香港龜友論壇

標題: 急問！醫療失誤，非常擔心！ [打印本頁]

作者: pkgod 時間: 2011-7-28 20:11
標題: 急問！醫療失誤，非常擔心！
本帖最後由 pkgod 於 2011-7-29 00:44 編輯

早兩星期帶龜龜係獸醫診所做完手術後，每隔三日都要帶佢返去打針，
剛剛照樣帶佢去打，護士叫：到龜龜打針，咁我入到去，醫生問我佢好
唔好胃口，我話胃口好好，之後就同佢打左兩支針，我返出去比錢，
護士同我講，黃生，多謝$xxx
Shit ! 出事！我唔係姓黃！
我望下坐係到真正黃生隻龜，over 2 kg ，我隻龜b才200g
叫護士同醫生查清楚，真係打錯！
佢地搞左一陣再叫我入去，醫生講英文，護士同返我講中文
話打多左小小，比隻粉我沖水，話應該問題不大
我出返去，護士教我用時我再追問護士，最壞情況會點？
佢話最壞會損壞腎臟，叫我留意住，另外如果可以，最好日日都黎比醫生望下

我而家好擔心，唔知點好

作者: masterunion 時間: 2011-7-28 20:14
2KG 同200g 差好遠wor

作者: saturday 時間: 2011-7-28 20:14
回復 pkgod 的帖子

那間診所?

作者: 001 時間: 2011-7-28 20:15
回復 pkgod 的帖子

師兄，

醫生打錯什麼藥落你隻龜到？？你隻是什麼龜種？？有多大？？
黃先生隻龜有多大？？

作者: queeniecpy 時間: 2011-7-28 20:53
C兄,你係邊到睇獸醫呀,話比我知吖,等我以後唔會去呀

作者: jackielee 時間: 2011-7-28 21:18
那個医生........

作者: Kabc 時間: 2011-7-28 21:48
吓............咁都得.你留意龜龜有無異常..................請問醫務所個醫生有無解釋是什麼針

作者: 烏拉龜 時間: 2011-7-28 23:17
乜野針來呀?

作者: toby197364 時間: 2011-7-28 23:24
C兄,你係邊到睇獸醫呀,話比我知吖,等我以後唔會去呀X2

作者: pkgod 時間: 2011-7-29 00:46
如果比我知道佢想隱瞞或者無盡力保救，我一定開名+追究到底
不過呢d遲d先算，我而家主要想救返龜龜先，
我而家可以做既係，比多d暖水佢浸？仲有咩可以做呢？
非常多謝各師兄關心

作者: chamkey 時間: 2011-7-29 00:57
其實你冇咩可以做
首先唔講藥性係咩一樣
淨係計藥量都已經差10 倍了 (理論上)
正常食多左葯ge 處理就係飲多d 水, 人都係一樣
有d 龜龜接受治療食藥同時要打皮下水, 原理都一樣
唔想藥/有害物質積聚係內臟, 所以打多d 皮下水入去沖淡佢
你俾水佢浸, 都要佢肯飲
如果d 粉係有療效, 咁開水佢浸佢d 皮膚就會吸收

作者: NG9874568 時間: 2011-7-29 00:59
甘都得...呢間野...唉

作者: 小草 時間: 2011-7-29 01:34
留低龜龜俾人睇仲危險過自己睇住呀師兄!3日1針係咪肺炎抗生素針呀?
我真係唔明點解診所可以搞錯，面診前會先叫龜名/主人名.......
你隻龜b幾大隻呢?

