元請人，「唔知係咪聽到我哋難搵人，將工資嗌高幾倍，我哋冇辦法，焗住做，蝕本都要做」。他說，以往聘請燒焊工，日薪最多1,500元至1,600元。

建議有限度輸入外勞
該工程需10多名燒焊工，實施兩更制，每更工作12小時。本報以每名工人每周工作6天計算，完成三周工作可袋14.4萬元。這份毋須學歷的筍工較助理文書主任年薪13.8萬元還要高，也好搵過月入介乎約9.5萬至11.4萬元的法院裁判官。單偉彪直言：「做法官都係咁上下人工」。
單偉彪說，除了燒焊工，其他工種過去一年薪金不斷上漲，估計增幅三至四成，他認為薪金上升是導致本港多項基建工程造價急升的主要原因，認為政府只透過培訓難解決人手不足問題，建議有限度輸入外勞。
建造業總工會理事長周聯僑說，有公司以日薪8,000元聘請燒焊工只屬個別事件。他指現時各工種也「搶人」，燒焊工現時全行約有5,000人，估計最少尚欠1,000人，工會反對輸入外勞。
燒焊工現時平均日薪約1,000元，周聯僑說薪酬視乎工程難度而異，如負責地鐵工程，部份工人或要加壓進入隧道進行燒焊，日薪可達2,000至3,000元，但重賞未必有勇夫，「超過45歲體格都頂唔順，甚至有工友情願搵少啲都唔做」。工業傷亡權益會總幹事陳錦康形容8,000元日薪是天價，但燒焊工作有一定危險性，最常見意外是觸電及從高處墮下，籲工人小心。

作者: tonycha 時間: 2012-12-14 18:28
本帖最後由 tonycha 於 2012-12-14 18:34 編輯

相反, 保險仔, 收入唔穩定, 公司target只會越來越高, meet唔倒target即炒!!! 我表妹被炒, 轉左行搞美容。

做保險時, 佢搵倒錢就請我食鮑魚, 搵唔倒客時就要我接濟/幫忙買保險。後生仔都係腳踏實地好D, 唔好羨慕人地一時風光。

作者: 神郎 時間: 2012-12-14 22:11
我都糸做工程 , 水泵水喉

歡迎光臨香港龜友論壇 (https://hkturtle.org/)