香港龜友論壇

標題: 水果的利與弊 [打印本頁]

作者: tonycha 時間: 2013-1-20 04:45
標題: 水果的利與弊
本帖最後由 tonycha 於 2013-1-20 13:23 編輯

在下餵左龜龜1年半水果, 以前隔日餵, 後來白天餵M糧,晚上餵水果.  現在就日日連糧和水果一起餵, 會令龜龜食欲大增.

我隻阿達好鍾意: 木瓜, 香蕉, 水晶梨, 芒果, 荔枝(夏天)

我查好多書, 問過好多人, 都話水果的果糖會引發素食性陸龜爆原蟲或肚疴.  但我試左1年半, 都冇爆過原蟲, 冇肚疴, D屎好正(可能同食M糧有關).

我發現食水果的好處如下: -

1. 陸龜好鍾意食水果, 而水果水份多, 多水入胃, 就好快刺激疴尿! 疴屎、排酸、排石.

2. 體內長期水份高, 更可防止隆背、起釘, 因為水合作用可以防止起釘.

3. 水果纖維高, 特別係香蕉!  香蕉又平, 龜又勁鍾意食, 我現在幾乎日日餵一條香蕉.

4. 水果有益生菌、菇草桿菌、及酶!  酶係消化系統的清潔劑, 酶更是保護內臟功能的要素!  最近十年科學家發現缺乏酶的人會引發消化系統疾病、糖尿病、肝病、膽病等等內臟功能疾病.  而木瓜、梨、蘋果等水果含勁多菇草桿菌, 菇草桿菌係制造酶的主要益菌!  好多人唔知道,韓國人整泡菜時(我成日整),最主要會放一個梨或蘋果入去,就係要靠梨或蘋果中的菇草桿菌制造酶,然後刺激發酵.

如有說錯, 請更正.

作者: Gary 時間: 2013-1-20 09:16
同意,,d龜超鍾意食生果^_^

作者: 三龍骨 時間: 2013-1-20 12:00
吃慣左水果会否偏食

作者: benlc 時間: 2013-1-20 13:04
樓主update 下你隻達，好想睇下近況

作者: skclan 時間: 2013-1-20 13:22
食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主張主食生果，糖份水份極之高，
唔適合就係唔適合，簡單一個例子貓狗唔可以食人野一樣
問題可能一時三刻未出現，時間會令對錯慢慢浮現，
可能樓主嘅餵法係可以引用於海島龜，用作高纖龜的話，
九條命都唔夠玩，個人意見。

作者: skclan 時間: 2013-1-20 13:27
仲有樣好重要，香蕉嚟講箱龜都唔可以日日食，
更何況對於陸龜，每個人養法都唔同，
但大家方向都是一樣，有人話m糧主食會隆背
我有朋友養左兩三年陸龜，不同品種從沒加鈣粉及任何鮮乾牧草，
只餵m糧兩三天一餐放養環境，龜龜身型同保齡球一樣...

作者: tonycha 時間: 2013-1-20 13:36

skclan 發表於 2013-1-20 13:22
食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主 ...

師兄講得好岩!  食左水果後一定會偏食!
因為陸龜勁鍾意食水果, 食水果後, 連平時好鍾意食的M糧都唔望一下.
但這反而更好, 我把香蕉同所有糧撈埋一起, 全部食晒!  (龜好鍾意香蕉味, 其實有D龜糧都有放香蕉味入去啦)

我現在餵一半水果, 一半M糧, 新紋未起過釘, 一切都好健康.  不過可能如師兄所講, 只適合海島龜及雜食性雨林龜吧.

作者: Gary 時間: 2013-1-20 22:02
水果其實可以間中食,,而車前草,,蒲公英,,大紅葉,,桑葉等應做主食,,M糧節糧則作為副助食品
以上只個人見解,,用錯請大家指點^_^

作者: Fatal_Paladin 時間: 2013-1-20 22:30
水果糧係非常好既開口糧, 對於有自閉、絕食及小食問題既龜好有用。

作者: alexwong2012 時間: 2013-1-20 22:31

Gary 發表於 2013-1-20 22:02
水果其實可以間中食,,而車前草,,蒲公英,,大紅葉,,桑葉等應做主食,,M糧節糧則作為副助食品
以上只個人見解,, ...

其實食得M糧多,啲生長紋會粗和好易起釘架!

作者: 啊橙 時間: 2013-1-20 22:44
本帖最後由啊橙於 2013-1-20 22:45 編輯

skclan 發表於 2013-1-20 13:22
食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主 ...

水果水份對豹既腸胃黎講係毒藥，除時柯爛屎，不吃為妙，
但對盾又冇乜大影響，佢狗屎垃圾都放入口，腸胃之壯健，
但高糖份會對佢個肝臟做成壓力，一個月一次就足夠了。
反而叢林龜如歐陸/紅黃腿反而冇影響，
佢地原生地本就有大量腐爛掉地既水果比佢地食，
而佢地對水份有高要求，得閒餵下都冇乜所謂。睇下自己個只係乜種類龜，自己執生。
「個人意見，僅作參考。」

作者: yuenyuen 時間: 2013-1-21 14:19
以下只是我個人既經驗, 不喜勿看.

有一年夏天我試過俾阿蘇食生果, 每星期1~2次, 士多啤梨, 蘋果, 橙, 香蕉, 木瓜, 梨.. 都有俾過. 每次分量係佢既頭既大細至倍半大細(例如半隻焦加皮, 兩個大士多啤梨, 1/4蘋果連皮, 兩介橙加白色衣..). 佢地勁鍾意食, 一聞到切生果就即刻走嚟. 之後仍然大食, D屎正(因食材係70%以上牧草), 冇肚疴.
但暑假未完就見D屎(仍然黑實)外層有黑色"汁"(屎水), 行路有時會有幾滴黑色屎水滴喺地下.
呢個唔係正常既表現, 停咗餵生果一星期仍舊有滴屎水. 惟有啲晒D走地龜去獸醫度杜蟲.
醫生話爆蟲, 仲係唔同龜爆唔同既原蟲. 食藥好返之後從此唔餵生果.

又有一年我試過俾另外D細龜食生果, 佢地唔多食, 只有一隻食咗2次咁大把就冇餵.
今次又係食量冇增減, D屎正, 冇肚疴, 冇屎水. 我都唔覺有問題.
但有日就係D屎度見到有好多肉眼見到既白色線蟲. 咁又要全部杜蟲啦.
杜蟲時每隻龜都有疴線蟲, 即係一起養既龜係會交义感染架.
今次細龜既反應快過大龜, 可能係因為大龜承受能力大D, 會遲D(成個月)先見到反效果.

我每次餵生果都中招. 得到教訓之後, 對於要食高纖食物既龜我係唔會餵生果.
對龜龜仁慈(自以為), 其實係對龜龜殘忍(佢地辛苦話唔到俾我知), 亦係對我既荷包殘忍(當俾罰款算喇).

歡迎光臨香港龜友論壇 (https://hkturtle.org/)