作者: boap 時間: 2011-7-29 01:53
首先，無人知佢打咗咩落去，我哋亦唔係醫生，無從判斷，喺度問亦都無人識答，點解唔搵多個醫生問呢? 如果另一位醫生覺得事態嚴重，口供分分鐘可以成為控告失職醫生嘅罪證，又救到你隻嘢，一舉多得

你有必要向涉嫌失誤的醫生索取詳細的醫療紀錄，包括用藥資料，方便另一醫生跟進，拒絕交出報告同樣可以構成專業操守失當

去獸醫管理局投訴佢，入面有仲裁法庭，專審醫療失誤，佢可能會被釘牌

詳情請登入該網瀏覽過去仲裁有關醫療失誤之個案。
http://www.vsbhk.org.hk/

作者: pkgod 時間: 2011-7-29 01:59
我開左兩個貼，一來想聽多d師兄既意思
二來呢間診所都有醫陸龜，我真係唔希望有其他人中招

補充資料，我隻龜b係巴西龜，之前係因中耳炎而做手術
唉，其實我之前都爭鬥左好耐，應唔應該帶佢去睇獸醫，
$25就買到一隻，比二千銀去睇醫生？夠我買多一百隻！
最後都係帶左佢去睇醫生，救龜一命勝造七級浮屠。
只係估唔到佢咁命苦，做完手術仲要再受此一役。

作者: pkgod 時間: 2011-7-29 11:03
本帖最後由 pkgod 於 2011-7-29 11:05 編輯

我而家醒起... 一入到診室,佢叫護士問我,好似輕左,隻龜好唔好胃口,我答佢胃口幾好,無問題

咁即係..佢睇到個report上寫上次龜龜幾重..今次幾重...咁如果個report
寫左 2.1kg 變左 2.0kg ... 佢重打落我隻 200mg 既龜b到...

作者: zero_1 時間: 2011-7-29 11:07
甘大鑊??俾隻龜D相我睇睇,免費幫你醫!

作者: pkgod 時間: 2011-7-29 11:23
唔識post 相.. 尋晚同今朝佢都唔係好食野..咬兩淡就唔食..不過都仲算4肢有力..
我一陣試下打去診所叫佢email個醫療紀錄比我,就算我搵第二醫療意見,都要知打左咩針,幾多份量吧... 睇下佢比唔比我先..

作者: www 時間: 2011-7-29 11:46
i think u must go to take the report hard copy by yourself! Better than ask him by email!

作者: pkgod 時間: 2011-7-29 11:57
本帖最後由 pkgod 於 2011-7-29 11:57 編輯

我要搭成個鐘車先去到，因為見網友推介先特登咁遠都去。
而且我自己一陣要做手術，聽日都去唔到，所以約星期日朝再去覆診。

作者: pkgod 時間: 2011-7-29 12:20
剛剛打左去問，個護士話醫療報告唔可以比主人，只可以sent比其他獸醫，我再同佢講，你幫我問下醫生，我真係想要醫療報告，而且係你地打錯針在先。如果真係唔比，我就打去獸醫管理局投訴！

而家等緊佢覆

作者: saturday 時間: 2011-7-29 12:46
本帖最後由 saturday 於 2011-7-29 12:47 編輯

pkgod 發表於 2011-7-29 01:59
我開左兩個貼，一來想聽多d師兄既意思
二來呢間診所都有醫陸龜，我真係唔希望有其他人中招

師兄...你都冇開名..."我真係唔希望有其他人中招"<<冇開名更有人會種蕉啦

我估荃灣or大圍...

作者: pkgod 時間: 2011-7-29 14:07
剛剛診所打返比我話可以email 比我，不過佢老細睇返cctv話無打錯針!我睇返email，只係打左兩隻藥名同份量，而唔係醫療報告，而最重要係佢而家唔認！咁即係將來佢都會當無事咁醫！我已經對佢地無曬信心。我決定帶龜b去睇第二個醫生+開佢名同去獸醫管理局投訴佢。

荃灣城x獸醫打針既係外籍男醫生，身份略胖

如果當時坐我旁既黃生睇到呢篇文，請pm我，謝

作者: pkgod 時間: 2011-7-29 15:36
想問下除左荃灣外,唔知九龍東/油尖旺有睇龜既醫生介紹呢?

作者: redmui 時間: 2011-7-29 17:29
可以告佢 ga wor...

so careless

作者: no4wai 時間: 2011-7-29 18:01

pkgod 發表於 2011-7-29 14:07
剛剛診所打返比我話可以email 比我，不過佢老細睇返cctv話無打錯針!我睇返email，只係打左兩隻藥名同份量， ...

我有2隻龜都係在呢間'城市獸醫'打針!元朗,荃灣都有分店!我2隻龜打針後同時抽筋死了!且他們常開錯針藥及分量(我都試過)!去杜蟲整到龜殼邊都裂了(餵不到就死NEW爛NEW)!最後都餵唔到!就叫我回家自己餵!我當然都餵唔到!再回去!他說無辨法!左問又問原來係有針劑!無野時狂打來提你覆診打針!有事只會回避問題!呢間野不知所謂!笫一次去登記連龜相,龜種,重量都入錯!個肥佬係老細!我D龜就係比呢間野害死!洗了幾千元!失去2隻龜!得到的是一肛氣!

作者: rayF122 時間: 2011-7-29 19:09
支持樓主告到佢釘牌

作者: boap 時間: 2011-7-29 21:46

no4wai 發表於 2011-7-29 18:01
我有2隻龜都係在呢間'城市獸醫'打針!元朗,荃灣都有分店!我2隻龜打針後同時抽筋死了!且他們常開錯針藥及分 ...

哇，咁都唔去獸醫管理局告佢?
我只係去元朗睇過一次
打咗針都好似無咩好轉

作者: siusun 時間: 2011-7-29 22:42
獸醫食水咁深都可以咁求其....

作者: KaukcE 時間: 2011-7-29 23:39

pkgod 發表於 2011-7-28 20:11
早兩星期帶龜龜係獸醫診所做完手術後，每隔三日都要帶佢返去打針，
剛剛照樣帶佢去打，護士叫：到龜龜打針 ...

嘩..差好遠架啵..係米大x果邊果間?!~

作者: old100200300 時間: 2011-7-30 00:44
有冇咁都可以搞錯嘅可能???一隻水龜,一隻陸龜, 一隻200G, 一隻大過2KG, 又唔同龜種, 重量又差咁多,咁都可以搞錯??而家仲要唔認?? 我覺得你一定要去獸醫管理局投訴!!!!!!人嘅醫療事故, 一早上左報好耐!!!!同埋件事真係離譜得太緊要...................

你都可以寫信去蘋果日報, 佢地都成日有報導寵物嘅事!!希望龜龜冇大礙!!早日康復!!!

作者: boap 時間: 2011-7-30 02:18

pkgod 發表於 2011-7-29 11:57
我要搭成個鐘車先去到，因為見網友推介先特登咁遠都去。
而且我自己一陣要做手術，聽日都去唔到，所以約星 ...

希望你同隻龜都能同時早日康復
保重

作者: pkgod 時間: 2011-8-1 10:12
本帖最後由 pkgod 於 2011-8-1 10:16 編輯

不好意思,我星期5做完激光,而家先方便回貼 , zero_1 兄是獸醫?你的仗義相助小弟十分感激!!
我昨天已帶了龜龜去睇Dr Yu,如果再要幫助才找你,謝謝
Dr Yu 說如果中耳炎給他醫,他未必會用抗生素,開刀後龜龜多數都會慢慢好,不過打針都唔係錯..都係正常既做法..
至於份量有無打多...如果真係好擔心既..抽血驗可以知道腎既情況..
而家呢講都係多浸水,一日三次浸電解水..等佢多排尿..排出毒素或者體內既多餘藥物..
如果龜唔開口可以打皮下水...不過..我隻龜由打錯針個晚同第朝唔食野..到後日食返野..
應該都樂觀既...至於d排泄物由綠黑變紅黑..有可能係傷左腸胃..不過..傷腸胃易好過傷腎.
最緊要佢食得痾得...不過傷口都仲算腫...睇下過一排會唔會收返細再睇
我聽完佢講..我個心都定d..而家唔洗再打針住...都好既...等龜龜休息下先吧...
再次感謝各龜友關心,謝謝!!

作者: water 時間: 2011-8-1 10:28
願樓主龜龜快D康復~

作者: bbo204 時間: 2011-8-1 17:20

water 發表於 2011-8-1 10:28
願樓主龜龜快D康復~

歡迎光臨香港龜友論壇 (https://hkturtle.org/)